naylovepoet
14-09-2011, 10:55 PM
لفت نظرى كلام سكرتير المدرسة وهو يقول أن راتب زملائنا المعينين بتاريخ (2011/7/1) أعلى من رواتبنا نحن المعينين ( 2011/3/1) فلما سألته عن السبب قال لى : إنه تم احتساب الكادر لهم على أساسى هذا العام المالى وهو (219.6) ولكن نحن يحسب لنا الكادر على أساس العام المالى الماضى وهو (183.60) ولكن اليوم وفى إنتخابات المعلمين وجدت أكثر من مدرس فى مدارس مختلفة يقولون نفس الشىء فانطلقت للشؤون المالية والإدارية بالإدارة فسألتهم فقالوا هذا صحيح قدموا شكوى للمديرية يمكن يوافقوا يحسبوا ليكم الكادر على (219.6) وأنا لاأحسدهم والله ولكن إزاى أنا تعاقدت شهر 2 سنة 2008 وازاى أصلا أو ما يتثبتوا يتثبتوا على أساسى (219.6) وإحنا اتثبتنا على أساسى (183.6) ولما دخلنا فى سنة مالية جديدة شهر سبعة اللى فات زدنا ل(219.6) والعجيب أيضا أن لى زميل تعاقد 2010 والله وله سنه خبرة قبل ذلك تم تثبيته على أساسى (219.6) أنا نفسى أفهم بقالى 3 سنين تعاقد الكادر باخده على أساسى السنه اللى قبلها هما كمان هيبدأوا يضربونا ببعض .
للعلم أنا معلم لغة إنجليزية تعاقد (2008/2/3) تثبيت بالقرار 53 (2011/3/1)
إدارة قليوب التعليمية
عمومحمد
15-09-2011, 12:01 AM
إحنا فى أسيوط المعلمين بالحصة عملولهم عقد على 496 وإحنا 385 قصدى فى جمهورية أسيوط العربية عشان إحنا عملنا استقلال هذا عن جمهورية مصر العربية
هوما فكرى
15-09-2011, 01:52 AM
يعنى مرتب المعلم تعيين 1/7/2011 كام انا قبضت 496 معقول هو ده المرتب بعد التعيين؟
عادل كمال احمد
15-09-2011, 01:58 AM
العامل عند احد زملائي بالمدرسة يتقاضى اجر اعلى من المعلم واقسم بالله العظيم هذا ما يحدث
yearner for paradise
15-09-2011, 02:03 AM
الكادر لتعيين 1|7 هو 91,80 .
1|3 بياخد كام
heronet2500
15-09-2011, 10:52 AM
المنيا
تعيين 1/7
مرتب شهر 8 ( 558 ) مضافا اليه فرق شهر سبعة
naylovepoet
15-09-2011, 01:34 PM
ياجماعة أنا بتكلم عن الناس اللى تعينوا على الدرجة الثالثة (معلم) وامتحنوا الكادر فى (4/1) اللى فات مش اللى لسه ممتحنوش واتثبتوا . فالكادر بالنسبة ليهم (98.2) لكن احنا اللى اتعينا فى (2011/3/1) الكادر بتاعنا (82.6) وده طبعا بعد الخصم 10% اللى بيخصموها من كل حاجة . والغريب ازاى الكل يتساوى فى الأساسى وليه لما اتعينا اتعينا على أساسى (183.6) غير كل اللى اتعينوا بعدنا (219.6) وكمان ليه ركنونا 3 سنين تعاقد سنتين لحد ما امتحنا كادر وسنه بعدها لحد ما طلعوا النتيجة وثبتونا وفى ناس مكملوش 3 سنين أو حتى سنتين تعاقد واتثبتوا من غير امتحانات ولا icdl وطلعولهم مسمى جديد مش موجود فى قانون الكادر أصلا معلم مساعد على الدرجة الثالثة مع إن قانون الدرجات المالية ميعرفش حاجة اسمها معلم مساعد . أنا مش حاقد على حد بس حرام يجب أن يكون هناك أقدمية ويظهر ذلك فى المرتب .
emy technology
15-09-2011, 02:02 PM
السلام عليكم
انا علي فكره تعين 1/7 نجحت في كادر 1/4 اخدت الكادر 81 والموظفه قالت لي انه اتحسب علي الاساس القديم الا هو 183 ............
قلت لها .............ليه كدا يعني المفروض الاساسي الجديد
قالت لي ............... معرفش هو كدا
قلت لها .........يمكن حضرتك غلطانه
قالت لي ............... لا هما قالولنا اعملوه علي الاساسي القديم
قلت لها .............. ااااااه هما الا قالولنا
قالت لي ............. اه هما قالولنا
قلت لها ............ طب سلام
قالت لي .............. الف سلامه
شغل اشتغالات والله كل اداره بتحسب علي مزاجها
حنين الحسينى
15-09-2011, 09:18 PM
قنا تعين 1/7 الى امتحن كادر ونجح 558
تعين 1/3 الى امتحن الكادر ونجح 585
الأمير محمد السيد حمودة
15-09-2011, 10:57 PM
احنا تعيين 1\7فى ادارة منوف وقبضنا 417 جنيه فقط وتم خصم مبالغ كتير ومش عارفين ليه ؟؟؟؟؟؟؟؟؟؟؟؟؟؟؟؟؟؟
خير زاد
16-09-2011, 12:01 AM
الظاهر ان اكل محافظة وكل ادارة بتحسب على مزاجها
abu_ menna_13
16-09-2011, 10:19 AM
إحنا فى أسيوط المعلمين بالحصة عملولهم عقد على 496 وإحنا 385 قصدى فى جمهورية أسيوط العربية عشان إحنا عملنا استقلال هذا عن جمهورية مصر العربية
أسيوط ( تعاقدات ) 2 / 7 / 2011 مرتبهم 484.25 بكامل الحوافز .. معلم مساعد والتثبيت بعد 3 سنين
أسيوط تعيين قرار 244 اللي كانو متعاقدين 2007 و 2008 مرتبهم 512 ودول تم تثبيتهم
مش موضوع جمهورية او غيرو ... انما فيه تطبيق للامركزية يعني القرارات بيتخذها المحافظين
والحمد لله على كد كده احنا ميعجبناش العجب
abu_ menna_13
16-09-2011, 10:21 AM
احنا تعيين 1\7فى ادارة منوف وقبضنا 417 جنيه فقط وتم خصم مبالغ كتير ومش عارفين ليه ؟؟؟؟؟؟؟؟؟؟؟؟؟؟؟؟؟؟
احنا عندنا في اسيوط المرتب 417 للمؤهلات المتوسطة والفوق متوسطة انما المؤهلات العالية 484.25 والخصومات لابد منها
naylovepoet
16-09-2011, 11:16 AM
الحمد لله على كل حال ونعوذ بالله من حال أهل النار . اللهم بارك لنا فى ما رزقتنا وارزقنا القناعة.