للمعلمين بانحاء جمهورية مصر العربية [الأرشيف] - بوابة الثانوية العامة المصرية

aleman

21-09-2011, 09:05 PM

السلام عليكم ورحمة الله وبركاته
اخوانى المعلمين واخواتى المعلمات
ساد فى الاونة الاخيرة الكلام عن الاضراب وتنفيذه ومدى حرمانية الاضراب ومدى شروعه
ارجو عدم الدخول فى الحلال والحرام هنا فى هذا الموضوع
الاضراب ليس حرام شرعا
وليس حلال شرعا
لاتدخلوا الدين فيه
الاضراب مجرد وجهة نظر
اراء معه وموافقة عليه ومؤيدة له وبتنفذه وطبقت وجهة النظر دى على الحقيقة بصورة الاضراب
واراء اخرى ضده ولا تحبذه
والاختلاف فى الرأى لايفسد للود قضيه
محبى الاضراب لا يفرضوا رأيهم على كارهيه
ولاراغبى عدم الاضراب يفرضوا رأيهم على محبيه
ولايدخل الدين وسط هذا او ذاك
فنحن كمسلمين او مسيحين او يهود حتى فى كتبنا المنزلة علينا لم يتحدث اى منها على فرض الرأى
الرسول الكريم محمد عليه افضل الصلاة والسلام لم يكره الكفار للدخول عنوة بالاسلام
سيدنا ابراهيم قال (لكم دينكم ولى دين)
صلاح الدين الايوبى اما دخل لتحرير بيت المقدس لم يخرج اهله الاقباط منه وانما ترك لهم حرية البقاء وممارسة الحرية الدينية لهم او الرجوع لبلادهم والخروج من القدس
فأرجو التريث وعدم دخول الدين والحلال والحرام فى موضوع الاضراب هذا

وانا مع رأى اخ فاضل بالمنتدى هنا قال ان المدرسين المضربين عن العمل لايحق لهم مرتب شهر 9 هذا لانهم لم يعملوا فيه ليأخذوا أجره
واعتقد فعلا اننا بهذا المفهوم لانستحق مرتباتنا بالاجازة الصيفية وبالتالى نطالب باننا ناخد اجازة رسمية من التربية والتعليم مع الطلبة 3شهور الصيف
اى لاحضور بالمدارس =لا مرتب بالصيف
لاننا فى الفترة دى لانبذل اى جهد فى عمل وبعضنا بيتقسم فى المدارس ويروح يومين او ثلاثة فقط بالاسبوع والاخر قد يذهب للمدرسة كل يوم لكن لايعمل اى شئ
فى حين ان الفئات الاخرى بالمجتمع اللى بنقارن أنفسنا بيها بتعمل جديا صيفا وشتاءا
واذكر فئة العاملين بشركات الحديد والصلب او البترول اللى مرتباتهم بالالوف
الناس دى بتشتغل ساعات عمل معين بنظام ورادى مرة الصبح مرة بليل مرة العصر لى حسب
بيتعرضوا للهب ودرجات حرارة عالية جدا
تفتكروا بعد كل ده لايستحقوا مرتباتهم دى؟؟
احنا كمعلمين اطول فترة يوم دراسى لو قولنا 7ساعات
هل كلها شغل وارهاق بدنى؟زى بتوع الحديد والصلب دول او البترول

وللاسف ناس كثيرة من فئات المجتمع كلهاواخدين فكرة عن المعلم انه حرامى كبير نظرا لوجود كثير من المعلمين اللى بيدوا دروس خصوصيا بالاجبار والاكراه بمبالغ خيالية للاسف فى حين البعض الاخر مكتف بمرتبه من الحكومة فقط
واغلب الفئة دى اعتقد انها من السيدات
لانى بصراحة لم يصادفنى معلم لا يعطى دروس خصوصية الا وله مورد رزق اخر بعد المدرسة كالعمل فى مكان اخر نتيجة لتزايد متطلبات الحياة والعمل والغلو المعيشى الذى نشهده حاليا
وولاسف برده الفكرة دى منقولة للوزارة
وهى ان المعلم لو مصادر رزق اخرى كثيرة بيجيب بيها اضعاف مرتبه
ولايتم النظر بقى للمعلمين اللى معتمدين على مرتبهم الحكومى بس

وهذه وجهة نظر لا اكثر ولا اقل
وكما قلت سابقا الاختلاف فى الرأى لايفسد للود قضية
ارجو من كل مدرس ومدرسة ابداء الراى هنا كمعلمين افاضل مربيين للاجيال حول الاعتصام والاضراب والفوائد والاضرار بطريقة ديمقراطية سليمة تجعلنا بدلا من ان نسب بعض نتحاور لنخرج بحوارات ايجابية كمعلمين يتشاركون فى قضية واحدة الا وهى رفع المرتبات وتحسين صورة المعلم بمصر امام ابناءه وامام ولى الامر

واخيرا بجد ربنا مع مدرسى الحصة والعقد 104ج
دول بقى ابطال انهم استحملوا كل ده ولم يشتكوا وكانوا مستنين التعيين والتثبيت
ونحن المعلمين المساعدين عينونا قبليهم وبنقبض اعلى منهم بكثير

والله الموفق

اميمة طه

21-09-2011, 09:52 PM

إيهاب النجار

22-09-2011, 12:17 AM

كلام حضرتك جميل ومفيد

dr.mhmud

22-09-2011, 03:12 AM

مطالبنا عندهم
واحنا مش مستعجلين
براحتهم
إضراااااااااااااااااااااااااااااااااااب

أحـمد قرنى

22-09-2011, 05:06 AM

ابن الأكرمين

22-09-2011, 05:57 PM

موضوع جميل ورائع

اضراب المعلمين للمطالبة بحقوقهم مشروع بإذن الله

لو فيه عدالة في التوزيع بين طبقات المجتمع لما كان هناك اضراب ابداً

المعلمين يطالبون بالعدالة قبل الزيادة
ولكل مؤسسة نظام ومن يوم ماجينا الدنيا دي معروف أن التربية والتعليم تعطي 3 شهور إجازة وزعي فلوسهم على السنة اللي بتتعبي فيها

مانا سايب بلدي ومسافر علشان راتبي والله ماكان يكفيني ليوم 6 في الشهر

اميمة طه

22-09-2011, 06:52 PM

m_salam

22-09-2011, 07:04 PM

لما الادارى يقبض 200/0 يعنى لهف 790 جنيه حوافز والمعلم قاعد يتحصر علي حاله يبقه فيه حاجه غلط

aleman

22-09-2011, 07:07 PM

وفى رايك الناس تاكل ال3 شهور دى ازاى
يعنى يبدا المدرس يتعلم حرفة معينة مثلا
ثانيا كل عمل وله طبيعته الخاصة
فهل تستخفى ببناء العقول
البترول والكهرباء عارف لو الماكينة مشتغلتش عارف العيب اللى فيها وهيصلحه ولو وقفت خالص هيغيرها
ويكمل شغله
انا بقا كمدرسة لو الولاد مستوعبوش ينفع اغيرهم واجيب اللى يستوعب واخد مرتب زى بتاع البترول
يا استاذة
بتاع البترول معاه النتيجة ولو متحققتش معاه السبب وفى مقدوره حله
انما انا كمدرسة باعمل بدون ضمان للنتيجة وباحارب فى كل الاتجاهات للخروج بالاولاد لبر الامان
فان لم يصلح للتعليم فقد اكتسب صفات تعينه على الحياة
وبعدين الاجهاد العصبى اللى احنا فيه فى فصل 50 طفل
هل بتاع البترول يقدر يقعد مع 50 روح ويبقى زى الدادة يسكت فى ده ويدادى فى ده ويشوف ده ايه اللى مزعله وده ايه اللى اخره وده ايه اللى اتسبب انه مخاصم صاحبه
بالله احنا نستحق اكتر من كده بكتير بس مشكلتنا اننا مش مقدرين نفسنا
فازاى اللى بره يقدرنا
ازاى يقف ضدى اللى كان فى يوم قاعد قدامى فى الفصل ويقول استحق ولا لاء
مين اللى علمه يتكلم ..........
مين اللى علمه يتحاور.........
مين اللى اكسبه مهاراته..........
مين اللى وجههه.............
انا
المعلم
فلنتق الله فى انفسنا ولنكن رحيمين بها

كلامك جميل يا اميمة
انا اما اتكلمت عن فترة الصيف كان القصد بها فقط توضيح اننا كمعلمين اوقات كثيرة جدا بناخد حقنا 100% بناخد مرتب 3شهور على الهوا
اقسم بالله انا اعرف ناس بتروح المدرسة فى ال3شهور دول مرة واحدة بالاسبوع فقط لاغير
اما بالنسبة لفئات موظفى البترول فعلا هو بيتعامل مع ماكينة لكن احنا نتعامل مع اطفال
فعلا هو لايمكن ان يوجد امامه 50 طفل ويدرس لهم ليه؟
لانه مش مؤهل لهذا
احنا والحمد لله مؤهلين لذلك
انا مدرسة تخصص بدرس رياضيات يبقى عمرى ماهقول على منهج رياضيات وحش لان اى منهج يمكن توصيله للطلبة ده عن اقتناع تام منى بذلك طالما المدرس مصدق ده يبقى هيقدر يوصل ده للطلبة
هل مدرس التخصص يقدر يدرس للصفوف الاولى من التعليم الابتدائى؟ اولى وثانية وثالثة ابتدائى؟
لاطبعا
معلمى الروضة غير معلمى الفصل غير معلمى التخصص
الاعداد نفسه مختلف
احنا بمدارسنا بقى مش ملتزمين بالتخصص والمؤهلات لظروف المدارس وكده تبقى دى مش مشكلة المدرس وانما مشكلة نظام نحق ان نعترض عليه بل ونعتصم
لكن لاتقولى لى اختى الفاضلة ان بتاع البترول يقعد يسكت ده ......ألخ من الطلبة وياخد مرتبنا والعكس
اسفة هو مؤهل للتعامل مع الالات فقط لاغير
عارف مخاطر المهنة امال بيقبض بالالاف ليه؟
امال هم مستحملينا ليه
كذلك الاطباء(وطبعا كلامى هنا على العمل الحكومى فقط لا الخاص والعيادات الخاصة) الدكتور لو طلبوه الساعة 1بليل هل يقدر يتأخر؟
والله مهنة التدريس مهنة مريحة جدا جدا لنا سواء مدرسين او مدرسات
واشكر مشاركتك الهادفة

aleman

22-09-2011, 07:10 PM

الاستاذة الفاضلة aleman
اتفق تماماً مع حضرتك ، ولكن لى تحفظ بسيط على عدم قبض مرتب 3 شهور الخاصين بالاجازة الصيفية لأن الوضع يختلف تماماً عن الوضع الحالى لان حالياً يوجد طلاب ويوجد خطة دراسية ، ولكن فى إجازة الصيف لا يوجد عمل والوزارة على علم تام بذلك وعلى علم تام بتقسيمة ايام الاسبوع على السادة المدرسين كما أن غيابك لن يؤثر على شىء .

لقد اوضحت غرضى من الكلام عن الفترة الصيفية لاختى اميمة فى ردى عليها
العرض من عرض الفترة دى فقط بيان أد ايه اننا فى فترات فى حياتنا بناخد مرتب على الهوا بدون بذل اى جهد او تعب
ومشكور للمشاركة الهادفة اخى الفاضل

m_salam

22-09-2011, 07:10 PM

تخيلوا ست مدرسين رياضه فى مدرسه واحد بيدى درس والباقى لا يعطون دروس ويبشرحون بالمدرسه للصفين الثانى والثالث الثانوى داخل المدرسه واجرهم على الله مش على الببببببلالالالالاوى وقرف 0شرف9

aleman

22-09-2011, 07:12 PM

كلام حضرتك جميل ومفيد

مطالبنا عندهم
واحنا مش مستعجلين
براحتهم
إضراااااااااااااااااااااااااااااااااااب

مشكورين للمرور

aleman

22-09-2011, 07:18 PM

اميمة طه

22-09-2011, 07:20 PM

كلامك جميل يا اميمة
انا اما اتكلمت عن فترة الصيف كان القصد بها فقط توضيح اننا كمعلمين اوقات كثيرة جدا بناخد حقنا 100% بناخد مرتب 3شهور على الهوا
اقسم بالله انا اعرف ناس بتروح المدرسة فى ال3شهور دول مرة واحدة بالاسبوع فقط لاغير
اما بالنسبة لفئات موظفى البترول فعلا هو بيتعامل مع ماكينة لكن احنا نتعامل مع اطفال
فعلا هو لايمكن ان يوجد امامه 50 طفل ويدرس لهم ليه؟
لانه مش مؤهل لهذا
احنا والحمد لله مؤهلين لذلك
انا مدرسة تخصص بدرس رياضيات يبقى عمرى ماهقول على منهج رياضيات وحش لان اى منهج يمكن توصيله للطلبة ده عن اقتناع تام منى بذلك طالما المدرس مصدق ده يبقى هيقدر يوصل ده للطلبة
هل مدرس التخصص يقدر يدرس للصفوف الاولى من التعليم الابتدائى؟ اولى وثانية وثالثة ابتدائى؟
لاطبعا
معلمى الروضة غير معلمى الفصل غير معلمى التخصص
الاعداد نفسه مختلف
احنا بمدارسنا بقى مش ملتزمين بالتخصص والمؤهلات لظروف المدارس وكده تبقى دى مش مشكلة المدرس وانما مشكلة نظام نحق ان نعترض عليه بل ونعتصم
لكن لاتقولى لى اختى الفاضلة ان بتاع البترول يقعد يسكت ده ......ألخ من الطلبة وياخد مرتبنا والعكس
اسفة هو مؤهل للتعامل مع الالات فقط لاغير
عارف مخاطر المهنة امال بيقبض بالالاف ليه؟
امال هم مستحملينا ليه
كذلك الاطباء(وطبعا كلامى هنا على العمل الحكومى فقط لا الخاص والعيادات الخاصة) الدكتور لو طلبوه الساعة 1بليل هل يقدر يتأخر؟
والله مهنة التدريس مهنة مريحة جدا جدا لنا سواء مدرسين او مدرسات
واشكر مشاركتك الهادفة

ايمان انتى كلامك متناقض
اللى انتى كتباه فى الموضوع عكس اللى بتدافعى بيه
ربنا يصلح حالنا ويولى امورنا خيارنا
واظن اكتر ناس فعلا ملمة بابعاد المشكلة هم المعلمين المستقلة
كمان التدريس مش مريح ولا حاجة والله العظيم انا ضغطى بيرتفع اكتر من مرة فى اليوم
وبالنسبة للمرتب المائة بالمائة اللى بناخده فى الاجازة ال3 شهور فده ميكملش شهر من اللى بياخدوه هم فعادى كان الحكومة بتزكى عن موظفيها اللى نهبينها وبتدى للشريحة الكبيرة طبق فتات يتشغلوا بيه ومفهمينهم قال بيضحكوا على الحكومة ومش بيشتغلوا فى الاجازات

aleman

22-09-2011, 07:24 PM

لما الادارى يقبض 200/0 يعنى لهف 790 جنيه حوافز والمعلم قاعد يتحصر علي حاله يبقه فيه حاجه غلط

الوزارة لما نظرت للادارى نظرت له من منطلق انه ملوش كادر معلمين
ملوش مصدر رزق اخر غير عمله الادارى
وكما ذكرت سابقا قيل ويقال وسيقال ان المعلم حرامى كبير وبيدى دروس باسعار خرافية
طب سأقول عن موقف حصل فعلا بالمدرسة عندى
حوار بين والدتين لابنتين عندنا بالمدرسة واحدة بتقول للتانية: سمعتى عن اضراب المدرسين
ردت الثانية باللفظ كدا: اه منهم لله كل ده عشان المنهج يتعطل وفى الاخر يقوللنا هاتوا العيال تاخد دروس خصوصيا احسن يسقطوا فى المنهج
منهم لله ياشيخة

شوفتوا للاسف النظرة اصبحت لينا ايه وازاى وده عشان فئة ليست بقليلة تناست انها معلمى اجيال وجعلوا التدريس مجرد عملية مربحة
كان الله فى عوننا جميعا
مشكور للمرور

aleman

22-09-2011, 07:30 PM

aleman

22-09-2011, 10:05 PM

ايمان انتى كلامك متناقض
اللى انتى كتباه فى الموضوع عكس اللى بتدافعى بيه
ربنا يصلح حالنا ويولى امورنا خيارنا
واظن اكتر ناس فعلا ملمة بابعاد المشكلة هم المعلمين المستقلة
كمان التدريس مش مريح ولا حاجة والله العظيم انا ضغطى بيرتفع اكتر من مرة فى اليوم
وبالنسبة للمرتب المائة بالمائة اللى بناخده فى الاجازة ال3 شهور فده ميكملش شهر من اللى بياخدوه هم فعادى كان الحكومة بتزكى عن موظفيها اللى نهبينها وبتدى للشريحة الكبيرة طبق فتات يتشغلوا بيه ومفهمينهم قال بيضحكوا على الحكومة ومش بيشتغلوا فى الاجازات

بصى يا اميمة صدقينى انا بعرض وجهتى النظر فى موضوع الاضراب والاعتصام
ليس اكثر
احنا بنتناقش بنعرض ليه لازم اضراب فى بعض الوقت وليه مش لازم اضراب
بمعنى اننا بنحاول نعرض الموضوع بشكل حوارى نلم فيه كل النقاط الهادفة ونتكلم فيها نقطة نقطة
مش مجرد كلمة اضراب اضراب وبس

مش عارفين ليه ولاعشان ايه ولا محددين الاضراب فى انهو جزئية بالضبط
رفع مرتبات ولا اعطاء كل معلم حقه فى انه يدرس تخصصه ولا ان المعلم لازم يدى دروس خصوصية ولا مش لازم ولا اضراب للسمو بالمعلم وانه ياخد دورات تدريبية تحسن من وضعه العلمى والتربوى وياخد عليها بدل نقدى اى فلوس وشهادات خبرة يقدر يقدمها فى اى مكان للسفر مثلا؟
وهل لو فيه رفع اجور يبقى شرط للمعلم انه يشتغل ال24 حصة نصابه القانونى ولو مش مكملهم يبقى يتنقل فى حتة نائية محتاجة تخصصه ليكملهم (انتداب مثلا)
( انا اعرف زى ماناس واخده اكثر من نصابها القانونى ال24حصة كما فى بعض مناطق العامرية عندنا بالاسكندرية ناس تانية والله مامكملين ال12حصة فى مدارسهم فقط لاغير)

كله بنحاول نناقشه هنا ونفهم بعض
اما عن الحكومة والفلوس المنهوبة فدى بقى منهم لله كل شخص ساعد على نهب فلوسنا اللى بتتخصم منا ومنعرفش فى ايه ولا عشان ايه
ياريت ابقى وضحتلك وجهة نظرى لان بجد انا بحترم اراءك جدا
والله الموفق لينا اجمعين

ايهاب العراقى

22-09-2011, 11:17 PM

الناس دى بتقول كلام زى الفل ....

بس انا شايف ان الاضراب دا مش حل لان كدة الطلبة بتتظلم .... طبعا مع احترامى لاختلاف وجهات النظر

بس انا بقول حاجه واحده يا جماعه ان مصر هتفضل مصر مهما حصل ثورات مفيش حاجه هتتغير

ان الله لا يغير ما بقوم حتى يغيروا ما بانفسهم

ابن الأكرمين

23-09-2011, 04:09 PM

حمدا لله على سلامتك ابو حور

الله يسلمك يارب يارب تكون الأمور معاكي طيبة وأخبار الدكتوراه أيه؟؟؟؟؟؟
وحور السنة دي دخلت أولى حضانه استثناءً دعواتك

ابن الأكرمين

23-09-2011, 04:14 PM

وجدت ايضا موضوعات بالمنتدى تطالب المدرسين بالا يعطوا دروس خصوصية للطلبة وان يتقوا الله وكلام كده
معلش انا لست مع هذا الرأى
رغم انى اقسم بالله ما بدى اى نوع من انواع الدروس الخصوصية فى مادتى او اى مادة اخرى سواء من داخل او خارج المدرسة
لكن بجد فى ظل الغلاء المعيشى الان
الدروس بجد مصدر رزق مهم جدا للمعلمين اللى محتاجين فعلا ويعولوا افراد كثيرين
الحل بقى من وجهة نظرى
عدم اجبار التلاميذ على الدروس
اللى عاوز درس مافى مانع المدرس يديله ويتقى الله فى الشرح له مش مجرد انه عشان بياخد درس عند المدرس الفلانى يبقى هينجح وللاسف بيطلعولنا الطلبة رابعة وخامسة وسادسة لايعرفوا يكتبوا حتى
وللعلم
الدروس الخصوصية مش حرام كما سمعت من البعض
مع الكثافات العالية بالفصول بجد فعلا فيه اولاد تستحق انها تفهم بطريقة التعلم الفردى
ونظرا لجدول المعلم المتزاحم يبقى فعلا من حق المدرس يدى درس للطالب ده
وصدقونى طالما المدرس بيراعى ضميره بالشرح بالدرس وبرده مش مغلى سعر الدرس سواء فردى او وسط مجموعه
عمر ولى الامر ما يدعى على المدرس او كما يقال يديله الفلوس وهو عينه فيها
وهذه مجرد وجهة نظر لا اكثر ولا اقل

اتفق مع حضرتك أن الدروس الخصوصية مش حرام ولكنها حلال بشرووووط .
1- أن ولي الأمر هوه اللي يقرر أن ابنه يذهب لدرس خصوصي بدون ضغوط من المدرس .
2- المدرس داخل الفصل يراعي ضميره ويشرح ويعتبر نفسه في مجموعة من مجاميعه
3- عدم ممارسة أي ضغوط من قبل المدرس على الطلاب
4- دا هتلاقيه صعب جداً لأن ك المدرسين بيبصوا على بعض وبينظروا لمن لايعطي دروس نظرة دونية
5- البيه وزير لتعليم مش حاسس بحاجة

عارفه لو ظبطوا رواتب المدرس أن شاء الله سيرتاح نفسياً ولن تكون هناك ضغوط عليه وهيبدع في الفصل ان شاء الله وستندثر هذه الظاهرة للأبد

mr.ragab2010

23-09-2011, 11:49 PM

يا مسهل يا رب

mr.ragab2010

23-09-2011, 11:53 PM

ما ضاع حق وراءه مطالب

أشـرف فتحى

24-09-2011, 07:03 PM

يا جمــــــــاعة حرام عليكوا مش كده

aleman

24-09-2011, 07:05 PM

اتفق مع حضرتك أن الدروس الخصوصية مش حرام ولكنها حلال بشرووووط .
1- أن ولي الأمر هوه اللي يقرر أن ابنه يذهب لدرس خصوصي بدون ضغوط من المدرس .
2- المدرس داخل الفصل يراعي ضميره ويشرح ويعتبر نفسه في مجموعة من مجاميعه
3- عدم ممارسة أي ضغوط من قبل المدرس على الطلاب
4- دا هتلاقيه صعب جداً لأن ك المدرسين بيبصوا على بعض وبينظروا لمن لايعطي دروس نظرة دونية
5- البيه وزير لتعليم مش حاسس بحاجة

عارفه لو ظبطوا رواتب المدرس أن شاء الله سيرتاح نفسياً ولن تكون هناك ضغوط عليه وهيبدع في الفصل ان شاء الله وستندثر هذه الظاهرة للأبد

كلام حضرتك مظبوط
بس صدقنى للأسف اللى بيتعود على اعطاء الدروس الخصوصية خلاص بياخد على كدة
والله لو المرتب عدا الالف جنية بردك هيدى الدروس اللى اتعود على كدة
ربنا يكرمنا اجمعين

الاستاذ/احمد فرحات

25-09-2011, 09:05 PM

عندك حق فى كل كلمة بس بشرط انك تكون لا تعطى دروس خصوصية وليس لك مصدر عيش الا مرتبك -------
ال 460

daliamm

26-09-2011, 01:31 PM

تحياتي للجميع واحترامي لكل راي اتقال في المنتدى الجميل ده بس انا بجد تعبت ومحتارة مين الصح ومين الغلط ؟
بس الزميلة الفاضلة مع احترامي لرايك وموضوعك بس انتي جاية على المدرس شوية بس كان نفسي تقولي ان المدرس ميروحش في الصيف لانه مش اداري او لعدم وجود طلاب وذلك لارتباطنا كمدرسين بالطلاب طبعا فمفيش داعي لوجودنا الا اذا اتعمل نشاط صيفي فعليا وبردو ده لا يجبر المدرس على الحضور بل هو نشاط يعني كل من يحضره من المدرسين ياخد
اجر زيادة على اجره وده اللي بيحصل في الدول بره الدول اللي واخد المدرس فيها حقه حقيقي وانا عشت في الدول دي انما علشان المدرس ميروحش ونحكم عليه مياخدش مرتبه هاتيلي بلد بتعمل كده ؟؟؟؟؟؟؟؟؟؟؟؟؟؟ بالعكس ده يباخد مرتبه ويسافر هو واولاده يتفسحو في اي بلد غير بلده وبياخد ال 3 شهور دول مقدم كمان وده حقه بعد تعب السنه وعشان يديوله فرصه يرجع بنشاط وحب للشغل
احنا مشوارنا طويل اوي يا جماعه ولازم نكون ايد واحده احنا ناقصنا الخبرة والثقافه والمعرفه وحاجات كتير اوي بس اهم حاجة المعلم هو الاساس لازم لازم نحتوي المعلم ولازم يكون راضي عشان هو اهم بجد والمهندس والطبيب مش احسن من المدرس وممكن بردو يشتغل ورديات زي ما حضرتك بتقولي وممكن منخرجش من المدرسة قبل الساعه 3 ونحضر من 7 بس ياخد حقه حراااااااااااااااااااام وبعد ما ياخد حقه لو ادى دروس تبقى فيه قوانين وما احلا البلد لما تكون ماشيه بالقانون وبما يرضي الله وبعدين المعلم بالاجر اللي انتظر واستنى ؟؟؟هو احنا لما اشتغلنا بالعقد المميز 3 سنوات وكان حقنا التثبيت من قبل السنتين ما يخلصو وانطبقت علينا الشروط وخسرنا دم قلبنا تربوي وicdlوقبل كده كنا شغالين بالحصة كم سنة بنقبض 70 ج بناخدهم بعد كم شهر ما نتظرناش ؟؟؟ متعبناش ولا ايه ؟؟ كله تعب وكله يستاهل التعيين واللي معاهم تربيه وقاعدين بقالهم 7 سنين وما اشتغلش ومتعبش مش حرام ؟؟حرام طبعا ليه كده ؟هو ذنبه ايه يدرس واهله يصرفو عليه وفي الاخر يقعدلهم ياخد منهم المصروف ايه نحكم عليه بالاعدام عشان مشتغلش وميتعينش ؟؟هو اصلا كمان ملقاش ال 104 ج عشان يشتغل وياخدهم ده بقى اصعب من اللي اشتغل واخد ال 104 ج بلاش نعمل فروقات ولازم الكل يحمد ربنا سواء بالحصة او عقد او تعيين لان اللي اشتغل احسن من اللي قاعد غصب عنه مش في ايده حيله ولازم كلنا ناخد حقوقنا ان شاء الله و
الله المستعان

aleman

27-09-2011, 07:22 PM

عندك حق فى كل كلمة بس بشرط انك تكون لا تعطى دروس خصوصية وليس لك مصدر عيش الا مرتبك -------
ال 460

انا فعلا سمعت الراى ده
ان ليكون للمعلم حق بالاعتصام يبقى لايعطى دروس خصوصية للطلبة وهو معتصم
مشكور اخى الفاضل للاضافة

aleman

27-09-2011, 07:27 PM

عاطف رجل صالح

29-09-2011, 10:00 PM

ثبت حتى الان فشل مليونيات السبت
نجرب الاحد البعض يذهب الى مكان المليونية وابناء المحافظات البعيدة يذهبون امام الادارة او المديرية بهذا تفرغ المدارس

فتاة مصرية متعاقدة

01-10-2011, 06:48 PM

انا لا اوافق على الاضراب لان تربية النشء امانة فى اعناقنا ولكن لا اوافق ايضا على اهانة المعلم وتسفيه عمله وتقليل شانه بل يجب التفاهم والوصول الى حل

foxwood55

01-10-2011, 07:14 PM

يا جماعة الخير احنا مغلبين نفسنا ليه طاب انا مدرس وبشتغل بعد الظهر على تاكسي وكل المدرسين اللي في مدرستنا برضوا على تاكسيات هل الحكومة في اللحظة دي هتقول ما انتوا بتشتغلوا على تاكس وده بيدخلوكوا حوالي 100 - 150 جنيه يوميا يعني في الشهر 3000 - 4500 جنيه وبالتالي انت مش محتاج للمرتب اصلا فهنتبرع بيه للاخوة الصوماليين
طبعا ده كلام وزير المالية بتاع الكورة اللي اسمه شوبير طباعا واحد زي ده معهوش مؤهل ولا تعب فيه لانه بكل بشساطة بيقول هما المدرسين بيعملوا ايه بالمرتب لما هما بيدو دروس خصوصية ( على فكرة انا مدرس انجليزي ومبديش دروس ) علشان انا فاتح محل صيانة والحمد لله فانا عاوز الحكومة الكريمة تعتبرنا بنسوق تاكسيات او بنشتغل في المعمار وهل في الحالة دي هتكون راضية على ان المعلم المصري توصل بيه الحالة ان يكون مستواه المعيشي هكذا ؟؟ صدقوني انا واثق من ان الحكومة متفرقش معاها لان المهم عند الوزير هو انهاردة ماتش الاهلي ولا الزمالك هو كاس العالم مين اللي صعد فيه والكلام العبيط ده وميهمهاش التعليم لاني لما يكون فيه شعب متعلم هيعرف حقوقه واللي هيعرف حقه فين هيطالب عليه واللي يطالب على حقه اكيييييييد هيوصله طبعا وده اخر شئ عاوزاه الحكومة ....
يعني اللي فكر يدي دروس خصوصية علشان يزود دخله اجرم ؟؟؟ طاب الطبيب بيفتح عيادة مع انه موظف بالدولة اشمعنى الاخ شوبير مفتحش بقه وقال عليه حاجة والا احنا بقينا الحيطة الواطية ف البلدي
احكي لكم موقف حصل في المانيا هنا قريب ؟؟ هيئة القضاء في المالنيا طلب من وزارة المالية رفع اجورهم عارفين زي مين زي المعلمين اي لكي يتساوي القاضي بالمعلم ( من اسباب نجاح هذه الدول الاهتمام بالمعلم لكي تتحسن العملية التعليمية مش بس مناهج ) فتخيلو رد الوزارة المقنع ايه كيف يتساوي التلميذ بالمعلم لانه ببساطة المعلم ( وزارة خدمية ) هو من درس الطبيب او المهندس او العالم او الخبير ( وزارة منتجة ) لو يسمحوا للمدارس ببيع التلاميذ بينهم لبعض زي النوادي ممكن الوضع هيختلف وساعتها مش محتاجين المرتب اصلا فان لم يصلح حال المعلم لن يصلح التعليم وبعد كدا سلم لي على مصر للابد .... واحد بلدياتنا

عبدالباسط يوسف محمد البياع

01-10-2011, 08:18 PM

الإرتقاء بالرأي
كم أتمنى أن نرتقي بأنفسنا إلى مرحلة الحوار الخلاق ، بحيث نؤكد للجميع وللوزير أنه بإمكاننا أن نفعل الكثير ، لكننا نعلم ما تمر به مصر هذه الأيام من صعوبات ، يجب أن نعرفها ونعلمها جميعا ، ولذلك سوف نصبر كما صبرنا كل الأعوام السابقة ، لفترة يحددها السيد الزوير ، يستطيع فيها أن يرد لنا قيمة المعلم ، وليعلم أننا نعلم أنه في الدول الأوربية على سبيل المثال لا الحصر ، طالب القضاء بوقفة احتجاجية أن يتساووا بالمدرسين ، في الحقوق والواجبات ، فكان الرد كما يعلم الغالبية إن لم يكن الجميع :
كيف تطلبون المساواة بمن علمكم وأوصلكم إلى ما أنتم فيه ، إنه لا يمكن أن يصل أي إنسان إلى المعلم ، مع العلم بما عليه القضاء من احترام و...... في الخارج .
فنحن كمعلمين كل الأجيال لا يليق بنا أبدا أن نسير مع المسيرات الفئوية التي تطالب بحقوق كانت ضائعة لفترة تعلمونها في أيام بسيطة ويطالبون بتحقيقها فورا . فضع نفسك مكان الدولة ، ودخلك كبير جدا يتراوح مثلا على ما يمكن أن نحلم به ( 10000 ) جنيه كمعلم ابن السعودية ، ولديك أبناء كثر ، منهم من يسرق 4000 جنيه لأغراض شخصية ، وآخر 3000 المخدرات ، وآخر 2000 جنيه للهلس ، والرابع والخامس تعطيهم أنت 500جنيه يقسمانه عليهما ، ومطالب أنت بالانفاق على الزوجة وباقي الأولاد الصغار ،

وفجأة حدثت لك ظروف ، وطالبت كل الزوجات الاستقلال ، فكيف تتصرف ولديك هذا الدخل الذي يقل لظروف تقاعدك الآن على الأقل ولمدة سنة تقريبا فترفع منك الحوافز التي تقدر ب ( 3000 ) جنيه مثلا .
بالله عليك لديك 7 أولاد وزوجة . ولا ننسى أن هناك زوجات أخريات ولكل زوجة أولاد ( وأقصد جميع الوزارات ) طبعا أنتم تفهمون قصدي ،

بالله عليك ماذا تفعل ؟

أكيد الموضوع يحتاج إلى صبر ، حتى تأخذ عافيتك ، وتنهض من كبوتك ، وتبدأ في العمل بكل قوة حتى تزيد من دخلك ، وبالتالي تستطيع أن توفر لكل زوجة ما يخصها هي وأبنائها . وتقلل من دخل الكبراء من الأبناء ، وتكون حريصا عليهم وعلى أفعالهم ، وتراقبهم ، ولا تترك مرتبك للنهب ، بل ستقوم بتوزيعه بالعدل ،((( كل على قدر عمله ))) ، وكنت أتمنى أن أتحدث كثيرا عن الجزئية الأخيرة .

وأقصد بذلك طبعا الظروف التي تمر بها البلد هذه الأيام
وما دام هناك ديمقراطية في الحوار الذي أسعد به ، فما رأيكم ألا نقارن أنفسنا بغيرنا ، ولكن علينا أن نحاول تحليل مرتباتنا بالذهاب إلى المدارس كل يوم على مدار السنة ، عدا السبعة أيام العارضة .
وأن نشرح بما يرضي الله في الفصول ، وأن نمتنع عن الدروس الخصوصية ، ولا نقبل أي طالب ، ونحاول شرح ما يعجز عن فهمه في الفصل كما كنا في تعليمنا ، ونصمم على ذلك ، ومن يجد في نفسه القدرة على ذلك ، فله الحق في المناداة برفع مرتبه ، وبالله على الجميع أن يصدقوا مع أنفسهم ، كم في المائة يمكن له ذلك .
ليس معنى هذا أن نسكت عن حقوقنا المشروعة ، وقد سمعت أحد الشيوخ يقول :
ما دام الإنسان ارتضى بأجر معين ، ووافق عليه ، ولم يعجبه الآن هذا الأجر فله أن يستقيل ويرفض هذا العمل ويبحث عن غيره ، والحرمانية تأتي هنا من إرغامك لصاحب العمل وهو هنا المؤسسة التربوية أن يزيد أجرك وإلا عطلت العمل .
ونسي أو تناسى أن صاحب العمل هذا ظلمني أكثر من 30 سنة ، والأهم أن صاحب العمل رفع أجر بعض العمال ووقف عندي أنا كمعلم . والآن أسأل الشيخ :
هل لصاحب العمل أن يرفع أجور البعض وترك البعض ؟
وأنا في البداية كنت ضد الإضرابات ، ولكن على أمل كلام الوزير ، وظننت أن كل رجل مناسب وُضع في المكان المناسب ، ولكن هذا لم يحدث ، والدليل سأكتبه الآن في مقالة ثانية ، حتى لا تطول هذه ، وأعتذر عن إطالتها .

عبدالباسط يوسف محمد البياع

01-10-2011, 08:24 PM

أعزائي الكرام

لقد أثبت لي ناشط في الإخوان بعد الحوار معه علي تهدئة الموقف ، وأن ترك العمل ليس من الإسلام ــ الذي تقولون أنكم تدعون به ــ في شيء ، فقال بالحرف الواحد : لقد اجتمعنا مع الوزير وقال : أريد وقفة منكم في الشارع ، ولوح إلى وجوب المظاهرات والوقفات الاحتجاجية .

فبالله على على الجميع ، هل يعقل ذلك من وزير التعليم ؟
ولو كان ممكنا ، فلماذا إذن يدعو الإخوان إلى اسقالة الوزير الذي طلب منهم التظاهر والاحتجاجات ، والمطلوب من المساكين الذين يسمعون بلا تحليل أن يصدقوا فقط دون تفكير . و نعطي لعقولنا ــ التي تميزنا عن الكائنات الأخرى ــ إجازة .

حرام عليكم ، لقد ارتبط العمل الصالح بالإيمان في أكثر من 55 آية في القرآن الكريم ، وذكرت كلمة الإصلاح 3 مرات ، وكلمة إصلاحها الخاصة بتعمير الأرض بالعمل والجد ذكرت ( مرة ) بصيغة النهي من الله ، والمصلح ( مرة في البقرة ) ، لعلم الله به من المفسد والعياذ بالله ، وكلمة مصلحون ذكرت مرتين ، ولم أجد مرة واحدة لوقف العمل مهما كانت الأسباب ، وهذا لا يعني أن نرضخ لما نحن فيه من إذلال وهوان ، لا والله فأنا من أكثر الناس الذين ظلموا ، بسبب الوساطة اللعينة ، ولكن بما أن النظام السابق سقط ورحل بلا عودة ، ويعلم النظام الحالي كيفية سقوطه ، فليبدأ النظام الحالي في العدل الاجتماعي ، وإعطاء الحقوق لأصحابها ، وإرجاع ما يخصهم من ضياع كرامة المعلم ، ونبدأ نحن أولا بإرجاع ما ضيعناه من إهدار لكرامتنا ، بسبب الدروس الخصوصية ، وبسبب الغش الذي يحدث في المدارس ، ولا أقول بعدم الشرح في الفصول لأن كل معلم لديه من الضمير ما يجعله يلتزم بالشرح إلا الأقلاء والقلائل ، ولكن تعلمون جيدا أن البعض ــ بسبب أو بآخر ــ يضطر لأسباب كثيرة أن يعطي ضميره إجازة في أوقات كثيرة ، بحجة أن نسبة المدرسة يجب أن تكون كذا وإلا تحول الجميع إلى التحقيق ، فيضطر البعض للغش وحرمان البعض من فرص التفوق الحقيقية ، وأتحدى أن يحترم طالب متميز أي معلم يساعد على الغش .

فهيا نصلح أنفسنا أولا ونغيرها حتى يغير الله ما نحن فيه ، ولن يتغير ما نحن فيه بدون تغيير الأنفس ، وحتى لو زيدت المرتبات إلى أضعاف مضاعفة ، فلن يبارك الرزّاق فيها ، وأقسم بالله على ذلك ، لن يبارك الله لنا فيما يهبنا ويعطينا إلا بالرضا ، وإصلاح الذات ، ولو تغير ذلك لولّى الله علينا من يصلح أحوالنا بلا تعطيل للعمل الذي دعانا الله له ، وبلا ذنوب نتحملها فوق ما نحن فيه ، هذا والله من وراء القصد ، واعلموا أن هذه الكلمات ستصل إلى من يعقلها جيدا ، ومن يفهمها بعقله وقلبه ، وأقسم بالله ما أريد إلا الصالح العام ، وعلى الدولة والوزارة أن تعلم أننا لسنا ضعفاء ، وما كتبته الآن هو من مصدر قوة ، ومن مصدر الصبر الذي إذا نفد ما أوقفه الطوفان ، وليعلم الجميع في الوطن أننا ظُلِمنا كثيرا ولينظروا لنا من هذا المنطلق ، والأيام بيننا والإمتحانات العامة ليست ببعيدة ، وأقسم بالله على قدر ما نحن فيه من صبر ، وما ندعو إليه من التصبُّر ، لا يوحي بضعف ، بل والله نحن على استعداد أن نُحوّل كل هذا الصبر إلى ما لا يحمد عقباه ، وسنعطيكم الفرصة لتنظروا إلى موظفي التربية والتعليم ، أساس التقدم العلمي ، الذي يسود به دول العالم ، وأنتم تعرفون جيدا قيمة المعلم في الخارج ، وقد قمت بعمل بحث في ذلك في الكلية ، فأعطاني الدكتور المشرف ( صفرا مع مرتبة الشرف ) ، وطلب إعادته في أي موضوع آخر ، بعيدا عن السياسة ، فعكسته اسهزاء به 180 درجة فأعطاني امتياز من وجهة نظره ، وكم أتمنى من الوزارة أن يعطوا للجميع الفرص ــ من معلمي البلد ــ في تقديم الأبحاث للنهوض بالوطن ، ولا يكتفون بما يسمونهم مستشارين ، فقد يصل معلم بسيط إلى أفكار جديدة ورائعة وتنهض بالمجتمع .

وفي النهاية أرجو من الجميع ألا يأخذ رأيي على محمل لا أقصده ، فوالله ما أريد إلا الإصلاح .

عبدالباسط يوسف محمد البياع

01-10-2011, 08:26 PM

أنا لن أطلب من أي إنسان ألا يعبر عن رأيه ، فهذه هي فرصتنا التي حرمنا منها على مدى العمر الطويل ، وذلك حتى لا يعتبرني البعض ضده ، لا والله فأنا من أكثر الناس الذين ظلموا ، وبحمد الله لم أحصل على حقي حتى الآن ، والسبب في ذلك الواسطة اللعينة التي كانت هي السيد السائد علانية ، ففي مديرية التعليم بالبحيرة ، قالها كل من ذهبت إليه من التوجيه ، حتى ( رضا الشيخ ) مدير مكتب متابعة وكيل الوزارة السابق ، و(عبد الحميد نوار) وكيل المديرية طردني من مكتب ــ ظن أو جهل أنه ــ ليس ملكه الخاص الذي ورثه عن أجداده ، ونسي أنها أيام وسيستريح منه الجميع ومن أفعاله ، فإن ترك خيرا كان له ، وإن ترك شرا كان عليه . مثله مثل من سبقه ، ولو تدوم الكراسي لما وصلت إليهم ، وهنا أعجب :
كيف قضى مثل هؤلاء حياتهم السابقة ، ألم يعيشوا مثلنا وعلموا منذ زمن بعيد أن الحياة دُوَل ، وأن المناصب لا تدوم ، وأن الخير والعدل يُخلّد صاحبه ، والشر والظلم يُجْحِمه حتى فوق الأرض قبل الآخرة ، فكم من حي لا حياة له ، وكم من ميت يعيش بيننا بذكراه الطيبة ، وأقسم أنهم جميعا يصعبون عليّ .
المهم حتى يعلم الجميع أنني لا يهمني سوى خالقي ، وثائر دائما على الباطل ، ولم أذكر ما فعلته ردّا على هؤلاء ، لكن الشكاوى في الشئون القانونية عند (رضا معوض )هو الآخر برقم ( 3262 ) وفي النيابة الإدارية برقم ( 3300 ) وغيرها في الوزارة ، والحمد لله كلها محفوظة ، لعدم وجود واسطة معي .
ولذلك كان الأجدر بي أن أن أكون أول من يدعو إلى الخراب ، وتعطيل العمل ، وعدم الدخول للفصول ، ولكن أتى الآن أشخاص آخرون ، يقولون أنهم للإصلاح ، فكما صبرنا رغما عن الجميع كل هذه الفترة ، رغم أني حزين على عدم رجولتنا كل الأعوام السابقة ( ونأسف على هذه الحقيقة ) ولا تأخذ أحد الحمية ويغضب مني ، بل يتذكر فقط ما كنا عليه من إذلال وهوان ، وما دمنا الآن استيقظنا من تحت التراب والأنقاض ، فأنا أعلم أنه من المستحيل أن نقبل الذل مرة آخرى ، والآن نحن في شهر سبتمبر ( 9 ) ونريد الحوار مع أي شخص في البلد ، سواء كان الوزير أو رئيس الوزراء لنضع النقاط على الحروف ، ولنأخذ فترة زمنية محددة ينفذ فيها المسئول ما توصلنا إليه ، وإلا ...............
أمامنا امتحانات الإعدادية و الثانوية الفنية و العامة ، وما أتمناه هو الضمير في النقل ، بأن يأخذ كل طالب حقه ، ونرفض ما يملى على الجميع من نسبة معينة للنجاح وإلا ستحول للشئون القانونية ، وهذه أول نقطة لإهانة المعلم الذي يبحث عن كرامته .
فأين الكرامة في ظل الغش والظلم الذي توقعه على البعض بسبب تركك للجنة ولغيرك يدخل ليملي الإجابات ، يجب أن نبدأ بأنفسنا أولا حتى يغير القوم الذين نعيش بينهم فالله لا يغير ما بقوم حتى يغيروا ما بأنفسهم ، ولنترك الصراعات المادية ، ولا نجعلها الشغل الشاغل لنا وكرامتنا نهينها بأنفسنا ، وأنا والله لا أعطي دروسا الآن ومنذ 3 أعوام لا خصوصية ولا مجموعات بالمدارس ، حتي لا يذهب عقل أحدكم إلى بعيد .
فلنبدأ أعمالنا وما هو مطلوب منا على أكمل وجه ، حتى يحقق الله لنا كل ما نتمناه ، وإياكم أن تظنوا أن هذه الإضرابات أو الاحتجاجات أو رفض العمل هي التي سترزقكم ، فالرزق مقسوم ، من لدن الحكيم الخبير ، وما هي إلا وسائل نتبعها ، فأرجو أن تكون وسائل حق لا باطل ، وأقسم بالله لو غيرنا أنفسنا لتغير كل شيء حولنا لما فيه مصالحنا ، و الله في شرعه هو الذي يقول ذلك ،
وفي النهاية نقول (( اللهم ولّ أمورنا خيارنا ، وابعد عنا شرارنا )) اللهم آمين

عبدالباسط يوسف محمد البياع

01-10-2011, 08:35 PM

الأستاذ الدكتور// وزير التعليم
إذا كان المستفيد من الـ (200 %) هم ( المعل المساعد والمعلم والمعلم الأول) ، فما ذنب المعلم الأول أو المعلم الخبير وكبير المعلمين ، هل جزاؤهم أنهم قد تزوجوا وأنجبوا ولديهم أولاد في مراحل التعليم المختلفة؟ والمصاريف والمطلوبات تأكل مرتباتهم أكثر من المعلمين الأصغر منهم ، هل هذا هو العدل الاجتماعي الذين تنفذونه؟ ، أم هي مجرد أفكار لفئة غير فاهمة للعدل ، علما بأنى حتى الآن ضد الاضرابات ، ولم أدعُ إليها رغم أن المدرسين الذين أعمل معهم حاولوا معي أن أبدأ والكل معي لما أتميز به من إرادة وإصرار والكل سيكون معي وخصوصا لو أقنعتهم بالظلم الذي نعيشه حتى بعد الثورة ، فنرجو من السيد الوزير أن يراجع حساباته ، قبل أن يقسم تقسيمات غير عادلة ، لا أدري أيمكن أن يكون من معه ساذجين لهذه الدرجة ولا يفكرون بطريقة علمية عادلة في تقسيم أو توزيع الحوافز .

aleman

01-10-2011, 10:09 PM

هذا هو الحوار الفعال اللى نخرج منه بنتيجة
اشكر كل من ابدى رأى فى موضوع الاعتصامات
فعلا احنا محتاجين لمثل هذه الاراء والتحاور والنقاش مش مجرد مشاركات
اضراب اضراب
موعدنا........ للتظاهر والاعتصام
وانما ذكر اسباب للاضراب ومناقشتها وتحديدها كما حدث مسبقا
واتمنى ان ارى اراء الكثير من معلمى الاجيال اللى اكيد هنستفيد منها كلنا

Mr Refaat

04-10-2011, 03:17 AM

السلام عليكم
أيها السادة المدرسين
عجبا في دول الكفر في الدول الأجنبية بيعطوا الشباب بدل بطالة
أولا :لا تنسي يا سيدي الفاضل أنك لأنك مواطن في أي بلد لك حقوق و واجبات و أول حقوقك أن تأخذ نصيبك من خيرات الأرض التي ولدت عليها و هذا مطبق في دول الغرب علي سبيل اعانة بطالة و مطبق في الاسلام منذ الأزل حيث أن بيت المال كان يساعد الناس للقدرة علي العيش في الحياة
ثانيا : طالما أن هناك لا يوجد عدالة اجتماعية في المرتبات و لم يطبق الحد الأدنى و الأقصي في الأجور بما يرضي الله بين كل الأفراد في المجتمع فمن يقول لك أن الاضراب أو المطالبة بحقك من زيادة حرام فهو انسان لا يعرف الحرام من الحلال و لكن يعرف مصلحته فقط و من يقول لك أن الاضراب حرام فقل له حقق العدالة في الاجور بين الناس أولا و سأروي لكى مثالا لهؤلاء الناس لتعرف نفاقهم و كذبهم :
أحد المدرسين بيقول لزميله ما عملتش ليه اضراب فزميله رد أعمل اضراب وحدي ؟ طيب ليه انت ما عملتش اضراب فرد المدرس أصله حرام فقله زميلنا طيب لو عملنا اضراب و زاد المرتب انت ما تأخذشي في الزيادة لأنك بتقول حرام قال زميلنا بتاع الحرام لا أخذ
لكن السؤال يكون كالأتى:
أأطالب بحقي في زيادة المرتب ليكفينى في الحياة أم أسكت و أحصل علي ما يساعدنى ليكفي مطالبي في الحياة عن طريق الحرام؟
أما قضية الدروس الخصوصية فهي كالاتى:
يقع اللوم فيها علي الحكومة و وزارة التربية و التعليم و المعلم و أولياء الأمور و الطالب فكل منهم مشارك في ذلك .... كيف ؟
1- الحكومة و الدولة بالمرتبات الضعيفة تقول لك أتصرف لكي تستطيع العيش في الحياة و أنا أري الدروس الخصوصية بشروط ( أن تحقق ما يتطلب منك كمدرس لتكون الدروس الخصوصية حلال ) أفضل من السرقة أو الكسب عن طريق حرام
2- وزارة التربية و التعليم و عدد الطلاب في الفصل و واضعي المناهج و التناقض بين المناهج و طرق التدرس و الاهتمام بالكم و ليس الكيف و نظام الامتحانات بيقول للطالب روح خد دروس خصوصية
3- الطلاب و أولياء الأمور المسئولية بينهم مشتركة الأب يهمل في تربية أبنه و يلبي رغبات أبنائه مهما كانت حتى جعلت الطالب معه تليفون محمول و مهمل لا يسمع المدرس في الحصة في الشرح و أسهل شيء عوز يأخذ درس عشان المدرس ينجحه و الأب يدفع فلوس بكل بساطة بدون ما يحاسب ابنه و يعرفه انه تعب عشان يجيب فلوس يصرف عليه و لو يذاكر أفضل حيوفر الفلوس دي من أجل أخواته من ملبس و أكل و لو الأب علم ابنه تحمل المسئولية و عرفه عناء الأب في العمل سوف يركز في دروسه في الفصل و يتفوق بدون دروس خصوصية ( عارفك حتقول ايه : صدقنى احنا في الصعيد بنشرح بأقصي ما لدينا في الفصول و لكن نفس المشكلة الطالب بيعمل مشاكل في الفصل و مش عوز المدرس يشرح أي أنك في الصعيد عندنا المدرس طول الحصة في حرب مع التلاميذ المدرس عوز يشرح و الطلاب مش عوزينه و رغم الطلاب مستوي دخل أبائهم ضعيف لكن الطالب بيقول براحتى أخلي الأستاذ يشرح في الدرس و كمان لو رسب يجيب العيب علي مدرس الدرس و كمان الطالب مش حاسس بمعاناة ابوه( الأولاد لا يريدون المدرس أن يشرح و لكن البنات أكثر تفوقا و التزاما داخل الفصل )
4- المعلم
الدروس الخصوصية مثل أي شيء يمكن أن تكون حلال بشروط و كلنا عارفينها و يمكن أيضا أن تكون حرام
=======
لكن ماذا لو المدرس طالب بدخل محترم له يكفيه هو و أسرته؟
النتيجة ستكون
= المدرسين لن يعطوا دروس خصوصية و سيقضي و قته الضائع في المنازل وسط أولاده و أسرته
=الطالب لن يجد و سيلة سوي التركيز داخل الفصل و بكل تأكيد سيجتهد و يتفوق
=أولياء الأمور سيوفروا فلوسهم علي الدروس الخصوصية و ينفقوها علي أسرتهم
كل هذا سيحدث أذا تكاتف المعلم مع أولياء الأمور و قامت الدولة بكل صدق و ضمير في رعاية أبنائها و ليس تولية رئاسة الجمهورية لناس لا تخاف حساب ربنا و انما ينظر فقط الي الكرسي و المنصب
أقسم بالله لو أن الناس تخاف حساب ربنا ما كانش كله عوز يترشح و يبقي رئيس جمهورية ومش خايف من الحساب قدام ربنا عن 80 مليون فرد
اذا كان الواحد بيقول أزاي سأقف بين يدي الله يوم ما يحاسبني عن نفسي فقط فما بالك بالمحاسبة عن 80 مليون شخص يوم القيامة : فين الخوف من حساب ربنا يوم القيامة؟؟؟؟؟؟؟؟؟؟؟؟؟؟؟؟؟؟؟
أسف علي الاطالة و أتمنى أنى لم أضايق أحدا بكلامى هذا و شكرا

aleman

06-10-2011, 12:05 AM

aleman

06-10-2011, 12:11 AM

الان بعض المعلمين المضربين يجبروا التلاميذ على اخذ الدروس الخصوصية بحجة ان المنهج شغال
طب انت كمعلم مضرب وبتشتغل بعد الظهر دروس؟!!
تحت اى بند او مفهوم؟؟
ليه اولياء الامور كما ذكرت سابقا ياخدوا الفكرة السيئة دى عننا كمعلمين
مع العلم ان رسمى انت كمعلم مضرب حرام عليك (او غير مستحب الله اعلم)تاخد مرتبك من الحكومة عن شهر او شهور الاضراب دى
ليه هنا لاتقول لا لن اخد مرتبى؟
مع العلم ان لو فتحت وزارة التربية والتعليم باب التعاقدات (وليس التعيينات) ولو المرتب ب200ج للخرجين ليحلوا محل المعلمين المضربين عن العمل
هتلاقى الالاف من الخريجين اللى هيحلوا محلنا نحن كمعلمين بكل سهولة
بجد الحمد لله اننا لحقنا التعيين
وكلامى هنا على من هم مثلى تعاقد معلم مساعد من 2008لانى اعلم ان الكثير يعمل بالتربية والتعليم من قبل هذا التاريخ بكثير

انا مع محاولة ايجاد حل لمشكلة ضم سنوات التعاقد ليس للمعاشات فقط ولكن كدبلومات مهني وخاصة لان دى هتفرق فى مرتباتنا كثير
لكن ليست فى شكل اضراب لان الطالب مالوش دعوة بكل ده

المشكلة الان مشكلة بلد وليست مشكلة معلمين مرتبهم ضعيف

واخيرا هذه وجهة نظر aleman ليس اكثر او اقل
بالتوفيق للجميع