مشاهدة النسخة كاملة : رأيك يهمنا
Dr\memo 19-09-2011, 10:12 PM السلام عليكم ورحمه الله وبركاته...
اولا_ برحب بكل الدكاترة الموجودين فى هذا القسم وبجد منورين المنتدى بكرم اخلاقكم وكلامكم الجميل عن الكليةوبجد بجد عايز اشكركم بشكل شخصى على مجهوداتكم الرائعة فى هذا القسم ويا رب ابداعتكم وموضوعاتكم الجميلة تكون فى ميزان حسناتكم وانشاء الله هنغير نظرة الناس لينا وهنعرفهم اهميتنا الحقيقية،
ثانيا_ انا جاى النهاردة يا جماعة وعايزكم كلكم يا دكاترة تشاركوا وتقولوا ارائكم بصراحة سواء كانت ايجابية او سلبية وانا متاكد انكم مش هتخذلونى وهتشاركوا وهتقولوا رايكم لان بجد كل الدكاترة اللى فى القسم ده غاية فى الادب والاحترام والاخلاق بجد هيه دى صفات الدكاترة الحقيقيين ،
ثالثا _يارب تكون الموضوعات اللى هناقشها خفيفة عليكوا وميكنش دمها تقيل ويا ريت الدكاترة اصحاب الخبرات يشاركونا برايهم ويحكولنا على تجاربهم وكيف تغيرت احوالهم بعد الالتحاق بالكلية لان رايهم وتجاربهم مهمة جدا لكل الطلاب الملتحقين حديثا بكليتنا وعندهم تخوف من بعض الافكار الخاطئة اللى بتنشرها الناس عن الكلية وبيخوفوا بيها الطلاب الملتحقين حديثا ووكتير منها ليس له اى اساس من الصحة،
رابعا_تسمحولى يا دكاترة بعد اذنكم اقولكم على الموضوع هيبقى ماشى ازاى علشان عايزين الموضوع يكون منظم ودمه خفيف احنا هنقسم موضوعنا لثلاث محاوررئيسية، المحور الاول :هنقول فيه القضية او المشكلة اللى بتواجهنا ،والمحور الثانى: هنقول فيه راى الناس ومفاهيمهم الخاطئة عن الكلية، اما المحور الثالث: ان كلنا نشارك ونقول راينا ونعرض الحلول ولو حد عنده تجربة يعرفها من قريب او صديق يحكيهاومن الناحية دى محدش يخاف لانى (ان شاء الله) عندى حلول كتيرة وتجارب اكتر هقولهالكم وهنتاقش فيها.
ندخل بقى فى الجد، اول قضية او مشكلة هناقشها(ان شاء الله) هى اهم واخطر قضية بتواجه طلاب كليتنا وهى واحدة من اهم القضايا اللى هناقشها(ان شاء الله)وهى اننا بنتكسف من كليتنا وبنخاف نقول اسمها ادام الناس علشان التريقة والحاجات اللى انتوا عرفنها،اما عن راى الناس فى هذا الموضوع بنلاقي ناس كتير تقول على الكلية كلية(حمير،بهايم........الخ) وبيشوفوا ان اى واحد يخش كليتنا لازم يكون خجلان من نفسة لانة سورى زى الحاجات الى فاتت وانه هيعيش طول حياته بين الحجات دى لحد مايبقى سورى زيهم وتذكروا دايما يا جماعةان راى الشخص فى اى شىء لا يمثل هذا الشىء ولكن يمثل الشخص نفسة لانه نابع من مفهومه الذاتى،
يا ريت يا دكاترة كلنا نشارك ونقول راينا ونحكى تجارب حقيقية نعرفها ونقول ازاى نتغلب على المشكلة دى ،وعلى فكرة حلها سهل جدااااا وبسيط جدااااا جداااااا هقولهلكم المرة الجاية بعد ما تقولوا رايكم ،ومعلش نسيت اقولكوا حاجة عايزكم يا دكاترة تقولولى رايكم فى الموضوع وهل فكرة موضوعى ظريفة ولا دمها تقيل؟؟؟؟؟؟،
ومعلش يا دكاترة صدعتكوا بس انا جواية طاقة ايجابية كبيرة نحو كليتنا ونفسى اطلعها ومعلش يا دكاترة اعذرونى لو كنت طولت عليكم.
CineDeRella 20-09-2011, 06:59 PM جزاك الله خيرا يا دكتور
وياريت فعلا كل الناس تشارك معانا
الحمد لله علي كل شيء
قدر الله وما شاء فعل
دي كانت اول كلمات قولتها لما عرفت نتيجه التنسيق
يعني هي حاجه مكنتش متوقعه
اكيد كنت مدايقه في الاول يعني كان الواحد نفسه في صيدليه ولا حاجه حلوه كده
بس ده كان اقبل ماعرف الكله ومجالاتها وطبيعه الدراسه فيها
وطبعا كنت لما حخد يسالني اقولها طب واسكت
فكن ردهم ماشاء الله عليكي مبروك
فبضطر اقولهم بيطري يعني واوضحلهم الصوره يعني
فيردو طبعا اها طيب حلو بردو من تحت الدرس يعني
ولا اللي يقولي ليه كده هي دي اخرت الدح ده كله
وده طبعا لان الناس مش مدركه اهميه الطب البيطري في حياتنا
فتكون نظرتهم ليه علي انه حاجه قليله اوووي ماع انه بياخد من مجاميع عاليه ومن كليات القمه
بس هي الصوره مرتبطه عند الناس طب بيطري يبقا دكتور بهايم
لانهم ميعرفوش حاجه عن الكليه ولا عن اهميتها
وانا بصراحه مش كل واحد هقعد اشرحله ايه هو الطب البيطري وايه اهميته
فبقيت مش بشغل بالي بيهم
بس الحمد لله دلوقتي بقول بيطري بس من غير طب وانا فخوره بكده والحمد لله
Dr\memo 21-09-2011, 07:34 PM فينكم يا دكاترة وفين ارائكم وحلولكم وكلامكم الجميل عن الكلية!!!!!!
Dr/ Nancy 22-09-2011, 03:46 AM لو تسمحولى بالمشاركة، أنا الحقيقة مش عندكوا فى الكلية.. بس قبل ما اقرأ الكلام ده كان انطباعى عن الطب البيطرى حلو جداً لا يقل اهمية عن الطب البشرى لأن كله بيصب فى الاخر فى الصحة العامة.. أنا بتأثر جداً بالطالب الواثق من نفسه و مجال دراسته و متفوق فيه.. فما بالك لو كان دكتور و ذو علم زيكوا ما شاء الله.. أنا خريجة صيدلة و برده كنا بنسمع كلام أهبل و تريقة.. ماحدش فاهم حاجة.. اهم حاجة ثقتكوا بنفسكوا هى اللى حتهز اللى قدامك.. ربنا يوفقكم! و لازم تذاكروا و تجيبوا امتياز.. ساعتها فعلاً حتحبوا الكلية من قلبكوا مش كلام بس!
Dr\memo 22-09-2011, 01:08 PM لو تسمحولى بالمشاركة، أنا الحقيقة مش عندكوا فى الكلية.. بس قبل ما اقرأ الكلام ده كان انطباعى عن الطب البيطرى حلو جداً لا يقل اهمية عن الطب البشرى لأن كله بيصب فى الاخر فى الصحة العامة.. أنا بتأثر جداً بالطالب الواثق من نفسه و مجال دراسته و متفوق فيه.. فما بالك لو كان دكتور و ذو علم زيكوا ما شاء الله.. أنا خريجة صيدلة و برده كنا بنسمع كلام أهبل و تريقة.. ماحدش فاهم حاجة.. اهم حاجة ثقتكوا بنفسكوا هى اللى حتهز اللى قدامك.. ربنا يوفقكم! و لازم تذاكروا و تجيبوا امتياز.. ساعتها فعلاً حتحبوا الكلية من قلبكوا مش كلام بس!
بجدبجد يا دكتورة نانسى كلامك فى منتهى الروعة بس قبل اى حاجة عايز اشكرك على مشاركتك واهتمامك بالموضوع وكمان يا دكتورة واضح من كلام حضرتك ان حضرتك دكتورة واعية ومثقفة ومش بترددى كلام الناس الجهلة وواضح كمان ان حضرتك بتقدرى قيمة كليتنا على الرغم من ان حضرتك مش فيها علشان كده عجبنى فى كلامك موضوعيته،وياريت يا دكتورة نانسى تشاركينا وتفيدينا بخبرتك فى الحلول اللى هنقولها _ان شاء الله_
DR_MOHAMED_97 22-09-2011, 01:24 PM بجد ربنا معاكو ويوفقكم في الكلية
وخليكوا فاكرين ان الطب البيطري اصعب من الطب والصيدلة
وربنا يوفقنا جميعا
واسف علي التدخل لانى مهتم بالكلية الجميلة والرائعة دى لانها كلية اخلاقية قبل ان تكون طبية
في رعاية الله......
Dr\memo 22-09-2011, 02:27 PM بجد ربنا معاكو ويوفقكم في الكلية
وخليكوا فاكرين ان الطب البيطري اصعب من الطب والصيدلة
وربنا يوفقنا جميعا
واسف علي التدخل لانى مهتم بالكلية الجميلة والرائعة دى لانها كلية اخلاقية قبل ان تكون طبية
في رعاية الله......
شكرا لحضرتك يا دكتور محمد واضح ان حضرتك شخصية محترمة ومثقفة لان مش اى حد يقدر قيمة كليتنا
وعلى فكرة يا دكتور محمد انا مش عامل الموضوع للقسم بتاع كليتنا وبس ولكن عاملة لكل الناس المحترمين والمثقفين الللى زى حضرتك يا دكتور محمد
والف شكر لحضرتك وللدكتورة نانسى على اهتمامكم بالموضوع ويا ريت تشاركونا برأيكم وحلولكم للمشكلات اللى بنواجها وازى نتغلب عليها ولو تعرفوا تجارب حقيقية يا ريت تفيدونا بيها
DR_MOHAMED_97 22-09-2011, 03:14 PM [QUOTE=Dr\memo;3991428]شكرا لحضرتك يا دكتور محمد واضح ان حضرتك شخصية محترمة ومثقفة لان مش اى حد يقدر قيمة كليتنا
وعلى فكرة يا دكتور محمد انا مش عامل الموضوع للقسم بتاع كليتنا وبس ولكن عاملة لكل الناس المحترمين والمثقفين الللى زى حضرتك يا دكتور محمد
والف شكر لحضرتك وللدكتورة نانسى على اهتمامكم بالموضوع ويا ريت تشاركونا برأيكم وحلولكم للمشكلات اللى بنواجها وازى نتغلب عليها ولو تعرفوا تجارب حقيقية يا ريت تفيدونا بيها
اوعى يا دوكتر تقلل من شان كليتك
طيب بعض الناس عمالة تقول علينا احنا الصيادلة بياعين
فخليك فاكر ان دول ناس حاقدين مبيحبوش الخير لحد
وتذكر قول الله < وعسي ان تكرهوا شيئا وهو خير لكم >
فتفائل خيرا واجتهد في الكلية وان شاءالله ربنا هيكرمك وهيكرمنا جميعا ان شاء الله
في رعاية الله يا دوكتر .
Dr/Reem2011 22-09-2011, 04:17 PM أنا حبيت اني أشارك في الموضوع لانه عجبني جدا مع اني في طب بشري
بس عايزه أقول ان الناس مبتسيبشي حد في حاله
فانتوا زي الشجره التي من كثر ثمارها تتقاذفها الناس بالحجاره
تقبلواااااااااااااااا مروري .................................
وشكرا
ningooooo 22-09-2011, 04:51 PM أنا عجبني جدا الروح اللي عندكم دي و متسمعوش كلام الجهلاء و كل واحد يركز في دراسته و يطلع كل اللي عنده فيها
و أنا في طب بشري بس حبيت أشاركم برأي و أنا شايف أن البلد دي لو بتفهم يبقي كلية طب بيطري و زراعة من أهم الكليات في مصر
و أملنا عليكم كبير في تنمية الثروة الحيوانية في مصر و أهم حاجه أنك تحب دراستك
و كل واحد مهما كانت دراسته أو وظيفته هو في الآخر بيخدم البشرية و بيخدم بلده
Dr\memo 22-09-2011, 07:41 PM أنا حبيت اني أشارك في الموضوع لانه عجبني جدا مع اني في طب بشري
بس عايزه أقول ان الناس مبتسيبشي حد في حاله
فانتوا زي الشجره التي من كثر ثمارها تتقاذفها الناس بالحجاره
تقبلواااااااااااااااا مروري .................................
وشكرا
ميرسى ليكى يا دكتورة ريم على كلامك الجميل وعل فكرة
يا دكتورة حضرتك اشارتى الى نقطة مهمةجدا من نقاط حل
المشكلة وهى اننا لازم منخليش افكار الناس السلبية تاثر علينا
ولازم نكون قدمنا هدف بنكافح عشانة ودة مشكلةطلبة كتيرة فى
الكلية بتاعتنا مبيكونش عندهم هدف وبالتالى اى كلمة من الناس
سهل جدا تأثر عليهم وفى كمان ناس تانية بيدخلوا الكلية استخسار
مجموع ولمجرد فقط لقب دكتور وعلى فكرة دول فعلا الناس اللى
بيشجعوا الناس انهم يتريقوا ويجرحوا فى الكلية وعاوز اقولك كمان حاجة
بعد اذنك يا دكتورة ان الناس دى بتتعب جامدجداااااااا فى الكلية
وكتير منهم مبيكملش فى كليتنا .وميرسى ليكى يا دكتورة
على مشاركتك ويارب يكون باستمرار وتفيدينا بأرائك الجميلة
Dr\memo 22-09-2011, 08:01 PM أنا عجبني جدا الروح اللي عندكم دي و متسمعوش كلام الجهلاء و كل واحد يركز في دراسته و يطلع كل اللي عنده فيها
و أنا في طب بشري بس حبيت أشاركم برأي و أنا شايف أن البلد دي لو بتفهم يبقي كلية طب بيطري و زراعة من أهم الكليات في مصر
و أملنا عليكم كبير في تنمية الثروة الحيوانية في مصر و أهم حاجه أنك تحب دراستك
و كل واحد مهما كانت دراسته أو وظيفته هو في الآخر بيخدم البشرية و بيخدم بلده
اولا شكرا لحضرتك يا دكتور وفعلا مبيقدرش قيمة كليتنا الا الناس المحترمة اللى بتفهم
ثانيا الروح دى لازم تكون عن كل الطلبة اللى بتحب كليتها وبتغير عليها ومقتنعة بيها ودى اهم حاجةوانا بجد بستغرب من اى واحد فى اى كلية وبيتكسف من كليتة او يقو لعليها كلام مش ظريف طب هو ليه دخلها من الاول واى واحد صحبى بيعمل كده ببعد عنه على طول لانى عارف انه طول ما بيفكر بالطريقة دى عمره ما هيكون حاجة فى يوم من الايام
Dr\memo 25-09-2011, 05:30 AM السلام عليكم ورحمه الله وبركاته...
ازيكوا يا دكاترة عا ملين ايه؟معلش اتاخرت عليكم المرة دى فى الرد ياريت تعذرونى لانى كنت بحضر الرد بقالى فترة وبجمع معلومات من اكتر من مصدر
علشان اجبلكوا حلول عملية ومنظمة.
عموما عايز اشكر كل الدكاترة الى شاركوا فى الموضوع وافادونا بأرائهم بجد الف الف شكر لحضراتكم ويارب تشاركوا دايما وتفدونا وعلى الرغم من عدم مشاركة دكاترة القسم فى الموضوع لكن لعل المانع خير ويارب يشاركونا فى الموضوعات القادمة.
انا النهاردة يا جماعة جمعتلكوا شوية حلول يارب تفيدكم وتستفيدوا منها قدر المستطاع ويا ريت تقولولى رايكم فيها وهل ممتفقين معى ولا لا
1_الثقة بالنفس:لازم يا جماعة يكون عندنا ثقة فى نفسنا وفى كليتناوان ربنا اختارلنا الافضل(ما دام بذلنااقصى ما فى وسعنا وتوكلنا على الله)وعلشان كده منخجلش من كليتنا ونقول اسمها بكل ثبات ولو حسينا ان حد بتكلم عن الكلية كلام مش ظريف الافضل اننا منردش عليه لان الجاهل ميستحقش حتى اننا نرد عليه.
2_التفكير الايجابى:يعنى يا جماعة هتسمعوا كلام محبط كتير من الناس وهيحاولوا يكرهوكوا فى الكلية وهتسمعوا اراء سلبية كتير عن الكلية ممكن نواجها بطريقتين ،الطريقة الاولى للناس اللى بتتأثر بكلام الاخرين بسرعة وثقتهم فى نفسهم ضعيفةوهى تحويل التفكير السلبى الى تفكير ايجابى يعنى مثلا هنلاقى حد من الناس هيقولك انك لما هتتخرج هتشتغل فى بلاد فلحين وسط الحقول والغطان ووطبعا فى ناس كتير بتصدق دهوده طبعا تفكير سلبى من السهل جدا اننا نحوله لتفكير ايجابى ببساطة جدا وهى اننا نسأل نفسنا هل كل خريجى الطب البيطرى بيشتغلوا فى بلاد الفلاحين؟؟؟ هتكون الاجابة بالطبع لا لان قليل جداااااااااا اللى بشتغلوا هناك طيب انت ليه حطيت نفسك معاهم له محتطش نفسك مع الناس اللى بتشتغل المجالات التانية لخريجى الطب البيطرى والطريقة الثانية للناس اللى عندها ثقة بنفسها ومؤمنة برسالتها وهى النظر دائما الى المستقبل ونتخيل نفسنا حققنا اللى كنا بنتمناه واكتر وساعتها هنحس بطاقة ايجابية كبيرة بتدفعنا نحو حلمنا وبتقضى عى اى تفكير سلبى ممكن يراوضنا.
3_تحديد الهدف:من اهم الاشياء يا جماعة اننا نحط قدمنا هدف ومثل اعلى نحاول نوصله ولازم نكافح علشان نوصلة وكمان لازم نؤمن تماما اننا هنشوف احباطات كتير ومصاعب اكتر ولكن طول ما حنا شايفين ومحددين هدفنا ادمنا هنموت نفسنا علشان نوصل لهدفنا اما لومفيش هدف يبقى ليه هنخوض فى المخاطر لاننامش عارفين احنا رايحين فيين يبقى اى طريق ممكن يودينا المكان اللى احنا مش عارفينه وافتكروا دايما يا جماعة ان توماس اديسون (مخترع المصباح الكهربى)توصل اليه فى المرة المائة من محاولاتة بعد مفشل فى تسعة وتسعين محاولة وعايزيكم يا جماعة تتخيلوا حجم الانتقادات اللى كانت الناس بتوجهاله طبعا الى يوصفة انة فاشل واللى يوصفة انة مجنون واللى يقوله انه هيعد عمرة كلة وفىاالاخر مش هيوصل لحاجة ولكن لان كان عندة هدف قدر يتغلب على كل الصعاب اللى وجهته.
4_حسن التوقع:لازم يا جماعة نتوقع ان القادم افضل واحسن لينا وان ربنا ماخدش منا الا علشان يدينا ومبكناش الا علشا يضحكنا ومبتلناش الا علشان بيحبنا يبقى لازم يا جماعة نمشى بمقولة رسولنا الكريم (صلى الله عليه وسلم) تفاءلوا بالخير تجدوه تعرفوا يا جماعة ان الجملة البسيطة دى بتضم (672) قانون من قوانين العقل البشرى (قانون الانجذب وقانون العودة وقانون الانعكاس .......الخ)
5_التوكل على الله:ودى على فكرة اهم نقطة فيهم كلهم لان من يتوكل على الله فهو حسبه.
وطبعا يا جماعة فى حجات تانية كتير بس كفاية كدة علشان صدعتكوا ويا رب الموضوع يكون عجبكم ويا ريت تقولوى رأيكم فى الحلول ونتناقش فيها ومتأسف جدا انى طولت عليكم يا دكاترة.
المسلمة الصغيرة 25-09-2011, 10:06 PM شكرا جدا على موضوعاتك القيمة وكلامك المفيد حضرتك بتدينى امل كبير فى الكلية لا انا مانكرش داخلة الكلية ومش حباها
بس ياريت احبها اوى زى حضرتك
Dr\memo 26-09-2011, 04:17 PM شكرا جدا على موضوعاتك القيمة وكلامك المفيد حضرتك بتدينى امل كبير فى الكلية لا انا مانكرش داخلة الكلية ومش حباها
بس ياريت احبها اوى زى حضرتك
ياااااااااااااااااااااااا اخيرا طلاب طب بيطرى بقوا بيشاركوا،
انا بجد فى منتهى السعادة لمشاركة حضرتك يا دكتورة وسعيد جدا بكلام حضرتك
المهذب والمحترم،وهيه دى فعلا اخلاق الدكاترة الحقيقيين
بصى يا دكتورة انا كنت زى حضرتك بالضبط ويمكن اكتر شوية
بس الحمد لله ربنا هدانى وعرفت ان ربنا دايما بيختار الافضل للانسان،
بصى يا دكتورة الاحساس اللى حضرتك بتحسية نابع من الخوف من
الدراسة فى الكلية وده طبعا من كلام الناس كمان نابع من التخوف من
مجال العمل بعد الدراسة وانه ممكن ميكنش مناسب لحضرتك وده كمان
من كلام الناس وعلى فكرة ده تانى موضوع كنت محضرة علشان نتناقش
فيه وانا حاليا بجهز فى الحلول و_باذن الله_ هقول لحضرتك على حل مبهر
يقضى على المشكلة دى تماما وده عن تجربة شخصية لان المشكلة دى
بتواجه تسعة تسعين فى المية من طلاب كليتنا،فيا ريت حضرتك تتابعينا
دايما ونسمع كلامك الجميل وتقولينا رأيك فى اول قضية نقشناها.
Dr\memo 28-09-2011, 06:38 PM السلام عليكم ورحمه الله وبركاته....
ازيكوا يا دكاترة يارب تكونوا بخير،انا النهاردة جاى اقولكوا ان ده هيكون اخر يوم ليه فى هذا القسم بجد بجد الف شكر لحضراتكم يا دكاترة الطب البيطرى انا مكنتش ملاحق ارد على تعليقاتكم على الموضوع لدرجة ان مفيش ولا واحد حط تعليق او قال راية فى الموضوع وعايز اشكر دكاترة طب وصيدلة على مشاركتهم فى الموضوع وتعليقاتهم الاكثر من رائعةوزى ما قلت قبل كده وهفضل اقولها دايما مبيقدرش قيمة كليتنا الا الناس المحترمة اللى بتفهم وبتقدر وده اللى انا مستغربة لما الاقى دكاترة طب وصيدلة بيشاركوا وبيبدوا اعجابهم بالموضوع ودكاترة الطب البيطرى متجاهليت تماماوكان الموضوع تافه لايستحق الرد،يبقى اكيد فى حاجة غلط اكيد طبعا عارفين الغلط ده فين ومش محتاجين اقولكم واخيرا عايز اقول نصيحة لدكاترة هذا القسم وخصوصا للملتحقن حديثا بالكلية حاولوا تحبوا الكلية اكتر من كده لان طول ما الانسان مش مقتنع بشىء عمره ما هيقنع اللى قدامه بهذا الشىء مهماعمل وعمره ما هينجع فى الشىء ده ولو صادفه الحظ ونجح فى البداية عمره ما هيقدر يستمر فى نجاحه لان واى حد داخل الكلية ومش مقتنع بيها ولو لواحد فى المية يبقى الافضل انه يحول من الكلية من دلوقتى لان هما دول اللى مشوهين صورتنا قدام الناس ولو ركب دماغة بكرة هيندم بعد ما يدخل الكلية و وهيقول يارتنى سمعت كلام الراجل ده،وانا واحد من الناس داخل الكلية عن اقتناع لانى الحمد لله اعرف كل كبيرة وصغيرة عنها واعرف كمان تجارب حقيقية لناس متخرجة من الكلية دى كان نفسى افيدكوا بيها لكن لقيت ان العطاء من جهه واحدة فقط وفى هذه الحالة بيتحول العطاء الىاستغلال وكفاية كده يا جماعة لان الواحد وهوه زعلان ممكن يقول كلام يزعل الناس منه
Dr.abo ali 29-09-2011, 02:22 AM موضوع رائع يا دكتور جزاك الله كل خير
واسال الله ان يعيننا ويوفقنا لما يحبه ويرضاه وان يجعلنا من المتميزين دائما
بس نصيحتى ان الناس اللى داخله بيطرى تقرا عن الكلية وعن مجالاتها ويحاول يحب الكلية لان الكلية فعلا كلية رائعة وياريت ميبنيش افكاره على اراء الناس اللى حوليه لكن يبنيها على اللى يقرأه
Dr\memo 29-09-2011, 06:13 PM موضوع رائع يا دكتور جزاك الله كل خير
واسال الله ان يعيننا ويوفقنا لما يحبه ويرضاه وان يجعلنا من المتميزين دائما
بس نصيحتى ان الناس اللى داخله بيطرى تقرا عن الكلية وعن مجالاتها ويحاول يحب الكلية لان الكلية فعلا كلية رائعة وياريت ميبنيش افكاره على اراء الناس اللى حوليه لكن يبنيها على اللى يقرأه
لا شكر على واجب يا دكتور انا اللى قلته ده ميجيش واحد على عشرة من اللى كنت ناوى اقوله علشان افيد الناس بيه بس الصراحة لقيت الناس هنا مش بتشجعنى بس انا هعمل اللى علياواللى هيرضى ضميرى وخلاص انا قريبتى فى كلية طب بيطرى وبجدبجد فخور بيها جدا هحكلكوا قصتها مع الكلية هى كانت طول عمرها متفوقة فى دراستها وكان نفسها تدخل صيدلة ولكن فرقت معاها على اتنين من عشرة وساعته اضايقت جداااااااااا وقعدت مدة طويلة متكلش ولا تكلم حد ووصلت لاقصى حالات الاكتئاب وقالت خلاص انا هحول من الكلية دى وبعد محاولات طويلة اهلها اقنعوها انه تروح الكلية دى اسبوع ولا حاجة ولو معجبهاش الوضع تحول ولما راحت الكلية اسبوع ورا اسبوع بأت تتشد للكلية وشهر اتنين تلاتة كمات السنة الاولى والثانية والثالثة وهى حاليا طالعة رابعة وهى اللى اقنعتنى بالكلية وقالتلى انها عمرررررها ما كانت هتحب صيدلة زى ما بتحب كلييتها كده لانها تعرف حجات كتير عن مواد صيدلة وبتفهم فى الادوية البشرية قبل البيطرية.
شوفتوا يا جماعة ربنا لما يريدبيسبب الاسباب فلازم نرضى باللى ربنا قسمهلنا طالما عملنا اللى علينا وبذلنا اقصى ما فى وسعنا ولازم رضانا ميكنش بالقول بس ولكن كمان يكون بالعمل.
والمرة الجاية هقولكوا تجارب اكتر يا رب تفيدكوا ولو انتو كمان تعرفو اتجارب او قصص ناجحة يا ريت تقولوها ونستفاد منها.
المسلمة الصغيرة 29-09-2011, 09:58 PM شكرا اخى مرة تانية على موضوعك الجميل وعلى النصايح والتجارب اللى بتقولهالنا ويالنسبة ليا هوانا بصراحة لما كنت بتسال انا فى كلية ايه كنت بقول وانا ما كسوفة بس بعدها حبيت الكلية شوية وعرفت ان ربنا ليه حكمة انى ادخلها ودلوقتى بقول ان انا فى بيطرى عادى جدا واسفة على تاخرى فى الرد وربنا يوفقنا كلنا فيها ونبقى حاجة فى المستقبل ان شاء الله
Dr\memo 30-09-2011, 11:48 AM شكرا لحضرتك يا دكتورة على كلامك الجميل ،حضرتك بتدينى دفعة لبذل مزيد من الجهدوالعطاء ، همه دول فعلا الدكاترة اللى بجد اللى يستحقوا اللقب ده وان شاء الله ربنا هيكرمهم وهيوفقهم .يا ريت يا دكتورة تتبعينا فى الموضوع الجديد ويارب يعجب حضرتك
|