معلشوا كنت عايزة اسالكوا شوية اسأله [الأرشيف] - بوابة الثانوية العامة المصرية

مشاهدة النسخة كاملة : معلشوا كنت عايزة اسالكوا شوية اسأله

amirahosni

10-09-2011, 11:23 PM

السلام عليكم ورحمة الله وبركاته
معلشوا كنت عايزة اسالكوا شوية اسأله ويا رب ما ازعجكوا :blush:
بصوا انا ازهر وداخلة 3 ثانوي باذن الله علمي
فكنت عايزة اعرف الاول ازاي انظم وقتي ووقت المذاكرة :(
طبعا احنا عندنا 17 ماده ( فيزياء _ رياضة ( الاستاتيكا _ التفاضل _ الجبر تقريبا نسيت والله )
_ كيمياء _ احياء_ e _ توحيد _ تفسير _ ميراث _ فقه _ بلاغة _ نحو _ نصوص _ قران ( المفروض المصحف كله هنمتحن فيه ) _ ادب _حديث _نحو _ صرف )
بالدروس طبعا بيتقسموا ل 7 دروس بس ( فيزياء _ كيمياء _ احياء _ رياضة _ شرعي _ عربي _انجليزي ) :bosyht9:
الفيزياء يوم السبت الساعة 9 الصبح وبقوم الساعة 7 علشان المكان بعيد ( يوم واحد في الاسبوع واحنا عندنا من اول التيار الكهربي مش من اول الكتاب )
الرياضة يوم الاحد والاربعاء من الساعة 10 صباحا لحد 11 ( التلات كتب علينا كاملين )
باقي المواد لسه ما اتحددت مواعيدها
في جدول ممكن امشي عليه وكده يعني انظم وقتي ازاي علشان انا اصلا كنت بذاكر في السنين اللي فاتت ليله الامتحان وعمري ما اهتمت بالتفوق ممكن حد مثلي يدخل كلية ( طب ) ولا ده درب من المستحيل ؟؟؟ انا عمري ما جبت درجة نهائية في حياتي ابدا غير في اول ابتدائي ممكن اجبها تاني ولا ؟؟؟
وايه النصايح اللي تنصحوني بيها ربنا يكرمكوا بس يا ريت متنسوش اني مكنتش بفتح كتاب الا ايام الامتحانات ( يعني مش متعودة )
وحاجة اخيرة في الازهر عندنا المجموع بتاع الكلية في تالتة ثانوي بس مفيش في تانية مجموع
وربنا يجزيكم كل خير يا رب ويحقق امانيكم :cool:
ويا ريت متتاخروش عليا [/QUOTE]

miss_egypt

11-09-2011, 12:00 AM

17 مادة..........يا نهار.....!!!!!:o:o:o

بصي يا قمر...انا لسه داخلة تانية...بس مش ازهر:bosyht9:
انا كمان زيك مكنتش بذاكر خالص السنين اللي فاتت بس انا عارفة ان شاء الله وواثقة اني هاجيب درجات كويسه باذن الله
لاني عارفة كويس انا عايزة ايه وعايزة مستقبلي ازاي ومحددة هدفي من الأول و ان حياتي كلها ومستقبلي مبني ع السنتين دول

طالما انتي محددة هدفك بس بجد حاطاه قدام عينك وعارفه انتي ايه المطلوب منك عشان توصليله يبقى ان شاء الله هاتوصلي:028ja7:
ومتسمعيش كلام اي حد ممكن يقولك يا بنتي ده مستحيل طالما انتي مش متعوده ع المذاكرة الكتير يبقى مش هاتقدري

المهم ان انتي تبقي مصدقة الكلام ده من جواكي
انما حتى لو قعدتي تزاكري ليل ونهار بس من جواكي بتقولي انا عمري ما جبت درجة نهائية ومستحيل ادخل طب
يبقى هو ده اللي هايحصل:(
صدقي انك طالما عايزة حاجة بجد هاتوصليلها...ومتخليش حد ابدا يخليكي تشكي في نفسك

وطالما مجموع تالته بس يبقى هاتلحقي ان شاء الله

انا مش هاعرف اقولك جدول بصراحة...لاني مش عامله جدول لنفسي اصلا...ومش بحب امشي ع جداول;)

المهم
انا طولت اوووووووووووووووي كده ع فكرة:d...بس يا رب تكوني فهمتي كلامي كويس
وربنا يوفقك يا رب

amirahosni

11-09-2011, 01:37 AM

17 مادة..........يا نهار.....!!!!!:o:o:o

ههههههههههه شوفتي الله يكون في عونا
بصي يا قمر...انا لسه داخلة تانية...بس مش ازهر:bosyht9:
يلا يا قمر شدي حيلك انا عايزة دكتورة او مهندسة مش هقبل اقل من كده :cool:
انا كمان زيك مكنتش بذاكر خالص السنين اللي فاتت بس انا عارفة ان شاء الله وواثقة اني هاجيب درجات كويسه باذن الله
لاني عارفة كويس انا عايزة ايه وعايزة مستقبلي ازاي ومحددة هدفي من الأول و ان حياتي كلها ومستقبلي مبني ع السنتين دول
فعلا
طالما انتي محددة هدفك بس بجد حاطاه قدام عينك وعارفه انتي ايه المطلوب منك عشان توصليله يبقى ان شاء الله هاتوصلي:028ja7:
ومتسمعيش كلام اي حد ممكن يقولك يا بنتي ده مستحيل طالما انتي مش متعوده ع المذاكرة الكتير يبقى مش هاتقدري

المهم ان انتي تبقي مصدقة الكلام ده من جواكي
انما حتى لو قعدتي تزاكري ليل ونهار بس من جواكي بتقولي انا عمري ما جبت درجة نهائية ومستحيل ادخل طب
يبقى هو ده اللي هايحصل:(
صدقي انك طالما عايزة حاجة بجد هاتوصليلها...ومتخليش حد ابدا يخليكي تشكي في نفسك
عندك حق والله ربنا يكرمك بس الواحد احيانا بيحبط :(
وطالما مجموع تالته بس يبقى هاتلحقي ان شاء الله
يا رب اللهم ءامين
انا مش هاعرف اقولك جدول بصراحة...لاني مش عامله جدول لنفسي اصلا...ومش بحب امشي ع جداول;)

المهم
انا طولت اوووووووووووووووي كده ع فكرة:d...بس يا رب تكوني فهمتي كلامي كويس
وربنا يوفقك يا رب

لا والله يا قمر انتي نورتي ولا طولتي ولا شئ وجزاكي الله خيرا وربنا يوفقك يا رب وتحققي احلامك

basma 2010

12-09-2011, 04:37 PM

ربنا معاكى

amirahosni

13-09-2011, 06:58 PM

ربنا معاكى

ربنا يكرمك حبيبتي اللهم ءامين
بس مو عندك فكرة عن الجدول ؟

Osama Saeed

13-09-2011, 07:46 PM

سلام عليكم
اول ربنا معاكى وتنجحى ان شاء الله:022yb4:
ثانيا انا عارف ان مواد ازهر كتيرة وتقيلة
فربنا يسهلها عليكى
ثالثا : انا هقولك على جدول يارب يساعدك
يوم 1
فيزياء _ رياضة2_كيميا_عربى_e
يوم 2
توحيد _ تفسير _ ميراث _ فقه _ بلاغة
يوم 3
نحو _ نصوص _ قران
يوم 4
فيزيا_عربى_رياضة 2
يوم 5
كيميا_أحياء_e
يوم 6
قرآن_فقه_ميراث_تفسير_عربى
يوم 7
مـــــــــراجعـــة
أتمنى أنى اكون افدتك
تحياتى:d

amirahosni

14-09-2011, 12:58 AM

Engineer ..

15-09-2011, 06:35 AM

Mr. Muhammad Sobhy

15-09-2011, 05:48 PM

قال رسول الله صلى الله عليه وسلم :
"من قال : لا إله إلا الله ، وحده لا شريك له ، له الملك وله الحمد ، وهو على كل شيء قدير . في يوم مائة مرة ، كانت له عدل عشر رقاب ، وكتبت له مائة حسنة ، ومحيت عنه مائة سيئة ، وكانت له حرزا من الشيطان يومه ذلك حتى يمسي ، ولم يأت أحد بأفضل مما جاء به ، إلا أحد عمل أكثر من ذلك"

amirahosni

15-09-2011, 10:16 PM

استعيني بالله واعملي الجدول بنفسك

احنا طلع عنينا عشان ندخل الكلية

وربنا يوفقك يارب وكل الطلبة

وأسف لتكوني من الطلبة اللي ميعرفوش الحماااااااااااااااااااااااااااااااااااااااااااس والهدف

فكري في هدفك ومستقبلك وهتتلاقي نفسك صاااااااااااااااروووووخ في المذاكرة

والله ليّ صاحبي والله كان مصور على موبايله (((( كلية الطب جامعة عين شمس ))))

كل ما يكسل أو يحصل خمول يدوس بس على un lock و نتلاقيه بئه هو اللي أن لوك ههههههه

ربنا يوفقك يااااااااااااااارب و على فكرة أنا عمري ما عملت جدول وانتظمت عليه يومين

اكيد طبعا محدش دخل حاجة بالساهل :bosyht9:
بس المشكلة اني عمري ما اهتمت خالص علشان كان في ظروف عندنا في البيت وماما ما عودتني ان احب المذاكرة كل همي كان اني انجح وخلاص مفيش مشكلة كنت اذاكر ليله الامتحان والله وكمان بيبقي في مواد والله عمري ما كنت بفتحها غير ليله الامتحان زي الادب والمطالعة والنصوص مثلا
بس بجد انا نفسي ادخل كليه الطب بجد بس صراحة علشان حاجة واحدة علشان حصل ادامي ميت مرة اني شوفت حيوان ادامي بيموت ومقدرتش انقذه ( انا بعشق الحيوانات ) بس احيانا بحس انه مش بحبهم معرفش والله
انا عارفة اني غريبة
بس ساعات اقول انا عايزة ادخلها بجد ويعني اذاكر شوية وبعدين اكسل علشان هدفي متردد معرفش ازاي اخلي هدفي ثابت تقريبا مليش هدف اصلا ههههههه
صراحة مستقبلي مش فارق معايا خالص انا عارفة والله انك هتقول اني مجنونة بس هيه ديه الحقيقة علشان في حد كان دايما بيقولي وانا صغيرة بمعني الكلام ان البنات مش مشكلة كليتهم الاهم انهم للجواز والولادة وخلاص وبس انا عن نفسي كنت بكره اللي بيقولي كده اوي بس معرفش حاسه اني بعيدة اوي عن الناس اللي هما دكاترة ومهندسين ( علي فكرة اخواتي هندسة وعلوم ) بس انا اقصد اني بعيده اني اوصلهم مش عارفة صراحة ده كل اللي جوايا و كنت بحاول محاولة اخيرة لعل كلمة واحدة من حد تكون سبب في تغيري
عارفة اني صدعتك
وانا اعتذر علي ازعاجك

amirahosni

15-09-2011, 10:19 PM

hobahoby

15-09-2011, 11:44 PM

يا نهاااارى 17 مادة
ربنا معاااكى يا رب و الله هدعيلك علطول انا و كل اللى اعرفهم هخليهم يدعولك
:(
ربنا معاكى يا رب
و متقلقيش اللى بيبقى نفسة فى حاجة و عندة هدف يبقى بتوفيق ربنا و دعا الوالدين و مذاكرتة
هيجيب المجموع اللى فى دماغة
;)
بس قولى يا رب
انا رايحة 2 ثانوى عام
:(
ادعيـــــــــــــــــــــــــــــــلى

amirahosni

16-09-2011, 03:16 AM

#soso#

16-09-2011, 01:17 PM

اميرا انا عايزاكى تنتبهى معايا كويس
اولا : لازم تنظمى وقتك يعنى تحددى مواعيد الدروس وتحددى انتى بترجعى من الدروس امتى
ثانيا : تحددى لنفسك عدد ساعات مذاكرة ثابت لانى اذكر ان الخامسة على الجمهورية فى سنه من السنين قالت انها كانت مثبتة 7 ساعات مذاكرة فى اليوم وده طول السنه
ثالثا: خليكى زكية عن اصحابك ازاى ؟ تباى من دلوقتى ترسمى كل يوم رسمة من رسومات الاحياء وتحددى لنفسك مقدار معين من القران يوميا واعملى فى كل اسبوع يوم يكون يوم المراجعة
رابعا: زاكرى المواد الشرعيه من كتاب المعهد لان الملخصات بتبقى مختصرة جدا والنموذج بتاع التصحيح بيكون بنص كتاب المعهد
خامسا: الادب والنصوص حفظ والنحو حفظ وحل تمارين لان بيكون فيه اسئلة مخادعة الصرف بيكون ملغبط فى الاول لكن بعد ما بيخلص ويتراجع بيبقى سهل وبرده البلاغة
سادسا:المواد الثقافية محتاجة مذاكرة اول باول واوعى تركنى مادة فيهم وبعد كده حلى تمارين بالنسبة للرياضة خدى بالك انك تذاكريها وتحلى وبعد ما تخلصيها حلى امتحانات الازهر والثانوية العامة لان المستشارين بيحطوا الامتحانات من الاثنين
سابعا: اعرفى انك داخلة على الثانوية يعنى السنة اللى بتحدد مصيرك كله وكمان انتى عايزة طب يعنى لازم تخدى الموضوع جد واعرفى ان ربنا مش بيضيع تعب حد ابدا والى هاتتعبى فيه اعرفى ان ربنا هيوفقك فيه وانتى تقدرى تجيبى طب بشرط انك تلتزمى واوعى تسمحى لأى حد انه يقولك انك ما تقدريش انتى انسانه جواكى قدرات وده وقتها عشان تخرج وعايزة اقولك حاجة اخيرة عليكى بالصبر فى سبيل هدفك ( طب ) كل ما تحسى انك زهقانة او متضايقة ومخنوقة قولى لنفسك كله يهون عشان خاطر عيون طب
وارجو من الله انى اكون افتدك

amirahosni

16-09-2011, 09:59 PM

عطرشان

17-09-2011, 11:20 AM

يا رب يا اختى
اناوانتى فى مدرج واحد
ياااااااااااااااااا رب

amirahosni

20-09-2011, 04:39 PM

يا رب يا اختى
اناوانتى فى مدرج واحد
ياااااااااااااااااا رب

هههههههههه اللهم ءامين يا رب انتي ازهر برده رائع

اسماء عبد الحى

19-04-2012, 01:51 AM

ربنا يوفقك ويوفقنى

الرشيدي666

30-09-2012, 08:37 PM

الف شكر مشكووووووووووووووووووووووووووووووووووووووووووووووو وووووووووووووووووووووووووووووووووووووووور