مشاهدة النسخة كاملة : ::::: على أد متمنيـــتكـــ ::::::


سيلفانو
09-09-2011, 02:57 PM
على اد متمنيتك وحلمت اكونلك يوم
ندمت انى حبيتك وفكرت اعيشلك يوم
ليه ردك يكون عليا جراح وعذاب وهموم
ولا انا علشان صدقتك تبعنى فليله ويوم

ده انا شوفت بيك الدنيا وعشت فاجمل لياليها
ولما انت ناوى تسيبنى ليه تحببنى فيها
ده قبلك كنت كارهها وكاره حتى غناويها
ليه تدوقنى حلاوتها ويطلع حبك مسموم


انا عشت قبلك طاير وكأنى عصفور
ولا عمرى ندمت فليله ولا كنت فيوم مكسور
ليه تيجى انت وتدبحنى وتدينى مالجرح بحور
ده انا ياما حلمت بيك وحلمت تكونلى فيوم


طبعك طبع الايام غدر وقسوة وخيانه
طبعك مليان بألام وكاسات ذل ومهانه
ليه غدرك بيا حرام ده انا قلبى فحبك عانا
مخرجتش من حبى ليك الا وضهرى مقسوم


يا ذل عمرى معيشته غير بس فحبى ليك
زى محببتنى فيك بردوا هكون ناسيك
ولا عمرى هفكر ارجع ولا ثانية هحن ليك
بس ربى يقدرنى ويقربلى ده اليوم


على اد متمنيتك وحلمت اكونلك يوم
ندمت انى حبيتك وفكرت اعيشلك يوم
ليه ردك يكون عليا جراح وعذاب وهموم
ولا انا علشان صدقتك تبعنى فليله ويوم


بـــقلمى ::::: نور

amalsayed
09-09-2011, 03:32 PM
بجد كلمات جميلة ومعبرة جدا كعادة مواضيع حضرتك شكرا جدا على الكلمات الرائعة

مـــــلك
09-09-2011, 03:49 PM
ملك اللهجة والإحساس




دمجت الوزن بالمقياس




لكي أسمع ترانيمك




وللمعنى أهز الراس




وأرفقها بإعجابي




لأنّك بالفعل نبراس

سيلفانو
09-09-2011, 07:34 PM
بجد كلمات جميلة ومعبرة جدا كعادة مواضيع حضرتك شكرا جدا على الكلمات الرائعة

ميس امل

ما جعل كلماتى جميلة هو مرورك عليها وقراءتها

دام تواصلك واحساسك بكلماتى البسيطة

سيلفانو
09-09-2011, 07:36 PM
ملك اللهجة والإحساس




دمجت الوزن بالمقياس




لكي أسمع ترانيمك




وللمعنى أهز الراس




وأرفقها بإعجابي




لأنّك بالفعل نبراس






كنارة

روعه مرورك دائما اكون فى انتظارها
لان داخل مرورك ردا جميلا خيرا من كلماتى نفسها

دمتى مبدعه حتى فى مرورك الكريم

moslimah
09-09-2011, 08:08 PM
ما شاء الله
كلمات جميلة جدا
واحساس مرهف

سيلفانو
10-09-2011, 01:34 AM
ما شاء الله
كلمات جميلة جدا
واحساس مرهف


مرورك هو الاجمل والاروع
دمتى بخير