<< احنا مش هتنعرف على بعض السنة دى ولا ايه >> [الأرشيف]

مشاهدة النسخة كاملة : << احنا مش هتنعرف على بعض السنة دى ولا ايه >>

احمد فيزو

10-09-2011, 09:21 PM

http://www.air.flyingway.com/airlogo/pic/bism-assalm.gif

http://www.ashefaa.com/files/Photo/bluline.gif

انا طبعا والله جهاز الكمبيوتر بتاعى مطلع روح أ--- :p والحمد لله صلحتو مخصوص عشان ادخل المنتدى والله :) على العموم لازم طبعا زى كل سنة نتعرف على بعض :028ja7: اكيد كنا مبسوطين ان لينا اصحاب على النت فى سننا :lol: نتكلم معاهم فى الدراسة وجو الدراسة الخنيق دا ;) مين مخنوق زيى ان الدراسة هتبدأ ؟! :o عايزين بقى نبتدى جو خالتى اللتاتة من الوقتى :039uw8: أم هند الوقتى < المهم > انا عايز اتعرف على اللى انا متعرفتش عليهم قبل كدا :lol:واللى مش هيعرفنا بنفسو :stickjo4: بصوا بقى انا بلطجى ومش هقول اسمى :cool: اها بلطجى كوول ههه ...
<<يلا انا هبدأ>>

الاسم : احمد لبيب افضل دا اكيد

الفصل : اول ثانوى اكيد غير كدا :giljotiiniug3:

السن : 15 داخل فى الــ 16 فى شهر اكتوبر

نتيجتى فى تالتة : 291.5 من 300 وطلعت الاول على مدرستى

والله انا مش عارف اقول ايه اكتر من كدا ، انا بحب كرة القدم وبمارسها بس مش مداوم عليها اوى ومن الاخر انا اهلاوى وصميم ونفسى حد يعيب فى اهلى ااقصد الاهلى :rolleyes: وكمان انا طيب مبحبش العنف وكدا بس عندك قف ! :excl:
"ساعة الجد معرفش حد" بجد ساعة الجد بحب العنف وكل حاجة اتمنى اكيد ان يكون ليا اصدقاء اتكلم معاهم فى الدراسة وكدا ونسال بعض والنظام دا وده ايميلى
fezoman***********
fezoman*************
fezoman***********
ايه رايكو فى التشكيلة دى ممكن تبعتلى على اى واحد ولان الفيسبوك عندى فى مشكلة وممكن يكون عند الكل وانا معرفش فمبدئيا دا الاكونت بتاعى بس طبعا مش هعرف ادخلوا الا من كمبيوتر تانى
صفحتى على الفيس بوك (http://www.thanwya.com/vb/www.facebook.com/ahmed.labib95)

وبس كدا ولما افتكر حاجة اقولهالكم ابقى اقولهالكم ان شاء الله .. انا قايم الوقتى بقى اذاكر شوية فرنساوى .. مضطر والله يا جماعة

General Ahmed

11-09-2011, 12:40 AM

Amira Mamdouh

11-09-2011, 10:43 AM

الاسم : اميرة
السن:15
نتيجتى فى تالتة اعدادى : 295 وطلعت الرابعة للأسف :(

asmaa232

11-09-2011, 12:48 PM

ازيك يا احمد مالك داخل متأخر كدا فى ناس هنا سبقوك وعملوا جروب تانى بس يلا بقى اه اوعى تكون مش فاكرنى,,,,
انا جايبة زيك 291.5
بس طلعت الحداشر ههههههه

احمد فيزو

11-09-2011, 08:24 PM

قشطه يا ابو حميد
اكيد كلنا مخنوقين تييييت ان الدراسه داخله
ونتعرف يا سيدى ولا تزعل
انا بقى يا سيدى
احمد محمود
وعندى 15
وجبت فى تالته 294.5 بس مطلعتش الاول ولا حاجه اصل احنا عندنا دحيحه كتير :d

ولا يهمك يا حودة واهلا بيك يا كبير واكيد تتعوض المرة الجاية بس مقلتليش لهواياتك ولا اى موضوع من المواضيع لازم يعنى يكون فى حوار طويل بينا وابقى ضيفنى على الياهو وانا اكلمك fezoman دا ايميلى على الياهو وسلام كبير للدحيحة المحليين والدوليين # انا بقى دحيح :006et4: ضغنن :p وكمان اطمأن كان الجمعة اللى فاتت مظاهرة للمعلمين فى التحرير عشان المرتبات لو كملت المظاهرات يبقى الدراسة هاتتأجل شوية بس موضوع السفارة الاسرئلية والمظاهرات هناك سيطرت على وسائل الاعلام يوم الجمعة اللى فاتت ... أبشر !

الاسم : اميرة
السن:15
نتيجتى فى تالتة اعدادى : 295 وطلعت الرابعة للأسف :(

اهلا ميرو بردو احنا كدا ما اتعرفناش اووى ... وبالنسبة للرابعة ومتزعليش انهاردة الرابعة بكره الاول ان شاء الله بس العجيب انا كنت فاكر نفسى فى العلالى بس لما شوفت نتيجتك اكيد بقيت-_- خجلان جامد بس اكيد التعليم مستويات فى تعليم ممتاز وتعليم متوسط زى حالتنا كدا وانا اصلا اغلب اخطائى كانت سهو ... انسى كلمة او اعمل حاجة غلط بس دا نصيب بقى

ازيك يا احمد مالك داخل متأخر كدا فى ناس هنا سبقوك وعملوا جروب تانى بس يلا بقى اه اوعى تكون مش فاكرنى,,,,
انا جايبة زيك 291.5
بس طلعت الحداشر ههههههه

الحمد لله !
أسماء انا اعرفك من السنة الى قبل قبل قبل أأقصد السنة اللى قبل قبل ، هى سنة كنت بدخل المنتدى كتير ... بس كنتو انقطعتوا عن الجروب فمعتش بدخله ... :wacko:
والغريب قوى انك طلعه الحداشر ... انا طالع الاولاشر :rolleyes:

-------------------------

ها حد هنا يعرف يكلمنى فرنشاوى ...:slap1qk6:

safyahmed

11-09-2011, 09:32 PM

ازيكم يا جماعة
انا بقا
صافى ..... 15سنة ...... اولى ثانوى

مارسين

11-09-2011, 10:25 PM

السلام عليكم انا بقى مارسين
السن 15
جايبة 293.5 بس مش عارفة طالعة كام

سؤال
هو انتو بدأتو حصص؟واية المواد اللى خاتو فيها؟

x_islam2012

11-09-2011, 11:06 PM

انا اسلام عبدالظاهر سكر

15 سنة

مجموعى فى 3 اعدادى 291.5 وطالع التانى على المدرسة !!

General Ahmed

12-09-2011, 01:45 PM

[QUOTE=احمد فيزو;3953863][CENTER]

ولا يهمك يا حودة واهلا بيك يا كبير واكيد تتعوض المرة الجاية بس مقلتليش لهواياتك ولا اى موضوع من المواضيع لازم يعنى يكون فى حوار طويل بينا وابقى ضيفنى على الياهو وانا اكلمك fezoman دا ايميلى على الياهو وسلام كبير للدحيحة المحليين والدوليين # انا بقى دحيح :006et4: ضغنن :p وكمان اطمأن كان الجمعة اللى فاتت مظاهرة للمعلمين فى التحرير عشان المرتبات لو كملت المظاهرات يبقى الدراسة هاتتأجل شوية بس موضوع السفارة الاسرئلية والمظاهرات هناك سيطرت على وسائل الاعلام يوم الجمعة اللى فاتت ... أبشر !

عنيا يا سيدى:022yb4:
هواياتى لعب كوره او نتفرج على كوره نقعد على الكمبيوتر التليفزيون كده يعنى:friendsxs3:
و يارب المدرسين يكملوا اضرابهم :d

احمد فيزو

12-09-2011, 06:01 PM

ازيكم يا جماعة
انا بقا
صافى ..... 15سنة ...... اولى ثانوى

*اهلا بيك يا صافى اسمك جميل ... احنا تمام الحمد لله ...

السلام عليكم انا بقى مارسين
السن 15
جايبة 293.5 بس مش عارفة طالعة كام

سؤال
هو انتو بدأتو حصص؟واية المواد اللى خاتو فيها؟

*اسمك جميل بردو يا مارسين .. ايه الاسامى الغريبة دى !
*انا عن نفسى بدأت دروس عربى انجليزىرياضيات فرنساوى لسه مااعرفش انا هاخد فيزيا ولا كيميا
*خلاص بقى معدتش فارقة مراكز بقى ....

انا اسلام عبدالظاهر سكر

15 سنة

مجموعى فى 3 اعدادى 291.5 وطالع التانى على المدرسة !!

*هههه دا مجموع 291.5 دا طلع عالمى :p اهلا بيك يا اسلمكو .. :d

* محب الرسول *

12-09-2011, 09:34 PM

ميدو 16 297 الاول

safyahmed

12-09-2011, 09:37 PM

[quote=احمد فيزو;3956979]*اهلا بيك يا صافى اسمك جميل ... احنا تمام الحمد لله ...

ميرسى ليك :) .... اخبار المواد معاكم ..والدروس ايه ؟؟

x_islam2012

12-09-2011, 09:49 PM

..........

x_islam2012

12-09-2011, 09:51 PM

انا اسلام عبدالظاهر سكر

15 سنة

مجموعى فى 3 اعدادى 292.5 وطالع التانى على المدرسة !!

معلش مجموعى 292.5 مش 291.5

esraa ashraf 2013

13-09-2011, 12:36 AM

وانااا مخنوقة ع الاخر وماليش نفس ازاكر ولا اخد فكرة عن المنهج حتتتتتتتتتتى

االمهم
انا اسمى اســــــــــراء
15 سنه رايحة اولى ثانوى طبعا يعنى
وبلاش بقى اقول درجتى لحسن هفضح نفسى

لالالالالالالا انا بهزر انا مش زعلانه انى جبت الدرجة دى لان ده فعلا مجهوردى ولانى عارفه انى مكنتش بزاكر كويس فى الترم الاول وكمان غلطت غلطة كبيرة مش لازم اقولها ..وبحمد ربنا كل يوم ع الدرجة دى

انا جبت 281 (الحمد لله على كل شىء )

وربنا يوفقنا كلنااااااااا فى المرحلة الرخمة دى

انا بقى بحب اللغات اوى وبحب كمان الرياضيات جدااااااااا
ونفسى ادخل كلية الهندسه قسم معمارى
ادعووولى وربنا يوفقكوا وتدخلو اللى انتوا عايزينه

سلالالام

safyahmed

13-09-2011, 12:46 AM

~Mo7aMed~

13-09-2011, 06:00 PM

اهلا بيكو كلكو

وانا زيكو مخنوق من المدارس

بس هنعمل ايه بقي قدرنا

انا اسمي محمد 16 سنه

مجموعي كان 291.5 (زيك هههه) وطلعت التاني

ولسا مبتدش اي دروس هبتدي يوم السبت الجاي اهو درس الماني

thx ahmed

احمد فيزو

13-09-2011, 08:51 PM

ميدو 16 297 الاول

[quote=احمد فيزو;3956979]*اهلا بيك يا صافى اسمك جميل ... احنا تمام الحمد لله ...

ميرسى ليك :) .... اخبار المواد معاكم ..والدروس ايه ؟؟

والله الحمد لله تمام ماشى الحال وانا بدات رياضيات وعربى وفرنساوى وانجلش ولسه بقا الفيزيا او الكيما مش عارف لما ابدأ السبت ان شاء الله ، انتى بدأتى الدروس ولا ايه النظام عندكم ؟!

معلش مجموعى 292.5 مش 291.5

ولا يهمك يا كبير الف مليون مبروك

Congratulations

انا كاتبها صح ولا غلط

وانااا مخنوقة ع الاخر وماليش نفس ازاكر ولا اخد فكرة عن المنهج حتتتتتتتتتتى

االمهم
انا اسمى اســــــــــراء
15 سنه رايحة اولى ثانوى طبعا يعنى
وبلاش بقى اقول درجتى لحسن هفضح نفسى

لالالالالالالا انا بهزر انا مش زعلانه انى جبت الدرجة دى لان ده فعلا مجهوردى ولانى عارفه انى مكنتش بزاكر كويس فى الترم الاول وكمان غلطت غلطة كبيرة مش لازم اقولها ..وبحمد ربنا كل يوم ع الدرجة دى

انا جبت 281 (الحمد لله على كل شىء )

وربنا يوفقنا كلنااااااااا فى المرحلة الرخمة دى

انا بقى بحب اللغات اوى وبحب كمان الرياضيات جدااااااااا
ونفسى ادخل كلية الهندسه قسم معمارى
ادعووولى وربنا يوفقكوا وتدخلو اللى انتوا عايزينه

سلالالام

لألألألأ والف لأ يا اسراء
.
.
.
.
.
.
ماتقوليش رخمة وحاولى تذاكرى وحاولى تحبى المرحلة دى انتى لما تدخلى فى الوضع هتستوعبيه حافظى على صلواتى واعملى الصح وان شاء الله ربنا معانا فى المرحلة دى والخوف دا عادى لاننا لسه داخلينها جديد وانا كنت زيك لما بدأت دروس وكنت زعلان ومخنوق بس دخلت فى الجو وكمان البنات اللى بيجوا الدرس معايا بيفتحوا النفس :)
ههههه ... وبقى عادى وان شاء الله لما ادخل الثانوية تبقى عادى بردو ان شاء الله

اهلا بيكو كلكو

وانا زيكو مخنوق من المدارس

بس هنعمل ايه بقي قدرنا

انا اسمي محمد 16 سنه

مجموعي كان 291.5 (زيك هههه) وطلعت التاني

ولسا مبتدش اي دروس هبتدي يوم السبت الجاي اهو درس الماني

thx ahmed

اهلا بيك يا محمد حبيت فيك " بس نعمل ايه دا قدرنا " والله قدرنا وحظك انك لسه هتبتدى الدروس حظك :rolleyes: على العموم ربنا يوفقك ولما تاخد المانى ابقى قولنا شكله عامل ازاى .... ماشى ! انا داخل فرنساوى
انتا بقى ان شاء الله كدا منين ؟!

احمد فيزو

13-09-2011, 08:58 PM

بسم الله الرحمن الرحيم
-----------------------------------

السلام عليكم ورحمة الله وبركاته من جديد يا جماعة احنا
عايزين نستفيد من قعدتنا على النت ياريت بقا نبدأ
نسال بعض اسئلة بقا وكمان احنا خلاص قربنا
وندخل المدارس فنبدأ اسئلة ولا ايه النظام
ولا انتو رايكم ايه بالظبط ؟!

:friendsxs3::friendsxs3::friendsxs3::friendsxs3:

احمد فيزو

13-09-2011, 09:04 PM

بصوا بقا يا جماعة " اسمعوا و عوا "انا جهاز
للاسئلة وسخن اووى بس انتوانوا بس
عندكم اربع مواد الوقتى اسئلة نار

ايه سيد

13-09-2011, 09:31 PM

السلام عليكم
ازيكم عاملين اييه
انا آيــــــــــــه سيد
عندى 15 سنه وباذن الله رايحه اولى ثانوى

safyahmed

13-09-2011, 10:35 PM

والله الحمد لله تمام ماشى الحال وانا بدات رياضيات وعربى وفرنساوى وانجلش ولسه بقا الفيزيا او الكيما مش عارف لما ابدأ السبت ان شاء الله ، انتى بدأتى الدروس ولا ايه النظام عندكم ؟!

اه انا بدات درس رياضة وفرنساوى والانجليزى هبدأه الاسبوع الجاى ..وكمان الكميا اصل انا خلاص عرفت انى ف الترم الاول هاخد الكميا ..بس وربنا يوفقنا كلنا

eng.emy ahmed

13-09-2011, 11:06 PM

انا ايمان وجبت للاسف 293 ;););) و الحمد لله العاشرة على المدرسة :d

والاكيد انى مخنوقة من اولى ثانوى اوى ربنا يستر ويوفقنا جميعا

Black..Dove

13-09-2011, 11:24 PM

أنا بردو جبت 291.5 يا سبحان الله
وطلعت التالته للأسف
ربنا يعوضنا ف الثانوى ان شاء الله

Dr.Noha Sami

14-09-2011, 05:41 PM

الاسم : صفا
المجموع :294.5

doryy

14-09-2011, 07:48 PM

هاااى يا جمااعه :) ازيكم ؟ يارب تكونوا كويسين

انا امنيه 15 سنه هكمل ان شاء الله 16 فى شهر 2 الجااى

مجموعى فى تالته 293 وطلعت الاوله ع المدرسه

ايه اخبار الدروس معاكم ؟؟

احمد فيزو

14-09-2011, 09:06 PM

السلام عليكم
ازيكم عاملين اييه
انا آيــــــــــــه سيد
عندى 15 سنه وباذن الله رايحه اولى ثانوى

وعليكم السلام احنا الحمد لله تمام - واهلا بيك منين يا اية

والله الحمد لله تمام ماشى الحال وانا بدات رياضيات وعربى وفرنساوى وانجلش ولسه بقا الفيزيا او الكيما مش عارف لما ابدأ السبت ان شاء الله ، انتى بدأتى الدروس ولا ايه النظام عندكم ؟!

اه انا بدات درس رياضة وفرنساوى والانجليزى هبدأه الاسبوع الجاى ..وكمان الكميا اصل انا خلاص عرفت انى ف الترم الاول هاخد الكميا ..بس وربنا يوفقنا كلنا

اللهم امين يارب يوفقك ويوفقنا والانجليزى اهم حاجة كان لازم تبتديه من زمانوز وايه رايك نبدأ اسئلة ولا ايه !
صحيح انتى منين يا صافى

انا ايمان وجبت للاسف 293 ;););) و الحمد لله العاشرة على المدرسة :d

والاكيد انى مخنوقة من اولى ثانوى اوى ربنا يستر ويوفقنا جميعا

وللاسف ليه مجموعك جميل اووى عسول :d وربنا يستر ويوفقنا كلنا ونفسى حد يقولى انا متفائل وفرحان منين يا ايمان بردو ؟

أنا بردو جبت 291.5 يا سبحان الله
وطلعت التالته للأسف
ربنا يعوضنا ف الثانوى ان شاء الله

الف مبروك ! يارب تتعوض فى اولى ثانوى وتفائل خيرا ... / منين ؟

الاسم : صفا
المجموع :294.5

اهلا بيكى يا صفا والف مبروك ياريت تعرفينا انتى منين ؟!

-------------------------------------------

كل واحـــــــــ يقولنا هو منين ــــــــــد

hadeer95

14-09-2011, 09:08 PM

هااااااااى
انا اسمى هدير عندى 16 سنة
مجموعى فى تالتة 287
رايحة اوى ثانوى
وبدأت دروس بس هى مش دروس يعنى هو سنتر والحمد لله ماشية

احمد فيزو

14-09-2011, 09:22 PM

هاااى يا جمااعه :) ازيكم ؟ يارب تكونوا كويسين

انا امنيه 15 سنه هكمل ان شاء الله 16 فى شهر 2 الجااى

مجموعى فى تالته 293 وطلعت الاوله ع المدرسه

ايه اخبار الدروس معاكم ؟؟

اهلا بيك يا (مونى اسم حلو مونى دا) احنا الحمد لله
والف مبروك المركز الاول

http://t3.gstatic.com/images?q=tbn:ANd9GcQJRS8k0kb1Arej6YOjafr5rM2DdAEmj u4lURmEChGvl2CY7SlJq-3vE7Yo
الدروس تمام اخبار الدروس معاكى انتى ايه ؟!

احمد فيزو

14-09-2011, 09:26 PM

هااااااااى
انا اسمى هدير عندى 16 سنة
مجموعى فى تالتة 287
رايحة اوى ثانوى
وبدأت دروس بس هى مش دروس يعنى هو سنتر والحمد لله ماشية

اهلا بيكى يا هدير ... يعنى ايه سنتر انا مش فاهم والله لو وضحتيلى يبقى كسبتى فيا ثواب
وبالتوفيق يا هدير .. انتى منين ؟!

ايه سيد

14-09-2011, 11:32 PM

انا من حببتى اســــــــــــــــــــــــــــــــــوان
وجبت مجموع وحش ..بس باذن الله هعوضه فى الثانوى باذن الله
مجموعى 290

esraa ashraf 2013

14-09-2011, 11:52 PM

هاى اسراء ازيك انا صافى
كلنا زهقانين والله ...بس خلاص اهى المدارس هتفتح وربنا معانا ويوفقنا كلنا ...انتى بداتى دروس ولا لسه

ازيك يا صافى انا طبعا طبعا مبدأتش عشان مش عايزة اقرف نفسى من بدرى
هبدأ لما الدراسة تبدأ

[QUOTE=احمد فيزو;3960723][QUOTE=safyahmed;3957637]

والله الحمد لله تمام ماشى الحال وانا بدات رياضيات وعربى وفرنساوى وانجلش ولسه بقا الفيزيا او

لألألألأ والف لأ يا اسراء
.
.
.
.
.
.
ماتقوليش رخمة وحاولى تذاكرى وحاولى تحبى المرحلة دى انتى لما تدخلى فى الوضع هتستوعبيه حافظى على صلواتى واعملى الصح وان شاء الله ربنا معانا فى المرحلة دى والخوف دا عادى لاننا لسه داخلينها جديد وانا كنت زيك لما بدأت دروس وكنت زعلان ومخنوق بس دخلت فى الجو وكمان البنات اللى بيجوا الدرس معايا بيفتحوا النفس :)
ههههه ... وبقى عادى وان شاء الله لما ادخل الثانوية تبقى عادى بردو ان شاء الله

اوك ...شكرا لنصايييييحك منا هبقى تمام فعلا لما ادخل فى الجو
ههههههههههه وحلوة البنات اللى بيفتحو النفس دول هههههههههه :):)

esraa ashraf 2013

14-09-2011, 11:54 PM

اهلا بيكى يا هدير ... يعنى ايه سنتر انا مش فاهم والله لو وضحتيلى يبقى كسبتى فيا ثواب
وبالتوفيق يا هدير .. انتى منين ؟!

يعنى مركز يا ااستاذ

مكان بياخدو فى الدرووس ..

safyahmed

15-09-2011, 12:29 AM

اللهم امين يارب يوفقك ويوفقنا والانجليزى اهم حاجة كان لازم تبتديه من زمانوز وايه رايك نبدأ اسئلة ولا ايه !
صحيح انتى منين يا صافى

ياريت نبدا اسئلة ..انا من قنـــا

احمد فيزو

15-09-2011, 02:49 PM

انا من حببتى اســــــــــــــــــــــــــــــــــوان
وجبت مجموع وحش ..بس باذن الله هعوضه فى الثانوى باذن الله
مجموعى 290

اهلا بيكى وبكل اهل اسوان ... :022yb4: و(290) مش وحشة بس من كلامك حاسس ان مركزك مش دا وربنا يعوض بقاا :rolleyes:

ازيك يا صافى انا طبعا طبعا مبدأتش عشان مش عايزة اقرف نفسى من بدرى
هبدأ لما الدراسة تبدأ

[QUOTE=احمد فيزو;3960723][QUOTE=safyahmed;3957637]

والله الحمد لله تمام ماشى الحال وانا بدات رياضيات وعربى وفرنساوى وانجلش ولسه بقا الفيزيا او

لألألألأ والف لأ يا اسراء
.
.
.
.
.
.
ماتقوليش رخمة وحاولى تذاكرى وحاولى تحبى المرحلة دى انتى لما تدخلى فى الوضع هتستوعبيه حافظى على صلواتى واعملى الصح وان شاء الله ربنا معانا فى المرحلة دى والخوف دا عادى لاننا لسه داخلينها جديد وانا كنت زيك لما بدأت دروس وكنت زعلان ومخنوق بس دخلت فى الجو وكمان البنات اللى بيجوا الدرس معايا بيفتحوا النفس :)
ههههه ... وبقى عادى وان شاء الله لما ادخل الثانوية تبقى عادى بردو ان شاء الله

اوك ...شكرا لنصايييييحك منا هبقى تمام فعلا لما ادخل فى الجو
ههههههههههه وحلوة البنات اللى بيفتحو النفس دول هههههههههه :):)

لا شكر على واجب خلاص احنا بقينا اهل يا ستى :p هو مش بالظبط فى ينات كتير بتقفل النفس بردو ..

يعنى مركز يا ااستاذ

مكان بياخدو فى الدرووس ..

شكرا على التوضيح يا استاذة دا انتو فاهمين مفهوم الدرس غلط خالص

اللهم امين يارب يوفقك ويوفقنا والانجليزى اهم حاجة كان لازم تبتديه من زمانوز وايه رايك نبدأ اسئلة ولا ايه !
صحيح انتى منين يا صافى

ياريت نبدا اسئلة ..انا من قنـــا

اجدع ناس اهل قنا ... وان شاء الله هنبدأ

zoksh2010

15-09-2011, 03:17 PM

zoksh2010

15-09-2011, 03:20 PM

وبدات

عربي وانجلش وفرنساوي ورياضه من شهرين

حسبنا الله ونعم الوكيل اهئ

زعلان ان المدارس بعد بكرا
اهئ اهوء اهاء

وكيميا بداتها السبوع اللي فات

hadeer95

15-09-2011, 09:34 PM

اهلا بيكى يا هدير ... يعنى ايه سنتر انا مش فاهم والله لو وضحتيلى يبقى كسبتى فيا ثواب
وبالتوفيق يا هدير .. انتى منين ؟!

انا من القاهرة وسنتر يعنى مركز هى هى نفس فكرة الدرس بس فى قاعة والعدد بيبقى اكبر والمصاريف بتبقى رخيصة وال7 مواد كل يوم فى السنتر بنفس المواعيد وكل سنتر على حسب المدرسين الكويسين اللى جايبه

هو عموما السنتر اصلا بيبقى حلو فى السنين اللى مش شهادات انما الشهاده لازم الواحد ياخد درس خصوصى

بس انا ناوية اخد عالاقل مادتين يعنى مثلا ايطالى ورياضيات المواد المهمة

hadeer95

15-09-2011, 09:40 PM

وفكرة التوبيك حلوة اوى:) وفرصة سعيده انى اتعرفت عليكوا وبالتوفيق للجميع وكل واحد يدخل الكليه اللى نفسه فيها

انا هواياتى بحب التصوير الفوتوغرافى جدا

ولسه مبتدئة فوتوشوب يعنى على قدى كده

وبدأت دورة الicdl بس مش هقدر اكملها عشان الدراسة
وعندى منتدى ليا

وكل اهتماماتى بمتابعة كل حاجة جديدة

وانشاء الله تجارة انجلش <<يارب>>:rolleyes:

ادعولى بقا

سلااام

zoksh2010

15-09-2011, 10:25 PM

hadeer95

15-09-2011, 11:57 PM

تشرفنا بيكي

يارب تدخلي الكليه اللي بتحلمي بيها

اي استفسار فالفوتو معاكو

ميرسى يازوكش ده من ذوئك

maged33

16-09-2011, 10:32 AM

أنا اسمى ماجد محمد عبدالله
و مجموعى للأسف 289
و طلعت التاسع لأن عندنا دحيحة كتيييييييييييييييييييير أوى أوى
أنا عندى 15 سنة و داخل فى 16 فى شهر واحد

Ahmed Alaa Elwakil

17-09-2011, 12:21 AM

زيكوا يا شباب ويا بنات عاملين ايه
انا أحمد علاء الوكيل
15 سنة
جايب في تالتة 290 من 300 والحمد لله الخامس وقدامي 4 بنات (( بزمتكموا مش حاجة تكسف )) بس مش مشكلة بس انتوا بسم الله ما شاء الله ده احنا الاولي عندنا جايبة 293
ناوي علي علمي علوم (( إن شاء المولي )) وانا واخد ألماني
MY Facebook Page
(http://www.facebook.com/A7med3alla2)
My twitter Page (https://twitter.com/#!/AhmedElWakil)

وعلي فكرة ياريت اللي عنده اكونت يضيفي علي ( الفيس او التويتر ) او انا اضيفه عشان انا بحب يكون لي اصحاب في نفس المرحلة العمرية

وعلي انا شاطر جدا (( ده مش غرور والله رغم مجموعي الوحش بس الحمد لله انا مستوي كويس )) يعني ايام المدرسة اللي معاه حاجة صعبة يوريني و انا كمان هعمل كده معكم بس لما تضيفوني او اضيفكم

esraa ashraf 2013

17-09-2011, 02:22 AM

انا من القاهرة وسنتر يعنى مركز هى هى نفس فكرة الدرس بس فى قاعة والعدد بيبقى اكبر والمصاريف بتبقى رخيصة وال7 مواد كل يوم فى السنتر بنفس المواعيد وكل سنتر على حسب المدرسين الكويسين اللى جايبه

هو عموما السنتر اصلا بيبقى حلو فى السنين اللى مش شهادات انما الشهاده لازم الواحد ياخد درس خصوصى

بس انا ناوية اخد عالاقل مادتين يعنى مثلا ايطالى ورياضيات المواد المهمة[/

QUOTE]

ازيك يا هدير منورة انا كمان من القاهره يا ترى انتى منين منها ؟؟

[QUOTE=Ahmed Alaa Elwakil;3972313]زيكوا يا شباب ويا بنات عاملين ايه
انا أحمد علاء الوكيل
15 سنة
جايب في تالتة 290 من 300 والحمد لله الخامس وقدامي 4 بنات (( بزمتكموا مش حاجة تكسف )) بس مش مشكلة بس انتوا بسم الله ما شاء الله ده احنا الاولي عندنا جايبة 293
ناوي علي علمي علوم (( إن شاء المولي )) وانا واخد ألماني
MY Facebook Page
(http://www.facebook.com/A7med3alla2)
My twitter Page (https://twitter.com/#%21/AhmedElWakil)

وعلي فكرة ياريت اللي عنده اكونت يضيفي علي ( الفيس او التويتر ) او انا اضيفه عشان انا بحب يكون لي اصحاب في نفس المرحلة العمرية

وعلي انا شاطر جدا (( ده مش غرور والله رغم مجموعي الوحش بس الحمد لله انا مستوي كويس )) يعني ايام المدرسة اللي معاه حاجة صعبة يوريني و انا كمان هعمل كده معكم بس لما تضيفوني او اضيفكم

اهلا يا احمد ومجموعك ما شاء الله حلو
اذا كان انا جايبه 281 وبقول على نفسى متفوقة ههههههههههههههههه (بهزر طبعا)
بس ياريت تغير طالب بالصف الثالث الاعدادى علشان لما بشوف الجمله دى بتخنننننننننق
وعلى فكرة انا بنت واسمى اسراء

~Mo7aMed~

17-09-2011, 06:14 PM

انا لسا بادئ دروس امبارح

بدات رياضه وكويسه انا بحب الرياضه

وخدت الماني باين عليه سهل اوي غير الفرنساوي خالص اللي محبتهوش من اول مشفته

ربنا معاكم ونخلص من السنه ديه علي خير

احمد فيزو

18-09-2011, 08:21 PM

نايس توبيك

اعرفكو بنفسي

اسمي زوكش دا اسم الشهره او الدلع مش هتفرق

الحقيقي احمد

سني رايح اولي ثانوي قربت ع 16 زيك كدا

هواياتي

انا بعشق النت والتكنولوجي جدا
ومن هواه البرامج والحمد لله مشرف اقسام البرامج فاكبر المنتديات العربيه

بحب الفوتوشوب ومحترف فيه

ليا شغل عالنت فوركس واستثمار و ptc وكدا

انا جبت مجموع 294

زباله صح ؟

اما فالحقيقه بحب الكوره جدا وكدا

اهلا بيك يا زوكش شكلها كدا هيبقا فى شغل جامد بينا ... انا بردو بحب النت وبحب

الفوتوشوب جدا وشغال عليه من زمانووز وديما كان ابن عمى مهندش كمبيوتر يقولى شغل

جامد فى الفوتوشوب وكل حاجة بعملها كان ديما يبقى تقيمها عالى " بس مش هقول على

نفسى محترف ممكن نقول متوسط " اما بقى شغل الفوركس والربح من على النت حاسس انو

مش امان وياريت تبقى تضيفنى عشان زى ماقولتلك هيبقى فيه شغل جامد بينا

وبدات

عربي وانجلش وفرنساوي ورياضه من شهرين

حسبنا الله ونعم الوكيل اهئ

زعلان ان المدارس بعد بكرا
اهئ اهوء اهاء

وكيميا بداتها السبوع اللي فات

انهاردة اول يوم مدارس وكان الجو جامد وماخدناش حاجة هيصنا وزيطنا وزمنا جايين فى السكة :d

انا من القاهرة وسنتر يعنى مركز هى هى نفس فكرة الدرس بس فى قاعة والعدد بيبقى اكبر والمصاريف بتبقى رخيصة وال7 مواد كل يوم فى السنتر بنفس المواعيد وكل سنتر على حسب المدرسين الكويسين اللى جايبه

هو عموما السنتر اصلا بيبقى حلو فى السنين اللى مش شهادات انما الشهاده لازم الواحد ياخد درس خصوصى

بس انا ناوية اخد عالاقل مادتين يعنى مثلا ايطالى ورياضيات المواد المهمة

شكرا يا هدير على التوضيح وان شاء الله انا احتمال ماخدش تاريخ ولا جغرافيا ولا الكلام دا المواد الاساسية والصعبة بــس

وفكرة التوبيك حلوة اوى:) وفرصة سعيده انى اتعرفت عليكوا وبالتوفيق للجميع وكل واحد يدخل الكليه اللى نفسه فيها

انا هواياتى بحب التصوير الفوتوغرافى جدا

ولسه مبتدئة فوتوشوب يعنى على قدى كده

وبدأت دورة الicdl بس مش هقدر اكملها عشان الدراسة
وعندى منتدى ليا

وكل اهتماماتى بمتابعة كل حاجة جديدة

وانشاء الله تجارة انجلش <<يارب>>:rolleyes:

ادعولى بقا

سلااام

يارب كلنا بنقول يارب كل واحد يروح الكلية اللى هو عايزها ان شاء الله انا بردو بحب

التصوير بس كان معايا موبايل غيرته عشان الكاميرا كان حلوة بس مش اوى وجبت واحد

تانى اكبر منه شوية وبردو نفس الحكاية بس شغاااال وانا احتمال ابقى آخد icdl اروح

امتحن علطول عشان آخد الشهادة وكدا وهى سهلة جداا ومش محتاجة شرح والكلام دا

والمذكرات بتاعتها عندى وكدا لما ابقى الاقى نفسى فاضى ممكن افكر اخدها لان السنين

الجاية هتبقى ليها فايدة جدا

تشرفنا بيكي

يارب تدخلي الكليه اللي بتحلمي بيها

اي استفسار فالفوتو معاكو

واى استفسار فى الفوتوشوب او اى برامج تصميم انا وزوكش موجودين :)

أنا اسمى ماجد محمد عبدالله
و مجموعى للأسف 289
و طلعت التاسع لأن عندنا دحيحة كتيييييييييييييييييييير أوى أوى
أنا عندى 15 سنة و داخل فى 16 فى شهر واحد

اهلا بيك يا ميجو انتا ابو زبيبة ام عنتر انا عرفت ان اسمها " تانا بنت ميجو الحبشية " عصر الجاهلية كان روش اوووى
هههههه

زيكوا يا شباب ويا بنات عاملين ايه
انا أحمد علاء الوكيل
15 سنة
جايب في تالتة 290 من 300 والحمد لله الخامس وقدامي 4 بنات (( بزمتكموا مش حاجة تكسف )) بس مش مشكلة بس انتوا بسم الله ما شاء الله ده احنا الاولي عندنا جايبة 293
ناوي علي علمي علوم (( إن شاء المولي )) وانا واخد ألماني
MY Facebook Page
(http://www.facebook.com/A7med3alla2)
My twitter Page (https://twitter.com/#%21/AhmedElWakil)

وعلي فكرة ياريت اللي عنده اكونت يضيفي علي ( الفيس او التويتر ) او انا اضيفه عشان انا بحب يكون لي اصحاب في نفس المرحلة العمرية

وعلي انا شاطر جدا (( ده مش غرور والله رغم مجموعي الوحش بس الحمد لله انا مستوي كويس )) يعني ايام المدرسة اللي معاه حاجة صعبة يوريني و انا كمان هعمل كده معكم بس لما تضيفوني او اضيفكم

هى بصراحة حاجة تكسف فى اولى وتانية اعدادى انا كنت التانى والاول ولد زيى والبنات بعدينها احنا بقا السنة دى اكتسحناهم والخمسة الاوائل صبيان واتكرمنا وشغل جامد
انا بعتلك طلب الصداقة على الفيس بوك ودى صفحتى على الفيس بوك

" Ahmed Labib "
(http://www.thanwya.com/vb/www.facebook.com/ahmed.labib95)

انا لسا بادئ دروس امبارح

بدات رياضه وكويسه انا بحب الرياضه

وخدت الماني باين عليه سهل اوي غير الفرنساوي خالص اللي محبتهوش من اول مشفته

ربنا معاكم ونخلص من السنه ديه علي خير

بالتوفيق يا حودة ادعيلى والنبى ممكن ربنا يستجيب دعائك