أحمد على فارس
20-09-2011, 09:16 PM
لا فرق دول بيدورا على الكرسى بس من غير شعارات دينية
ودكهم بيدورا على الكرسى بس بشعارت دينية
حد عنده رأى تانى
ودكهم بيدورا على الكرسى بس بشعارت دينية
حد عنده رأى تانى
|
مشاهدة النسخة كاملة : ما هو الفرق بين الأخوان والحزب الوطنى الراحل أحمد على فارس 20-09-2011, 09:16 PM لا فرق دول بيدورا على الكرسى بس من غير شعارات دينية ودكهم بيدورا على الكرسى بس بشعارت دينية حد عنده رأى تانى mylovelyghost 20-09-2011, 09:30 PM اه طبعا عندي رأي تاني هم الاخوان استخدموا شعارات دينية ايه بالظيط هل قالوا اللي هاينتخبني له قصر في الجنه او قالك هايطلعك عمره او قالك انتخبني لكي ترضي الله و رسوله او قالك انتخبني حتي لا يضع العلمانيين الجدد ارجلهم في النقابه او قالك ايه بالظبط ما تبطل بقي كلام الاعلام دا و تهاجم بدون دليل عايز تتكلم هات صور و فيديو و اتكلم عنهم بكلام لا يوجد عليه جدال اما بقي نظام ما هم اللي قالولي مينفعش تحياتي لك أحمد على فارس 20-09-2011, 09:40 PM أقولك ياسيدى شعار الإسلام هو الحل مع إن كلنا مسلمين مش هما بس اللى مسلمين وكمان شعار الإخوان المسلمين طيب أمال أحنا نبقى إيه وحاطين دايما الشعار اللى هو عبارة عن السيفين المتقاطعين ومعرفش حاطين سيوف ليه ممكن تقولى شعارات دايما حاطينها بمناسبة وبغير مناسبة على اليفط يعنى مثلا يافقطة مكتوب عليها نطالب ب200% حافز إثابة وحاطط جنبها شعار الأخوان المسلمين طيب إيه العلاقة بين حافز الإثابة 200% وبين كلمة الإخوان المسلمين mylovelyghost 20-09-2011, 09:54 PM السيف من اقوي الرموز في الحضاره الاسلاميه صاحبه المدلول المميز و تعبر عن القوه و العزه و شعار الاسلام هو الحل يعني العوده للاسلام هو الحل للحياه التي نعيشها و من ابتغي بغير الله عزه اذله الله و هذا لا يدل بأي حال من الاحوال انهم مسلمين من مجره و نحن من مجره اخري و ان هناك فرق في العقيده تذكر قوله تعالي " ربنا لا تجعل في قلوبنا غلاً للذين آمنوا ربنا إنك رءوف رحيم " صدق الله العظيم اما بالنسبه للشعار لو حضرتك منضم لجماعه معينه سوف تضع شعارها علي لوحاتك و علي صفحتك في الفيس و علي اي نشاط تقوم به فلا تحجر عليهم في استخدام شعارهم و اعطي لهم فرصه للتعبير عن سياستهم الاخوان لم يستلموا النقابه فعليا و تطالبهم بحل جميع ازماتك اين العقل المايسترو20 21-09-2011, 12:18 AM مافى فرق بينهم الاتنين واحد 2 ×1 حسبى الله ونعم الوكيل أحمد على فارس 21-09-2011, 01:02 AM اه طبعا عندي رأي تاني هم الاخوان استخدموا شعارات دينية ايه بالظيط تحياتي لك أنت بتستعبط يعنى بتسألنى هى فين الشعارات الدينية ولما جبتلك عمال تبرر لى الشعار ده عشان معرفش إيه والشعار ده عشان معرفش ليه mylovelyghost 21-09-2011, 02:29 AM أنت بتستعبط يعنى بتسألنى هى فين الشعارات الدينية ولما جبتلك عمال تبرر لى الشعار ده عشان معرفش إيه والشعار ده عشان معرفش ليه من الواضح انك تفتقر لابسط امور التعامل تاني و بالعربي و بهدوء وبلاش انفعال انت قلت " أقولك ياسيدى شعار الإسلام هو الحل مع إن كلنا مسلمين مش هما بس اللى مسلمين وكمان شعار الإخوان المسلمين طيب أمال أحنا نبقى إيه وحاطين دايما الشعار اللى هو عبارة عن السيفين المتقاطعين ومعرفش حاطين سيوف ليه ممكن تقولى " جماعه الاخوان المسلمين دي جماعه في المجتمع المصري تضم الكثير من العناصر يتوحدون تحت رأي معين و سياسات معينه ( فئه في المجتمع زي الصوفيه و السلفيه و هكذا ) اخذوا لهم شعار كجماعه الاسلام هو الحل و دا شيء يخصهم كجماعه دا يقود للسيفين و هكذا دا شعارهم ايه اللي يزعل في كدا همه عاجبهم كدا و كمان قلت " شعارات دايما حاطينها بمناسبة وبغير مناسبة على اليفط يعنى مثلا يافقطة مكتوب عليها نطالب ب200% حافز إثابة وحاطط جنبها شعار الأخوان المسلمين طيب إيه العلاقة بين حافز الإثابة 200% وبين كلمة الإخوان المسلمين " قلتلك ان الشعار دا للجماعه اللي هيه جزء من المجتمع و بتشارك في نشاط بالمجتمع و المفروض انك تنظر لهم في الحاله دي انهم مدرسين منتمين للاخوان بيشاركوا في مظاهره حضرتك لو انت عضو في النادي الاهلي و بتعمل مظاهره قدام اتحاد الكوره علشان تجيب حق للنادي الاهلي هاتحط شعار النادي الاهلي علي لوحتك سيدي الفاضل جماعه الاخوان المسلمين و انا لست منهم عباره عن مصريين مثلنا من حقهم المشاركه و من حقهم الصبر اصبر حتي استلامهم للنقابه لسه هايستلموا في شهر 1 اعتقد و اصبر عليهم سنتين و شوف شغلهم مش عجبك مش تنتخبهم aly almasry 21-09-2011, 05:20 AM أنت بتستعبط يعنى بتسألنى هى فين الشعارات الدينية ولما جبتلك عمال تبرر لى الشعار ده عشان معرفش إيه والشعار ده عشان معرفش ليه للاسف الشديد هذه اللغة التى تحدثت بها حضرتك لا تليق بحوار محترم بين اثنين من المعلمين يا اخى الكريم ارتفع بلغة حوارك افضل من ان تحاول ان تكسب معركة خسرانة الاسلام هو الحل حكمت المحكمة فى زمن مبارك بانه ليس شعار دينى لان الشعار ينم عن برنامج سياسى وهو يقول وبوضوح انه يجب ان نفعل قيم الاسلام فى كل مجالات حياتنا السياسية والاقتصادية والثقافية والاجتماعية وان تكون مرجحيتنا فى تبنى خططنا وبرامجنا مستمدة من الاسلام بقيمه وحضارته .... وهذه المرجعية لا خلاف فيها حيث ان هناك مرجعيات راسمالية واشتراكية وليبرالية يعنى كتب لينين وماركس ولوثر تعنى مرجعيات لاحزاب قائمة وستقوم فى المستقبل فهل اذا استقى الناس مرجعيتهم فى برامجهم الى الاسلام تكون الطامة الكبرى كما انه ليس شعارا دينيا من جهة اخرى حيث ان الاسلام يحقق الامن والاستقرار لاصحاب الديانات الاخرى وهناك الكثير من الاخوة المسيحيين الذين يرضون ان يستظلوا بالشريعة الاسلامية التى تبيح لهم ان يحتكموا الى شريعتهم فيما يتعلق بامور دينهم وحياتهم الاجتماعية ثم ان كلمة الاخوان المسلمين لا تنفى الاسلام عن الاخرين لانه وببساطة هذا عنوان جماعة كما ان هناك حزب الاحرار فهل من سواه عبيد وهناك التجمع فهل كل واحد غير منصم لهم يدعو الى التفرق وهناك ايام مبارك الحزب الوطنى فهل كل من ليس فيهم غير وطنى ما اقصده ان عنوان الجماعة لا ينفى الاسلام عن من ليس فيها واحب ان اوضح لك ان هناك من خارج الجماعة خير الف مرة من كثير من داخل الجماعة لكن الجماعة كيان تاسس لهدف معين وهى مقصد كل مسلم على وجه الارض لكن كلا بطريقته ويستخدم وسائل معينة ومحددة ومعروفة للجميع لكننا للاسف نحمل الامر اكثر مما يحتمل ثم ما دخل هذه القضية فى موضوع الاضراب ام هى تصفية حسابات اللهم ارنا الحق حقا وارزقنا اتباعه وارنا الباطل باطلا وارزقنا اجتنابه علاء زيدان 21-09-2011, 05:33 AM اه طبعا عندي رأي تاني هم الاخوان استخدموا شعارات دينية ايه بالظيط هل قالوا اللي هاينتخبني له قصر في الجنه او قالك هايطلعك عمره او قالك انتخبني لكي ترضي الله و رسوله او قالك انتخبني حتي لا يضع العلمانيين الجدد ارجلهم في النقابه او قالك ايه بالظبط ما تبطل بقي كلام الاعلام دا و تهاجم بدون دليل عايز تتكلم هات صور و فيديو و اتكلم عنهم بكلام لا يوجد عليه جدال اما بقي نظام ما هم اللي قالولي مينفعش تحياتي لك أحمد على فارس 21-09-2011, 06:35 AM جميل جدا يا أستاذ قل لى ما هو الفرق إذا بين الإخوان والحزب الوطنى ؟؟ أنا قلت أنه لا فرق بين الإثنين فى أنهم بيدورا على الكرسى حضرتك سبت دى وأعدت تكلمنى عن الشعارات ودخلتنى فى موضوع جانيى icdl_man 21-09-2011, 07:08 AM لطارح السؤال هوه فى فرق بين وش العملة و ظهرها ( طبعاً لا)الأخوان هما التطور الطبيعى للحزب الوطنى ( شيل اليافطة و حط اليافطة )مش كده و لا أيه الباشا108 21-09-2011, 08:45 AM الا فضل هو النزول على راى الاغلبية ............. نصبر ونرى ماذا سيفعلون . يمكن ان يكون الخير على يديهم والله اعلم medofine 21-09-2011, 05:28 PM الاخوان يوم 10/9 عملوا مظاهرات قدام المديريات علشان حافز الاثابة وغيره ليه علشان خاطر يستعطفوا الاعضاء في النقابة وانهم معهم في مطالبة وبعد اعلان النتائج باقل من 24 ساعة احنا مش مشتركين في الاضراب والمطالب وهكذا ليه علشان ياراضي الحكومة والمجلس العسكري وبالمرة يكسب ود اولياء الامور علشان الانتخابات قربت تقدر تقولي يا ماي لاف جوست دا تسميه ايه غير نفاق ابو ساعة 21-09-2011, 09:23 PM الفرق واضح وصريح الحزب الوطنى يعتمد على اصحاب المال والنفوذ وهما اللى بيجيبو اصوات فى الانتخابات الاخوان بيشتغلوا على الناس الغلابة اللى ما بيفهموش فى السياسة و بيضعفوا امام كلمة الاسلام ودول كتيرجدا والاثنين لا يصلحوا لمصر فى هذا الوقت الاثنين انتهوا والى الابد ان شاء الله عاوزين حاجة جديدة لا دول ولا دول( ناس بتحب مصر ) mylovelyghost 21-09-2011, 11:54 PM جميل جدا يا أستاذ قل لى ما هو الفرق إذا بين الإخوان والحزب الوطنى ؟؟ أنا قلت أنه لا فرق بين الإثنين فى أنهم بيدورا على الكرسى حضرتك سبت دى وأعدت تكلمنى عن الشعارات ودخلتنى فى موضوع جانيى اي حزب سياسي يعمل في الجمهوريه من حقه الطموح لتقلد مناصب الدوله زي حزب المصريين الاحرار اللي هايقدم مرشحين للمشاركه في انتخابات الشعب و الشوري زي حزب النور و غيرهم لان دا الهدف من العمليه السياسيه انك تشارك في اداره البلاد و ايه اساسا وجه العلاقه بين الاخوان و الحزب الوطني الحزب الوطني اذل البلاد علي مدار عقود كثيره مرض و تعليم و صحه و خلافه ماذا فعل الاخوان و اضر بمصالح البلاد العليا حتي تهاجمهم هكذا علشان اضراب المعلمين الاضراب خطأ كبير بص للموضوع بصراحه انت وريث الانبياء تعلم الناس ما أوتيت من علم تربي شباب مصر الذي دمر في سنوات عديده و انت احد اسباب التدمير لانك تحولت الي تلميذ كبير تحفظ الدرس و تحفظه لتلاميذك لم تذهب للمكتبه ولو لمره لكي تذيد من قدراتك او تصنع انشطه او تنمي من قدراتك كمعلم و تطالب بأخذ مبالغ ماليه اكثر انا معك انه لايوجد هناك عداله اجتماعيه و ان المعلم مظلوم و لكن انظر الي الوطن قبل مظاهره المعلمين تم اقتحام سفاره اسرائيل و في اليوم التالي يوم السبت كانت تنعقد لجنه الازمات في مجلس الوزراء لمناقشه المصيبه الدوليه التي حدثت لهم ( نحن موقعين علي اتفاقيات دولية ) و في الخارج يتظاهر المعلم من اجل حفنه من المال و نسوا ("( جمهوريه مصر العربية التي تمر بأزمه دوليه )") و تم تعطيل التعليم حتي الآن في مجموعه من المدارس مما اعطي انطباع ان المعلم يضر بالبلاد من اجل المال و بلادك جسد جريح و تطلب منه مال ليس في الوقت الحالي المفروض اننا نبدأ في اصلاح ما تم افساده و ليس تدمير ما تم انقاذه mylovelyghost 22-09-2011, 02:00 AM الاخوان يوم 10/9 عملوا مظاهرات قدام المديريات علشان حافز الاثابة وغيره ليه علشان خاطر يستعطفوا الاعضاء في النقابة وانهم معهم في مطالبة وبعد اعلان النتائج باقل من 24 ساعة احنا مش مشتركين في الاضراب والمطالب وهكذا ليه علشان ياراضي الحكومة والمجلس العسكري وبالمرة يكسب ود اولياء الامور علشان الانتخابات قربت تقدر تقولي يا ماي لاف جوست دا تسميه ايه غير نفاق بالتأكيد الاخوان لم يكونوا علي نفس محاذاه الصف مع المضربين و يلام عليهم كثيرا موقفهم و انا لست بمدافع عنهم . لكن اتمني ان يكون النقد موضوعي ليس اكثر ليس الهجوم لمجرد الهجوم و انهم انتهازيين و غير ذلك و لكن نقد بناء العربى446 22-09-2011, 02:20 AM نعم انا ارى ان الانقسامات مش فى مصلحه احد مع انى مش من الاخوان لكن علينا ان نتعلم ان نحترم ما تاتى به صنادبق الانتخابات ونعترف انهم يبذول جهد ومنظمين والاخوان مصريين ومن حقهم ان ينجحوا وان ننتظر منهم اداء مشرف ولو ما عملوا شئ يبقى الحكم فى الانتخابات القادمة ويجب ان نحترم بعض وننظر كلنا لمستقبل مصر لانه ببساطة مستقبل اولادنا وعليناتعلم ثقافة الاختلاف لكن بدون تجريح اى نقد خارج كلنا فى مركب واحد يجب ان نحافظ عليها [/quote] |