محتار مش عارف اعمل ايه!!!!!!!!!!!!!!! [الأرشيف] - بوابة الثانوية العامة المصرية

مشاهدة النسخة كاملة : محتار مش عارف اعمل ايه!!!!!!!!!!!!!!!

seal4

12-09-2011, 08:58 PM

بسم الله الرحمن الرحيم

انا فى تالته ثانوى علمى و جبت فى تانيه 94.3% و اللى نقصنى جامد الرياضه نقصت 2 % و انا دلوقتى محتار و بجد مش عارف اخد قرار اكمل احياء ولا رياضه2 و انا فى الرياضه مش متأسس و على قدى شويه . المهم انا خدت رياضه2 بس حاسس انها صعبه و مش حاببها طيب لو انا كملت احياء هكون خدت قرار غلط بالنسبه للمجاميع العاليه دى؟
انا لسه اول السنه و الفرصه لسه قدامى و لسه معدلتش حاجه فى الاستماره
و كذا واحد قالى كمل رياضه 2 علشان تبقى فى المضمون و دا اللى خلانى اخد درس رياضه و مختش احياء بس انا مش عايز ادرس حاجه مش حاببها
انا و الله مش عارف انام من كتر التفكير

بجد انا محتاج مساعده و الناس تقول رأيها

lolo cat

12-09-2011, 09:19 PM

بس انا رايحة تالتة ثانوى يعنى زيك فمقدرش اقول حاجة انصحك بس من راى تدخل الحاجة الى حببها لانك لو دخلت حاجة مضمونة بس مش حببها ممكن تنقص جاااااامد يعنى انا كل الناااااا س بمعنى كلهم قلولى ادخلى علم نفس بس انا مش حباه واخترت اقتصاد واحصا معلش طولت بس ده من وجهة نظرى لانى برده فى نفس سنك فمقدرش افيدك اوى بس بجد لازم تعمل استخارة وربنا هيخليك تختار الحاجة الى احسنلك يارب اكون افدتك

صدى الدمعة

13-09-2011, 12:38 AM

وليه محير نفسك وانت بتقول انك مبتحبش الرياضة
ومتسمعش لناس المفروض انت الي تحدد هدفك ومستقبلك
لانك طبيعي لو سألت اي حد هيقولك رياضة طبعاً
وعلى فكرة انا جايبة زي مجموعك تقريبا 94.8 % ومكملة احياء
وليا زمايلي كتير جايبين 93 و 91 ومكملين احياء برضو
بس برضو لازم تصلي صلاة استخارة وتفكر كويس

وربنا يوفقك وطمنا نويت على ايه

seal4

13-09-2011, 12:16 PM

بجد شكرا اوى اوى على مروركم الجميل ده

BaNZeR

13-09-2011, 12:22 PM

لو انت بتفكر في علوم مثلا ولا حاجة يبقى خد احياء طبعاً
لو بتفكر في حاسبات مثلاً يبقى كمل رياضة

شوف انت بتفكر في ايه بعد كدا وخد الطريق اللى توصلك ليه
حاجة متكنش معتمدة عالمواد اللى بتكرهها حتى ولو حتعدي عليها

seal4

13-09-2011, 10:35 PM

شكرا على مرورك

zamalek1

14-09-2011, 10:11 PM

خد رياضة ودوس على نفسك وان شاء الله تدخل هندسة بلدك ده عايزه كلية القمة وفى نفس الوقت الشغل وانا بقولك علمى رياضة عشان هيبقى عندك 5 فرص هندسة وحاسبات وعلوم وتجارة انجليش وكلية تكنولوجية
http://www.3arabsports.net/UserFiles/Image/%D9%85%D9%8A%D8%AF%D9%88/main_39544.JPG

amira mera

15-09-2011, 12:21 AM

اقولك ادخل اللى انت حابه وملكش دعوه بحد ده اللى هتبقى متفوق فيه
لو حابب احياء يلا ادخلها وطنش اى حد بيقولك اى حاجه