أنا معلم...وشاركت في الاضراب أول يوم لمجرد مساندة زملائي....لكن عندي رأي..
أنا مش موافق على استمرار الاضراب ومش موافق على تحقيق كل المطالب فورا....لكن أرجو من وزير التعليم_ اللي أرفض إقالته _ انه يطلع ببجدول زمني لتنفيذ هذه المطالب على سنة او سنتين
ودي أسباب مخالفتي لكم في الرأي:
1- لو استجاب الوزير او الوزارة للمطالب المالية بكرة تلاقي كل البلد عملت اضراب لتتساوى بالمعلمين
2- لا أريد إقالة الوزير لأني شايفه بيشتغل بأقل الامكانيات ومفيش في ايده حاجة
3- الاضراب حقق لنا الكثير في اليوم الاول لكن استمراره يضر التلاميذ وينشئ رأي عام سلبي ضد المعلمين
4- البلد فعلا عاجزة عن تحقيق المطالب المالية - العادلة - للمعلمين خصوصا ان الاحتياطي من النقد الاجنبي المصري دخل مرحلة الخطر
5- والله نفسي بلدي ترجع تقف على رجليها تاني حتى لو تأخرت حقوقي
من حقكم تسفهوا رأيي او تشوفوني ساذج او جاهل بس الله يخليكم بلاش حكاية التخوين دي
ربنا عالم قد ايه نفسي البلد تشم نفسها لأني والله مهموم من القرف اللي احنا فيه
لو عجبكم رأيي انشروه او اكتبو رأيكم عشان الكل يعرف ان المعلمين يهمهم بلدهم اكتر من نفسهم
والسلام

البلد ستقف على قديمها بتحقيق العدالة الاجتماعية
تدبير المليارات لتحقيق هذه العدالة سهل إذا تحققت الإرادة
وأن يأخذ المعلم حقه وأن يرتقي ماليا واجتماعيا يسهم في الإسراع بنهضة الدولة وإعادة هيكلة البنية الاجتماعية التى أدت إلى الفساد
إضرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااب

ممكن تضع لنا اسعار الدروس عندك المشكله الان بين الشرفاء وبين مافيا الدروس الخصوصيه اليوم حدث شجار في مدرسه بالغربيه بين الشرفاء والمافيا التي تريد انهاء الاضراب لان استمرار الاضراب فيه فضيحه لهم والعيون عليهم

المليارات هتيجي منين والاحتياطي من النقد الاجنبي وصل مرحلة الخطر....انا مع المطالب لكن الاختلاف بيني وبينكم في التوقيت

خليك في الكوكب بتاعك على الرغم من أنني متفق معك في موضوع الجدول الزمني ولكن بمرسوم قانون بحيث لا يتخطى موازنة العام القادم

اسمع ياله مش عاوز اشوفك فى هذا المنتدى تانى ياخى الفلاح اللى عمره ماتعلم لما الأرض تكون مرتفعة فى مكان ومنخفضة فى مكان يأنى بجرار زراعى ويساوى الأرض بأن يأخذ من العالى ويضع فى الواطى خلى بالك من الواطى وبياويها ببعض علشان كل مكان من الأرض يأخذ حقه من الغذاء والماء والخدمة ونحن هنا مش محتاجين من الحكومة ميزانية جديدة الحرامية بتوع الوزارة وبقيت الوزارات والموظفون الذين يتقاضون الملايين والالوف المساواة بين الجميع فى المرتبات ومن هنا تتحقق العدالة جاهل ياخذ 5000 ومدرس يأخذ 500 ومستشار وزارة يأخذ ملايين ياحلاوة

مع كل التحفظ على رأى الأخ وكل التأييد للأسباب المذكورة في الردود انا شايف ان لغة الحوار بيننا هبطت لمستوى سيئأرجو يا مربيي الأجيال ان لا يصل بكم الغضب لأن تنسوا ان الله تعالى ما يلفظ من قول الا لديه رقيب عتيد

اسمع ياله مش عاوز اشوفك فى هذا المنتدى تانى ياخى الفلاح اللى عمره ماتعلم لما الأرض تكون مرتفعة فى مكان ومنخفضة فى مكان يأنى بجرار زراعى ويساوى الأرض بأن يأخذ من العالى ويضع فى الواطى خلى بالك من الواطى وبياويها ببعض علشان كل مكان من الأرض يأخذ حقه من الغذاء والماء والخدمة ونحن هنا مش محتاجين من الحكومة ميزانية جديدة الحرامية بتوع الوزارة وبقيت الوزارات والموظفون الذين يتقاضون الملايين والالوف المساواة بين الجميع فى المرتبات ومن هنا تتحقق العدالة جاهل ياخذ 5000 ومدرس يأخذ 500 ومستشار وزارة يأخذ ملايين ياحلاوة
لما الناس تشوف مدرس بيقول لزميله ( اسمع ياله ) اكيد سيتعاطفون معنا ويقولوا نا س محترمين ومربي اجيال
ثانيا المنتدى ليس ملكك علشان تخنار من تشوفه ومن لا
ثالثاً الاخ زتون عندك حق بس يخرجوا ويعلنوا عن جدول زمني لتحقيق مطالبنا اكيد نحن لا نطالب بعصى سحرية ولكن التجاهل هو ما يدفعنا للغضب

انا عاوز اعينك فى الوزارة علشان توفر عليهم

ايها الاخوة مع احترامى الشديد لكل المدرسين ولكن اللى يؤثر فى نفسى اننى كل ماتكلم مع بعض المدرسين الذين يعطون الدروس واقول له قف مع زملائك واعمل اضراب واعمل اى حاجة انت عارف يقول ايه ان مكنش عاجبك شوف وظيفة اخرى وانا راضى كدة واللى بيعمل اضراب من المعلمين غير محترمين ايه رأيكم تقدر تقول لى نحن بنحارب بعض ولذلك لم يعد لنا قيمة لابين اولياء الأمور الذين اصبحوا يدخلون المدارس ويعتدون على المدرسين ولا قيمة لنا فى الوزارة ولاقيمة لنا بين الطلاب
على فكرة انا لااحقد على مدرسى الدروس بل اشفق عليهم لأنهم ضيعوا حاجات كتير مقابل هذه الدروس والكل يعرف ذلك
وانا الحمد لله ربنا رزقنى وكافينى واعمل فى صيانة الاجهزة الألكترونية وصيانة وتجميع اجهزة الكمبيوتر واعمل محاضر دورات icdl والله اتمنى ان المدرس يكون له مكانه عالية ويعيش عيشة كريمة مش اقل من زميله فى اى مصلحة اخرى
انا اسف اذا كان احد زعل منى واسفى الكبير للاخ اللى بيقول من كوكب اخر ولكن كنت زعلان من اى احد يحارب المعلم