مشاهدة النسخة كاملة : الى من اشتكـــــي ارجوكم دلونى ..؟


MR.Ahmed Abd Allah
21-09-2011, 04:07 PM
احد الزملاء تم تغيير ناظر مدرسته
وجالهم ناظر جديد
وبصراحة متسلط جدا ومحبكها على الاخر
وعايز ينقل الزميل دا من المدرسة الى مدرسة تانية
بدون اسبا ب تذكر !!
مجرد تسلط !!
فهل هذا من حقه؟
ع العلم بان هذا الزميل مثبت من كام يوم بالعقد الجديد دا
وكان يعمل بالعقد العادي بالحصة لمدة 3 سنوات بنفس المدرسة
فهل يستطيع ناظر المدرسة نقله من المدرسة الى مدرسة اخرى ؟
وهل هنالك خطوات قانونية لو تمسك الزميل بمكانه فماذا يفعل؟
وهل هذا من حق ناظر المدرسة ؟
يالله عليكم افيدونى

misdodo
21-09-2011, 06:19 PM
للاسف الشديد انه يوجد ادارات اعطت الحق لمديرى المدارس التصرف فى المعلم كما لو كان شطرنج فى ايديهم يفعل بيه كيفما شاء
ياريت بجد يكون الاضراب مش بس اعتراض على اوضاع ماديه بل يكون ايضا اعتراض على كل مدير غير مؤهل ليعطوا له السلطه لمن يريد السيطرة والتحكم

حسبى الله ونعم الوكيل فى مديرى المدارس غير المحترمين ولا يمسوا للتعليم والمعلم بصله وشكرا لكل معلم لاتغيرة السلطه

لوجين20
21-09-2011, 06:28 PM
حاول يا احمد تخليه يكلم الموجه بتاعه لانه برضو لازم يوافق عالنقل
وممكن الموجه يرفض ويتمسك بيه على اعتبار ان المدرسة فى حاجه اليه
خليه يحاول مع الموجه قبل المدير مايتصرف

MR.Ahmed Abd Allah
21-09-2011, 08:59 PM
يعني قانونا يقدر المديرينقله.............؟
وبدون اسباب................؟

لا اله الا الله :(

لوجين20
21-09-2011, 09:08 PM
امال الموجه بيعمل ايه؟
كلم الموجه واقنعه ببقائه
المدير ده بيستهبل ليه
لو صاحبك مقصر فى شغله والمدير ماسك عليه غلطة يبقى بيحاول يخلص منه
لو غير كده يبقى ممكن الطلب مايتمش خاصه لو صاحبك ماتحولش شئون قانونه
الموجه تقريبا يبمضى على قرار النقل

نور البدور
21-09-2011, 09:59 PM
لو فعلاً مفيش أسباب واضحة يعمل مذكرة للنيابة الإدارية ويشتكي فيها من النقل التعسفي مع عدم وجود أسباب تدعو لذلك ويبعت فاكس للوزير وربنا معاه

MR.Ahmed Abd Allah
21-09-2011, 10:14 PM
ال فيه الخير يقدمه ربنا بقا
وال يحصل يحصل
يعني هيطلعه من الجنه
مبقتش فارقه :(

misdodo
21-09-2011, 10:30 PM
امال الموجه بيعمل ايه؟
كلم الموجه واقنعه ببقائه
المدير ده بيستهبل ليه
لو صاحبك مقصر فى شغله والمدير ماسك عليه غلطة يبقى بيحاول يخلص منه
لو غير كده يبقى ممكن الطلب مايتمش خاصه لو صاحبك ماتحولش شئون قانونه
الموجه تقريبا يبمضى على قرار النقل

للاسف اه بيستهبل اللى انتوا متعرفهوش وحصل عندنا فى القاهرة ان البيه مدير الادارة ادى تعليمات لمديرى المدارس بالصلحيات فى نقل او ابقاء المعلم فى المدرسه
وحدث ذلك معى والتوجه لم يقف بجانبى وارجع السبب لرغبه المدير
وتقرر هذا معى ايضا هذه الايام وارغب بنقلى وخروجى من المدرسه والمدير يرفض ووافق على زميلتى لانه عايزها تمشى وهى كمان عايزة تنقل والتوجيهه ورغم ذلك اختصاصه وهو المسؤل عن وجود العجز ونقل المعلمين الا انه طلب منا احضار طلبي بموافقه المدير اولا وهى بالفعل قامت بذلك وتم نقلها بناء على هذا الطلب اما انا لم يعطينى الموافقه بنقلى وانا ارغب فى النقل والتوجيهه ايضا
عشان بقولكوا الفساد مش بس فى اوضاعنا الماديه لكن فى مديرى المدارس والادارات
حسبى الله ونعم الوكيل

لوجين20
22-09-2011, 03:01 PM
على فكرة انا برضو عايزة انقل
واخلص من مدرستى لانها بعيدة عليا
وتعبت اوى فى الدبلومة السنه اللى فاتت
ومش هاينفع السنادى اكمل فيها
عشان ان شاء الله ناوية اكمل دبلومة
ومش راضى ينقلنى