أنا مش متفائل بمستقبل مصر هل أنت متفائل؟:(:(
آه آه على فكرة أنا مش زعلان عشان مبارك الله لايبارك فيه مشى لالالالالالالا والله أبدا بل أنا مبسوط جدا جدا لكن خايف من اللي جاي في الغيب ومحدش عارفه لأسباب كثيييييييييرة جدا منها
1- مصر دولة كبيرة 85 مليون ونسبة الأمية فيها 25%.
2- كثرة الأحزاب وتشتتها "كل حزب بما لديهم فرحون".
3- مراعاة المصالح الشخصية فحسب ويتحقق ذلك في 90% وأكثر من الذين يديرون البلد(ولا تقول وطنية ؛لأنهم لايفهمون معنى الوطنية،الوطنية عندهم بالقول وليس بالفعل،الوطنية تعني انه مصري له الحق يراعي مصالحه الشخصية ويتمتع بكل الفساد الأخلاقي والسياسي )
4-كثرة الطوائف الدينية(سلفية-علمانيين-أخوان-صوفية-بهائية-أزهريين-مستقلين)
5- عدم الاتفاق على شيء بين طبقات الشعب الأربعة(الرأسماليين-محدودي الدخل-معدومي الدخل-العاطلين)
6-استحالة التخلص-من قِبل المسؤولين اللي مش فاضيين- من الفساد الموجود منذ 30 سنة في فترة قليلة يريدها محدودو الدخل والعاطلين (كتعديل الأوضاع الاجتماعية وتوفير فرص عمل للعاطلين وتعديل سلم الرواتب بالنسبة للعاميلين والمساواة الاجتماعية -أو مايسمى بالمطالب الفئوية.وهذا يعمل على توتر العلاقة بين الحكومة الانتقالية ومحدودي الدخل والمتعاقدين في جميع المصالح الحكومية وكذلك العاطلين.
7-إحساس الأقباط وباقي الفئات الأقلية بأقليتهم وبالتالي يحاولون ترسيخ قواعد يستندون عليها فيما بعد.
8-التوجه الإعلامي الخاص للفتنة ولا أعلم هل هذا ما يسمى بالأجندة الغربية ؟أم لا؟
9-انقسام مصر فكريا إلى أربعة أقسام (وجه قبلي-وجه بحري-محافظات القناة-العاصمة وما حولها)وبالتالي لم يتفق الشعب المصري فكريا.
10-وجود فئة غير قليلة من بقايا النظام السابق مندسين وسط الشعب المصري في جميع محافظات مصر.
11-عدم الوعي السياسي عند80%من شعب مصر وبالتالي نختلف تماما عن الشعب الأمريكي-ولا تغركم كلمة أوباما:عايز شباب أمريكا يقتدي بالشعب المصري-.
12- وجود البلد تحت قبضة المجلس الأعلى للقوات المسلحة وهذا ما يزيد اشتعال النار بين فئات الشعب المصري.

أنا متفائل بالناس الفاهمه اللي زي حضرتك غير كده متشائم ..
حضرتك الناس عايزه البلد تتغير تغير تام في شهر .. ودا اللي مصعب الحكايه شويه
فالمفروض إننا نعمل إنتخابات شعب وشوري ورئاسه والبعدين نطالب بكل حاجه .. وطبعا هايبقي في تغير بس مش المتوقع يعني مثلا أنا عاطل أصبح الصبح ألاقي عندي شقه وعربيه ووظيفه .. ههههه
طبعا هو دا اللي الناس عايزاه واللي جنن الناس أكتر الأرقام اللي الناس كانوا بيمتلكوها أيام مبارك وعلي فكره كله كلام فاضي ..
والله المستعان

متفائل تماما
قال رسول الله صلى الله عليه وسلم
(تفاءلوا بالخير تجدوه)
صدق رسول الله صلى الله عليه وسلم

متفائلة برغم ما يحدث لاننا فى طريقنا الى التغير

مش متفاءلة للاسف

صحيح مفيش حاجه تخلينا متفائلين;)
بس تفاءلوا بالخير تجدوه
مفيش اودامنا غير التفائل:o
على الرغم من ان حال البلد ميطمنش
وان فى ناس كتير فاهمين الحريه غلط:bosyht9:
والمشى بقا على الكيف فى البلد:slap1qk6:
كل واحد يعمل اللى عايزه:rolleyes:
بس لازم نتفائل:romarioxp6:
وربنا يستر الايام الجايه دى
ونشوف المدرسين هيعملوا ايه؟!:d
حفظ الله مصر:d
حته حسنى:p
تقبل مرورى..

بالنسبة للاسباب اللى ذكرتهم
ممكن اتفق معاك في اول 6 بشكل تام
والبقية بشكل جزئي او نسبي


لكن انا متفائل جداً لاسباب متعددة

1- الفساد اللى كان موجود مكنش فساد مطلق ... فقد كان فساداً في السر
وحجم الفساد الحقيقي ليس 30 عاماً بل هي نصف المدة تقريباً
فالمعظم اجمع ان مبارك في اول عهده كان كويس وبدأ يقلب بتأثير من حوله
واعجب ممن يقولون اننا في فساد مبارك منذ 60 عاماً ...
قال يعني مبارك اللى كان عامل ثورة يوليو وبيحكم من ساعتها

واقصد بالفساد المطلق اننا لم نكن تحت تأثير احتلال ... اي قتلك في العلن امر مباح !

2- مصر مازالت محتفظة بجيش من الجيوش المتقدمة نسبياً والافضل في المنطقة
ولم تستنفذ عسكرياً كما كان موقفنا في 73 لما كنا يادوبك بنقاوم .

3- مصر لديها جميع الموارد اللازمة لبدء اي مشاريع جديدة
سواء كانت بحرية (عندنا بحرين ونهر) او برية (عندنا مساحة مصر كلها فاضية)
او زراعية (وعندنا التربة الخصبة اللازمة) والموارد الطبيعية كلها

4- التعددية عندنا تعددية سياسية ولكننا كشعب موحدين دائماً
واحنا حضارة 7000 سنة عدينا على مش اقل من 1000 موقف زي كدا واصعب من كدا
وعديناه كمان

5- البلد لسه شغالة زي ما هي والقانون فيها موجود وكل حاجة
مش لسه بلد طالعة من حرب او من غزو ولسه عايزة تعيد البناء من جديد


.........
دول كتير كان عندها المشاكل اللى فاتت دي كلها
ويمكن مشاكل اكتر من كدا كمان
ومع ذلك فهي الآن من الدول المتقدمة جداً


فما بالك بينا واحنا عندنا الامور بسيطة جداً !
اول سنة لازم حيكون فيها انفجار طاقات ناس
المشكلة الوحيدة اللى عندنا فكرة الثقافة السياسية

اللى عايز يزود مرتبه 10 اضعاف يعمل مظاهرة .. واللى مدايق من محافظه يعمل مظاهرة
والعيال اللى مش عايزين مدير المدرسة ينظموا وقفة
ده يرجع لجهلنا وزي ما انت وضحت نسبة الامية عندنا 25%
ونسبة الامية السياسية عندنا بقى 90%
والنسبة الباقية حتلاقي معظمها ممن يسمون نفسهم النخبة ويدعون الافضلية
واللى مذهبهم غالباً لا يتوافق مع جموع الشعب المصري

مشكلتنا مشكلة ثقافة ليس الا
وده حيتحل مع مرور الوقت بإذن الله واللى سبق وقلت انها مدة جيل كامل
اي ما يعادل 30 سنة كدا مثلاً


طبعاً الكلام ده بعيد عن اي كلام تحفيزي او ديني ... ده الواقع فقط !
مش حقولك بقى مفيش مستحيل وتايد والحوارات دي :d

المجلس العسكرى يطلع منها ومصر هاتبقى جنه

آحنآ معندنآش تسرب آشعآعي ولـآ وبآء ولـآ عفآريت بتمشي فـِ آلشوآرع بليل

آيـهـ آللي يخلينآ مش متفآئليــن ؟؟

- كـآن يمكن أن يكـون آلوضع آلحآلـي أسوأ .. مش كده؟

في شعآر بصرآحة سُمعتهـ مش كويسـة بس بجد هو آلحل آلوحيد " آلصبر مفتــآح آلفرج"
مش آلصبر على آلإبتلـآءآت وآلسكوت طآمحيـن في غد أفضل

آلصبر على آلمطآلب آلفئويـة وآلأحلـآم الشخصية {آلمبآحـة} آللي حضرتكـ ذكرتهـآ بس تكون في وضـع يؤهـل لإمكآنيـة تنفيذهـآ

آلنآس دلوقتي عآيـزة تفرض نفسهـآ عـَ آلساحة وكل وآحد يقول أنآ آهو .. مش أنا بشتم مبآركـ؟ حبوني يآ شعب وآنتخبوني !!
وخبرته آلسياسية لـآ تتعدى بعض ملليجرآمآت فـي آللتر وعآمل فيهـآ فقيـهـ دستـوري !!

مثـل مآيقآل في آلوسائـل آلإعلـآمية متشعبطين عـَ كتآف الثــورة وللـأسف تعمـل عـَ آلـإثارة كـكونها تنقل الحقيقـة + بـهارات

آلصبــر وآلـأمـل في غـد أفضل + آلعمل الجآد وآلإنتآج آلمترتب هيعدوآ آلـأزمـة لو مش دلوقتي بعدين ولو مش بعدين لبعد بعدين

آلتفآؤل مش اختيــآر .. آلتفاؤل وقود لمـآكينة آلعـمـل وآلـإنتـآج وبجد مصر محتـآجـآهم أكثر من اعتصآمآت لهـآ مبررآت لهـآ احترآمهــا لكن فلتكــن في وقتهــآ

بصراحه مش متفائله

أنا متفائل بالناس الفاهمه اللي زي حضرتك غير كده متشائم ..
حضرتك الناس عايزه البلد تتغير تغير تام في شهر .. ودا اللي مصعب الحكايه شويه
فالمفروض إننا نعمل إنتخابات شعب وشوري ورئاسه والبعدين نطالب بكل حاجه .. وطبعا هايبقي في تغير بس مش المتوقع يعني مثلا أنا عاطل أصبح الصبح ألاقي عندي شقه وعربيه ووظيفه .. ههههه
طبعا هو دا اللي الناس عايزاه واللي جنن الناس أكتر الأرقام اللي الناس كانوا بيمتلكوها أيام مبارك وعلي فكره كله كلام فاضي ..
والله المستعان

بارك الله فيك وشكرا على الثناء الذي لا أستحقه طبعا نظرة الناس على إنه البلد تتغير بسرعة
دي حاجة أكيد وسببها الكبت اللي عاشت فيه الناس الفترة السابقة:(
لكن لابد أن ننظر للأمور بواقعية وبلاش أحلام:blush:

متفائل تماما
قال رسول الله صلى الله عليه وسلم
(تفاءلوا بالخير تجدوه)
صدق رسول الله صلى الله عليه وسلم
صدق رسول الله ثلى الله عليه وسلم
لكن أخي الفاضل بنحاول أن نتفاءل لكن للأسف
الواقع ميطمنش والله المستعان:angry2:

أنا متفاءلة جدا

إحنا أساسا كنا وصلنا لقمة الفساد والفوضى والسوء

فأى تغيير هيحصل هيبقى لصالحنا إن شاء الله

الحمد لله أنا متفائل
طول ما البلد دي فيها خير و ناس محترمه و بتفكر يبقي أكيد لازم أكون مفائل
و هو ده اللي عاوزينه أعداء مصر اننا نكون متشائمين مما سيؤدي للضعف و هوان العزيمة و نحن بإذن الله لن نسمح لهم أن يفعلوا ذلك

الايمان بالله -الامل -الصبر
مقاومة الفساد -عدم السكوت على الاهانة
كلها ادواتى لدفع التشاؤم

هذه الردود من الشباب الواعد والواعي بمستقبل بلدهم

جعلتني أكثر تفائلا ، فقد كان عندي تفائل قبل الثورة ، برغم كل الفساد والتعتيم و...........و.................
أنت في مصر يا أخي فلا بد أن تتفائل ، مصر التي ذكرها الله تعالى في القرآن الكريم ( ادخلوا مصر إن شاء الله آمنين )
أما عن تشتت الثقافات واختلافها ــ إن وجد ــ وعن إختلاف الطوائف فكل ذلك يذوب عند اللزوم فأهلها كما قال رسولنا الكريم صلى الله عليه وسلم ( في رباط إلى يوم الدين )
فاعمل أنت ما بوسعك لتقدم هذا البلد ورقيه وكل منا يعمل في موقعه ويبتسم للغد ، وأرجو ألا توصل هذه النظرة التشاؤمية لتلاميذك يا معلم اللغة العربية ، واغرس التفائل في نفوس أبنائك مع الاجتهاد والعمل وغرس المباديء والقيم ، نصل بهم إن شاء الله لبر الأمان

ما أسباب التفاؤل؟
أسباب من قبل الأحلام والتمنى ليس إلا
هل تتوقعون أن يرضى أحد بأى حكم قضائى من اليوم ؟
هل تتوقعون أن يرضى أحد بأى نتيجة انتخابات من اليوم ؟
هل تتوقعون حتى أن يرضى جمهور الكرة بنتيجة مباراة فريقة؟
هل تتوقعون الخير من أناس يبيتون الليل ويقضون النهار يشككون فى كل شىء ؟
هل تتوقعون خيرا فى بلد قد حملت على كل رجال الأمن والجيش بهذه الصورة ولم ولن ينتهوا إلا بتحويلها لغابة ؟
هل تتوقعون خيرا من ثائر خرج من أجل تصويب المسار فإذا به يغلب مصلحته الشخصية على المصلحة العامة ؟
عندما تضيع المبادىء والتى قامت عليها الثورة وهو مصلحة مصر أولا فعليناأن نتأمل جيدا لماذا كل هذا ؟
هل خرج الملايين لإعادة مصر إلى عهد قوتهاأم لتحويل ماتبقى من قوتها لأهداف خاصة ؟
نتفاءل فقط عندما نتحد دون تقسيم الشعب لطوائف
وهذا ماهلك العراق ولازال يشعل النار بهم حتى اليوم
وأرى أن هناك الكثير من يدعونا لهذا المصير
وللأسف يوما عن يوم صوتهم يعلوا أكثر فأكثر
وللأسف لم يتمكنوا من نشر هذه الثقافة إلا فى أفكار الكثير من المثقفين
فالتفاؤل فقط عندما نهاجم جميعا كل من لايريد لهذا الوطن إلانشر الفتنة والصراعات
تقديرى واحترامى للجميع

التفاؤل في حد ذاته شئ جميييييييييييييل جدا كيف ذلك ؟؟؟؟؟؟
1- عندما يتفائل الانسان وينظر إلى غذا أفضل فإنه سوف يعمل بجد واجتهاد.
1- عندما يتفائل الطالب بمستقبل جميل فإنه سوف يجتهد ويحصل على أعلى المراتب.
3- رغد وسعادة العيش يبدأ بابتسامة .
4- رغم وجود الفشل فهناك النجاح ورعم وجود المشاكل فهناك الحل ورغم وجود فسوة الواقع فهناك زهرة الأمل ورغم وجود الشر فهناك النجاح ..
5- كما تفكرون تكونون وهذا يتوافق مع ما قاله النبي عليه أفضل الصلوات والسلام ( تفاءلوا بالخير تجدوه ) صدق رسول الله صلى الله عليه وسلم .
6- لا تثقل نفسك بهموم الغد فقد لا تدركها ولكن استغل سرور اليوم .
وجزاكم الله خيرا .

مش متفائل لان الجهل واخد حيز كبير فى البلد

:dمش متفائل لان الجهل واخد حيز كبير فى البلد

بالعكس أنا أجد أنك متفائل جدا ، بس مش واخد بالك ، والدليل صورة ملفك الشخصي التي تدل على التفائل والإقبال على الحياة :022yb4:

أنــــــــــا مــــــــــــتفــــــــــائـــل بـــــــــس مــــــــــش عــــــــجـــــــبــاني احـــــــوال الــــــبـــلــــد

متفائلة برغم ما يحدث لاننا فى طريقنا الى التغير

الحالة الأمنية في البلد تدهورت وكذلك الحالة الاقتصادية وربنا يستر
وغير كدا لسة مفيش شفافية بالنسبة (اننا عايزين نعرف رواتب المسئولين الكبار في الدولة)وبرضو وضع حد أقصى للرواتب عشان مفيش حد ياخد أكثر من 20 ألف جنيه مثلا
بحاول أكون متفائل لكن مش قادر
شكر لمرور حضرتك

مش متفاءلة للاسف


ربنا يستر على مصر لقد كثر أعداؤها في الداخل والخارج
شكرا لمرور حضرتك

صحيح مفيش حاجه تخلينا متفائلين;)

بس تفاءلوا بالخير تجدوه
مفيش اودامنا غير التفائل:o
على الرغم من ان حال البلد ميطمنش
وان فى ناس كتير فاهمين الحريه غلط:bosyht9:
والمشى بقا على الكيف فى البلد:slap1qk6:
كل واحد يعمل اللى عايزه:rolleyes:
بس لازم نتفائل:romarioxp6:
وربنا يستر الايام الجايه دى
ونشوف المدرسين هيعملوا ايه؟!:d
حفظ الله مصر:d
حته حسنى:p
تقبل مرورى..


ههههههههههههه دا المدرسين أطيب ناس:d خلقهم ربنا لا بيسرقوا ولا بينهبوا ولا بيرتشوا
ولا أي حاجة من الحاجات دي وعلى أد حالهم
عموما لازم نبص للبلد بواقعية ومنعش في الاحلام:stickjo4:
شكرا لمرورك

:d

بالعكس أنا أجد أنك متفائل جدا ، بس مش واخد بالك ، والدليل صورة ملفك الشخصي التي تدل على التفائل والإقبال على الحياة :022yb4:

يمكن الصورة بس هى اللى متفائلة يا ام اسلام لكن صاحب الصورة لا لكنه بيحاول يكون زيها :bosyht9: