السلام عليكم و رحمة الله و بركاته

انا لاحظت حاجة غرييييييييييييبة موووووووووووووت فى الحياة عامة مش فى المنتدى بس

ليه يا جماعة الولد يقعد يدور ع مقولات مش حلوة فى البنات زى الخيانة او اى حاجة تانية و بعدين ينسبها لكل البنات ليه بيقعد يتريق عليهم مع انه فى نفس الوقت مش يقدر يستغنى عنهم و ممكن يبقى بيدور ع واحدة يرتبط بيها فى نفس الوقت:mad:

و برده البنات ليه البنت تقعد تشتم فى الولاد و تتريق و تعيش حياتها بقى و فى نفس الوقت هى نفسها ترتبط بولد !!!!!!!!!!!!!!!!!!!!!!!!!!!!


ياريت نتناقش فى الموضوع ده هل فعلا فى صراع بين البنت و الولد بدل ما كل واحد فيهم يتصارع عشان يكمل التانى

ياريت يا جماعة عايزين نتناقش فى الموضوع ده بس لو سمحتم مش عايزين كلام يجرح فى حد و عايزين نقاش راقى محترم

عندك حق والله
انا بضايق اوى من الموضوع دة
لية كل واحد بيحاول يهزق التانى
والله انا عمرى ما بدأت
دة انا حتى كنت بعت لمشرف من المشرفين
بدون ذكر اسماء
واشتكيت من الموضوع دة
بس انا ملاحظة ان الولاد هما الى بيبدأوا
والله مش علشان انا بنت
بقول كدة
لا دة الى لاحظته فعلا
وشكرا على الموضوع

ع فكرة هو فعلا غالبا البنات بيبداو بعدين انا صراحة لما حد يقول حاجة وحشة عن البنت بدخل معاه فى حوار و اقنعه و لو اى حد بقى من الولاد عنده اى كلمة وحشة عن البنت يقولها و لو مش اقنعناه يبقى يقولها بعد كده زى ماهو عايز

شكرااااااا ليكى يا ملك اليمين

والله انا شايف ان العيب مش فى البنت ولا الولد
العيب فى الحياة نفسها
الحياة هى السبب الاساسى فى ذلك ...لان الولد بيحاول جاهدا
انه يكلم بنت زى القمر عشان يفتخر بها فى اى مكان .....
والبنت ايضا كذلك
واعتقد ان الولد ولد والبنت بنت يعنى مش هيتغيرو مهما حصل
والله الحياة دى عجبية
والولد والبنت دول احد عجائب هذه الحياة
والموضوع ده الدنيا كلها اخذت عليه....... يعنى بقى زى الفطار

لا يا توم صراحة انا مش متفقة معاك ازاى كل حاجة نقول دى مشكلة الحياة حتى تصرفاتنا
بعدين صراحة فى حاجة محيرانى اوى يعنى ايه الولد يفخر انه بيكلم بنت جميلة وهى نفس الموضوع!!!!!!!!!!!!!!!!!!!!!!

يعنى الولد اما بيعرف بنت كذلك اى حد يقبله
يقله عليها وعلى مدى جمالها ورقتها وشعورها هيه كذا وكذا .....الخ
وده اللى بيحصل الان ....انا مش بألف شئ من عندى
واظن البنت كذلك ... بس بالنسبه للبنت هيه بتبقى عشان تغيظ صحبتها مش اكتر
(((سورى على هذا الكلام ))

انا مش قصدت يا توم انك بتالف كلام من عندك بس انا فعلا سمعت قبل كده الكلام ده فكنت عايزة افهمه مش اكتر اصله حاجة غريبة يعنى

انا رايي سبب الشتيمة يا اما عقدة سواء من الطرفين فكره الطرف التاني ...
يا اما من كتر ما شاف خيانة الطرف التاني سواء قصص بيسمعها او حصلت مع اصحابو فبيبقى خايف يخش في مغامرة فبيلجأ للهجوم عليهم عشان هما ميجوش عليه ...
يا اما مبيهجم عليهم علشان يستفزهم فيجو عليه ...

ده كان اولا
ثانيا بقة ...
ان الاغلبيةة العظمى دلوقتي من البنات والولاد بايظين للاسف ونادر ما تلاقي الكويس فلما حد بيقول حاجة على حد بيعممها

من زماااااااااااااااااااان من حوالى مليون سنه كده
كان يوم أربع طبعاً إنتى متوعيش على الكلام ده مع إنى فاكره زى ما يكون لسه النهارده

كان الإنسان الأول جدى بشعره المنكوش وهمجيته إنسان بدائى أقرب للغورليا أو الشمبانزى
ولسه محتفظ صوره لجدى وهو مجرر جدتى من شعرها

بعد ما زهقت جدتى من قاعده الكوخ وقالتله أوف خرجنى فسحنى أنا زهقت
وجدى الإنسان الأول أنهى الموضوع وحسمه من زمان وبضهر إيده وطخ

:D:p
هقف شويه هنه عشان أوصفلك شكل إيد جدى

الحفريات بتقول إن جيدى كان له إيد زى المرزبه بالضبط خف جمل تقول طلعاله سلحفه فى إيده
وفى قعده رومانسيه قام جدى قالها بحبك يا أوشه ما هى كانت زمان اللغه كده قام هى قالتله
النحى ناحى ناح هى هى كمان بتحبه

:eek:
وطبعا ً بالرغم من حياه الطبيعه القاسيه
إلا إن طبعاً الجو مكنش بيخلى من الهزار الخفيف كده
يرميها تحت ديناصور من فوق جبل المهم إنها كل مره تقولو بطل هزار يا أوشه بس هو تقريباً
كان سمعه تقيل أو كان بينفض طبعاً الغريب بالرغم من كيه الفشر والنصب والبعر اللى جدى كان أستاذ فيهم وإحنا طبعاً
بما إننا أحفاده أساتذه فيهم

بس كانت جدتى بتصدقه أو بتعبير أصح كانت بتاخده على أد عاقله وفضلت جدتى تعلم أحفادها وتقول
عايزه الراجل يبقى خاتم فى صباعك إستهبلى عليه
الراجل عامل زى العيل الصغير يكدب ولو إنكشف يكسر الدنيا كلها
إعملى نفسك مصدقاه إكسبيه


المشكله قائمه من زمان
والحل إننا ناخد بعض على أد عقولنا وننفض
لبعض فوتلى واحده أفوتلك إتنين
ده طبعاً رأيى يا جماعه ومش مؤمن بيه أووووووووووووووى
لأنى راجل فدائما بقول
الست على خطأ حتى لو صدقت

وكما قالو
" شوره المره لو صحت بخراب سنه ولو خابت بخراب العمر كله "
:(
ملحوظه
" مره يعنى " :- ست


:D

اولا احب اوضح ان ده كلامي انا وبقلمي انا يعني مش منقول من منتدي اخر
وبطلب من حضرتك تكملت قراته


لماذا عداء الرجل للمراه
ولماذا عداء المراه للرجل
لماذا نعادي ونستمر في ذلك المعاداه
لم يخلقنا الله هكذا ولكن صناعنه بايدنا هذاء العداء
خلقنا الله ليكمل بعضنا البعض
عندما ينجرح رجل من امراه فيكره كل انواع النساء وكذلك المراه
كيف ؟ هل كل النساء واحد وايضا الرجال ؟
اذا
انظر الي اصابعك هل تراها بنفس الشكل ام مختلفه الشيء الذي يربطهم ببعض انهم يتجمعوا تحت كلمه اصابع
كذلك الناس
الرجل تحت جنس الرجال......والمراه تحت جنس النساء
كل واحد فينا له مواصفات له عيوب و مميزات
فان الكمال لله وحده
من مننا ليس له عيوب رجل او امراه
من مننا لا يحب الامان والحنان
ولكن عندما نفقد ذلك الشيء من شخص كنا نحتاج ذلك منه تسود الدنيا امامنا ويصبح كل البشر جنس واحد ولا امان لهم

لم يخلقنا الله انواع كثيره فاننا يا امراه يا رجل
هل لديك جواب اخر..؟
هل يخلق الله شيء مضر هل يخلق شيء ليدمرنا
كيف وانه الرحيم الرحمن
هل خلق الله المراه لتعذب الرجل والعكس
الا تستعجبوا علي انفسكم عندما تساوون بين البشر في الشر فقط
الا تستعجبوا علي انفسكم عندما تغظبكم كلمه السئيه تعم والحسنه تخص
وانتم تفعلون ذلك عندما تساوون بين البشر وتشجعون علي انتشار الكراهيه بين الرجل والمراه
هذه الكراهيه تنتج عن طريقه العلاقه الغير برئيه وتحت شعار الحب الذي يعيش في الظلمه ولا يخرج الي النور وهذا ما لا يرضاه المولي

سيقولون بعضكم تحدث كراهيه ايضا بعد الزواج
الم تسمعوا خطاب المولي اليكم
(وعسي ان تكرهو شي وهو خير لكم)
الله يعلم منذ ولادتك اين الخير لك
وعندما تمر بك مصيبه فانها اختبار من الله
1_ليعلمك منه شيء
2_ليجذيك به خيرا ويضاعف حسناتك ويقلل من سيئاتك

كيف يملك انسان ان يطلق علي انسان اخر انه جحيم...........(( المراه حجيم ))
الجحيم هو النار
عندما يعاقب الله انسان كافر يدخله النار جهنم في الاخره
فهل كان عاقبه الرجل في الدنيا اذا تزوج بجحيم اقصد المراه
فكيف ..؟
وان الزواج اسمي معاني الاحترام بين الرجل والمراه
لا يوجد جحيم غير حجيم الاخره
كيف يملك الانسان ان يخلقه هو بقلمه جحيم اخر وان يطلق ذلك اللقب علي بشر مثله
ولكن بختلاف رجل او امراه

واخيرا
المراه :_
الام:التي تتعب منذ ولادته وحتي النهايه.................(طبعا لا استطيع ان اذكر تعب الام في كلمتين ولكنه مجاز)
الاخت: التي تهتم بيه وتكمل مسيره الام
الزوجه:التي تصبح له الام والاخت والحنان
الابنه:فلذ كبده حياته فيها وكل امانيه فيها


الرجل :_
الاب:من يتعب ويشقي ليسعدنا
الاخ:من يحميني ويكون ظاهرا لنا اثناء ضعفنا وايضا قواتنا
الزوج:الاب والاخ لينا وهو ايضا الامان
الابن:فلذ كبدنا وهو امالنا في الحياه


المراه تكمل الرجل
والرجل يكمل المراه




ولكل قاعده شواذ

والله انا اعتقد ان السبب في اننا بنستورد افكار غبية ونبدأ ننفذها دون تفكير او تمعن واخر التقاليع موضوع الفالنتين ( يوم الحب )

واهم من يوم الحب موضوع زرع العداء بين الرجل والمراة ....... فمروجي هذا العداء اناس ضعاف العقول


وجزاكم الله خيرا

تم دمج موضوع حضرتك مع موضوع
بنت وولد

تم دمج موضوع حضرتك مع موضوع
بنت وولد


مع انى مش عارفة انه موضوع اللى اندمج مع بنت و ولد بس عامة

انا شايفة ان ردود البنات مش فيها اى حاجة ضد الولد انما الولد...........بحس ان فى حاجات جوا الولاد من ناحية البنات مش عارفة ليه

انا هكرر اللى انا قلته قبل كده يا جماعة لو حد فيكم عنده اى راى عن البنت ممكن يقوله و احنا هناقشه فيه بمنتهى الصراحة

ايه يا جماعة يعنى مافيش حد قال راى من الاراء اللى مش كويسة عن البنات عشان نرد عليه

اقتنعتم اننا ملايكة اخيرا

انا كنت مقتنع ان البنات ملايكه واحسن من الصبيان كمان بس موضوع حضرتك الى هو نفسيتى تحت الصفر اكتشفت ان البنات بردووا زى الصبيان مش ملايكه اوى
انا ممكن اقول عيوب بس خايف احسن حد يضرب ولا حاجه

- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسسسسسسقط ( مع العلم ان النقطة دى فى سوال اختيارى وهى حلته زيادة تاكيد)




2- الميول العدوانية

عمرك شفت بنت بتتفرج على مصرعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير ( يارب لما تعاكس متقعش فى ايد وحدة منهم)


3- الاصراف

بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جيدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول


4- الغيرة

الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا ...)

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها

دا بعض البنات ومش كلهم ربنا يستر

انا كنت مقتنع ان البنات ملايكه واحسن من الصبيان كمان بس موضوع حضرتك الى هو نفسيتى تحت الصفر اكتشفت ان البنات بردووا زى الصبيان مش ملايكه اوى
انا ممكن اقول عيوب بس خايف احسن حد يضرب ولا حاجه

لا هو موضوعى مش معناه ان البنات وحشة بس ممكن انا اللى ابقى وحشة و فيا عيب ما

الله اعلم

- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسسسسسسقط ( مع العلم ان النقطة دى فى سوال اختيارى وهى حلته زيادة تاكيد)

لا و الله ابدا


2- الميول العدوانية

عمرك شفت بنت بتتفرج على مصرعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير ( يارب لما تعاكس متقعش فى ايد وحدة منهم)

برده مش كله مصارعة ايه اللى احنا هنتفرج عليها خلاص يعنى
3- الاصراف

بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جيدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول

لا طبعا الولاد هما اللى بيحبو يخدوها مناطة غالية عشان يثبتو انهم ما شاء الله اغنياء بس معلش برده حاجة كده ع الماشى البنت اصلا المفروض تبقى عندها حياء يعنى مش هتروح مع الشاب كده عادى ..........مش لعبة و الا تبقى بنت فاقدة حاجة مهمة جدااااااااااااا من حاجات البنات و دى انا مش ليا دعوة بيهم
4- الغيرة

الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا ...)الغيرة عند البنت برده ممكن تخليها احسن ده حسب البنت

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )
عند عن عند يفرق
6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها
مش كده بس بص الانسان لما بيتعامل عادى اكيد بيبقى مختلف عن لما يتعصب
دا بعض البنات ومش كلهم ربنا يستر


بص انا رديت بسرعة لانى هقفل بس هرد عليك مرة تانية

اعتقد ان السبب هو
ان تشعر البنت ان الولد متفوق فتحاو ل ان تفعل ذلك للاقتناع بأنها تتفوق عليه
والولدعندما يشعر ان البنت متفوقة علية فيحاول ان يقول ما يقول ليسد عجزه عن التفوق عليها

لا هو موضوعى مش معناه ان البنات وحشة بس ممكن انا اللى ابقى وحشة و فيا عيب ما

الله اعلم
ولا انا والله مش قصدى ان البنات وحشه او حاجه انا كان قصدى انو زى ما فيه فيه الحلو فيه الوحش بس البنات بردوو قلبها طيب تتعامل معاك بقلب الطفوله والبراءه وما اجملها

كلنا كالقمر له وجه مظلم صحححح ولا ايه

بصى فيه مثل بيقول
القرد فى عين أمه غزال

ولا إنتى هيعجبك الراجل ولا
إحنا هيعجبنا الست
مع وجود بعض الشواذ عن القاعده

لكن لكل فتره مفهوم مختلف