ساروى لكم ماحدث اليوم فى هذة المدرسة في البداية كان هناك يافتات للاضراب علقناها امبارح وجاء استاذ من الذين يخشون الدروس وقطعها وتشاجر معة معظم الاساتذة
هذة المدرسة كبيرة يعنى اعدادىو ابتدائى مديرة الابتدائىاخذت الاسماء المضربة ومنعتهم من توقيع حضور في الدفتر وكانت مشاجرات وشطبط عليهم وعندهاهددوها بلذهاب الى قسم الشرطة وتحرير بلاغ ضدها بانها منعتهم من التوقيع
اما المدير الاعدادى هيهااااااات فلقد مسك ورقة اسماء المضربين وقطعها وتعدى على المدرسة التى كانت تمضى الاساتذة على الاضراب بيدة وهددها بطردها من المدرسة وتحويلها الى الشؤن القانونية وهنا تحولت المدرسة الى ساحة حرب ودخلو اولياء الامور وسمعونا اسوا مايمكن سماعه فمثلا ابسط شئ قيل منهم زمان بتوع الشرطة جاين هيضربوهم بالجزم وهيشتغلوااااااااا غصب عنهم وهلم جر مما لايصح ان اذكره ولكننا جميعا صممنا على الاضراب ثم اتى الينا مدير الادارة وهو اخوانى اصيل وجلس يكلمنا بقال الله وقال الرسول وانه لايرضي ربنا وموقفنا لم يتغير ثم بعد ذلك ناس من المديرية ثم الجييييييييييييش وطبعا بدؤا بصيغة الاحتراااااام وفى كل لحظة تهديد بالاعتقال تحت مسمى سنين ومنتمين لجماعة كذا بل وطلب احدهم استقالة الاستاذ الفاضل الذى كان يوجة مطالبنا ويقول له قدم استقالتك واخيرا اخذو المطالب وتوجهو الينا ان نعمل غدا وهم سوف يوصلو صوتنا الى رئيسهم واخذوا اسماء الاساتذة الرجال الذين كانو يحاربون معهم من اجل المطالب اما المدرسة اللتى تم الاعتداء عليها كتبت شكوى ولكن لااحد اراد ان يقبلها منها
على فكرة هذة هى المدرسة الوحيدة اللتى اعتصمت فى منطقتنا وال4مدارس اللتى حولنا اشتغلو للا سف اصاب الكثير منا الاحباااااااط ولااعلم مالوضع غداااااااااااااا
اتمنى ان تصل شكوانا الى ا/ايمن البيلى لان الاحبااااط قد عم الجميع

يا جماعة يبدو ان الوزارة والدولة مش فى دماغها التعليم اصلا و لا الطلاب ولا يهمها خراب البلد دى رئيس الوزراء ونوابه المهم هو وثيقة المبادئ فوق الدستورية و كيفيفة ارضاء امريكا واسرائيل

اظاهر فعلا ان التعليم اصبح ولا له اهية

أتمنى أن تصل أستغاثتك لمن يهمة ألامر ياريت الى عندة رقم الاستاذ أيمن البيلى يكتبة يمكن يقدر أن يفعل شى

الى الاستاذه الفاضلة
انا جارك فى المستقبل واعمل فى مدرسة ابوصوير الصناعية
اولا شكرى ابوجازية حزب وطنى قديييم وليس اخوانى ( للتوضيح فقط فانا لست منهم )
احنا انهارده عملنا اضراب كلى وكتبنا مذكرة ومضى عليها جميع العاملين ( معلمين - اداريين - عمال )
تشمل كل الطلبات ومرفقة بالمشاركة
- لا يقدر اى من كان او كانت كينونته ان يسلبكم حق الاضراب بمقتضى القانون المصرى الذى يدعون انهم حريصون على تطبيقه
- اهم شئ ان يكون الكل على قلب رجل واحد وان اصاب احدكم اى شئ ( ولو قرصة نملة ) ان تكونوا كعضو الجسد الذى تتداعى له باقى الاعضاء بالسهر والحمى
- تابعى تقرير عن اضراب ابوصوير الصناعية حتى نكون صفآ واحدآ
- اليوم تقريبآ جميع مدارس ابو صوير المحطة شاركت فى الاضراب

شكرا جدا استاذى الفاضل بس الحال بجد محبط للغاية ولااعلم مايسري غدا

أختي الفاضلة أولا بارك الله فيك وفي زملائك ولا تخافي لأن الله معنا طالما الحق معنا

أنا معلم من سكان مدينة المستقبل فعلا مررت صباحا على مدارس المستقبل قبل ذهابي لمدرستي بالبلد فوجدت المدرسة الثاوية مغلقة لكن ما بجانبها ما تأكدت من مشاركتهم لانه كان مبكرا

بالنسبة للمديرة ذات العقلية المتحجرة فهي أقل من أن تفعل شيئا ولا تعبئوا بها فالنصر قريب وسيتغير المديرون أمثالها وكذلك المديرون رواد المقاهي والسماسرة وأصحاب المقاهي التي تشتهر بهم مدارس المستقبل

بالنسبة لمدراسنا بإدارة الإسماعيلية فبحمد الله أضربت نسبة كبيرة جدا وقام وكيل الوزارة ونقيب المعلمين ومدير ادارة الاسماعيلية واتفقوا معنا على المطالب وأبلغونا بأنهم قد أوصلوا بيانات المدارس المضربة لغرفة عمليات الوزارة وان شاء الله ستتحقق مطالبنا المهم ان نتفق ونبتعد عن الخلافات

وبالنسبة لنا في مدرستنا فقد استطعنا كسب أولياء الأمور في صفنا وقالوا نحن معكم وسنجلس مكانكم في الفصول حتى تنفيذ مطالبكم حتى وان استمر الحال الى نهاية العام فنحن نعلمكم جيدا ونعلم اخلاصكم في العمل وخوفكم على مصلحة ابنائنا

الحمد لله أرى النصر قريبا

اللهم اجعل كيد الوزير المحرض واعوانه ملتهمي أموال الوزارة في نحورهم

الامر يحتاج لسياسة النفس الطويل - والنصر قادم ان شاء الله

مدرسة صلاح الدين الاعدادية بالوادي الجديد دخلنا في إضراب يوم الأحد بنسبة 90 % من المدرسين وقمنا بتجميع التوقيعات على الاضراب مع تهديد من اإدارة إن إللي هيوقع حضور ويضرب مش هيوقع إنصراف ولكننا ثبتنا على موقفنا ولم نتزحزح وقلنا أن هذا ليس من حقكم ولن تستطيعوا فعل ذلك فإمتثلوا لكلامنا رغماً عن أنفهم وعقبال باقي المدارس يا رب

دة غير عشرات المدارس إللى عملت إضراب داخل المدارس


دا غير مئات المدرسين إللي إحتشدوا أمام نقابة المعلمين والله الموفق

أخوكم مصطفى عبدالله مسعود

الوادي الجديد الخارجة

ادعو الله ان ينصرنا جميعااااااااااا

نرجو موافاتنا بآخر الأخبار أخت حنان

وصلني أنكم اليوم أفضل حالا وتماسكا

الله معنا جميعا

غاب معظمنا اليوم وننطم للسفر يوم السبت

مدرسة ابوصوير الصناعية
19 / 9 / 2011
اليوم الثانى للإضراب
- بداية اليوم الدراسى بشكل طبيعى ، توقيع المعلمين فى دفاتر الحضور ، الطابور وتحية العلم
- حضور ( شكرى ابوجازيه ) مدير إدارة ابوصوير التعليمية ويطلب من المعلمين الصعود للفصول :028ja7:
- لا استجابة ولا رد من اى معلم ولا تعليق للإضراب :p
- بعدما تيقن انه فشل حتى فى اسلوب الطلب صرخ قائلآ ( طيب لو انتوا رجاله خليكوا قاعدين كده لآخر الشهر :o)
- الراجل جاى يستفزنا وعايز يوقعنا فى الغلط ، لكن تم الاعداد النفسى الجيد لنا من خلال حوارتنا مع بعضنا بأن هذا متوقع حدوثه من زبانية النظام السابق والذين استفادوا منه بالجلوس على كراسيهم وسيقاتلون للبقاء عليها ( الهبره كبيرة يا جماعة اخر الشهر لازم يموت نفسه علشان يحافظ عليها ) ، المهم محدش برضه رد عليه ( مع انه عارف كويس اوى ان صنايع ابوصوير مبيعرفوش لا هوه ولا اى حد من رجالته ياخدوا حق ولا باطل من رجالة المدرسة :p )
- راح مخبط اكتر ليواصل الاستفزاز ( هربت منه ياجماعه) وقالنا هو انتوا بتفهموا اساسآ و كل ده حصل قدام الطلبة :006et4:
بالله عليكم ايه رأيكم فى المسئولين عنا ( انا رايى انهم بلح ) :d
- دخل شكرى ابو جازيه مكتب المدير فى انتظار وكيل الوزارة
- تم كتابة مذكرة بما حدث موجهه الى المحافظ و وكيل الوزارة ووقع عليها المعلمون
- الظاهر الخبر بتاع المذكرة وصل ليه شويه لقيناه طلع من المكتب :bosyht9: وجالنا ( حقكوا عليا متزعلوش منى انتوا زى اخواتى ) ( عمل قطة ) عرفتوا مين فينا الراجل .
- وصول وكيل الوزارة ( رفعت طنطاوى ) ومعاه ( مسئول الأمن فى المديرية ) !!!!!!!!!!!
- طلب الاجتماع مع السادة المعلمين
- بدأ فى الحديث : نفس كلام الوزير حرفيآ لا اكتر ولا اقل .
- بدأ يكلم على حافز الاداء ووسعت منه اوى وراح قايل لشكرى الناس تصرف الحافز ده انهارده او بكرة بالكتير اوى دى تعليماتى ليك وتنفذ .
- طبعآ كلام للإستهلاك اللوكال وبدأ المعلمون المشاركة فى الحوار
- سلمناه صورة مذكرة الاضراب وبعدين تكلم بعضنا وكل مايقوم حد يكلم بتاع الامن يسأل على اسمه واحد زميلنا قاعد جنبه
( فاكرينها لسه زى زمان ) زميلنا قاله بتسأل على اسمه ليه ملكش دعوه بأسم حد .:angry2:
- بيقولنا معدش فى امتحانات تانى نقوله الكلام ده مش مظبوط ونازل على موقع الاكاديمية علشان نترقى نتدرب وبعدين نمتحن وننجح وبعدين تقرير من مدير المدرسة وتقرير من الموجه علشان نتمم اجراءات الترقية يقولنا لأ مش مظبوط اسمعوا اللى بقولكوا عليه .
- طبعآ احنا على اتصال ببعضنا مع المدارس التانيه فى الادارة وخارجها الكل عامل اضراب وطنطاوى يقولك مفيش غير انتو بس اللى لسه عاملين اضراب ( وطنى وطنى ) لسه برضه اسلوب الكذب فى دمهم يا اخى وكل زمايلنا اللى راحلهم المدارس التانيه بيقولهم نفس الجمله ( يعنى كل الناس بقت حلوه وانتوا اللى لسه كخه :006et4: )
- طلب فض الاضراب مع وعد ببحث المطالب ورفعها ردينا عليه واحنا كمان هنبحث فض الاعتصام
قالنا هتبحثوا طلبى قولناله زى ما هتبحثوا طلباتنا ( ولع ) وسأل زميلنا اللى قاله الكلمه دى على اسمه الراجل قاله اسمه بالكامل سأله وكيل الوزارة انت مضيت على المذكرة قاله طبعآ دور على اسمه من بين الموقعين وعلم عليه :p
ثم فض الاجتماع الظاهر انه حقق هدفه بالحصول على اسم معين .
- طبعا المعلمين سمعوه رساله معينه ان زميلهم اللى اتاخد اسمه لو حصله اى حاجه لو حتى قرصته نموسه فى بيته وهو نايم مش هتعدى بالساهل
- بدأنا فى الاتصال بزمايلنا فى المدارس التانيه على مستوى الادارة والمحافظة ووصلنالهم اللى دار فى الاجتماع وابلغونا بتضامنهم معانا واتفقنا على حاجه : اى مدرس فى أى مدرسة هيتأذى بسبب الاضراب دلوقتى او بعدين هنكون راجل واحد والموضوع هيتطور من اضراب فى المدارس لاعتصام فى مكتبه هو شخصيآ (ماشاء الله والله اكبر علينا ) وتم الاتصال ببعض مراسلى ومندوبى الصحف فى الاسماعيلية ووضعهم فى الصوره
- مر اليوم ومضينا انصراف ومشينا وبكره يوم جديد انشاء الله

بارك الله فيكم أستاذ جني أنت وزمايلك ورد الله كيد زبانية الوزير ملتهمي أموال الوزارة في نحورهم

أتمنى من جميع المدارس الاتفاق على طريقة واحدة بصراحة لابد من الاتفاق على قلب رجل واحد

وكذلك الخطوات التصعيدية لابد من الاتفاق عليها

طنطاوي مازال لم ينسى الجزمة اللي أكلها وتقطعت عليه في إدارة الإسماعيلية

للأسف الشديد هذا الرجل يوم الاربعاء اثناء اعتصام المديرية خرج علينا وقال أنا معكم ومكتبي مفتوح وأمس كان مؤيدا لنا لكن اليوم ما أعرف لماذا تبدل أم ماذا حصل؟!

هل تحريض الوزير وصل لهذا الحد .............. والله انه وزير مستفز وانسان لا يرقى لنعته بوزير

أم أنه بالأمس كان ينافقنا واليوم ظهر الوجه القبيح ( الأصلي )

طنطاوي اتعدل لحسن أجيبها لك تديلك بالشبشب تاني ( لامؤاخذة يا جماعة )

يعطيك من طرف اللسان حلاوة ...................ويروغ منك كما يروغ الثعلب

حسبي الله ونعم الوكيل

ثبتنا الله علي الحق في سبيل تحقيق مطالبنا العادلة

لازم الاضراب يا استاذتى القديرة يستمر فلا يجب أن يتوقف أبداً واعلموا أن الاضراب فى مصر كلها وليس فى منطقتكم فقط

والله المشكلة ان عندنا الرجالة اللى زييييكم يتعدو على الصابع الوااااااااحد كلة بيفكر في الدروووووووووووس وبعدما حاربنا اول يوم والكل سمع ماحدث عندنا كل واحد فكر فى مصلحتة وقالو طيب ننتظر الاسبوع دة ونشوف يوم السبت هترسى على اية ونكمل الاحد وياااااااااارب ياخد كل عبدة النظاااااااااام

احنايا استتاذه حنان اداره فايد
وعندنا استعداد نيجى نقف جنبكوا وممكن اديكى رقم استاذ محمد عبد الوهاب وبكره هتلاقى اكتر من اتوبيس من فايد عندكوا
اثبتوا لان النصر قريب
وبعدين لما انتوا ايد واحده فى الاضراب ليه مضربتوش الرجل اللى ضرب المدرسه

العين بالعين والسن بالسن والبادى أظم

واصل معلموا مدرسة ابوسلطان النموذجية اضرابهم اليوم لليوم الثالث على التوالى . رغم حضور السيد / احمد عبدالرحيم مير التعليم الابتدائى بالمديرية بالاسماعيلية
والاستاذ / ابراهيم بدر مدير ادارة فايد التعليمية والاستاذ / احمد محمود رئيس الاقسام الابتدائية بالأدارة وبعض الموجهين والمتابعين الذين اجتمعو امع المعلمين بالمدرسة وحاولوا اثنائهم عن الاضراب ولكن رفض المعلمون الاستجابة لهم تماما مما ادى الى رحيلهم بدون فائدة مع توعد مدير التعليم الابتدائى للمعلمين بتوقيع اقصى عقوبة على المضربين وتحويلهم للتحقيق

الله عليكم رجاله مش زى النساء فى مدرسة الصيفيه بالفيوم طلعوا نساء بمعنى الكلمه باستثناء مدرس انجليزى اسمه احمد مرسى ومدرس درسات اسمه محمد عبد القادر

احنا تعبنا اوي يا جماعه ، كل يوم و الله بشعر بالاهانه و لتعب النفسي

محدش راضي يسمعنا او يستجيب لمطالبنا

على مااعتقد ياجماااااااااعة الموضوع هيتفاقم اكترررررررررر وهنوصل زي ثور 25يناير لازم هيبقي في ضحاااااايا وابتديت من اليوم اعتقال 3 مدرسين من الجيش اصل الحج غفير التعليم واااااصل وشرف سانده للاسف اليس منكم رجل رشد انا بفكر اشن حمله بالطلبة الاعدادى بتوعى جوه المدرسة وخليهم يهتفوا ضد الغفييير بس مين يصوروينشر

شكرررا جدا الاساتذة الفضلاء لاهتمامكم بالموضوع والى الاستاذة كامليا والله الحال عندنا لايسر عدو ولاحبيب للاسف عم الاحباط الجميع واصبح المعظم يجرى وراء مصالحهم واشعر انه بلاء من الله والمشكلة انه حال جميع مدارس هذه المنطقة اى المستقبل كلها لدرجة ان موجه اتت اليوم واتصدمت وقالت فن ياولاد الاضراب ده انا سمعت انكم ولعتو الدنيا ليه توقفتو وحزنت على الجميع ولااعلم كيف نبث مرة اخري العزيمة اليهم والى المدارس المجاورة

الى الاستاذة كامليا ارجونمرة الاستاذ محمد وذلك لتنسيق معة لمليونية السبت

مدرسة المستقبل الاعداية بنين والاعدادية 25 يناير دول مدرسين بيدوره على الدروس علشان يكتره فى الشقق وبامانة كم واحد عندكم سمسار شقق ومدير المدرسة بتاعكم غلبان لدرجة انه ميقدرش يحمى نفسه وعندك شوية مدرسين كانو عيشين الفقر بانواعه دول بيحربوا بعض على الدروس وانتى عارفه كده كويس وانا مش عايز اذكر اسمى من المدرستين لانهم ميستهلوش ذكر اسمى ام مدير الادارة عارف هو عمل اية ورجع عمل ايه تانى بس المشكلة عندكم فى المدرسين وانتى عارفه مدرسينك كويس جدا ولو عايزنى افضحهم كلهم انا ممكن اقولهم با لاسم هما مش مع الطالب هما بيمصه دم الطالب تدفع كم وانجحك صح ولا خطاء بس مدرستنا رجاله كلنا ايد واحده مدرسات قبل مدرسين وعلى رئى المثل هيسخطك يا -------------- على فكرة انتى تعرفى محسن ابنى كويس للاسف انتو عندكم طقم مدرسين ينفعه يجلسه عند الموقف احسن:022yb4:

ممكن تقولى مين جاى معكى الاضراب فى مصر عبد الباسط ولا عبدالله والا حسنى ولا مين هو انتو عندكم واحد عليه العين اصلا تسلم ابو جنى ووليه مقولتيش على الفطار الجماعى كل يوم احنا كلنا ايد واحده ومبنخفش غير من ربنا نفسى الوزير يجى مدرستنا ويشوف احلى شباب يقدر يجيب حقه

الأستاذ محسن هاني ياريت بلاش تجريح في حد احنا في مرحلة يجب ان نكسب فيها أكبر عدد

طبعا كلامك صح مليون بالمائة بس افضل بلاش ذكر اسماء

على فكرة مدرسة السكة الحديد موجودة بأول المستقبل كلها مدرسات ومفهاش غير مدرس او 2 بس بصراحة واقفين احسن من اي مدرسة غيرها احسن من العبيد بتوع مجمع مدارس المستقبل اللي كل يوم امر من امام مدارسهم قبل ما اروح مدرستي بالبلد

المهم الان نتمنى التنسيق والاتفاق المبكر على الاتوبيسات ولو محتاجين اتوبيسات انا اعرف اصحاب شركات كثيرة بنتعامل معاهم

بالنسبة للاخت كاميليا وانتداب معلمين من فايد فهذا لا يجوز لانه من الممكن ان يؤدي الى مشاكل " إن الله لا يغير ما بقوم حتى يغيروا ما بأنفسهم "

شكرا لكل معلم أبي لا يقبل الذل والهوان

استمروا و لن نتراجع عن الاضراب الا اذا تم تحقيق مطالبنا كاملة و اهمها اقالة وزير لجنة السياسات و الاطاحة بمستشاريه و وكلاء الوزارة و كل اتباع النظام السابق و تطبيق الحد االادنى للاجور

الاخت هاملت سوف نتفق مع اتوبيسات بس يجب عمل لوحات وتكون كبيرة الحجم

كلامك معظمة صح استاذ هانى ولكن يد الله مع الجماعة والنساء عندنا الرجالة كتيرررررررررر وبردة عندنا رجالة تعد على الصوابع وعلى فكرة مجموعة رايحين مصر وسفروا المليونية السابقة وعموما سلملى على ام محسن

ابو جازيه دة غبى وتماسكوا لاتتخاذلو امام هذا الجاهل والنصر لكم وكل ما حدث ادانه له هو وان كان راجل يعمل حاجه
http://www.youm7.com/images/NewsPics/large/s7201121191033.jpg الدكتور أحمد جمال الدين موسى وزير التربية والتعليم
كتب حاتم سالم
http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml)
تعهد الدكتور أحمد جمال الدين موسى، وزير التربية والتعليم، ببحث حل عاجل لأزمات المعلمين قبل انتخاب برلمان جديد، وقال الوزير، فى تصريحاتٍ خاصة لـ"اليوم السابع"، "نبذل جهوداً خلال هذه الأيام مع الوزراء المعنيين لإقرار حل يساهم فى تهدئة المعلمين وانتظام العملية الدراسية بالتوازى مع تعديل قانون الكادر وعرضه على البرلمان الجديد المنتخب".

وأوضح "جمال الدين" أن اتصالاته مع الدكتور حازم الببلاوى، وزير المالية، ونائب رئيس مجلس الوزراء، مازالت مستمرة لإيجاد صيغة تضمن زيادة جديدة فى إجمالى أجور المعلمين، ورفض الوزير الإفصاح عن شكل الإجراء الذى ستتخذه الحكومة الحالية من أجل حل الأزمة، قائلاً "لن أفصح عن أى حلول إلا بعد إقرارها، ولكن أؤكد أننا نحاول الوصول لحل قبل الانتخابات البرلمانية المقبلة".

وقال الوزير إن مجلس الوزراء يقر بحق المعلمين فى المطالبة بحقوقهم مالياً وأدبياً ولكن دون تعطيل للدراسة، وتابع "لابد من عودة المعلمين للفصول التزاماً بتحقيق المصلحة العامة".

فى سياقٍ متصل نفى "جمال الدين" استيقاف إداريى مدرسة الجيزة الاعدادية له أمس الاثنين أثناء دخوله لمقر المدرسة، وقال "لم أتجاهل أحدا ولم يطلب الإداريون منى التوقيع فى دفتر الحضور والانصراف".

يأتى ذلك فى الوقت الذى دخل فيه إضراب المعلمين يومه الرابع فى القاهرة الكبرى والمحافظات وسط تعطل تام للدراسة فى المدارس التى يشارك معلموها فى التوقف عن العمل.

[/URL] (http://www.youm7.com/News.asp?NewsID=496253&#) [URL="http://www.youm7.com/News.asp?NewsID=496253&#"]

المطلوب باء خمله ضد الدروس الخصوصيه

مش عوزين مشاكل يا جماعة اهم حاجة انكم تكونو متحكمين فى اعصابكم ومش عايزين حد يقع فى غلط المهم برود الاعصاب احنا اتعرضنا لضغوط كتيرة بس محدش وقع فى غلط المهم انكم تتحدوا محديش هيقدر يعمل معكم حاجة

اللهم ثبتهم على الحق يا رب

اللهم انصر الحق

ورد كيد ملتهمي أموال الدولة في نحورهم

حسبي الله ونعم الوكيل
حسبي الله ونعم الوكيل