مشاهدة النسخة كاملة : هل استفدت حاجة؟؟؟؟؟؟؟؟
شموخ مسلمة 12-02-2008, 12:24 AM ازيكم يا جماعة عاملين ايه
ادخل فى الموضوع
طبعا كلنا تقريبا شفنا مباراة مصر و الكاميرون انبارح و كنا قاعدين ع اعصابنا و لما مصر جابت الجووووون هيصنا و فرحنا جدااااااااااااااااااااااااااااااا و بقت فرحة مش تتوصف طيب استفدت حاجة من المباراة دى
اولا لو شفتو الجون كويس _اكيد طبعا حافظينه مش شايفينه بس_زيدان وقع و لاعبى الكاميرون كانو بيشدوه و هو مش استسلم و قال اه انا اعمل نفسى وقعت عشان اخد اى حاجة ضربة حرة او اى حاجة لا ده قام و هو اللى عمل الجون زيدان كان عنده ملرونة جامدة و هو بيعدى من لاعبى الكاميرون مش لما يلاقى حد قدامه _عقبة_ يقف و خلاص بقى انا عملت اللى عليا
و الحدق يفهم
من الناحية التانية ابو تريكة لو مش كان متنبه جدااااااااااااااااااا لاى فرصة تيجيله و لزيدان و للاعبى الكاميرون مش كان الجون هييجى هو كان مستنى الفرصة و بيدور عليها مش مستنى الكورة تيجى لحد رجليه و تقوله دخلنى فى الجون لا دور وجرى و عمل اللى عليه
و برده الحدق يطبق
اخر حاجة بقى هو سؤال عايزة ليه اجابة احنا لما فرحنا انبارح فرحنا ليه عشان لاعب معين و لا عشان عايزين نفرح و السلام فلاقينا مناسبة للفرح و لا عشان راية مصر اترفعت و قلنا هم دول المصريين الرجالة
لو اجابتك اخر حاجة يبقى وجه لنفسك سؤال
اللاعيبة دول عملو اللى عليهم انت عملت ايه عشان مصر عشان نفخر بيك عشان نقول ده مصرى بجد و هما دول المصريين
يارب مش اكون زودت عليكم بس المفروض اننا نستفيد من كل حاجة بتحصل حوالينا
.. Mysterious .. 12-02-2008, 12:44 AM كلام جميل اختى الفاضله
وبجد احنا دورنا ايه؟؟؟؟ اعتقد محدش يعرف هوة دورة ايه اتجاة وطنه
واكيد ايضا فى ناس عارفين........
الاستفادة .... انى لا اقف فى مكانى واستنى الباب يخطب عليا
والاقى شخص يقولى تعالا.........
اما اتجاة وطنى ..... فاعزرينى من الاجابه سورى
وشكرا على الموضوع الرائع
وجزانا واياك كل الخير
شموخ مسلمة 12-02-2008, 12:50 AM شكراااااااااااا يا توم كروز ع مرورك الجميل
اما بالنسبة للوطن متهيالى اقل حاجة انك تحاول تعمل اللى عليك فى شغلك عشان وطنك تتعلم لغات عشان وطنك و تبقى فعلا لوطنك مش ليك بس يعنى اللى يذاكر يذاكر و هو حاطط قدامه انه بخدم الوطن و ع فكرة الحاجات دى للوطن الاسلامى ككل مش مصر بس
يعنى طالب الثانوى مثلا ليه و هو بيذاكر مش بيحط هدف من اهدافه مش هقول اهم هدف انه هيعمل حاجة لما يكبر عشان يخدم وطنه ليه مش كل واحد فينا بيبدع فى مجاله ليه مش كل واحد فينا قبل ما يتخصص فى مجال مش بيشوف الوطن محتاج لمجالات ايه هتقولى اصلها هوايات و حب لمجال معين
اقولك اسفة
بس لازم كل واحد يضحى عشان ينصر البلد دى مش نطلع نرقص فى الشو ارع و ارقص يا حضرى و الحاجات اللى كلنا شفناها و نخدر عقولنا و نقول اصلنا بنحب مصر
عاشقـــ الانمى ـــة 12-02-2008, 12:54 AM المشكلة إن إحنا مش نعرف نعملها إيه
Mr.h3ll 12-02-2008, 01:02 AM بجد كلامك حلو اوى بس اللى يطبقوهيا ديه مشكله الشعب المصرى
وكلامك صح الناس مصدقت اى حاجه تفرحهم عشان يفرحوا عشان الحياه بقت
يلا شكرا على الموضوع
شموخ مسلمة 12-02-2008, 01:05 AM شكرااااااااااا جداااااااااااااااا ع مرورك يا hell_eg بس لما احنا عارفين كده مش بنطبق الحاجات دى ع نفسنا ليه
MohammeD el_SadaT 12-02-2008, 01:15 AM الأول
أحب أبدى أسفى لأن ده كان أول موضوع من فتره كبيره جدااً
أحكم عليه من قبل ما أكمله للأخر بس بجد كنت مستعجل
على العموم سوف يتم تصحيح الوضع ووضع الموضوع مره أخرى فى العام
وبجد الموضوع جميل جداً وبيناقش حاجه
مهمه إحنا عملنا إيه
؟
هنلاقى نفسنا معملناش أى حاجه وتايهين فى الدنيا الواسعه
وبنلهى نفسنا بأى حاجه
شموخ مسلمة 12-02-2008, 01:19 AM اولا شكرااااااااااا ع مرورك يا سادات
ثانيا مافيش اسف و لا حاجة عادى و الله
شموخ مسلمة 12-02-2008, 09:37 AM طيب انا ملاحظة اننا كلنا و انا منكم عارفين اننا المفروض نعمل حاجة و عارفين ان عيب الشعب المصرى انه بيتكلم مع اننا نسينا اننا احنا الشعب المصرى ياللا كل واحد فينا يبدا بنفسه لازم نعرف ان وقت الهزار و الكلام خلاص المفروض انه عدى
عبقرينومان 12-02-2008, 12:57 PM السلام عليكم
اولا : الموضوع جميل وهادف
ثانيا : انا واحد من الناس كنت جايب شاشة عرض كبيرة ووضعناها في وسط الفيوم وعملنا فرح بعد الماتش لحد الصبح والفيوم عندنا لم تنام
وطبعا اللي حصل ده يعتبر انجاز حضاري قبل ان يكون تاريخي وانجاز قد يجلب لمصر المزيد من الرفعة بين الشعوب الكروية وقد يصعد الفريق المصري لكأس العالم بعد ما صعد لكأس القارات
وطبعا اول حاجة وصول سبعة من الفريق لمنتخب افريقيا
وبالتأكيد الناس دي شرفت مصر
انما احنا دورنا في الرياضة نشجع اللي بيعرف يعمل بطولة زي شحاته
دورنا في الصحافة نشجع الكاتب والمؤلف
دورنا في الحياة هو العبادة
درونا لمصر وده سؤالك نقف بجد في كل محفل ونشارك برأينا لا نكون سلبين ولازم يكون لينا رأي في اللي بيحصل في مصر من مشاكل وحلول وقضايا ونوصل صوتنا لكل الناس
يعني انا بعتبر وجودي بينكم هنا في الموقع هدف جميل اننا نقدر نساعد طلبة الثانوية على التفكير قبل التعليم على المشاركة بالرأي في المواضيع على الساحة زي موضوعك ده
والحمد لله على فوزنا بالكأس وعقبال الكأس
طمعانة فى رضاك يا رحمن 12-02-2008, 10:20 PM طبعا الحمد لله علي فوز
ديه حاجه احنا نفتخر بيها
بس معني كده انهم ياخدو هذه المبالغ الهائله
واسمها تبرع
انا مش عجباني الكلمه ديه خالص
اظن في ناس غيرهم محتاجها اكتر
المخلص الي الابد 12-02-2008, 11:15 PM والله عن نفسي لو كان في ايدي اعمل اي حاجة لمصر كنت عملتها من زمان
ولكن انا مفيش في ايدي اعمل حاجة لبلدي اللي كل يوم بيستشهد فيها العشرات
وبيستباح فيها دماء الشرفاء مفيش في ايدي غير الدعاء للمقاومة لصد الاحتلال
اعداء الله وربنا يوفقك الجميع وينصر كافة المسلمين ان شاء الله
وكمان مرة الف الف مبروك لفوز مصر لانها رفعت راس كل العرب بصراحة
وان شاء الله عقبال كاس العالم باذن الله
شموخ مسلمة 12-02-2008, 11:57 PM شكراااااااا عبقرينو مان و طمعانة فى رضاك يل رحمن و المخلص الى الابد ع مروركم الجميل
بس بجد انا عملت الموضوع ده لان كلنا المفروض نبدا بنفسنا كل واحد يبدا بنفسه (اذا كنت تريد تغيير الكون فغير نفسك اولا)
كلنا عارفين ان ده الواقع بس امتى نبدا نغيره
احمد رضا 13-02-2008, 03:19 AM السلام عليكم ورحمة الله وبركاتة
في البدايه ازيك ياأرق ملاك .. ايه اخبارك ؟
يارب تكوني بخير
في البداية عشان لو غلط في مصطلح كروي ولا حاجة انا مليش أدني علاقه بالكورة ( علاقتي بيها زي علاقتك بالطاقه النوويةاو في الدراسات الفلكية )
ولا اتفرجت علي الماتش لاني مبحبش الانفعالات دي ومبحبش احرق دمي
انا اتفرج علي الاهداف في الاخر علي رواقة
وكله بيبقي اترفع علي النت
وابقي اتفرجعلي الماتش وانا عارف ايه نهايته عشان انا ضغطي بيرتفع بسرعه
وانا ضغطي غالي عندي اوي .. محبش ارفعه مهما كان الحاجة
لان مفيش حاجة تستاهل في البلد دي
:)
المهم
موضوعك جميل للغاية وفيه رساله جميله اوي ويمكن مش رساله واحده بس
لاء دي كذا رساله
رساله أولي في قوة الإرادة
رساله تانيه في التوكل والتواكل
رساله تالته في ازاي تخدم بلدك
ورسايل تانيه كمان يمكن انا ماخدتش بالي منها
بالنسبه لأول رساله
قوة الإرادة
بعد توفيق ربنا طبعا بيبقي كل شئ سهل
سبحان الله زيدان ولا كل ولا مل من انه يستمر بالكوره رغم الضغط والشد اللي كان عليه
لاء حارب عشان عنده هدف
ودي ممكن نستفاد منها فعلا
ان الانسان ميتحججش بالظروف
يحاول
ربنا وفقه وقدر
يبقي تمام
مقدرش
خلاص يبقي عمل اللي عليه
وبدليل ان زيدان خلاص مكانش هيعرف يدي الكوره اصلا لابو تريكه
ولكن ربك يشاء
---
ثانيا : التوكل والتواكل
ابو تريكه طبعا ربنا بيوفقه عشان عارف حق ربه عليه كويس
وعارف ان السبب في كل النجاح هو ربنا سبحانه وتعالي
مقعدش واستني الفرصه زي ما انتي بتقولي
قاده الاصلاح المسلمين بيقولك ايه في النقطه دي
بيقولك لو كان الجلوس وانتظار الرزق هو التوكل
فكان علي الرسول - صلي الله عليه وسلم - ان يقول
لو انكم تتوكلون علي الله حق توكله لرزقككم كما يرزق الطير تلبث في اعشاشها وتفتح افواهها تصبح خماصا ً وتمسي بطانا
ولكن الرسول قال ايه في الحديث الحق
" لو انكم تتوكلون علي الله حق توكله لرزقكم كما يرزق الطير تغدو خماصا ً وتروح بطانا ً " رواه الترمذي
صدق رسول الله صلي الله عليه وسلم
نلاحظ في الحديث ان الرسول قال تغدو تروح
مش قاعده زي التنبل
وده بالظبط اللي عمله ابو تريكه
بيجري .. بيسعي .. عارف ربنا كويس ربنا كرمه
نتائج لازمه عن مقدمات
ثالثا : ازاي تخدم بلدك
انا بتعارض معاكي لما بتقولي هتقولي
ما كل واحد له مواهب وبيحب حاجة معينه
وقولتي آسفه
لازم تضحي وتشوف ايه في البلد اللي ناقص وتدرسه
صدقيني .. مفيش واحد بيدرس حاجة مبيحبهاش وبينجح وبيبقي من مشاهير العالم
اه ممكن ينجح نجاح صغير
بس اللي عايز ينجح علي مستوي العالم ككل
والعالم كله يعترف بيه
يدرس اللي بيحبه
وعشان ابقي واقعي اكتر واكتر في البلد اللي تجن الجن وتعفرت العفريت دي
ان الواحد يدرس ويجيب شهاده كويسه
وبعد كدا يشوف هو عايز ايه ويكرس نفسه
هتقولي هو بيضيع وقت ( اذا كان العيشه في البلد دي اصلا ً تضيع وقت ده مش تضييع وقت وبس ده تضييع عمر وصحه وعقل وكل حاجة ماشاء الله )
هقولك مش هتعرف تعيش بمواهبك
احنا بلد متخلفه
والله متخلفه
ومش متخلفه في كل حاجة
الحق احق ان يتبع
( مع اني معرفش هيا متقدمه في ايه اصلا )
بس مش هتقدر تعيش بمواهبك
هنا عايز تعيش
بشهادتك
ونفوذك
وواسطتك
وفلوسك
ومقاس جزمتك
:D
وصباح الفل علي كدا ياريس
غير كدا .. اهي دقني لو فلحت
ولا شوفت الفلاح بعنيك !!
بس حقيقي انا مقرر بعد مشيئه الرحمن انا هعمل ايه
وهبقي اللي انا عايزه بأي ثمن مادام ميغضبش ربنا
ده اللي انا عايز اقوله
وبشكرك جدا علي موضوعك
انا عارف اني طولت في الرد
بس بغرض الافادة مش اكتر
- اللي بيجنني في البلد دي لما اقول واحد استفد ايه .. يقولي ياعم مستفدتش بس مخسرتش - يااما هما اللي مجانين يا اما انا اللي عبيط
:D
ملحوظة وخبر سار : اول امس رأيت امرأة عجوز مرقعه الملبس
- ان صح اطلاق مصطلح ملبس علي ما تلبسه - تأكل بقايا الطعام من القمامه في ظل ان كل لاعب اخد ما يزيد عن ( 2 ) مليون جنيه .. نعم بلدي ام العدل !!
شموخ مسلمة 13-02-2008, 10:37 PM اولا شكراااااااااا جداااااااااا ليك يا احمد ع مرورك الجميل بجد كملت الموضوع
ثانيا بالنسبة للدراسة انا كان قصدى ان واحد مثلا بيحب الطب اوكى يدخل طب طبعا _لو الثانوية سمحت _بس التخصص متهيالى يبقى عادى و بعدين فى حاجات احنا بنحبها ممكن نمارسها كهواية زى الكمبيوتر مثلا ممكن نبدع فيه بس مش لازم نبقى مهندسين كمبيوتر انما مش ينفع ابقى انا واحدة بحب كلية العلوم و اروح ادخل طب يارب تفهمنى
ملحوظة صغيرة: يا احمد انت لما بتتكلم عن مصر بحس ان انت مش طايقها و لا حابب فيها حاجة ازاى طيب ضغطك مش بيترفع:d
zizo2_2 13-02-2008, 11:01 PM عارفين احنا فرحنا ليه
لازم نصارح نفسنا كويس بالحقيقة
احنا كشعب تعبانين حياتنها كلها حزن فمصدقنا ان تيجي مناسبة علشان نخرج الطاقات اللي جوانا
أوهسال سؤال واحد حكومة مصر عملت ايه كويس في حياتها علشان تخلينا نفرح ؟
فاحنا ما صدقنا نلاقي فرحة علشان نفرغ كل طاقتنا بيها
نحاول ننسى همومنا
حتى الناس اللي برة مصر
هنا في الامارات المصريين قفلوا الشوارع
انا بعد الماتش علشان اروح السكن فضلت ثلاث ساعات في الطريق في مسافة لا تتعدى 5 كيلوا وده من الزحمة يعني لو كنت أخدتها مشي كان اهون
ا
احنا فرحنا وفرحنا أوي كمان ويمكن أكتر من اللي كانوا في مصر
ولكن فرحتنا دي تفريغ ومحاولة نسيان وهروب من آلامنا من ااحسساسنا الصعب بالغربة
أنا لا انكر اني اعشق مصر اقسم اني اعشقها بكل كياني
ولكن حكومة مصر قد أضاعت المعنى الجميل للعشق
حكومة مصر قد عودت الشعب المصري أن يكون سلبيا
عودتنا ان نكون فعلا كما يقال على الشعب المصري يجمعه المزمار وتفرقه العصا
انا قلت رأيي بكل صراحة
مش لازم رايي ده يكون مرتب أو منظم
النممهم اننا نكتب اللي بنحس بيه حتى لو كان غلط
شموخ مسلمة 13-02-2008, 11:19 PM شكراااااااااااااا يا زيزو ع رايك بس برده ماحدش قالى الماتش ده حفزه ع انه يعمل اى حاجة لمصر
KHALOOOD 15-02-2008, 09:41 AM السلام عليكم
اولا الموضوع جميل ويناقش قضيه مهمه
بس اتجاه الموضع خطأ لابد ان يوجه الموضوع الى من هم اكبر سننا منا
لاحظى ان من تكلميهم اغلبهم فى الثانويه العامه
وماذا يعنى ذلك ؟
يعنى انه منتظر كليته ليرى ما سيفعله لمصر ولوطنه
يعنى انا الحمد لله مجالى الهندسه يعنى المفروض لما اتخرج
انفع بلدى فى مجالى دا
لان لو كل واحد خدم بلده فى مجاله اللى بيحبه وحطى مليون خط تحت اللى بيحبه
بجد الوطن هيبقى عالى اوى اوى اوى
ولو منفعهاش او قعد على القهوه او مشتغلش دى قضيه تانيه
ومش عارف اقدر اعمل ايه تانى عشان انفع بلدى
بس ادينى مستنى لما اتخرج
اما بالنسبه للفرحه
يعنى يبقى حرام اوى لو مفرحناش
دا انا اول مره احس انى بحب مصر من اللى حصل
والفرحه اللى كانت فى عيون اصدقائى والناس والبنات وكل كبير وصغير فى مصر
بجد يوم لن انساه فى حياتى
مش معقوله تفضل حياتنا كلها كدا حزن وبؤس لا لازم نفرح
اسف للاطاله وجزاكى الله كل خير
سيف حسام دراج 15-02-2008, 10:16 PM موضوع جميل ورائع
و جزاك الله خيرا
وشكرا لك
سيف حسام دراج 15-02-2008, 10:18 PM موضوع جميل ورائع
و جزاك الله خيرا
وشكرا لك
شموخ مسلمة 16-02-2008, 03:39 AM اولا شكرااااااااااااا جداااااااااا ليك يا خالد و يا سيف
ثانيا ع فكرة يا خالد انا عاملة الموضوع ده لبتوع الثانوية اكتر من اللى اكبر منهم ليه ؟
عشان اللى بيذاكر من دلوقتى يبقى بيذاكر و قدامه هدف اسمى من انه مجرد يدخل كلية قمة هقولك ع حاجة انا الفترة اللى فاتت كانت مذاكرتى مش اد كده بس بعد الماتش لا اتغيرت حاجات كتير و فت لاهدافى حاجات انت مش تتخيلها فاهمنى
احمد رضا 18-02-2008, 09:27 PM اولا شكراااااااااا جداااااااااا ليك يا احمد ع مرورك الجميل بجد كملت الموضوع
ثانيا بالنسبة للدراسة انا كان قصدى ان واحد مثلا بيحب الطب اوكى يدخل طب طبعا _لو الثانوية سمحت _بس التخصص متهيالى يبقى عادى و بعدين فى حاجات احنا بنحبها ممكن نمارسها كهواية زى الكمبيوتر مثلا ممكن نبدع فيه بس مش لازم نبقى مهندسين كمبيوتر انما مش ينفع ابقى انا واحدة بحب كلية العلوم و اروح ادخل طب يارب تفهمنى
ملحوظة صغيرة: يا احمد انت لما بتتكلم عن مصر بحس ان انت مش طايقها و لا حابب فيها حاجة ازاى طيب ضغطك مش بيترفع:d
هههههههههه ما انا فصلت دماغي ياملك
بس عايز اقولك حاجة
يعني ايه الحاجة اللي بنحبها نمارسها كهوايه
ونسيب مصالحنا ومشاغلنا ؟!! - لو فيه -
بصي ابو بالين كداب وابو تلاته كداب اكتر منه :D
لما تبقي الهوايه هيا الشغل والشغل هو الهوايه
البلد دي هتتقدم
بس مش هكون هنا بقي ان شاء الله
علي العموم هاانت خالص
بس ضغطي لو يثبت
كله هيبقي زي الفل
ربنا يهديني
علي فكرة يا ارق ملاك
بعض نظرتك في خدمه البلد دي خطأ نهائي
لو علي اننا نشوف البلد ناقصها ايه
وندرسه
يبقي مش هنلاقي طلبه يكفوا
انا بفكر يدخلوا نظام احتراف الطلبه
ونشتري طلبه من برا
بس لو عملنا كدا
محدش هيعبرنا برده
لان بلدنا الفار يدخل فيها يطلع عنده فقر دم وسل وشلل وكساح بقى و يتعمي ويتحول سنتين ويموت
:D
شموخ مسلمة 18-02-2008, 10:39 PM هههههههههه ما انا فصلت دماغي ياملك
بس عايز اقولك حاجة
يعني ايه الحاجة اللي بنحبها نمارسها كهوايه
ونسيب مصالحنا ومشاغلنا ؟!! - لو فيه -
بصي ابو بالين كداب وابو تلاته كداب اكتر منه :d
لما تبقي الهوايه هيا الشغل والشغل هو الهوايه
البلد دي هتتقدم
بس مش هكون هنا بقي ان شاء الله
علي العموم هاانت خالص
بس ضغطي لو يثبت
كله هيبقي زي الفل
ربنا يهديني
علي فكرة يا ارق ملاك
بعض نظرتك في خدمه البلد دي خطأ نهائي
لو علي اننا نشوف البلد ناقصها ايه
وندرسه
يبقي مش هنلاقي طلبه يكفوا
انا بفكر يدخلوا نظام احتراف الطلبه
ونشتري طلبه من برا
بس لو عملنا كدا
محدش هيعبرنا برده
لان بلدنا الفار يدخل فيها يطلع عنده فقر دم وسل وشلل وكساح بقى و يتعمي ويتحول سنتين ويموت
:d
بص يا احمد انا مش اقصد ان اى هواية تبقى ممارسة لا بس فى هوايات زى الكمبيوتر ممكن تبقى ممارسة كورسات كده يعنى و كمان فى ناس بيبقو بيحبو كليتين مثلا او اكتر هما بيحبوهم فى الوقت ده من وجهة نظرى مش هيبقى فيها حاجة لما يدخل المجال اللى البلد عايزاه لانه اصلا بيحب المجالين اوكى
اما بالنسبة لخدمة البلد انا عارفة اننا مش هنقدر نوفر كل المجالات اللى البلد عايزاها بس نقدر نوفر معظمها او بعضها و كمان متاكدة ان حاجة زى كده مش هتحصل فى يوم او اتنين و لا حتى سنة لا دى حاجة محتاجة سنين بس كل واحد فينا عليه دور تجاه بلده المفروض يعمله و بعدين صراحة انا اتمنى انى اخدم البلد دى حتى لو مش تقدمت و انما عايشة بس يكفينى انى انال شرف انى عملت حاجة لمصر لانى بجد بحبها جدااااااااااااااا جداااااااااااااااااا
بس ع فكرة يا احمد المفروض نفرق بين و لائنا و حبنا لمصر و بين ده للحكومة لان مصر مش الحكومة
احمد رضا 19-02-2008, 04:19 PM بس ع فكرة يا احمد المفروض نفرق بين و لائنا و حبنا لمصر و بين ده للحكومة لان مصر مش الحكومة
فعلا مصر مش الحكومه الديكتاتورية بس - مع احترامي للاقلية -
مصر شعب سفيه كمان -مع احترامي للاقلية -
باقي ايه في مصر غير الحكومه والشعب
الارض ؟
خلاص هقعد احب في الارض
ولا اقولك
هبقي اخد شوية تراب في كيس وانامسافر واقعد احب فيهم
ربنا يستر الايام الجايه
عشان والله هيحصلي حاجة من التفكير واللي بشوفه
انا بحمد ربنا اني معرفش حاجة في السياسه والرياضة
ربنا بيحبني اوي عشان بعدني عن المجالين دول
شكرا يا ارق ملاك
شموخ مسلمة 19-02-2008, 11:41 PM فعلا مصر مش الحكومه الديكتاتورية بس - مع احترامي للاقلية -
مصر شعب سفيه كمان -مع احترامي للاقلية -
باقي ايه في مصر غير الحكومه والشعب
الارض ؟
خلاص هقعد احب في الارض
ولا اقولك
هبقي اخد شوية تراب في كيس وانامسافر واقعد احب فيهم
ربنا يستر الايام الجايه
عشان والله هيحصلي حاجة من التفكير واللي بشوفه
انا بحمد ربنا اني معرفش حاجة في السياسه والرياضة
ربنا بيحبني اوي عشان بعدني عن المجالين دول
شكرا يا ارق ملاك
ايه يا احمد انت مش قلت انك مش بتسيب حاجة ترفع ضغطك ايه اللى حصل
بص يا أحمد الشعب ده مكون منى ومنك و من الباقى و بعدين ع فكرة شعب مصر فيه مميزات مش فى اى شعب تانى و مش سفيه ع فكرة خالص هو زى ما انا قلت قبل كده احنا مش شعب تافه و لا سفيه احنا عايزين نبقى كده عشان نهرب من الضغوط اللى علينا
اما بالنسبة لمصر و ترابها اه ندافع عن ترابها بس مش ناخده معانا و احنا مسافرين يا احمد
يعنى يا احمد مصر ليها حق عليك انك ترفع رايتها انك تقول انا المصرى بجد انا اللى بصلح انا اللى بخترع انا اللى ببتكر انا و انا ..................الكلام مش موجه ليك بس يا احمد انا بوجهه لنفسى و ليك و لاعضاء المنتدى و لكل المصريين
المفروض نفووووووووووق بقى كل حاجة نمر بيه نستفيد بيها شباب اليهود بيدبرو لهدم الاقصى و شبابنا بيدبر لسيجارة البانجو _سورى _ و المخدرات و البنات و اللبس و..................
احنا ازاى عايشين كده ..........ازاى مش بنفكر فى اللى بيحصل حوالينا و الله حرام علينا الناس بيتقتلو و احنا بنلعب الناس بتموت من الجوع و احنا بنشترى اى حاجة تافهة
يا ناس و الله حرام علينا اللى احنا بنعمله ده
احمد رضا 19-02-2008, 11:58 PM ايه يا احمد انت مش قلت انك مش بتسيب حاجة ترفع ضغطك ايه اللى حصل
بص يا أحمد الشعب ده مكون منى ومنك و من الباقى و بعدين ع فكرة شعب مصر فيه مميزات مش فى اى شعب تانى و مش سفيه ع فكرة خالص هو زى ما انا قلت قبل كده احنا مش شعب تافه و لا سفيه احنا عايزين نبقى كده عشان نهرب من الضغوط اللى علينا
اما بالنسبة لمصر و ترابها اه ندافع عن ترابها بس مش ناخده معانا و احنا مسافرين يا احمد
يعنى يا احمد مصر ليها حق عليك انك ترفع رايتها انك تقول انا المصرى بجد انا اللى بصلح انا اللى بخترع انا اللى ببتكر انا و انا ..................الكلام مش موجه ليك بس يا احمد انا بوجهه لنفسى و ليك و لاعضاء المنتدى و لكل المصريين
المفروض نفووووووووووق بقى كل حاجة نمر بيه نستفيد بيها شباب اليهود بيدبرو لهدم الاقصى و شبابنا بيدبر لسيجارة البانجو _سورى _ و المخدرات و البنات و اللبس و..................
احنا ازاى عايشين كده ..........ازاى مش بنفكر فى اللى بيحصل حوالينا و الله حرام علينا الناس بيتقتلو و احنا بنلعب الناس بتموت من الجوع و احنا بنشترى اى حاجة تافهة
يا ناس و الله حرام علينا اللى احنا بنعمله ده
اقول تاني يعني
لا حول لا قوة إلا بالله
ردي كان رد علي موضوع تاني
هههههههههه بجد تصرفات سفهاء بمعني الكلمه
في كاس الامم الافريقية دي عايزك تشوف كام مشجع بالله عليك
نقول مصر دلوقتي 76 مليون وشوية فكه - علي حسب معلوماتي القليله - :)
نقول 20 مليون حريم ومش بيتابعوا كوره - بالكتير اوي - :rolleyes:
نقول ياسيدي 5 ملهومش دعوه بحاجة في الحياة ;)
تعالي للـ 50 مليون بقى اللي كانوا ماشيين زي الـ ..... نقدر نحط اللي عايزينه عشان يليق بيهم
نقول لو كل واحد شهق بس او كح هينسف الحكومه بالجيش بالريس باللاب توب بتاعي برده :D
ياخي انا معرفش والله ايه اللي بيحصل
الشعب بيهرب
بيخدر نفسه
شعب سفيه بجد :mad:
بالزمه وهو عمال يتنطط كدا مفتكرش ابوه ولا امه اللي بيقفوا علي فرن العيش عشان الاكل والطفح
مفتكرش لما بيروح يعمل بطاقه الناس واقفين اازاي واللي بيدفع بيعدي و الشتيمه وسب الدين
مفتكرش انه مش لاقي شغل اصلا وعايش علي قفا ابوه الغلبان
مفتكرش انه بيحب واحده ومش هيعرف يرتبط بيها بسبب الظروف اللي في البلد
مفتكرش انه معرفش يتعلم وفي الاخر طلع بدون مستقبل
مفكرش في ابنه ولا بنته لما يطلعوا هيبقوا ازاي
والله قمه الخيابه والهبل والعبط
بالله عليك .. وعايز زمتك
احنا هنفلح كدا ؟
محدش يقولي ردي سلبي عشان الحل باين في الرد
نقدر نستنبطه من الرد
ياربنااااااااااااا ... كل واحد يجي يقولي بص لنص الكوبايه الفاضي
ياجدعان مبقاش فيه كوبايه اصلا عشان ابصلها
كنت اتمني ان اسلام (المرشد ) يكون هنا
عشان يقول رأيه
بجد مينفعش ياجماعه نظره الامل اللي فينا دي
كلنا عايشين علي امل ان البلد هتتصلح
هتتصلح وشعبها بيجمعه مزمار وتفرقه عصايه
والله حرام علينا
وبعدين بتقوليلي اخترع .. ابتكر
فين الماده اللي هخترع منها
اخلق من العدم
اعمل من علبه كبريت قاعدة صواريخ
اعمل من المقومات بتاعت الآله الحاسبه كمبيوتر
علي فرض ان فيه الامكانيات كلها
تتقدم فين
كان زويل اللي انتوا طايرين بيه قعد وكمل اختراعاته هنا
كان فاروق الباز لقى مجاله هنا
كان كل ده حصل
بصي ياملاك
اوعدك ان عهدك مع الامل العالي ده والكلام الغير واقعي اللي بتقوليه هينتهي مجرد ما تبدأي تخبطي في الحياة
بس المشكلة انك مش هتخبطي في الحياة
لانك بنت
هتتجوزي مثلا وتبقي ربه منزل
لو عندك اخ اتخرج ومش لاقي شغل قوليله كلامك ده وهو هيرد عليكي
خلي واحد قريبك كدا ينزل يسأل الشباب اللي قاعدين علي المقاهي
وقوليله ايه رايك في البلد
وخليه يسجله
ويعمله منتاج عشان هيسمع احلي كلام
بس اللي اقدر اقوله
ربنا يهديني ويهدي الجميع
شموخ مسلمة 20-02-2008, 12:18 AM انت بتخوفنى ليه يا احمد يعدين و الله انا مش كلى امل بالطريقة اللى وصلتلك بس انا شايفة الالم و نفسى فى الامل
الامل ده اللى هو انا و انت و غيرنا بس لازم يا احمد تحاول تشوف اى امل لانك كده متهيالى هتدمر من الياس
احمد رضا 20-02-2008, 01:00 AM هههههههه يأس ايه بس انا الحمد لله اناني في النقطه دي
بعرف اصرف نفسي
ربنا يستر
شموخ مسلمة 20-02-2008, 01:04 AM هههههههه يأس ايه بس انا الحمد لله اناني في النقطه دي
بعرف اصرف نفسي
ربنا يستر
ايوة كده اضحك يا احمد مش مستاهلة ده انا حسيت اللى انت خلاص هتعمل حاجة فى نفسك كلامك بحس فيه بفقدان الامل_بلاش الياس_و التوقيع عمل شغل جامد مع الكلام
احمد رضا 20-02-2008, 01:04 AM علي فكرة يا ارق ملاك خبر جميل اوي وكله امل
محافظة المنيا بقالها خمس ايام عايشه من غير ميه
وفيه مظاهرات علي رغيف العيش
انا فرحان
شموخ مسلمة 20-02-2008, 01:07 AM علي فكرة يا ارق ملاك خبر جميل اوي وكله امل
محافظة المنيا بقالها خمس ايام عايشه من غير ميه
وفيه مظاهرات علي رغيف العيش
انا فرحان
يا أحمد انا عارفة ان مصر مليانة بماسى بس برده المفروض لما نشوف حاجة زى كده نفكر فى دورنا تجاه البلد مش تجاه الحكومة اوكى لان البلد احنا اللى هنصلحها مش الحكومة
الاء عبد العظيم 20-02-2008, 01:16 AM عارف يا احمد لو كان نص الناس الى خرجوا يشجعوا المنتخب عملوا اى مظاهرة على اى حاجة مش كويسة فى البلد كان احسنلهم لكن نقول اية ما صدقوا لقوا حاجة يتنططوا عليها
شموخ مسلمة 20-02-2008, 01:19 AM عندك حق و الله يا الاء
الاء عبد العظيم 20-02-2008, 01:20 AM كل واحد النهارضة مش بيفكر غير فى نفسة هياكل عيالة منين وهيدفع الدروس امتى وفواتير الميا والكهربا والغاز ومصاريف البيت وفاكر ان هو الوحيد الى عندة مشاكل ومش حاسس بالى بيجرى
شموخ مسلمة 20-02-2008, 01:21 AM انتى كده يا الاء فقولتى نقطة مهمة جداااااااااااااااااااااااااااااااااا
شكراااااااااااا لمرورك و رايك
الاء عبد العظيم 20-02-2008, 01:21 AM ومش حاسس بالى بيجرى للعراق ولا لفلسطين والى بيجرى لمصر نفسها
الاء عبد العظيم 20-02-2008, 01:24 AM البلد محتاجة تفوق بيقولوا هيوفروا فرص عمل للشباب فين دة والاخر يلوموا الشاب على انة بيسافر ويسيب مصر يعنى هو كان لاقى شغل فى مصر وقال لا
احمد رضا 20-02-2008, 03:49 AM عارف يا احمد لو كان نص الناس الى خرجوا يشجعوا المنتخب عملوا اى مظاهرة على اى حاجة مش كويسة فى البلد كان احسنلهم لكن نقول اية ما صدقوا لقوا حاجة يتنططوا عليها
عايزك تجاوبي عليا يا الاء بالله عليكي
انا مثلا والدي توفي ووالدتي تعبانه و اخواتي جعانين واروح اسهر مع اصحابي والعب واهيص .. هتقولي عليا ايه ؟
انا بقول مثلا
الحمد لله ربنا يخلي والدتي ووالدتي واختي
قولتها وهقولها
احمد رضا 20-02-2008, 03:52 AM واحد صاحبي بقوله ايه الحل
قالي البلد عايزة تتهد وتتبني من جديد
الرك علي القاعده البايظه
والتاني بقوله ايه الحل
قالي مش بيقولك اصل اللي بني بني مصر كان في الاصل حلواني ؟
روح اشتري كيلو هريسه وروح قوله اظبط مصر ازاي ؟
بالزبيب ولا بالفسدق
صباح الفل
:d
فنكوشه المنكوشه 20-02-2008, 03:59 AM واحد جعان اوي اوي اوي اوي فوق ما تتصوروا
وادامه حاجتين
طبق فول كبير يشبعه ويفيض كمان
وربع فرخه مشويه يشمها :D
طب صاحبنا دا اختار الفرخه :D وصاحبنا دا هو الشعب المصري
الا يعني مشوفناش مظاهرات وحاجات غير لفرحه النصر في غانا:D
وفي الاخر نقول احنا شعب الفراعنه احنا شعب 73
ومن بعد 73 الشعب اختفي لحد ما هينقرض
اصبححت مصر اسيره ماضي
وطبعا كلنا بنقول ادينا بنضحك بنهرب من الامنا واوجعنا
مع اني لو سالت مين هو مغنيه ؟!مظنش غير اتنين ولا تلاته من الشباب
محدش حاسس بحاجه ولا حد عارف حاجه اساسا عشان يلهي نفسه بالافراح
احنا بقينا ماشيين بمبدا كبر الGوروق الD
واديني في الهايف وانا احبك يا فننس:D
وZoomبتشجع مصر :D
شموخ مسلمة 21-02-2008, 12:00 AM يب يا جماعة و ايه الحل يعنى هنفضل نشتم فى مصر و نتريق ع المصريين طيب و بعدين
احمد رضا 21-02-2008, 01:13 PM جاري البحث عن حل من 54 سنه ومازال البحث جاري
لسه مقابل واحد تاني امبارح عنده 54 سنه قالي انا عندي اكتئاب من البلد دي بقالي 30 سنة
ماشاء الله
ربنا يوفقك ياارق ملاك
شموخ مسلمة 21-02-2008, 01:17 PM يا احمد انا بتكلم جد ليه مش كل واحد فينا يفكر فى حل و اللى يلاقى حل مهما كان بسيط يقوله و ننفذه كلنا او اللى عايز ينفذ و نبطل سلبية انا بجد بقيت بتضايق جداااااااااااااا من نفسى لانى عارفة ان عليا دور بس مش قادرة اعمل حاجة او بمعنى اصح مش عملت حاجة
|