مشاهدة النسخة كاملة : بيطري الاسماعيليه


CineDeRella
12-09-2011, 12:08 AM
السلام عليكم ورحمه الله وبركاته

يا حماعه هو مفيش حد هنا بيطري الاسماعيليه خالص ولا ايه ؟؟؟؟؟؟؟؟؟؟؟؟؟؟؟

:blush::blush:

Dr\memo
12-09-2011, 06:49 AM
انا مع حضرتك يا دكتورة فى طب بيطري الاسماعيلية واى استفسار عن الكلية انا تحت امر حضرتك يا دكتورة

CineDeRella
12-09-2011, 09:17 AM
ياااااااااااااا اخيرا لقيت حد
اهلا وسهلا بحضرتك يا دكتور
انا كنت عايزه اعرف ايه نظام الدراسه في الكليه
وجدول المحاضرات هينزل امتي ؟؟؟؟؟؟؟؟

Dr\memo
12-09-2011, 11:47 AM
بصى يا دكتورةCineDeRella اتمنى انى اقدر افيد حضرتك قدر المستطاع لان انا ليه واحدة قريبتى فى طب بيطرى الاسماعيليةفى سنة رابعة وعندى بعض المعلومات عن كليتنا الجميلة،اما بالنسبة لاستفسارات حضرتك يا دكتورة،اولا كليتنا مفيهاش تخصصات ولاحظى حضرتك كويس ان انا بقول تخصصات وليس اقسام لان بعض الناس مبتعرفش تفرق بين الكلمتين دول،متزعليش يا دكتورة CineDeRella هفهم حضرتك اكتر ،كليتنا فيها اقسام كتيرة مثل (قسم الكيمياء الحيوى,وقسم التخدير,وقسم الجراحة....الخ)ولكن مفيش تخصص اى ان كل الطلبةبلا استثناء بتدرس كل هذة الاقسام على مدى الخمس سنين وليس طبعا كل الاقسام فى سنة واحدة،وبعد ماحضرتك تتخرجى _باذن الله_ وتبقى دكتورة اد الدنيا لو حضرتك حابةتطلعى حاجة تانية زى مثلا دكتورة تحاليل يبقى لازم تعملى دبلومة فى الكيمياء الحيوية او تطلعى مثلا مثل اجدع دكتورة صيدلانية زميلتك بل ممكن تتفوقى عليها يبقى لازم تعملى دبلومة فى الفارماكولوجى.دة بالنسبة للسؤال الاول اما بالنسبة للسؤال الثانى هقول لحضرتك يا دكتورة على حاجة ،انا لما رحت عشان اقدم فى كليتنا لقيت فى جدول محاضرات متعلق ومكتوب علية محاضرات الفرقة الاولى بكل المواد والدكاترة والايام ولكن لاقيتة بتاع احد السنين السابقة ولما سألت قالولى انك ممكن تعرفة مع اول يوم دراسة. واتمنى يادكتورة CineDeRellaان حضرتك تكون استفتى من معلوماتى المتواضعة ولو جزء ضئيل واى استفسار اخر انا تحت امر حضرتك يا دكتورة وعايزين نكون بنشارك باستمرار فى هذا المنتدى علشان نعرف الجميع من هم الاطباء البيطريين وان كليتنا افضل مليون مرة من كليات اخرى مجرد اسماء فقط،وان بلدنا دى عمرها ما هتتقدم الا اذا كان الطبيب البيطرى مثل الطبيب البشرى تماما فى الحقوق والواجبات ده لو احنا فعلا بنحب بلدنا وعايزنها تبقى احسن.ومتأسف للاطالة على حضرتك يا دكتورة بس انا نفسى بجداقول كل ما بداخلى عن كليتنا الجميلة.

CineDeRella
12-09-2011, 01:30 PM
جزاك الله خير يا دكتور
اكيد طبعا استفدت ربنا يعيننا ونقدر نبين للناس اهميه الطب البيطري ان شاء الله
ونقدر نخدم بلدنا من خلال المجال ده
بس انا كنت عايزه أعرف هو مفيش موقع رسمي للكليه او جروب اقدر اعرف منه اي حاجه جديده
لاني اصلا مش الاسماعيليه فمش هروح غير اول يوم الدراسه ان شاء الله

Dr\memo
12-09-2011, 02:02 PM
لا شكر على واجب يا دكتورة CineDeRella دى مجرد حاجة بسيطة، وبالعكس انا اللى عايز اشكرك يا دكتورةCineDeRella عل التواصل الدائم وانا على فكرة من الناس اللى بتحب تخدم وتساعد الاخرين بدون مقابل ؛لان منهجى هو (من فرج عن مؤمن كربة من كرب الدنيا فرج الله عنه كربة من كرب الاخرة) والكربة هنا لا تعنى فقط شدة او مصيبة ولكن تعنى ايضا حاجة اومساعدة.اما بالنسبة لسؤال حضرتك ممكن تدخلى على موقع جامعة قناة السويس ثم كليات الجامعة بالاسماعيلية ثم تختارى كليتنا وهتعرفى حجات كتيرة عن الكلية من الموقع ده _باذن الله_.وشكرا ليكى مرة تانية يا دكتورة CineDeRella على التواصل واتمنى انه يكون دايما علشان نعرف الناس اهميتنا.

CineDeRella
13-09-2011, 06:12 AM
ماشي يا دكتور ربنا يكرمك يارب

Dr\memo
13-09-2011, 03:06 PM
بصى يادكتورةCineDeRellaانا جاتلى فكرة كويسة علشان تعرفى جدول المحاضرات بسهولة وهى بما ان حضرتك يادكتورةCineDeRella مش من اسماعيلية فلو حضرتك مقدمة مدينة جامعية فاكيد ان حضرتك هتسافرى قبل الدراسة بكام يوم علشان تعرفى نتيجة القبول فى المدينة فممكن ساعتها تروحى الكلية وهتقدرى ساعتها تعرفى جدول المحاضرات _بأذن الله_وعلى فكرة انا كمان مش من الاسماعيلية وناوى اعمل كدة.واشكرك يا دكتورةعلى كلامك الجميل بس بعد اذن حضرتك يا دكتورة ممكن طلب صغنن من حضرتك انا عندى بعض الاراء عن كليتنا اتمنى من حضرتك يا دكتورةCineDeRellaالمشاركة وتقليلى رأيك فيها.

CineDeRella
14-09-2011, 06:29 PM
اها بس انا لما قدمت لمدينه قالولي اني هروح اول يوم الدراسه
عادي المدينه قبل ما اروح الجامعه عشان اعرف ايه النظام وكده واتقبلت ولا لاء
بس عموما ربنا يسهل ان شاء الله
اوك يا دكتور ممكن حصرتك تقولها وبجد هتكون حاجه كويسه جداااااااا

Dr\memo
14-09-2011, 08:15 PM
اولا :عايز اشكرك يا دكتورة ان حضرتك وافقتى ان اقول بعض ارائى عن كليتنا وبجد هيه دى فعلا اخلاق الدكاترةالمحترمين. ثانيا:ياريت يادكتورة تشاركينى فى الموضوع ده وتقليلى رأيك وهل متفقه معايا ولا فى راى اخر . ثالثا:ندخل بقى فى الموضوع،اول حاجة هوه احنا ليه بنتكسف نقول اننا فى طب بيطرى وساعات نقول طب بس ونسكت مع ان احنا فى كلية من كليات القمة ولازم نبقى فخورين بيها ونقولها بكل ثقة علشان منحسس حد اننا ضعاف او فى كلية اى كلام ،بالعكس احنا فى كلية احسن من كليات تانية كتير واخدة مجاميع اعلى من كليتنا وهيه اسم على الفاضى وبجد لو عايزين نحسن صورتنا ادام الناس يبقى لازم نحسن الصورة من داخلنا اولا .فارجو منك يا دكتورة تقوليلى رايك ،وطبعا انا لسه عندى اراء تانية كتييييييييييييرةجدااااااااااااا هقولهالك المرة الجاية يادكتورة .وشكرا ليكى مرة تانية يادكتورة على الاهتمام

بنت الشاطئ1
14-09-2011, 08:57 PM
طب ممكن ارد على حضرتك انا اولا مش طب بيطرى بس مجموعى جايب بيطرى و لكن ما علينا
احنا بنتكسف من اننا نقول اننا بيطر عشان نظرة المجتمع للكلية مع انها كلية كويسة جدا و كلية قمة و مجموع عالى و اللى داخلها واحد ذاكر و جاب مجموع بس العيب فى نظرة الناس

اسراء احمد محمد 123
14-09-2011, 09:06 PM
فعلا عن حضرتك حق يا Dr\memo (http://www.thanwya.com/vb/member.php?u=581614) احنا بنتكسف ليه نقول اننا فى طب بيطرى ؟؟؟؟؟؟؟؟؟؟ ده كفاية اننا ان شاء الله لما نتخرج هنعالج حيوان لا حول له و لا قوة ميقدرش يتكلم و يقول هو بيشتكى من ايه . يعنى شغلنا اصعب من بشرى
بس مش عارفة ليه الناس هنا لا تنظر للدكتور البيطرى مثلما تنظر له الدول الاوروبية
مكانة الطبيب البيطرى هناك اعلى من الطب البشرى و بيحترموه جداااااااااااااااا
و الله نفسى نتقدم زيهم و ننظر للطبيب البيطرى على انه طبيب الانسانية و ليس دكتور حمير مثلما يقول البعض

Dr\memo
14-09-2011, 10:29 PM
يا جماعة اللى بيتقال عن الكلية من كلام الناس بسببنا احنا طلاب طب بيطرى لاننا بنحسس اللى قدمنا اننا قليلين لدرجة ان ممكن واحد فى خدمة اجتماعية يشوف نفسة علينا مع احترامى لكل طلاب خدمة ولكنى بضرب مثل وبعدين احنا الايام دى شفنا اعتصام الاطباء وطبعا الدنيا اتقلبت طب تعالو نتخيل لو الاطباء البيطريين عملوا اعتصام شوفوا حجم الامراض اللى ممكن تصيب البلد ياجماعة الطب البشرى يساوى علاج اما الطب البيطرى يساوى وقاية وطبعا كلنا عارفين ان_الوقاية خير من العلاج_يعنى احنا دورنا ممكن يكون اهم بكتير من الطب البشرى وعلى فكرة يا جماعة كلام الناس عن كليتنا لا يمثل كليتنا ولكن يمثل الناس نفسهم وكمان لو قرأنا السير الذاتية لمعظم عظماء العالم هنعرف حجم الانتقادات اللى كانوا بتعرضولها من الناس حولهم وعلى الرغم من ذلك ضربوا بكلامهم عرض الحائط ووصلوا فى النهاية ولازم نعرف يا جماعة ان طريق النجاح مش سهل وتذكروا دايما ان_من يهب صعود الجبال يعش ابد الدهر بين الحفر_والف شكر ليكى يا دكتورة اسراء ولبنت الشاطىء كمان على اهتمامكم ومشاركتكم .

CineDeRella
17-09-2011, 02:37 PM
اسفه علي التأخر في الرد

يمكن فعلا نظره المجتمع لطبيب البيطري سيئه جداااااااااااا
وده بسبب جهل المجتمع لاهميته او قله ثقافته مش زي الدول الاوربيه يعني والكلام ده اللي انتوا قلتوه
بس هو فعلا لو كل واحد فينا اجتهد في المجال ده وقدر يكون ناجح فيها هيغير من نظره الناس ليها وده في المكان اللي هو عايش فييه
واعتقد انه فيه اطباء بيطري كتير فكل واحد فينا يبدأ بنفسه ويحاول يخدم المجال

Dr\memo
17-09-2011, 10:22 PM
ياااااااه فين حضرتك يا دكتورة من زمان وحشتنا تعليقاتك،

عموما الف شكر ليكى يا دكتورة على تعليقك ولونه كان المرة دى متاخر شوية لكن مفيش مشكلة،

بصى يا دكتورة بما ان حضرتك كنتى غايبة عن المنتدى لفترة وجيزة يبقى لازم الرجوع يكون بشكل جديد ومختلف علشان كده قررت اننا نقدم الموضوع بشكل ظريف ومنظم اكتر وهو اننا هنقسم الموضوع لثلاث محاور رئيسية،

المحور الاول: هنعرض فيه القضية او المشكلةاللى هناقشها، والمحور الثانى:هنعرض فيه اراء الناس المختلفة عن قضيتناوطبعا الاراء دى مبتمسلش القضية او المشكلة ولكن بتمثل الناس زى ما قلت قبل كده،اما المحور الثالث:هنقول فية جميع الحلول اللى ممكن نتغلب بيها على المشكلة.ايه رايك يا دكتورة؟؟؟؟؟؟؟

CineDeRella
19-09-2011, 08:52 PM
طيب تمام اوووووووووووووي خلاص ممكن حضرتك تعمل موضوع جديد
بالحاجه اللي هنتتناقش فيها
وكل واحد يدخل يكتب رأيه

Dr\memo
21-09-2011, 09:54 PM
انا بجد يا دكتورة CineDeRellaمستغرب جدااااااااااااااا هوموضوعى مزعل الناس ولا ايه ؟؟؟؟؟ولا انا حطيت الموضوع فى قسم غلط؟؟؟؟؟يا ريت تقوليلى يا دكتورة يمكن اكون زعلت الدكاترة وان مش واخد بالى؟؟؟!!!!

CineDeRella
21-09-2011, 11:40 PM
لا لا عادي خالص علي فكره
بس هو يمكن محدش بيدخل كتير
او في ناس بتدخل تقرأ الموضوع من غير ما ترد
عادي يعني :):blush:

Dr\memo
22-09-2011, 01:40 AM
شكرا ليكى يا دكتورة

ربنا يخليكى يارب

بجد بجد رجعتيلى الامل تانى بعد ماكان بدأ يتلاشى

بس انا نفسى بجد كل الناس تشارك ونتناقش ونقول راينا ونشجع بعضنا

Dr\memo
27-09-2011, 02:14 PM
فينك يا دكتورةCineDeRellaليه مش بتشاركى فى الموضوع بقالك فترة:blush:
اتمنى ان حضرتك تشاركى لان انا عامل مفاجأة النهاردة بالليل فى الموضوع بتاعى:excl::excl::excl:

خالد نجم
31-07-2012, 09:33 AM
ان في طب بيطري الاسماعيلية
واكن الاسف انا ان شاء الله هاحول الزقازيق
اسمي محمد احمد برعي 3 ثانوي 97.1

خالد نجم
31-07-2012, 09:44 AM
:078111rg3::078111rg3::078111rg3::078111rg3::07811 1rg3:انا مع حضرتك يا دكتورة فى طب بيطري الاسماعيلية واى استفسار عن الكلية انا تحت امر حضرتك يا دكتورة

عاطف البعدادى
02-08-2012, 03:19 AM
انا معاك فى بيطرى يا دكتور ربنا يسهلهلنا