يثرب28
17-09-2011, 05:01 PM
انهاردة مرحتش المدرسة علشان الاضراب الاضراب اللي بقالنا شهور مستنينه
الاضراب بتاع المعلمين الاضراب اللي الدنيا كلها بتعلن عنه
وبما انى مرحتش قولت اتصل بزميلي في المدرسة اشوف الاخبار ايه
وكانت الصدمة ......
يردوا عليه ويقوللي ..... إضراب ايه .... وإضراب ليه ...!!!!
وكان ردي
حسبي الله ونعم الوكيل :028ja7:
حسبي الله ونعم الوكيل ;)
حسبي الله ونعم الوكيل :blush:
لوجين20
17-09-2011, 05:12 PM
الله عليكى
وانا كمان ماروحتش وكمان مش رايحة بكرة
بس ماتصلتش بحد من زمايلى
بيعملو زيهم كده
شريف حسن .
17-09-2011, 05:36 PM
مس يثرب الاضراب يكون داخل المدرسة الجميع يوقع فى دفاتر الحضور ولا يدخلون الفصول ويقوم المدير بتبليغ الادارة هذا ما حدث فى معظم المدارس
الثائرالحكيم
17-09-2011, 06:01 PM
الاضراب يكن مع الحضور و التوقيع وكذلك التحضير ودخول الفصل ولكن لن نعمل داخل الفصول هذا ما اتفق عليه الجميع
يثرب28
17-09-2011, 06:07 PM
ياجماعة انا في محافظة البحيرة يعنى لا حياة لمن تنادي
اذا كان في التليفون بتقولي اضراب ايه ؟؟
امال لو رحت وقولتهم انا مضربة مش بعيد يطبطبوا عليه ويقوللي الف سلامة جالك من ايه ده؟؟
وهفقد الحماس والمصداقية في اننا ممكن نغير حاجة
غير كده انهم مضولي في دفتر الحضور يعنى كأنى رحت بالظبط
لوجين20
17-09-2011, 07:07 PM
انا ماعرفتش عملو ايه معايا
بس هما عارفين انى تبع الاضراب
soma)
17-09-2011, 07:10 PM
وانا كمان مروحتش ومش رايحه بكره كمان وابقا خلى الوزير يدخل يشرحلهم
يثرب28
17-09-2011, 07:28 PM
ال ايه الادارة هتبعت للموجهين علشان يحمعوا الطلاب في الحوش ويشرحلهم
اصل ينفع يحطوا اولي علي تانيه علي تالته اعدادي في الحوش ويتشرحلهم درس واحد
والعيال بقي هتفهم والموجه هيستحمل والشمس كمان هتبقي حنينة بأمر الوزير ؟؟ ياخي هئ هئ هئ
طب خليهم يشرحوا وكان اولياء الامور كلتهم بسنانهم
shimyclas
18-09-2011, 02:31 PM
المفيد
انتم عاملين زى الى مغطية راسها ولابسة شورت
الدكاترة رجالة
المدرسيين يقولولك اضراب ويدخلوا ويروحوا ويمشى اليوم عادى
عاملين ذى قطيع خرفان ماشى فى الشارع الى يلاقى حاجة يروح ياكلها
مصراوي موت
18-09-2011, 03:19 PM
والله يا جماعة كل يوم بحس بحسره اني معلم بعد ما بشوف موقف بعض المعلمين الذين لم يضربوا معنا علي اساس انهم يتقاضون رابت شهري 5000 جنية وحسبي الله ونعم الوكيل
مصطفي ابوطلب
18-09-2011, 04:43 PM
الاضراب يكن مع الحضور و التوقيع وكذلك التحضير ودخول الفصل ولكن لن نعمل داخل الفصول هذا ما اتفق عليه الجميع
ياراجل ده كلام يبقى ده اسمه اضراب كتيمى اضراب بينك وبين نفسك امال اذاى هنضغط على الوزارة طالما محضرين دروسنا وبندخل فصولنا فين الاضراب
يثرب28
18-09-2011, 06:19 PM
علي رأيك يا ستاذ مصطفي والله
لما نمضي في الحضور والانصراف والادارة والمديرية يبعتوا يسألوا المدارس اذا كان المدرسين حضروا ولا ..لا
طبعا مدير المدرسة هيقول تمام يا فندم كله حضر (ومش مشكله بقي يكمل ويقول انهم دخلوا او مدخلوش فصول اصل دخول المعلم الفصل حاجة شكلية ) وبالتالي الادارة تبعت تقول المدارس عندي تمام والمدرسين بيحضروا (ومدير الادارة متأكد وممكن يكون شاف بنفسه اضراب المعلمين ...بس مش مشكله برده خليها في قلبه )
والنتـــيــــــجة :-
تطلع التقارير اللي تخلي واحد زي ابو سريع يقول ان حضور المعلمين في المدارس تمام والمضربين قلة مندسة
والوزير يقول اضراب المعلمين عملية غير اخلاقية (علي اعتبار ان عدم رده واستخفافه بينا حاجة اخلاقية)