بجد انا كان نفسي ادخل كليه حاسبات بس مجموعي مجبهاش
بحب الكليه دي جدااااا وكان نفسي ابقي معاكم هنا في قسم الكليه
قدر الله وما شاء فعل

قدر الله وما شاء فعل انا جاتلى حاسبات بس الحقيقة انا طول عمرى كنت بحلم بهندسة بس خلاص رضيت بالكلية اللى ربنا اختارهالى وبدأت احبها وقررت انى انشاء الله اتفوق فيها واثبت لنفسى وللناس ان الكلية كانت خير بالنسبة لى فلازم انتى كمان تحبى الكلية اللى ربنا اختارهالك وتثبتى نفسك فيها وتعرفى انها الخير بالنسبة لك وربنا يوفقنا كلنا

قدر الله وما شاء الله فعلا طب ماهو معظم اللي في حاسبات كان حلمهم هندسة بس ده كل واحد يرضى بنصيبه.

مادام عملتى اللى عليكى يبقى اللى انتى فيه هو الخير ليكى :)

و هتعرفى دا قادم ان شاء الله و هتحمدى ربنا انك دخلتى الكلية اللى جاتلك

ياما ناس دخلوا كليات فضلوا طول عمرهم بيحلموا بيها و ندموا بعد كدا و يمكن كمان سابوها و حولوا و تانيين دخلوا كلية بسبب المجموع و اكتشفوا انها احسن حاجة حصلتلهم فى حياتهم و تفوقوا فى دراستهم و اتميزوا فى الشغل

اللى حصل حصل و ابتدى فكرى فى مميزات كليتك و اتعرفى عالمواد و على ال career بتاعها و ان شاء الله هتحبيها

كان عندنا مدرس انجليزي بيقول ان هو كان نفسه يدخل هندسه هو ومجموعه من صحابه ولكن في الاخر ولا واحد فيهم دخل هندسه ودخل هو تربيه انجليزي وكان بيقلنا ان اصحابه كلهم كانوا زعلانين ماعدا هو قرر ان يكون متفوق في الكليه اللي ربنا كتبها لي وللعلم الاستاذ ده ربنا موسعها عليه وعنده عربيه bmw x3الشاهد من دا كله انك ترضى بلربنا كتبهولك وتتفوق في الكليه اللي انت فيها

لازم ترضي باللي ربنا كاتبه ليكي وتحاولي تتفوقي فيها

انا جتلي حاسبات وكنت عايز هندسة بس فرقت معايا ومرضتش اخش اول سنة حاسبات وقولت هحول تجارة انجلش والتحويل اترفض واهو هكمل في حاسبات عشان ربنا مش عايزني الا في حاسبات فايمكن يكون خير ليا

الملخص يعني ارضي باللي ربنا قسمه ليكي انتي متعرفيش الخير فيييين

ربنا يبارك فيكم يارب وادعولي ان ربنا يوفقني في الكليه
بس علي فكره انا قبل ما اعرف نتيجه سنه تانيه ثانوي كان نفسي في هندسه بس جبت 91.5 ف قلت خلاص وقلت خلينا في حاسبات وحبتها جداااااااااا وفي سنه تالته لما طلعت النتيجه جبت نفس المجموع 91.5 قلت ان شاء الله حاسبات هجيبها يعني هيبقي ولا هندسه ولا حاسبات مش معقول يعني هبقي فقريه جدا
والحمد لله في الاخر ولا دي ولا دي وجاتلي كليه علوم ودي كانت مفاجأه ليا مكنتش عامله حسابي خالص وكنت هحول تربيه رياضيات لاخر وقت بس مش عارفه ايه اللي حصل في دماغي وقررت اني افضل في علوم بس انا ان شاء الله هدخل علوم حاسب علشان قريبه من حاسبات بس خايفه اطلع منها مدرسه كمبيوتر يا لهوي دي تبقي مصييييييييبه

ربنا يبارك فيكم يارب وادعولي ان ربنا يوفقني في الكليه
بس علي فكره انا قبل ما اعرف نتيجه سنه تانيه ثانوي كان نفسي في هندسه بس جبت 91.5 ف قلت خلاص وقلت خلينا في حاسبات وحبتها جداااااااااا وفي سنه تالته لما طلعت النتيجه جبت نفس المجموع 91.5 قلت ان شاء الله حاسبات هجيبها يعني هيبقي ولا هندسه ولا حاسبات مش معقول يعني هبقي فقريه جدا
والحمد لله في الاخر ولا دي ولا دي وجاتلي كليه علوم ودي كانت مفاجأه ليا مكنتش عامله حسابي خالص وكنت هحول تربيه رياضيات لاخر وقت بس مش عارفه ايه اللي حصل في دماغي وقررت اني افضل في علوم بس انا ان شاء الله هدخل علوم حاسب علشان قريبه من حاسبات بس خايفه اطلع منها مدرسه كمبيوتر يا لهوي دي تبقي مصييييييييبه


معظم الطلبة على فكرة بيبقى نفسهم فى كلية القمة "اعلى مجموع يعنى" و لو مجتش يبقى اللى بعدها و هكذا

لو كنتى جربتى الدراسة فى كل كلية منهم يمكن اوى كنتى اخترتى علوم من نفسك

علوم فيها اقسام حلوة و الدراسة ممتعة و دى بردو كلية محترمة جدااااااا مش كلية اى كلام

ركزى فى اللى جى و ان شاء الله كمان كام شهر ولا سنة بالكتير هتقولى الحمدلله ان مجموعى جابنى هنا و لو سألتى الطلبة اللى هناك اكيييييد هتلاقى كتير منهم دخلها و هو كارهها و حبها بعد كدا

و متفكريش فى الشغل,دا رزق فى ايد ربنا
اعملى اللى عليكى و يمكن تلاقى نفسك شغالة فى مكان بيحلم بيه خريج هندسة و حاسبات

بجد انا كان نفسي ادخل كليه حاسبات بس مجموعي مجبهاش
بحب الكليه دي جدااااا وكان نفسي ابقي معاكم هنا في قسم الكليه
قدر الله وما شاء فعل
والله انا زييك بالظبط انا جبت 90 % و كان نفسى فى حاسبات جداا لانى من صغرى و انا شغال معظم لغات البرمجه و كان نفسى انمى الموهبه بالكلية .. حتى مشروع سنه اولى انى اعمل اله حاسبه انا عملته من سنتين يعنى عديت مرحله اولى حاسبات :022yb4: هههههه يلا مفيش نصيب و للعلم انا جالى علوم و حولت تجارة حلوان لان فيها قسم نظم معلومات ده حلو بردو يلا اللى فيه الخير يقدمه ربنا