مشاهدة النسخة كاملة : كلام نهائى : ليس هناك إضراب فى أول أيام الدراسة فى الأزهر
البرهان الرياضى 12-09-2011, 09:39 PM كلام نهائى : ليس هناك إضراب فى أول أيام الدراسة فى الأزهر
**************
حضر جميع المدرسين فى معهدنا لعمل الجدول الدراسى
( متعاقدين ومثبتين )
وعندما طرحنا فكرة الإضراب أثناء مناقشاتنا
رد المثبتون :
يا جماعة اصبرو
انتو مستعجلين ليه
الطيب ده راجل طيب
والخير جيه على إيديه ولسه كمان
هتتثبتو كلكم
بس المسألة كلها مسألة وقت وصبر
________________
طب نقولهم إضراب علشان الـ 200 %
يقولو : إحنا نستنى التعليم العام
لو طبقو الـ 200 % عليهم
يبقى هيطبق علينا زيهم
_____________
طب لو المتعاقدين عملو إضراب بمفردهم :
عددهم 5 مدرسين على الأكثر فى كل معهد
يعنى لا يؤثر على اليوم الدراسى
لأن المثبتين سيقومو بتمرير اليوم الدراسى بسلام
**************
أ/ هشام العيسوى 12-09-2011, 09:57 PM مش عارف اقولك ايه
الواحد احتار والله
بس اعتقد معهدك مش دليل على باقى المعاهد
بس دا المتوقع من الكل مثبتين ومتعاقدين وحسبنا الله ونعم الوكيل
لكن بعد ما رأيته من رجال البحيرة وبنى سويف عندى أمل فى رجال الازهر
مستر لورد 12-09-2011, 10:21 PM لنا الله يا متعاقدين
الاستاذ عوض على 12-09-2011, 10:23 PM ان الله لا يغير ما بقوم حتى يغيروا ما بأنفسهم
حبيبة كرسون 12-09-2011, 10:24 PM ياجماعة الكلام مش علي المعاهد كلهاانا من الاسكندرية ومعهدي من المعاهد الي هاتعمل اضراب ياريت كلنا نساند التربية والتعليم ومانتعودش اننا نتفرج من بعيد ونسكت زي كل موقف
جلليو 12-09-2011, 10:31 PM والله ياجماعة دا تثبيط للهمم احنا معهدنا فيه 4 مدرسين اساسيين بس والباقي متعاقد واعرف معهد في العياط ابتدائي فيه 32 مدرس متعاقد يعني احنا اكتر من الاساسيين في كل المعاهد وان كان الالستاذ خايف من الاضراب يخليها في سره ويسكت ميفرضش علي الناس الشغل بالعافيه بحجت الاساسيين وللعلم الاستاذ شكله اساسي ومن الناس اللي مبتحبش الخير لزملائه مفيش شغل في المعاهد قبل التثبيت حتي لو هنموت محنا كدا كدا ميتين لازم نقف وقفة جادة الاضراب مستمر والاعتصامات في المناطق كلها علي مستوي الجمهورية واحب اعرف الاستاذ ان الاساسيين اللي عندنا وقفين معانا كمان ومهيشتغلوش
abdeladeltec 12-09-2011, 10:35 PM ليس إلا الناظر والوكيل وخمس مدرسين ثابتين فى معهدنا والباقى متعاقد
مونومونو 12-09-2011, 10:36 PM لا لا
لا اضراب
الازهر نايم نايم
وانا وال واحد سلبى
أ/مصطفى محمود 13-09-2011, 12:15 AM المتعاقدين في كل معهد عددهم يفوق المعينين
و معهدك حالة خاصة وحتى لو كده هتلاقي في معاهد جنبك وفي كل محافظتك ومحافظات تانية مش شغاله صحيح معهدك مش هيكون متعطل لكن سيكون التعليم الازهري كله معطل لأنه 70 الف متعاقد حتى لو 50 الف هيعمله ارباك في الادارة والمناطق
فلازم ميبقاش عندك احباط ولازم نكون مع بعض وليكن من معك - 5 - ومتخافش من حاجه لان الاضراب له قانون يحكمه ولن يستطع احد ان يمسك بسوء باذن الله .
وانا على العموم هتصل بزمايلي وفي معهدي في اي حته لو لم يضربوا معي فسأسايرهم
ولكن ان تم تثبيت من امتحن الكادر ونجح - مثلي وغيري - فأول واحد هيكون ضدهم لانه واضح السلبية من عندنا
ولن تتحرك الرمال الا بهزة من الادارة و بعدها هيقولوا ياريتنا وافقنا نعمل اضراب
فالافضل توحيد الصفوف والاضراب من الجميع بدلا من حدوث فتنة كبيرة
المشتاقة للنقاب 13-09-2011, 12:29 AM ماقدرش اقول غير
حسبى الله ونعم الوكيل
نفسى نعمل حاجة بجد
احنا فعلا سلبين
مع ان التربية والتعليم المتعاقدين فيها قله
واحنا اكتر منهم بكتييييييير
بس هم احسن مننا عندهم هدف وارادة
سعوا للتثبيت وخدوه وبيشوفو اللى بعد كدة
لكن بتوع الازهر بيحبوا يتكلو على غيرهم
عوزين الحاجة تيجى جاهزة مايتعبوش فيها
خليكو كدة استنو التربية والتعليم
واحنا قعدين نستنا الفرج
سبحاااااااااااااان الله ..
ياااااااااااااااااااااااااااااااااااااااااااااارب
syjm71 13-09-2011, 12:32 AM احنا معهدنا بالكامل متعاقدين
بعني لو عملنا اضراب مش ممكن العمل يمشي
ولو محدش عمل اضراب لن نأخذ حقنا
فلا يضيع حق وراءه مطالب
khalil elnaggar 13-09-2011, 12:55 AM كلام الراجل ده بيخلينا نقول اننا تابعيين للتربية والتعليم وبياكد فكرتهم عنا اننا تابعيين
عايز نعرفهم اننا ايد واحدة
رائحه الورد 13-09-2011, 02:05 AM المتعاقدين فى معظم المعاهد اكتر من الاساسين بكتيير ياريت تعملوا حاجه صح فى حياتكم عشان تجيبوا حقكم ازاى اصلا هنشتغل واحنا حسين اننا مظلمين وحقنا مهضوم
اشرف الباجورى 13-09-2011, 02:47 AM ياساده اتمنى التوفيق وأن نأخذحقوقنا فلا يوجد فرق بين اساسى ومتعاقد الكل فى الهم سواء وبعدين نفسى يبقانا حس يا راجل دااحنا فى الضلمه مش شايف رجال وسيدات التربيه والتعليم ونقابتهم حتى فى حس وصوت انما نحن الازهريه ننه هوووووو اسكت ياراجل داالوحد متغاظ وحتى تصريحاتهم كذب يابه دوووووووووول بتوع فته
alaswed 13-09-2011, 02:47 AM يا أيها الذين آمنو عليكم أنفسكم لا يضركم من ضل إذا اهتديتم
للأسف معظم الأزهرية كده لكن حتلاقي ناس كتير متفتحين
أزهرى وأفتخر 13-09-2011, 04:44 AM منهم لله والله
ndeem55 13-09-2011, 06:55 AM من عاش ورضي بكونه ذيلا لغيره صعب عليه أن يكون رأسا
فهذا حال الأزهر من قمته لقاعدته
العنانى سات 13-09-2011, 07:46 AM اننا تابعيين للتربية والتعليم فعلا بدليل الترقيات
الحويني 13-09-2011, 09:29 AM انا من محافظة كفر الشيخ قطاع بيلا
وتم التنسيق مع جميع المعاهد التابعة للقطاع وسوف يتم الاضراب فى اول يوم فى الدراسة ولا عمل حتى ياتى قرار التثبيت كفاكم ذل ومهانة
alaa128 13-09-2011, 10:37 AM حاجة معروفه دائما الازهرية يتعلقون فى زيل المركب يعنى مش غريبة عليهم وانا معك فى ناس كتير بالازهر لسه عنديها عقدة الخوف وامشى تحت الحيط احنا معانا عيال يعم اليطبق على التربية والتعليم يطبق علينا
هم دول الازهرية الازهر ميت من زمان يعم فى رجال بتجرى وراء حقوقنا الله يحميهم ويبارك فيهم ام الازهرية الخوف عايش جواهم
العشرى1020 13-09-2011, 02:28 PM ياجماعه احنا مع الاخواة سواء كنا مثبتين اومتعاقدين وانا شيخ معهد ثانوى سوف اكون اول واحد مع الجميع فى المطالب التى سوف تقدم سواء كنا ازهر اوتربية وتعليم كلنا ابناء الوطن واحد وعاشت مصر حرة لان المعلم هو عصب الحياة السيد عبد المطلب شيخ معهد بطرة
البرهان الرياضى 23-09-2011, 04:40 PM فعلا : ليس هناك إضراب فى الأزهر
والدراسة تسير على أحسن حال
***************
صحيح بعض المعاهد التى تعد على أصابع اليد
هى التى قامت بالإضراب وليس لها أى تأثير يذكر
***************
البرهان الرياضى 23-09-2011, 04:43 PM هناك 20 مدرس تم تحويلهم للتحقيق
بسبب الإضراب
************
|