ياجماعة الخير طبعا بعد التصريحات المستفزة من بهوات الوزارة بتاعتنا
مااااااااااافى حل تانى غير اضراب اول يوم
وكان فى اجتماع عندنا فى المدرسه ضم جميع مديرى المدارس
سواء الابتدائية او الاعداديه او الثانوية داخل البلد حوالى 10 مدارس
وكان الاتفاق على الاتى :
اضراب اول يوم فى الدراسة اللى هوه الاحد القادم بس ازاى هاننفذ الاضراب
اتفقوا جميعا على حضور جميع المعلمين فى هذا اليوم
وطبعا هاتكون كل التلاميذ موجوده هانعمل ازاى
هانرتب التلاميذ فى الحوش ونعمل طابور عادى جدا وبعد كده مفيش تلاميذ هايطلعوا الفصول
وجميع المدرسين هايبقو معمهم فى ارضية الملعب منعا لحدوث احتكاكات بين التلاميذ وخلافه
يعنى برده مش هانسيب الحبل على الغارب للتلاميذ لان المدرس اصيل مهما كانت الظروف
واتفقنا على نهاية اليوم الدراسى للتلاميذ بعد الفسحه
طبعا لازم الاضراب يتم بشكل منظم ومثلا مينفعش مدرسه تكون مضربه ومدرسه تانيه جنبها شغاله
والله حتى لو جه احمد جمال الدين نفسه ماهنشتغلو ده اللفظ اللى قاله احدى مديرى المدارس

كم يصعب عليا ويؤلمنى بصراحه ان يذهب التلميذ مرتديا ثيابه الجديده فرحا ومبتهجا باول يوم دراسى
ولايجد شيئا حسبى الله ونعم الوكيل فيك ياموسى وحاشيتك
يااااااااااااااااارب سامحنا يارب لانك عارف ان احنا مظلومين
ياريت كل واحد حابب يضيف اى اقتراحات بخصوص الاضراب يقولى عليا للاستفادة
الرجاء التثبيت

كلام جميل جدا

دي طريقه منظمه ومتفق عليها جميعا من الجميع مع بعض الاضافات حسب المكان بتاعك ..ياريت كله يلتزم ..عندنا لما كان الاطباء عاملين اضراب وكان الصيدليات مشاركه معاهم ...الاطباء قاموم بعد كده بشكوي الصيدليات اللي اشتغلت اثناء الاضراب ..ياريت كلنا نبقي ايد واحده

إقتراح جميل بارك الله فيك

انا معترض تماما يعنى اية تضرب اول يوم حرام عليكم ويارب السلامة لمصر

لا حول ولا قوة الا بالله

غباء النظام السابق كان سبب الثورة ، ولا شك أن غباء فلول الوزارة سوف يكون سبب ثورة المعلمين .

كلام جميل جدااااااااااا
ربنا يوفق الجمييييع

حرام عليكم يا مدرسين كنتم صابرين وانتم الان مستهترين تا يامصر

حرام عليكم يا مدرسين كنتم صابرين وانتم الان مستهترين تحيا يامصر

من طه محمود طالب بالمرحلة الثانوية العامة
اشرحوا يا مدرسين بضمير وبلاش فكرة الاعتماد على الدروس الخصوصية

تمام
وشخصيا اخذت قرار ان اكون فى مقدمة زملائى
مهما حدث واسوف اتحمل المسئولية كاملة
وان اضطررت لمنعهم بالقوة من الذهاب للفصول
سافعلها

أنا معترضة تماماً علي فكرة الاضراب عن العمل ، حتي لو كان هذا هو السلوك السائد حالياً في مصر ، فيجب علينا نحن المعلمون ألا نتبع هذه الطرق الغير شرعية و الغير إنسانية للمطالبة بحقوقنا ،ففي النهاية نحن لا نأخذ أجرنا إلا من الله عز و جل فنحن نربي أجيالاً و نبني عقولاً و نغرس في طلابنا المباديء و القيم الرفيعة ، و لو فعلنا شيئاً مخزياً مثل الامتناع عن العمل لن نكون أبداً قدوة لأبنائنا ، و لن يقدر أبناؤنا علي احترامنا
حتي لو سلك كل البشر سلوكاً سيئاً فيجب ألا يخرج منا نحن المعلمون هذا السلوك
و إن كان لابد من الاعتصام فليكن في غير أيام العمل الرسمية ...... هذا رأيي و الله تعالي يفل ما فيه الخير للجميع