السلام عليكم

وصل منشور للمدرسة يوم الخميس 15/9/22011 لارسال صورة لجميع التعاقدات الي المعاشات لضم السنوات السابقة
لما سئلت في المعاشات قالي الموظف عاوز صورة من كل عقد - مع اقرار القيام بالعمل - ويكون كل عقد مختوم صورة طبق الاصل + اقرار بس قالي لما تيجي امليك صيغة الاقرار
وقالي بالنسبة اذا كان فيه سنوات للمكافأة الشاملة او الحصة تجيب الاقرار المالي مع اقرار القيام بالعمل

يا رب عقبالنا فى الشرقية

السلام عليكم

وصل منشور للمدرسة يوم الخميس 15/9/22011 لارسال صورة لجميع التعاقدات الي المعاشات لضم السنوات السابقة
لما سئلت في المعاشات قالي الموظف عاوز صورة من كل عقد - مع اقرار القيام بالعمل - ويكون كل عقد مختوم صورة طبق الاصل + اقرار بس قالي لما تيجي امليك صيغة الاقرار
وقالي بالنسبة اذا كان فيه سنوات للمكافأة الشاملة او الحصة تجيب الاقرار المالي مع اقرار القيام بالعمل

خبر جميل اوى
جزاك الله خيرا
بس ياريت نعرف ضم السنوات السابقه دى لتعيين 1/3 ولا 1/7

تسلم على الخبر الجميل .. عقبال باقى محافظات مصر

اولا يعني ايه اقرار مالي؟
ولما تنضاف للمعاش حتنضاف اقدميه برضه ولا دي حاجه ودي حاجه تانيه؟
الفاكس وصل عندنا برضه من فتره في المدرسه

محدش عارف ايه اخبار ضم الخدمة فى دمياط

الاتنين 1/3 و 1/7

الاقرار المالي هو الترخيص المالي بس دا في حالة المكافأة الشاملة او الحصة
والترخيص المالي بيبقا عند الموجة او المدرسة او الحسابات او الماهيات حسب قول الموظف

لا دي حاجة ودي حاجة دي علشان المعاش فقط لان احنا كان مؤمن علينا

ياجماعة فيه اقرار بيتكتب هناك بيتسلم مع العقودات صيغة الاقرار هي :-
اقرار
أقر انا / ------------------------------
المعلم بمدرسة / ----------------------
بأن المدد المذكورة والمرفقة هي مدد التعاقد السابقة لتعيني بالادارة التعليمية بـ --------------
ولا توجد اي مدد اخري غير المدد المذكورة وهي :-

1- -------------------
2- ------------------
3- -----------------
4- ------------------------

وهذا اقرار مني بذالك
المقر بما فية

الأسم / ---------------------
التوقيع / ------------------------

نحن في اداره غرب طنطا صورنا العقود من2005الي 2011مع استخراج البرنت التاميني الذي يثبت اننا غير مؤمن علينا واعطيناهم فقط للموظف لكي يسجلهم في الهيئه القوميه للتامينات والمعاشات وده لضم خدمه المعاش فقط.وده كان من اسبوع فات .

للاسف حتى لو وصلنا هذا القرار احنا بالاسكندرية العقود القديمة بتاعتنا من 1/10/2005 اتبعتت لمصر وما عندناش صورة منها
طب اعمل ايه؟
بس الحمد لله عندى اقرارات قيام بالعمل القديمة

المفروض في نسخة في المدرسة في الملف الشخصي

المفروض في نسخة في المدرسة في الملف الشخصي
للاسف لا يوجد بالمدرسة اى عقد ولا حتى صورة منه بس فيه اقرار قيام بالعمل
لاحظ اننا بادارة العامرية وحط تحتها مائة خط الاسكندرية حيث الاهمال مش بس العامرية لا جميع ادارات الاسكندرية كمان لا يوجد نسخة للعقود القديمة
ياريت حد يحللى هذا اللغز

في حل بس مش عارف هينفع عندكم ولا لا
هتعملي إفادة من المدرسة بإنك اشتغلتي العام الدراسي كذا وكذا بنظام التعاقد او المكافأة الشاملة أو الحصة ودا حسب اقرار القيام بالعمل وتتختم وبعد كدة تروحي الماهيات تمضيها بعد ما يشوف اسمك في السجلات بتاعة القبض ويريت يكون معاهم الترخيص المالي

المفروض ان فيه نسخة من عقد كل واحد في كل منطقة
والله الموفق