ما أحلاها من مدرسة [الأرشيف] - بوابة الثانوية العامة المصرية

مشاهدة النسخة كاملة : ما أحلاها من مدرسة

abdelRhman772007

11-02-2008, 01:59 AM

بسم الله الرحمن الرحيم
السلام عليكم ورحمة الله و بركاته
أحب أقولكم إنى من مدرسة فى طنطا
وعندنى مدير عسل رفد المدرسة كلها
عشان الغياب و مبيخليش ولا مدرس يروح
قبل الساعة 1.5 ظهراً
وحتى أيام لما كان الإعدادى بيمتحنوا فى المدرسة
خلى المدرسين يحضروا العصر يصلحوا الحجات اللى فى المدرسة
و فاكر مرة فى أول السنة مدرس مكنش بيقول تحية العلم
كتب فيه مذكرة و أحياناً لما الطلبة يبقوا قليلين لو كانوا بيحضروا
أصلاً كان بيوقف المدرسين طابور و يخليهم يحيوا العلم
وعلى فكرة صاحبكم مرفود من يوم 12/5
والمدرسة كلها مرفودة ماعدا اتنين بس
ولاّ أقولكم منظر المدرسين لمّا نعدى من جنب المدرسة
قاعدين كلهم فى الحوش يتشمسوا ويتكلموا مع بعض
==============================
ده اللى اعرفة بس أقدر أقولكم إن المدرسين آخر ما زهقوا سابوا المدرسة
و راحوا مدرسة تانية واحنا بقى طنشنا نسبة الغياب اللى بيقولوا اللى يغيبها
ميخشش الامتحان
==============================
ملحوظة ما قرأتموه هو حقيقى 100% بل و أكثر بكثير ولكن فى النهاية
أطرح سؤال : لماذا يفعل المدير كل هذا؟ يكفى أن تتيلوا أنه رفد 2و3 ثانوى
وكل ظرف بالدمغة يكلف ما يقرب من 1.5 على إنذارين و رفد!!!!!
==============================
ما رأيكم؟!!!!

MohammeD el_SadaT

11-02-2008, 02:04 AM

إنت منين فى طنطا
؟؟؟
فى مدرسه إيه
؟؟؟

mR . mOstafa Fathi

11-02-2008, 12:57 PM

TEMO_KHALED

11-02-2008, 01:06 PM

يا نهار اسود؟؟؟ اية دة يا ابني؟؟؟ انا ماروحتش المدرسة بقالي 3 شهور وشوية .... ومفيش حد فتح بقه معايا .. واشطة خالص...
_____________________
على راي مصطفى عمار يا ايجبت...

abdelRhman772007

11-02-2008, 05:03 PM

من مدرسة حصة برما الثانوية المشتركة
المدرسة اللى بقت عبرة لمن لا يعتبر
يعنى بصريح العبارة بقى بيضرب بيها المثل للمرة التانية (حسبة برما) فاكرينها
عموماً أنا هعيد قيده بكرة واكتب الاستمارات يوم الخميس
ويبقى يعمل فى المدرسين اللى عايزه
بس قولولى لو كنتوا مكانى هيبقى رد فعلكم ايه؟
------------------------=عمار يا مصر=--------------------------------

beauty nonna

09-04-2008, 10:54 AM

ملكة زمانى

09-04-2008, 01:11 PM

ياااااااااااااااة دى مدرسة عقد
احنا مدرستنا اخر مزاج طبعا مش ستات اللى ماسكينها (مديرة ونظرة ووكيلة)
احنا مدرستنا جمبها مدرسة اعدادى بنين ومدرسة ثانوى بنين ومدرستنا الاعدادى هما اللى بيروحوا والبات لو راحوا بيوصوا ع الساعة 9 كدة واية بهدوم خروج لية بقى علشان محدش يقول انتى جاية متاخر لية وبرضو مش بتتاخد غياب
زهقوا مننا من كتر الانذارات والمدرسة مش هتصرف فلوسها على الطوابع بقوا بيوزعوا علينا الانذارات وبكل برود ناس تقطعها وتديها للمدرس تانى (ملحوظة انا مش جة ليا ولا انذار الحمد للة مع انى اكتر واحدة بغيب )
وهما فى شئون الطلبة بيظبطوا الموضوع اللى بتغيب كتير يشيلوا من عندها ايام يحطوها عند واحدة غيابها قليل علشان مفيش حد يتفصل (شوفتوا بيحبونا ازاى )
عندى فكرة حضرتك ممكن تروح للناظر تقولة حضرتك اكيد بتخاف على مصلحتنا وعايزنا نذاكر ونجيب مجموع وكلام من الحلو دة طبعا اكيد هيقولك طبعا انتوا زى ولادى قولوا حضرتك ممكن تتساهل شوية فى الغياب
(انا الترم التانى روحت عشان اكتب الاستمارة وكان عندى درس خدت بقيت الجروب وع المديرة لوسمحتى حضرتك احنا مش جايين علشان نتحبس فى المدرسة احنا جاين نكتب الاستمارة ونمشى وحضرتك الغياب مرفوع ومفيش مدرسين اية لزوم وجودنا فى المدرسة ؟ فتحت البوابة وقلتلنا مع السلامة يا بنات خدوا بالكوا من الطريق ) شوفتوا الستات مش تقولى الناظر بتاعكوا:d

prof.wessam

09-04-2008, 08:33 PM

انا بقي مدرستي من اول الترم التاني علمه ترفد عموما انا اترفدت في اول مارس
ومعظم الفصول اتفصلت .......
وكل ما اروح اسلم علي المدرسين
يقالوا اعملوا اعادة قيد واحنا طبعن منفضين!!!!!!!!!!!!!!
انا مدرستي مدرسة مصر القديمة - كورنيش النيل

abdelRhman772007

09-04-2008, 09:04 PM

بصوا مفيش فايدة فى المدير بتاعنا مبيحترمش أى حد
المدرسين بيوقفهم طابور و بيخليهم يحيوا العلم
و مرة واحد معجبهوش الكلام ده كتب فيه مذكرة
و تقولى يهمه مصلحتنا
ّّّّّّّّّّّّّّ!!!!!!!!!!!!!!!!!!!!!!!!!!!!!!!
ما أظنش

ملكة زمانى

10-04-2008, 10:47 AM

جرب لعل وعسل

abdelRhman772007

10-04-2008, 09:14 PM

مجربين و متهزئين على الآخر

•-{«-•OkOhama•«-}-•

14-04-2008, 03:53 AM

و والله الله يكون في عونكم وعون المدرسين

حسام الشرقاوى

15-04-2008, 02:03 AM

مفيشحل يا بنى استسلم

احنا اخر ما زهقنا من المدير بتاعنا خلينا الاربع كوتشات بتوع العربية بتاعتة على الارض وكتابنا ورقة على الزجاج المرة الجاية هنولعلك فيها

من ساعتها قدم طلب نقل واتنقل المدير اللى جهة قالنا الصبيان تيجى السبت والاتنين والاربعاء والبنات تعكس معانا الايام واية كمان نيجى نحضر اول 3 حصص بس يعنى نروح على الفسحة يعنى اليوم الدراسى من 7ونص الى 10ونص وسلام يا معلم احسن حاجة تشوف نقطة ضعف الناظر دة وتضربة فيها وابعد عن المنطقة الحساسة مش دى اللى انا اقصدها

ورغم كل دة انا مروحتش المدرسة السنة دى خالص هما بتاع 6 ايام بس

mena288

15-04-2008, 08:52 PM

ولكن اخى هذة حال اغلبية المدارس
وهناك مشاكل اكبر بكثير وانها تمنع الابداع وتجعل عقل الطالب كسلة القمامة يرمون بها ما يشائون

abdelRhman772007

15-04-2008, 11:26 PM

عندك حق بس بدل الكلام
لازم أفعال ولازم حلول مقترحة
على الأقل فى الوقت الحاضر

mena288

25-04-2008, 06:37 PM

عندك حق بس بدل الكلام
لازم أفعال ولازم حلول مقترحة
على الأقل فى الوقت الحاضر

وما حلو لك المقترحة اخى