دعوة للإضراب العام يوم السبت القادم لإقالة شرف و تحقيق مطالب الثورة
Sun, 11-09-2011 - 5:02Sun, 2011-09-11 17:02 | أحمد القاعود (http://www.thanwya.com/taxonomy/term/361)

http://www.dostor.org/sites/default/files/imagecache/article_image/sites/default/files/11/Sep/36/mainimage/88_2.jpg


السبت دعوة لإقالة شرف
(http://www.dostor.org/sites/default/files/11/Sep/36/mainimage/88_2.jpg)


دعا مئات الشباب علي موقع التواصل الاجتماعي الفيس بوك الي إضراب عام يوم السبت المقبل في ميدان التحرير و كل ميادين مصر احتجاجا علي التطورات الأخيرة التي شهدتها الساحة السياسية المصرية و ما أعقب أحداث جمعة تصحيح المسار .
و حدد الشباب علي صفحتهم التي يزايد عدد المعجبين بها سريعا خلال دقائق باقاله حكومه عصام شرف واقامه حكومه انقاذ وطني و الغاء قانون الطؤري و الغاء المحاكمات العسكري و وضع جدول زمني للتسليم السلطه للشعب و استقلال القضاء و الغاء وزاره الاعلام .
و يأتي ذلك علي خلفية الأحداث الأخيرة التي شهدتها مصر , بعد اقتحام السفارة الاسرائيلية في القاهرة , و اعتقال عشرات الشباب , و اقتحام مكتب قناة الجزيرة مباشر مصر و مصادرة أشرطة منه , و وقف بث محاكمة موقعة الجمل و التضييق علي وسائل الاعلام و اعادة تفعيل قانون الطوارئ .
http://www.alamelarab.com/NEWSPA/dostor.htm

اعتقد ان شرف كويس

بس ممكن ال جنبه مش تمام

بلد مليو نيات صحيح

هل بالشكل دا هتستقر مصر ؟؟

لما كل يوم نعمل ثورة واحتجاجات علشان نغير كل يوم حكومة

مرة احمد شفيق ومرة كمان احمد شفيق والمرة دى عصام شرف .. والبقية تأتى ..

للاسف خلاص مصر فقدت عنصر الاستقرار .. حتى بعد انتخاب رئيس الجمهورية .. مع اول غلطة اهو ميدان التحرير موجود

وخنافات جديدة بين الشعب والشرطة والجيش ..

وشكلنا خلاص هنفضل كدا علطول ..

وحسبنا الله ونعم الوكيل

السيد شرف وان كان شريفا نزيها لكنه قدم كل ما لديه اذن يترك مكانه مشكورا علي ما قدمه حتي يتسني لغيرة فعل المزيد
شرف رجل الثورة وهو اسم علي مسمي اكن له كل الاحترام لكن مصلحة البلد اولا احنا عايزين رجل من فولاز يعمل في 24 ساعة 72 ساعة علشان يعدل ميزان البلد المقلوب من 30 سنة
الله الموفق الله المستعان

السيد شرف وان كان شريفا نزيها لكنه قدم كل ما لديه اذن يترك مكانه مشكورا علي ما قدمه حتي يتسني لغيرة فعل المزيد
شرف رجل الثورة وهو اسم علي مسمي اكن له كل الاحترام لكن مصلحة البلد اولا احنا عايزين رجل من فولاز يعمل في 24 ساعة 72 ساعة علشان يعدل ميزان البلد المقلوب من 30 سنة

الله الموفق الله المستعان

المشكلة مش فى د/عصام شرف أو اللى راح يجى بعده
المشكلة فينا لازم نثور على كل شئ فاسد فى نفوسنا
لازم نصلح أنفسنا الأول
" إن الله لا يغير ما بقوم حتى يغيروا ما بأنفسهم "

عصام شرف جدير بأن نرفع له القبعة لكن للأسف واقع تحت ضغط المجلس العسكرى وأشك إنه يقدر حتى يستقيل
عصام شرف مش ثورى أبداً .. أحس انه نزل ميدان التحرير غلط
المواقف هى اللى بتقول كده و المجلس العسكرى .. محتاج لشخص متمرد مش مسالم .. محتاج لواحد شايل كفنه
أنا فرحت بيه جداً لما جه .. و هافرح دلوقتى لو مشى وكل ما قعد فى المنصب البقع السودة فى هدومه هتزيد

السكوت كارثة
المليونيات كارثة
خلاص البلاد من رب العباد
نبتهل إلى الله وحده الحاكم الأعظم أن يمن بها علينا .

يا جماعة كفايه كده انتو عوزين ايه بالضبط

فين الامن والامان

فين الاستقرار

ان الله لا يغير ما بقوم حتى يغيرو ما بانفسهم

هو اصلاً شرف حاول يستقيل اكتر من مرة والمجلس رفض

وفي الفترة دي لو شرف مشي مش حنعرف نجيب واحد تاني
او بمعنى اصح معندناش وقت ندور على ناس تاني
ده بغض النظر عن انه محدش عبيط حيرضى يقبل بالمكان ده في الظروف دي تاني الا لو مجبر

وبعدين الجيش قالنا المرة اللى فاتت انه بيحترم حرية الرأي والتظاهر حق مكفول
وساب مسؤولية التأمين على الاحزاب والائتلافات اللى حتنظم التظاهر
وفشلت وبكل جدارة في السيطرة على اي حاجة

يبقى تحترموا نفسكو وتخلو ميدان التحرير وكفاية مشاكل ومصايب لحد هنا
مهما كان غرضكوا نضيف في مدسوسين وعملاء حيتواجدوا بينكم دايماً

الاخ المحترم / طالب الفردوس
كما اننا نتفق فى 90% من الآراء و هذا من فضل الله
هناك نسبة اختلاف بسيطة
اجمل شخصيتين فى الثورة
و هما لا غبار عليهما
و لا يختلف عليهم اثنان
و اى شخص لو كان جاء بدلا منهما لاصدر قرارات غير مدروسة
الاثنان هما شرف و المشير
الاثنين حلوين الاتنين طعمين
و بعد الانتخابات سوف يمشوا
كلها 4 شهور
و شوف الجديد حا يبقى ايه
و ادعيلى

نتمسك بك يا شرف تحرر من قبضة المجلس العسكرى -- يحاولون الغاء اجازة يوم السبت فى القليوبية

امان واستقرار امان واستقرار امان واستقرار

كلمة بقت ماسخة من كتر ماترددت وللاسف كل اللى بيرددوها بقيت احس انهم مش فاهمنها اساسا ولا فاهمين توابعها ولا فاهمين كيف يتم تطبيقها

بالعكس بقيت احس ان الناس دى هى اللى بسببها فضلنا 30 سنة خرس مالناش اى صوت وماشين جنب الحيط ومابقاش لينا كرامة ولا هدف غير اننا شوية ..........

بطلوا النغمة دى انتوا اهم حاجة عندكوا المصلحة الشخصية اهم حاجة تعيشوا زى ماكنتوا عايشين من غير كرامة ولا هدف اهم حاجة تاكلوا وتشربوا وغيركو بيموت من الجوع اهم حاجة تناموا فى البيوت وغيركوا فى المعتقلات والسجون وعلى ارصفة الشوارع

بجد انا الكلام عندى كتير بس مش حابب اتكلم علشان ماقولش الفاظ تتاخد عليا

بس بجد انا زهقت من كل واحد يقول الكلمة دى

انتوا عايزين فساد اكتر من 30 سنة ينتهى فى يوم وليلة اية عايزين كل حاجة تجيلكوا على الجاهز مش عايزين تتعبوا فى اى حاجة حتى لو كانت حريتكوا ولا خلاص اتعودتوا على انكوا تكونوا ......... اية مازهقتوش