بسم الله الرحمن الرحيم
أولا ً آسف ع قلة المشاركات و المواضيع ف الفترة اللي فاتت الأحداث السياسية مع قلة الماتشات كانت بتمنع الواحد
ما علينا
النهاردة الأهلي يستهل مباريات الكاس الصعبة بإنبي
واحد يقولي إنبي مين ف الزحمة دي دا أصلا ً النادي فضي من اللاعيبة اللي فيه أقوله الأهلي ثقة اللاعيبة مهزوزة بعد الخروج الأخير ف ماتش الترجي إبن المحظوظة + انبي مش فريق سهل يعني + مختار عمل فرقة كويسة الموسم اللي فات و اللي قبله
ما علينا برضو
القائمة الكاملة للمباراة هي :
حراسة المرمى: شريف اكرامى - محمود ابو السعود
الدفاع: شريف عبد الفضيل - رامى ربيعه - وائل جمعه - محمد نجيب

خط الوسط: أحمد فتحي - سيد معوض - حسام عاشور - شهاب الدين أحمد - محمد ناجى جدو - عبد الله السعيد - حسام غالي - محمد أبو تريكه - وليد سليمان - احمد شديد قناوي
الهجوم: محمد فضل - جونيور .
انا عن نفسي مبسوط إني شفت إكرامي و ابو السعود اللي ف رأيي مظلوم جدا ً و لو أخد ثقة + صبر هايبقي كويس
باقي التشكيلة أتمني إني أشوف الأهلي بيلعب 4 - 2 - 3 - 1
و اتمني برضو التشكيل الآتي
اكرامي
سيد - نجيب - رامي - فتحي
عاشور - غالي ( او شهاب )
تريكة - جدو - السعيد
فضل
واحد يقولي و وليد سليمان ؟؟؟
أقوله بعد تلت ساعة م الشوط التاني ينزل ( يكونوا المدافعين بيخلصوا و تعبوا )
واحد يقولي جمعة
أقوله بطئ مش هايمشي ف 4-4-2
دا تمني
بس أظن الأهلي هايلعب 3-5-2 عادي
و غالبا ً هاتكون
اكرامي
رامي
نجيب - وائل
سيد - عاشور - غالي - تريكة - فتحي
جدو
فضل

لو عايزين مزيد م الفعالية الهجومية موجود السعيد و وليد و جونيور
ربنا يسهل و الأهلي يلعب كورة حلوة

شكرا كتير لحضرتك على التوبيك وبالتوفيق للاهلى ان شاء الله

عندما لا يقدر مانويل جوزيه قيمة ابوتريكة ومعوض ودومينيك تكون هى دى النتيجة

انا مشفتش حد لعب فى الملعب غير تريكة وجمعة وجاى فى الأخر يطلع تريكة ودى نتيجة العند

احشى الملعب لعيبة جديدة كل واحد بيلعب لوحدو

ملوك افريقيا خسارة فيك يا مانويل

ـــــــــــــــــــــــــــــ

أوووووووه جمهوره دة حماه

اووووووووه ع الحلوة والمرة معاااااه

عمرى ماحب غير الأهلى .. ولا فيه غيره يفرحنى

دايما معاه ولآخر الكون .. عمرى عشان الاهلى يهووون