لازم الكل يلتزم ونتفق على يوم واحد كل المعاهد وبلاش كل يوم اضراب الطلاب هيضيعوا

انا بصراحة اكتر حد اصابه ضرر من قصة التعاقد ده وربنا هو العالم ووصل بيا الحال انى اتمنيت اى حاجة تحصل علشان اخد حقي
لكن الحقيقة انى ماعنديش قدرة ادخل الفصل وانظر في عيون تلاميذى واجد اسئلة واستعداد منهم لبداية السنة الدراسية
وارد عليهم لا والله انا مضربة علشان اتثبت
الموضوع في غاية الصعوبة وكله الا التعليم ده السلاح الوحيد اللى نقدر نتفوق بيه
وحاسة ان اللي بيحصل ده من اسوأ مايحدث في تاريخ التعليم ابتدت بانفلونزا الخنازير وانتهت بأن الطلبة يروحو المدراس ويرجعو يقولو ماخدناش حاجة
حتى اول اسبوع كان دايما يتطلب كراسات وكشاكيل وجلاد وتيكت السنة دى ولا حاجة من دى
زي ماتقول التعليم كان مرتبط عندنا بالطاغية

المعلم ليس مجرد اله نعمل بالاوامر ,يجب ان يكون هناك احترام و تقدير مادى ومعنوى للمعلمين اولا حتى يتمكن المعلم من القيام بدوره كما يجب..وبعدين الان فقط يشعر المجتمع بدور المعلم بعد ان كان يتم اتهامه بعدم الكفاءه والاهمال وانهم لا يقومون بدورهم فى المدارس .يجب ان يستمر الاضراب من اجل مصلحة التلميذ قبل المعلم

وتفتكر حضرتك أصلا في تعليم في الازهر
بلاش نضحك على بعض
الأزهر فساده يفوق الخيال
الازهر بلا نظام تعليمي
الازهر تابع للتربية والتعليم في كل قراراتها حتى بدون دراسه و يوم ان يفكر في قرار يكون قرار فاشل جدا جدا - واقرب مثل اللي حصل السنة اللي فاتت وفتح الدور الثاني لكل من رسب في اي مادة بالزمة ده قرار عايز يظيبط به تعليم- ناهيك عن تخبط اعمى في كل شئ
ويظل يصدر فاكسات و منشورات ثم يراجع نفسه بفاكسات ومنشورات ضدها اخرى طبعا أقرب مثل هو عودة السبت كعمل ، وبقت زي اللعبة بدون فهم وساعة يرجعوه وساعه يوقفوه ( ساعة تروح وساعة تيجي )
ولا تحدثني عن الغش الفاضح والعلني واذا بليتم فاستتروا ولو قلتلي في غش في التربية والتعليم هقولك يا سيدي الفاضل المفروض انه الازهر مؤسسة دينية يعني قدوة مش يبقى امر واسخم والطلاب يدرسوا من غشنا فليس منا و ييجي شيوخ و وكلاء المعاهد و مدرسي الشرعي والعربي هما اللي يغششوا بنفسهم.
تعالا بقى وقلي فين المعاهد اللي فيها مكتبات عشان الطلاب يستفادوا من قصص حتى في وقت الفسحه ، فين المعامل لاجراء تجارب لمعلمي العلوم ، فين معمل الكمبيوتر او غرفة مناهل المعرفة عشان تغيير طريقة الشرح لعدم ملل الطلاب واستخدام الاسطوانات التعليميه او الانترنت لزيادة المعرفة في درس معين ، وشوف فرحة الطلاب بتغيير الفصل والانتقال لغرفة المناهل
بالله عشان خاطري بلاش حضرتك تتكلم عن تعليم في الازهر أصلا
خريجي الازهر أغلبهم و لا فاهمين مواد شرعية ، ولا فاهمين ثقافية ، ومستواهم متدني بشكل غير طبيعي
الازهر يحتاج لاعلى من ثورة و ثورة فوق الثورة لتغيير شامل وجذري في كل شئ
يا اما يبطل موضوع التعليم ده اصلا ويخليه مؤسسة دينية فقط