السلام عليكم ورحمه الله وبركاته
انا طالبه مستجده بكليه طب بيطرى اسماعيليه
انا بفضل الله وبفضل كلامكم الجميل عن الكليه اقتنعت بيها تماما
وعسى ان تكرهوا شئ وهو خير لكم بس ممكن حد يقولى اى اخبار الدراسه فى الكليه واى افضل وظيفه مستقبليه ليها ؟ وفعلا موضوع انى اكمل دبلومه سنه واكون دكتوره تحاليل بشريه اتلغى ولا لسه؟ واى سلبيات ومميزات الشغل ف شركات الادويه؟ ومعلش اخر حاجه هل وظيفه مندوبه مبيعات محبذه ولا لاء للبنات ؟ يا ريت تفيدونى

اولا_بسم الله الرحمن الرحيم_.ثانيا اهلا بيكى يا دكتورة.انامع حضرتك فى طب بيطرى اسماعيلية.ثالثا تسمحيلى يادكتورة بعد اذن حضرتك اقولك حكاية صغننة (انا لما كنت فى الثانوية العامة كنت بذاكر كويس جدا الحمد لله وكنت دايما من الاوائل فى امتحانات كل المواد بفضل الله عز وجل وعند كل المدرسين سواء فى المدرسة او الدروس وكل المدرسين كانوا بيشكروا فيه الحمد لله وكانوا بيقلولى يا doctor و اهلى واصحابى كمان وكل المدرسين وخصوصا مدرس الاحياء كانوا بيقلولى لو انامدخلتش طب يبقى بجد حرام وممكن كمان يعملوا اعتصام طبعا حضرتك يادكتورة هتقليلى ان انا بشكر فى نفسى.لا والله بالعكس خالص انا بس بزعل لما حد يقولى ان اللى بيدخلوا كليتنا دى بيبقى مستواهم مش اد كده ومعظمهم بيبقى هيموت على صيدلة طبعا فى ناس كتير كده بس انا واحد من الناس كان هدفى طب من البداية وتمر الايام وتطلع نتيجة التنسيق ولما عرفت ان ربنا لم يكتبها لى وكتب لى كليةغيرها زعلت مش هتحضك على حضرتك يادكتورة واقولك مازعلتش وقعت اصلى وادعى ربنا وقلت العبارة المشهورة -عسى ان تكرهوا شيئا وهو خير لكم-طبعا عملت كل دة بس من جوايه زعل شديد لانى لم احقق ما كنت اتمناه وفى ليلة من الليالى وانا فى شدة الضيق صليت الفجر ودعيت ربنا انه يهدينى ويرشدنى ولما نمت واستغرقت فى النوم حلمت باحد المدرسين الى كان بيدينا فى الفصل وكان متدين جدا وبيحبنى اوى ودايما كان يقولى ياdoctor ولما سألنى عن كليتى وقلتلة انى دخلت كلية طب بيطرى قالى حجات غريبة جدا عن الكلية دى اول مرة اسمعهافقالى.......) معلش يا دكتورة انى طولت على حضرتك وارجو من حضرتك انك تقوليلى رأيك فى الموضوع وهل انا دمى تقيل على حضرتك ولالا.واوعد حضرتك انى هقول قالى ايه بالضبط والحوار اللى دار بينا وعلى فكرة الحوار ده ضم اجابات كتيرة على الاسئلة اللى بدور فى راس حضرتك. وانا بتأسف لحضرتك مرة تانية يا دكتورة لو كان دمى تقيل او ضايقت حضرتك

الحمد لله علي كل شيء بجد ده اكيد في خير لينا
وكمان طب بيطري مش وحشه وليها مجالات شغل كتير جدااااااااااا
انا فعلا كنت في البدايه نفسي في صيدليه بس
الحمد لله دلوقتي حبيت الكليه جدا واقتنعت بيها اووووووووووي
وبأذن الله يكون لنا مستقبل كويس فيها
انا كمان معاكم طب بيطري الاسماعيليه ان شاء الله

اهلا بيكى يادكتورة منورة المنتدى بجد.وشكل حضرتك كده هتكونى دكتورة ناجحة _بأذن الله_ على فكرة انا بعد الكلام اللى قاله ليه المدرس بتاعى (الى سبق واتكلمت عنه قبل كده)اقنعنى بهذه الكلية وبمستقبلها وان مستقبلها هيكون احسن من صيدلة اللى كنتى بتتمنيها يادكتورة ،ومش عايز حد من بتوع صيدلة يزعل مننا؛ لان دى مجرد وجهة نظر.وارجو من حضرتك يا دكتورة المشاركة باستمرار ؛لتنشيط ذلك القسم ولانى عندى افكار واراء واسئلة كتيرة عن هذة الكلية عايز اقولها لحضرتك.وارجو انى مكنش تقلت على حضرتك يا دكتورة