السلام عليكم ورحمة الله وبركاته

ازيكم يا جماعة

تتوقعه اية السنادي ان شاء الله

الامتحانات تيجي سهلة ولا صعبة ولا متوسطة


مستنيكم؟؟؟؟؟؟؟؟؟؟؟؟؟

3la ma 23tkd mtoosta

لازم تكون صعبة عشان التنسيق يتظبط
http://www.kelmetnamag.com/images/cms//5d83dace553c07c2921accd938bb2f8cwezara.jpg

اكيد حتكون تجيزية السنة دى ربنا معانا السنة دى

هو من أولها أضراب للمعلمين ومحدش بيشرح والمعلمين لايدخلوا الفصول وبعد حل المشكلة ومنعرفش بعد شهر أو شهرين أو ثلاثة محدش وسوف تتحل بأى ثمن ولكن ؟ محـــــــــــــدش
هيدفع الثمن إلا طلاب الثانوية العامة وطبعا" الأمتحانات هتيجى صعبة للغاية والى موش عاجبة يضرب دماغة ف الحيط
والوزارة بطبق المثل الشهير
الكلاب تعوى والقافلة تسير
وياترى ماهو الحل لدى الوزير المتفلسف فى الحل وهيحلها آزاى

نحسبها بسهوله كده
الدفعه بتاعتنا اللى قبلكم جابولنا امتحانات احمد ذكى بدر كاااانت نفخ و عذاااااب و حاجة قرف الصراحه طب فى تالته ايه اللى حصل الله اكبر الثورة زودت اعداااااد الغش و السهوله و البلطجه على المراقبين .. طبعا مش عيب فى الثورة حد ذاتها انما العيب فينا احنا و جت امتحانات عبيطه جداا و رفعوا التسيق على الاخر بترول اخدت 407.5 اللى عمرها ما حصلت .. المهم
انتوا جابولكو امتحانات تانيه سهله جداا سورى عبيطه يعنى و اعرف ناس ملهاش فيها جابت 97 و 99 و كانوا على ايدى فى الاعدادية فاشلين و نجحوا بالعافيه بس طبعا صبااااح الغش و كده مع احترامى لكل اللى جابوا مجماميع بمجهودهم المهم .. من المتوقع ان التنسيق مش هيعلى بس الامتحانات هتيجى قذرة و مقرفه لكن توكلوا على الله و اعملوا اللى عليكو ا ان الله لا يضيع اجر من احسن عملا ............ و لو جابولكوا امتحانات تالته سهله بردو مينفعش لان كده اعداد اللى جايبين مجاميع هيزيد و هيضطروا يعلوا التنسيق و نلاقى بترول بتاخد من 100.3 % و هندسه القاهره 97.5 و طب 99 % او 100 %
و ربنا معاااااااااااااااكم

لو امتحانات 3 جت سهلة أنا مش بحبط حد بس طب ممكن يوصل 100% هتقولولي إزاي هقولك ناس قرايبي ولا بيفهموا في حاجة وجايبين 97% من الاخر هيكون اعلى تنسيق في تاريخ الثانوية العامة وهيزيد عن تنسيقنا في حدود من 2 إلى 3 %يعني حد ادني لهندسه مش هيقل عن 96%(ممكن يزيد كمان )أنا قصدي حد ادني يعني هندسة اقاليم وآخر اقليم كمان وطب ممكن ياخد 100%وممكن يعدي كمان .
لو جت صعبة ممكن يظبط الدنيا والتنسيق يكون زي تنسيقنا بس ده لو جت صعبة جدا جدا .

وبالنسبة لصعوبة أو سهولة الامتحانات أنا اتوقع تيجي زي 2008 مش صعبة لأ صعبة آخر حاجة .

بصوا يا جماعة انا ليه وجهه نظر فى الحكاية دى،

انا شايف ان لو الاوضاع فى البلد فضلت زى ماهى(يعنى فضل جو الاعتصامات والتخريب والسرقة...الخ)يبقى الامتحانات هتكون متوسطة الى حد ما يعنى زى اى سنة عادية من السنين اللى فاتوا بتكون الصعوبة فى مادة او اتنين بالكتير اوى وطبعا بيبقوا معروفين،

اما لو الامور استقرت نسبيا يبقى تقولوا علي الامتحانات يا رحمن يا رحيم لان بمعني اصح هيكون هناك مجازر وهتبقى الامتحانات تعجيزية بمعنى الكلمة،

يا جماعة انا مش بقولكوا كده علشان اخوفكوا ولكن اللى ناس كتير متعرفوش ان التنسبق بتاع كل سنة لازم يكون قريب من السنين اللى فاتت يعنى يزيد او ينقص واحد او اتنين فى المية بالكتير لان دى سياسة وزارة وقرارات عليا.

كلمك منطقى ياmemo
بس لو كدة يبقة بلاش استقرار وخلينا نخد الثناوية ونخلص

ربنا معانا وانا اتوقع امتحانات متوسطه المستوى بس التنسيق هيعلى شويه

اتوقع انه هتبقى صعبه جدا وربنا يستر

يلا يا فشلة يوم الإمتحان يكرم المرء أو يهان

ياجماعه ربنا عمره ما هيضيع اجر حد

انا متفائل السنادى

انا كمان متفائلة لو كانت الامتحانات صعبة علشان هيبان مستوى كل واحد مش زى السنة الى فاتت

صعبة جدااااااااااااا كمان

الامتحانات هتجلكوا سهلة

وبكرة افكركوا

يارب اسمع من بؤؤى واستجب تيجى الامتحانات صعبه علشان مستوى كل واحد يظهر بقى

زى 2008 واقل من 2010

يا جماعة انا بتمني الامتحانات تيجي صعبة

عشان تبين مستوي كل واحد ذاكر واللي مذكرش واكيد لكل مجتهد نصيب

واكيد الامتحان مش هيطلع من بره المنهج

وربنا يسترها ان شاء الله علينا ..........:d:d:d

الامتحانات متوسطة باذن الله

يارب اسمع من بؤؤى واستجب تيجى الامتحانات صعبه علشان مستوى كل واحد يظهر بقى
بلاش نقول يا رب تيجى صعبه نقول يا رب يدى كل واحد على قد تعبه ... و ممكن زى ما ناس كتير بتقول ان فى ناس ملهومش فى البطاطا و جابوا مجاميع عاليه .... بس الناس دى اكيد ذاكرت و حتى لو مش ذاكرت ربنا اكيد فى الاخر مش هيساويهم بحد تعب و طلعت عينه من اول السنه و للعلم انا معايا ناس عباقراه جدا و مستواهم كويس و ذاكرو كويس و فى الاخر جابوه 94 و 95 فا مش بسهووووووووووووله الامتحان و صعوبته دا كله توفيق من ربنا " ما ممكن واخد مبيفتح كتاب من اول السنه و للصدفه اللى ذاكروا ليلة الامتحان كله جه هنقول ان دا بقى فاشل و ملهوش فى البتنجان ازاى يجيب كده "
انا متوقعه انها تيجى صعبه بس عندى امل فى ربنا ,,,,
بصراحه انتوا قلقتونى انا كنت بدأت اطمن

و انا شايفه ان صعوبه و سهوله الامتحان مش بوجود اسأله تعجيزيه فيه .... احنا بنقول على الامتحان صعب علشان بنغلط فيه بس لو حلينا السؤال الصعب دا و لو بالصدفه هنطلع نقوووووووووول مفيش اسهل من الامتحان ده >>>> اللى بيحط الامتحان ذكى و عمره ما هيودى نفسه فى داهيه و يخرج برا المنهج ... احنا لو ذاكرنا بضمير و مسبناش فتفوته فى الكتاب الا ما قرأناها على الاقل .... اكيد الامتحانات هتبقى سهله ان شـــــــــــــــــاء الله

يا شباب انا طالب فى ثالثه ثانوى وجبت 97%بس انا زعلان من حاجه بجد الطالب اللى فى المتوسط تساوى معى ارجوا ان ياتى امتحانات تقيس كل المستويات وشكرا

الا بذكر الله تطمئن القلوب

لازم تيجى سهلة علشان البلبلة اللى حصلت واللى هتحصل بسبب انتخابات مجلس الشعب وانتخابات الرئاسة

ربنا يقدر الخييييير ان شااااء الله
سواء كانت سهلة او صعبة فهي من الكتاااب ولن تخرج عنه ..
ان شاء الله لو ركزناا بس دلوقتي ربنا هيكرمنا.. لسا 3 شهور :) ان شاء الله

يارب اسمع من بؤؤى واستجب تيجى الامتحانات صعبه علشان مستوى كل واحد يظهر بقى


لا يؤمن احدكم حتى يحب لأخيه ما يحب لنفسه
فالامتحانات السهلة يستفيد منها ذو المستوى الفاائق والمتوسط .. اما الامتحانات الصعبة فربما يكون ذو المستوى الممتاز الأقل من الفائق بقليل هو الضحية الكبرى ..