Back






أنا بضيع يا وديع ....!!!!


ممكن يكون العنوان غريب شويه
بس هو قريب جدآً من محتوى الموضوع

من يومين الاستاذ مدرس اللغه العربيه كان بيشرح لنـا فى الدرس بلاغه
ف و هو بيتكلم قال :

رساله الاديب البليغ

{ يعبر عن الحياة ويعرض المبادئ وينقل التراث}



وبعدها قال :

فين الادباء المصريين اللى بيعبروا عن حياتنا وبينقلوا تراثنآً ويعرضوا للغرب مبادئنآً

فالاول قولت ليه هو بيتكلم كده
بس بعدها لما فكرت لقيت ان احنا المفروض نقول اكتر من كده
المفروض ننعى خبر وفأة الادب المصرى

خد عندك يا سيدى
افلام عيد الفطر 2011
افلام كلها زباله وغير اخلاقيه بالمره
وانا خصيت بالاسم الـ فليم ده انا بضيع يا وديع
لان الناس بتقول عليه فليم اسرى
يعنى الاسره كلها تتدخله !!
طيب حد يقول لى ازاى ؟
الاعلان بتاع الفليم اساسا غير اخلاقى وفى كلام سافل

اهو كاتب مصرى محترم كاتب لنا فليم زى ده


بجد فين الادب المصرى

فين الادباء ؟
اللى بيكتبوا لينا افلام ومسرحيات وملسلات هادفه ؟


لو رجعنا لـ زمان

حتلاقى برضه الافلام كلها مش اخلاقيه
طيب دلوقتى
عندك فى رمضان شويه مسلسلات تحفه بصراحه
مسلسل بتاع راقصه البنات ماشين يقولوا الكلام اللى كانت بتقولوا
ومسلسل تانى بتاع طلبه فشلين ومنحرفين

والطلبه بيفكروا ازاى نعمل كده وازاى هما كانوا كده وينفع نكون احنا كمان كده؟


انحراف على اعلى مستوى بصراحه





وهنا بقى السؤال



\



احنا فعلا عندنا ادب و ادباء ولا لا ؟
طيب لو مش عندنا حيبقى عندنا امتى ؟
وامتى بجد حنتغير

امتى بجد نبطل نعمل افلام ونوريها للغرب

وهى كلها تجار حشيش وتريقه على الصعيده وبلطجه وانحراف

امتى حنشوف اليوم اللى خالد يوسف وغاده عبد الرازق محترمين شويه
امتى ، امتى ، امتى .......؟






* * أسفه لو فى كلمه او اسم شخصيه مش لطيفه

ده للتوضيح وتوصيل الفكره فقط








zOzZa LoVe

بصراحة إن لم ننتبه للارتقاء بالذوق المصري خلال السنوات المقبلة فقل على أخلاق الأولاد والبانات السلام "فقد سمعت ىأغنية لمتربة وأعني هذه الكلمة تماما لأنها حينما تغني -كما تدعي - تخرج ترابا من فيها واسمها للأسف أمينة -بجد أغنية في منتى قلة الذوق والأدب والسفالة وأغنية جنسية كلماتها تحض على ارتكاب الفاحشة بحجة الحب ولا أدري كيف يستمتع الناس بسماع متربة كهذه؟ والمترب الآخر الذي يغني للمخدرات والبانجو والخمور ! ولا حول ولا قوة إلا بالله !

معلش يعنى على ردى بس.............................
الافلام او الاغانى ديه زى ما قال كل الناس انها المراية بتاعت المجتمع
يا سيدى انت مجتمعك كده كنت حابب الموضوع ده او لا هو كده
انت مينفعش تيجى نبص فى المراية الصبح تلاقى شعرك مش متظبط تقوم تقول المراية ديه بايظة:022yb4:
مينفعش:blush:
مينفعش تقول الفن ده هابط او فن راقى لان الى بيحدد له شخصية ورؤية مختلفة عن واحد تانى بردوه يبتكلم على نفس المنتج وبيقول ده مية مية
وواحد تالت شايف انه يستحق الاوسكار:)
الفن نفسه مش هو اللى وحش او هابط
المجتمع_اغلبه_ هو اللى هابط
فمينفعش تقول يا جماعة عايزين نحسن الفن شوية وجمبك نفس الوشوش نفس الاراء نفس الغباء
لازم تغير اللى جوه الناس الاول
لازم تخليهم(يتقيئوا اشمئزازا من رؤية هذه المشاهد القذرة)
كل ده قبل ما تقول الفن ده مش فننا والادب ده مش ادبنا
وان تاريخنا اللى فات من حقنا وانه لازم يرجع لنا

معلش يعنى على ردى بس.............................
الافلام او الاغانى ديه زى ما قال كل الناس انها المراية بتاعت المجتمع
يا سيدى انت مجتمعك كده كنت حابب الموضوع ده او لا هو كده

ياعم مراية مجتمع مين بس !

طب انا مش حتكلم عالانحلال بما اني مش عايش في بحري
حكلمك عن الصعيد

تعرف انه كل اللى بييجي الصعيد عندنا بيتفاجئ انه غير تصوره بتاتاً ؟
مش زي ما هما فاهمين انه كلها قرى وبهايم وجلاليب ومفهاش اي نوع من التمدين
ومفهمش حد بيفهم والتفاهم عندهم بالسلاح والتار وبس

انا كفرد من الصعيد لما رحت مصر اول مرة كنتي مستني اشوف اللى بشوفه في الافلام ولقيت عكس كدا
والسنة اللى فاتت كنت في شارع الهرم واتفاجئت انه شارع عادي جداً ومفهوش اللى انا كنت متخيله

تخيل لما دي تبقى نظرتنا كمصريين بعاد عن بعض شوية وباي حال رافضين يبقى ده يبقى منظرنا
مش حقولك الاجانب ... امال العرب اللى جنبينا يقولو علينا ايه ؟ وهما قالو بالفعل مش لسه حيقولو !

لو انت شايف انك في المجتمع اللى الافلام دي بتمثله
فلسه قدامك بتاع 90% مجتمع تاني عايش في نفس المنطقة بردو ورافض اللى بيحصل ده

خلى بالك ان فيه فرق بين بتمثله وبتخرج اللى جواه
قصدى زى البهبهات اللى بينيموا العيال بدرى ويتفرجوا على افلام جـ.... قصدى افلام كارتون
المجتمع فى الظاهر محترم جدا ومتفوق ده يستحق يا راجل انه يطلع القمر بدل امريكا
انما الافلام ديه بتمثل الناس اللى بتتمنى وبتحلم ان الافلام ديه تكون حقيقة ويعيشوا جوه احساسها عشان كده بيأيدوها من ورا لورا
بس منصبهم وشغلهم بيخليهم يرفضوا الافلام ديه طبعا
فهمت حاجة

أنا معاكى فعلا ان التلفزيون المصرى للاسف بقى بيعرض افلام بجد زبالة اوى ( سورى فى الكلمة )

بس فعلا اللى ضايقنى اوى افلام عيد الفطر دى بالخصوص

لان المفروض كنا خارجين من رمضان شهر العبادة وبعدها نلاقى افلام زى دى

ده غير بعض المسلسلات اللى اتعرضت فى رمضان

بس لو رجعنا للسبب اللى خلى المؤلفين يكتبوا الافلام والمسلسلات دى

انهم بيصوروا المجتمع المصرى

ممكن نكون احنا عايشين فى نطاق ضيق شوية و مش عارفين اللى بيحصل حوالينا فى المجتمع المصرى

بس للاسف هو ده حال مصر

وممكن يكون الهدف من عرض الافلام والمسلسلات دى

انهم يعدلوا الحاجات دى فى مجتمعنا
وان احنا مش نلجأ لكدا

انا مش عارفة كانت الافلام دى بتتكلم على ايه

بس من الاعلانات بتاعتها بصراحة مش حبيت انى اشوفها

خلى بالك ان فيه فرق بين بتمثله وبتخرج اللى جواه
قصدى زى البهبهات اللى بينيموا العيال بدرى ويتفرجوا على افلام جـ.... قصدى افلام كارتون
المجتمع فى الظاهر محترم جدا ومتفوق ده يستحق يا راجل انه يطلع القمر بدل امريكا
انما الافلام ديه بتمثل الناس اللى بتتمنى وبتحلم ان الافلام ديه تكون حقيقة ويعيشوا جوه احساسها عشان كده بيأيدوها من ورا لورا
بس منصبهم وشغلهم بيخليهم يرفضوا الافلام ديه طبعا
فهمت حاجة
اه فهمت
اننا شعب خليع وبنجري ورا الشهوات
وبنمثل قدام الناس اننا محترمين
واحنا في السر معجبين بكل الكلام ده

اه فهمت
اننا شعب خليع وبنجري ورا الشهوات
وبنمثل قدام الناس اننا محترمين
واحنا في السر معجبين بكل الكلام ده

هو ده اللى عاوز اقوله بالظبط وده اللى بشوف امثلة ليه
يعنى مثلا وحدة ماشية فى الشارع محترمة تيجى تركب التاكسى او التوكتك
تلقيها بقت وحدة تانية خااالص يا وديع

مش كل الناس معجبة بالكلام ده لافى السر ولا فى العلن
مانعممش بقى ;)
فيه محترمين كتير يعنى
والاخ موريكال بيقول ان الافلام مراية المجتمع
المجتمع اللى بقى مراية الافلام يا باشا
الافلام ده اللى خلت الناس تشوفها كده
عكست على المجتمع ;)
بالسلب طبعا
حتى ممكن تلاقى كلمة ظهرت فى فيلم
تلاقى الناس رايحة جيه تقولها :bosyht9:
ولا لبس معين
وهكذا
واعتقد ان الحاجات ده لوحدها محتاجة ثورة
شكرا على الموضوع
ويلكم باك زوزا

الموضوع جاااامد جدا بس الحقيقه مفيش ادب ولا ادباء خالص ومش هيبقى فيه ولا هتتعدل غاده او خالد يوسف محترمين ان عاوزه اقول حاجه لما شوفت الموضوع افتكرت موقف حصل معايا فضلت اضحك كنت ف درس انجليزى والاستاذ بيسال ع سؤال فانا جوبته وقال برده كومنت جامد عشان انا جوبت قال ايه ده انا بضيع يا وديع ايه اللى يوصل الاستاذ انه يقول كده انا انكسفت بصراحه والله هههههههههههههههه وبعدين ااتعودت عليه لانه باه يقوله على طول انا عارفه انه ملوش علاقه بالموضوع بس الموضوع فكرنى بيه وتسلم ايدك ع الموضوع

المشكلة بجد ان مبقتش فيه مراقبة داخلية على افعالنا يعنى احنا لو عملنا حاجة غلط مش هتبقى فيه مشكلة غير لو الناس عرفت اللى احنا عملناه
فالافلام والتمثليات بتخلى الممثلين بطلعوا اللى جواهم بداعى احتراف الفن وانهم يعيشوا جوه المود
ولما الناس اللى بتفهم تنتقد الافلام او دور الممثل يقولك او تقلك النجمة زى جاءنا البيان التالى
(أنا مبعملش بوس الا اذا كان في سياق الدراما):blush:
يعنى لو حد لقا فرصة يعمل حاجة من غير ما يتحاسب عليها اجتماعيا بيعملها
وطبعا ان مبعممش على الناس كلها

والناس بتتفرج وتدفع فلوس وعجلة السينما مش راضية تتخرم زى ما كل حاجة اتخرمت واهى ماشية وبتعدى وبتجرى كمان:d

انا مزبهل بصراحة من الردود اللى انا شايفها !
ايه المجتمع المنحل اللى احنا عايشين فيه ده :d

انا مزبهل بصراحة من الردود اللى انا شايفها !
ايه المجتمع المنحل اللى احنا عايشين فيه ده :d


المجتمع مش منحل للدرجة دى

بس دايما الحاجة الوحشة بتعم وهى اللى بتظهر قدام عيوننا

زى ما بيقولوا ( الحلو بيخص والوحش بيعم )

هذا الموضوع يستحق النقاش فعلا
أولا : بالنسبة للأدب فهو موجود وكذلك الأدباء ولكننا نرى أن أسوا الأدباء هم من يقوموا بكتابة الأفلام والمسلسلات السيئة والتي لا تتناسب مع هويتنا الجميلة أما الأدباء الآخرين (المحترمين ) تجدهم في المجلات والصحف والجرائد وغير ذلك ، وأعيب عليهم أنهم لم يتدخلوا في هذه الأعمال الهابطة والتي تشوه سمعتهم أمام جميع الأنظار .
ثانيا : بالنسبة للتغيير فإن الله لا بغير ما بقوم حتى يغيروا ما بأنفسهم ، يجب علينا الابتعاد عن مشاهدة هذه الأعمال السيئة .
أو ممكن مواجهتها بأعمال أفضل منها وتكون جذابة ومشوفة والأهم هادفة .
أو نتبع الحلين معا وهذا ما أفضله .
وجزاكم الله خيرا على طرح مثل هذا الموضوع للنقاش 0

اساسا المجتمع منحط اخلاقيا فالسينما والتليفزيون يعرضون الواقع وكمان الواقع اسوا من اللى بيتعرض ياريت الواحد ميبصش فى محيطه بس ويمكن كمان لو بصيت لمحيطك هتلاقى انحطاط اخلاقى



معك أن المجتمع ظهرت فيه بعض الافعال الغير أخلاقية ولكننا لا يجب أن نقول أن المجتمع منحط أخلاقيا
والواقع ليس سيئا لهذه الدرجة التي تعرض
ولكنني أحب
أن ألفت نظرك إلى شئ مهم جد جدا
إذا كان المجتمع منحط أخلافيا (كما تقول ) فهناك طائفة كبيرة جدا جدا جدا من الناس فيه متميزين أخلاقيا وعلميا ومهاريا وأدبيا وغير ذلك من المجالات المفيدة .
فلماذا إذا لا نعرض قصص عليهم وتعبر عنهم حتى نأخذهم مثالا يحتذى به .
ولماذا لا يقوم كل من أظهر السوء في أفلامه بتعديل ذلك السوء
؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!! !!!!!!!!!!!!!!!!!

انا بضيع يا وديـــع !!

بالنسبه لسؤال حضرتك ......
نعم (( فى مصر ادب وادباء .. !! ))

بس سؤال بسيط جداااا.. لو فى فيلمين فى دور العرض دلوقتى ...
1 .. بيناقش قضيه فى مصر بكلام بليغ وبطريقه محترمه جدااا وممثلين لابسين لبس !!
مش اللى لبسين من غير لبس ...

2 .. فيلم انا بضيع يا وديع . . وطبعا شفنا الافيش بتاع الفيلم ع التلفزيون والاغراء وقله الادب اللى فيه !


بالعقل كدا ... الاقبال هيكون على مين اكتر ؟؟ !!

وبالتاكيد الاجابه (( هتكون انا بضيع يا دوديع ))

انا بتمنى ان الافلام اللى من النوع دا تتمنع من العرض .. مش اللى بتنقض السياسه بس ..

واكيد السبب الاساس ان الشعب عايز كدا ( معظمه ) ...
حتى الافلام بتخضع لقانون العرض والطلب ......
ودا بسبب ان بنقلد الغرب وبعدنا عن دينا .
شكراا لحضرتك ع الموضوع الرئع

...

فى ردود كتير حلوه وعجبتنى
بس تعليقى انا :
السنيما مرايه المجتمع بتظهر عيوبه ومميزاته ،
بس احنا للاسف بنعرض عيوب وبس
زى ما مثال بانز قال فى ناس واخده فكره وحشه عن شارع الهرم مع انه شارع عادى خالص
مع ان فى الافلام بيقولوا انه شارع وحش واخيى وبيحصل فى حاجه غير اخلاقيه
احنا بنظهر فى السنيما المصريه عيوبنآً ومشاكلنا ، بس للاسف مش بنعرف نحط لها حلول
اساسا هما بيعملوا حاجات غلط وبيعلموها للناس ،
فى مسلسل مثلآً بيهربوا الحشيش فى العيش الفينو !!!
طيب اهى فكره جديده الواحد يعملها ،
ده انحلال اخلاقى
طيب فين الرقابه الفنيه ؟؟؟؟؟؟؟
لما سألت مامتى
قالت لى ان الرقابه بتشيل المناظر السيئه
هههههههههههه
مناظر ايه بس ؟ ما الافلام مليان مناظر وكلام زباله الاطفال ماشيه تقوله
وطبعآً انا مش بعمم بس دى الغلبيه
والاقليله المحترمين مش بتبان وسط الانحلال ده
لان احنا المصريين اتعودنا اساسا على الانحلال والافلام السيئه
،،،،،،

اولا بجد لكي جزيل التقدير على الموضوع الهادف والممتاز دا بصراحه
أحب اوضح شيء بسيط يمكن تكونوا كلكم تعرفوه اكتر مني بس للتذكير مش اكتر
الخليج كله بشكل عام والسعوديه بشكل خاص الشباب هناك بيبصوا للبنت المصريه ع إنها بنت زباله ومش محترمه
ولو راح طلب منها أي شيء مش هتقول لأ أبدا يكفي انه هيضبطها فلوس
دا بقى تفكير العالم الخارجي عننا بقوا يفكرونا ولا كأننا ف باريس مدينة الأنوار ولكم انت تعلموا لما تلقب بمدينة الانوار
يعني اه دي حاجه تزعل جدا بس لو هنلقي اللوم هنلقيه على مين بصراحه هم ليهم الحق كل الحق في اللي بيفكروه عننا ودا سببه الإعلام السيء جدا بدءا من الأفلام وسأعطيكم مثالين مختصرين من الأفلام المصرية :
1-فيلم بالألوان الطبيعيه فلنترك كل ما فيه ولكن انظر لمعنى ومفهوم الحب الذي يحاولون ايصاله لنا وهذا لم يكن ولن يكون اطلاقا الحب في مصر لأن اصل الحب في مصر هو حب عذري ( وأرجو لفهمه قرائة كتاب صغير للأستاذ شوقي ضيف اسمه الحب العذري عند العرب). فقد جاء الفيلم كاسرا كل الحواجز الأخلاقيه بل وقد تعداها وتعدى مفاهيم الحياة البسيطه والمشاعر الرقيقه حينما تاخذ فكره عن مجموعة من الطلبه بأن الحب لديهم هو ..........
2-فيلم عمارة يعقوبيان لوحيد حامد وإخراج محمد عادل إمام إن لم تخنني ذاكرتي تحدث بكل قباحة عن الشذوذ خارقا كل النظم الاجتماعيه ويا للعار حين تر بوسترات الفيلم غير موضوع عليها رمز يدل على أن الفيلم لا يجوز للصغار او لا يصلح للمشاهدات العائليه والفيلم هو من رواية عالميه حققت الكثير من المبيعات ولكنها لا تتفق مع الثقافه المصريه فلقد روى الراوي فيها 5 روايات متصله منفصله فلم نر فيها أي شيء يخرج لنا صورة زاهية تفرحنا وتنسينا ما به من آلام وإنما كل يغني على ليلاه (هيس تعش تنتعش ).
3-لقد قلت سأذكر مثالين ولكن من كثرة الامثله ساضطر لطرح مثال ثالث وهو فيلم حين ميسره للمخرج الكبير خالد يوسف كيف لا يكتب على هذا الفيلم +18؟؟؟؟ كيف يدخل أب مع ابنائه الفيلم في السينما ويسأله ابناؤه الصغار (بابا هو ايه دا؟؟؟) ماذا يكون رد فعل الوالد؟؟؟؟
واخيرا وليس آخرا مصر عاشت خلال ثلاثين عاما اسوأ عصورها في كل شيء كانت فنون من غناء وادب وشعر وافلام وما إلى ذلك مرورا بوسايط ورشاوي ومجاملات في المصالح الحكوميه مما يعكس انتكاسه سياسيه كبيره انتهائا إلى عهد بائد من الخراب والدمار في العلاقات الخارجيه بشكل عام فضاعت هيبتنا وكيف أن لا تضيع؟
وأنهي كلامي بشيئين صغيرين قيل للإمام عمر ( عففت ياعمر فعفت رعيتك ولو ركعت لركعت رعيتك).
والثانيه نسمع كثيرا عن زمن الفن الجميل ولكن حقا عندما تسمعون عن شيء جميل في زمن ما فاعلم ان الزمن كان كله جميلا من فكر وسياسه خارجيه وقوه كبيره لمصر وبناء سد عالي رائع وتأميم لقناة السويس وما إلى ذلك ومساعدة بلدان عربيه على التحرر من الاستعمار كالجزائر الشقيقه اللي أغاب النظام الفاسد فكرنا وجعلنا نخسرها من أجل مباراة كرة قدم وكنت انا اول ما غيب عن عقله وتشاجرت مع الكثير من الجزائريين وكم سببتهم من أجل كرة القدم .
لكي الله يامصر
تقبلي مروري زوزا واحسنتي اختيارا لهذا الموضوع الرائع حقا
©§¤°^°¤§©¤ ahmed ¤©§¤°^°¤§©

ان الاعلام باكملة يحتاج الى اعادة بناء
فمنذ اكثر من 30 سنة نرى اعلاما هداما بمعنى الكلمة
عندما يظهر العرى والمناظر التى لا يرضى عنها احد سوى صانعها فقط
عندما يموت الاعلامى ترى الجميع يحزن والجميع يكتب والجميع يتالم
وعندما يموت العالم والمربى والشخصية البارزة لا يتكلم احد وكان الاعلام اصبح
ملكا للفنانين والفنانات لكى ينشرو سمومهم وفكرهم التعبان علينا
حتى فى ايام شهر الخير والبركة يتنافسون ويتسابقون على من يقدم عملة الينا ليفسد طاعتنا
اننا نحلم باعلام بناء هادف يربى ويغرز فينا المبادئ الاسلامية نريد اعلام هادف يصلح المجتمع
نريد اعلام يعبر حقيقا عن الشعب المصرى الاصيل نريد اعلام محايدا لا ينتمى الى طائفة
ليهاجم طائفة اخرى نريد اعلام محترم يحمل الخير للجميع
كفانا سموم وكفانا فساد وفضائح وكفانا تقليد اعمى للغرب وياليتنا نعرف التقليد الصحيح فاننا لا نقلدهم الا فى كل تفاهات
اننا مسلمون لنا ثقافتنا ولنا اسلوبنا ولنا مبادئنا التى ان تمسكنا بها ارتقينا الى القمة وان تخلينا عنها تهنا ونزلنا الى القاع

تفتكروا هنقدر نغير من المجتمع او الناس اللى فيه او حتى التمثيل ؟؟؟؟؟؟؟

تفتكروا هنقدر نغير من المجتمع او الناس اللى فيه او حتى التمثيل ؟؟؟؟؟؟؟


إن شاء الله نقدر نغير من المجتمع
ويجب أن نأخذ بالاسباب ازاي !!!!!!!
يعني نقاطع مشاهدة هذه الافلام فتقل الايرادات .
ننصح غيرنا بعمل ذلك .
من لديه وظيفة في هذا المجال عليه أن ينتج أعمال فنية راقية تتماشى مع الهوية الإسلامية الوطنية .
يجب أن ننقد هذه الافلام في كل مكان .
وجزاكم الله خيرا

والله هي المعادلة صعبة....:excl:

بس انا شايفة ان اهم طرف فيها هو الافراد...

زي ما في ناس كتير محترمة ومثقفة وعارفة مبادىء دينها.....في ناس اكتر يا جماعة محتاجة اعادة تاهيل فكري وثقافي وديني واجتماعي.....

لوحصل كده بجد الافلام دي عمرها ما هتستمر لان الناس دي هي اللي بتنجحها...

شكرااااااا جداااااااا ع الموضوع ده عشان بجد مهم......

ندعى ربنا انه يهدينا لما فيه الخير ويرفع عنه غضبه بسبب هذه الافلام الرخيصه والمشاهد المقززة للاسف كل حاجه بنبررها بكلمه

عااااااااااااااااااااادى

الحكم هو السبب فلو الحاكم صالحا لصلحت الرعية والناس على دين ملوكهم

ممكن يتغير المجتمع لكن المهم انت تغيرت اول خطوة علي طريق التغيير هى مقاطعة هذه الأفلام ومقاطعة اي شاشة تليفزيون تعرضها على فكرة هذا ليس خيال أنا نفسى لي سنين كتيرة يمكن من التمانينات لادخلت سينما ولا مسرح ولا تابعت مسلسل انا قاطعت كل الأشياءدى ليس التزاما منى ديني وهواتمنى ان التزم دينيا ولكن احساس منى بأن هذه الأشياء لا يفعلها الا السفلة ومن يتفرج عليهم سافل فصنت كرامتى وبعدت عن كده وحتى النظر ناحية اعلاناتهم وافيشاتهم اعتبرها اهانة لكرامتى فلو كل من يرفض هذه الأشياءيقاطعها كان الحال اتصلح من زمان -اما الأدب فسلملى علي ادباءالزمن الهباب ده كلهم اما حشاشسن أو ملاحدة لا يعرفوا قيم ولا مبادئ االمهم نعمل اعلان هنا لمقاطعة القنوات الهايفة والسينما والصبر يخلي الدعوة تاتى بثمارها دى هي الإيجابية مش البكاء على اللبن المسكوب

لوتكرمتم جميعا

لونظر كل منا عما بداخله وأخذ صورة المجتمع مما هو يعيش فيه من الواقع

لوجدنا أن الخير يفو ق مادونه

والكاتب والأديب المسيطر على فكره الحياة التى يعيشها

وبمعنى أخر تعالوا نبحث سويا

هل أحد كتاب الافلام يعيش فى قريتنا مثلا

هل أحد الأدباء الكباريعيش فى العشوائيات

هل أحد الكتاب الكبار يضطر لركوب قطار أو أتوبيس أوتكتك

الكل يتوهم ويصف ويترك لفكره العنان ويقوووووووول ويكتب

ماذا لو سرق من أحدكم ألف جنيه ؟

بعضكم طبعا -- ربما يفقد وعيه

لكن السرقات فى الأفلام بالملايين والمليارات حتى يصاب البطل بشلل حفظنا الله

كلنا نزلنا للأسواق لنحضر متطلبات الدراسة من ملابس وأدوات

هل وصلت هذه الطلبات للبيت بالتليفون من باغيس

أم على الأكتا ف من سوق المحلة

هذا هو عالمهم

وهذا هو عالمنا

فأرجوكم لاتجعلوا عالمهم يفترس عالمنا بمقولة

الفن مرأة المجتمع

لأن الفن ماهو إلا مرأة شريحة معينه تملأ فكر كل العاملين فى هذا المجال

وهو حياتهم الخاصة والتى دائما تكون بعيدة عن البسطاء

وهو عالمهم الخاص --- فليهنأوا به
ولا تفكـــر فى المفقود حتى لا تفقد الموجــــود

تحياتى للجميع

حتى لو كان التمثيل مرايه المجتمع المفروض ما يعرضوش اللقطات الاباحيه دى لان المجتمع اصلا مش ناقص اجرام

شوفنا لما فيلم دينا الراقصه لما اتعرض من سنتين ايه الا حصل حصل تحرش بالبنات فى الشارع
وكمان المفروض الفيلم يوصل فكره فى حدود الادب والاخلاق

احنا فعلا عندنا ادب و ادباء ولا لا ؟

عندنا طبعا فيش فرصة

امتى بجد نبطل نعمل افلام ونوريها للغرب

وهى كلها تجار حشيش وتريقه على الصعيده وبلطجه وانحراف

قريب بإذن الله وهذا هو حلمى فى الحياة إنى أكون مخرجة لأفلام بروح جديدة نفخر بتقديمها للغرب

امتى حنشوف اليوم اللى خالد يوسف وغاده عبد الرازق محترمين شويه
امتى ، امتى ، امتى .......

والله اللى زى دول صعب يتغيروا ..........

الي اقدر اقوله ان المحترم بيتفرج علي المحترم والتافه بيتفرج علي التافه .ربنا يهدي الجميع

اروح ادور .........اروح ادور..............اروح ادور علي نفسي .................
ياني ..........ياني...................ياني من الحجر الاولاني...............
صباح الفل

الأفلام بقت افلام هابطة ليغرو الشباب علشان يلمو فلوس بالمــــــلايـــــــيـــــــــــــــــــــــــــــ ـــــــــــــن

المجتمع اللى بقى مراية الافلام يا باشا

عجبتنى الجمله دى جدا
فعلا جمله صحيحه100%
وبجد بشكرك يا استاذ عابر سبيل على قولها
لأنها خلاصه لما نحن عليه الآن
والله انا كنت مفكراه إعلان ولسه عارفه حالا انه فيلم من الموضوع:d
لأ وكمان بيقولوا فيلم اسرى طب بأماره ايه بقا:d
منهم لله..
بيقدمولنا فن هابط اهم حاجه فيه ان يكون هناك الفاظ او مناظر ربنا يرحمنا يارب
ولامسلسلات رمضان
رمضان=مسلسلات
مش رمضان=عباده واستغفار
لأ والمسلسلات متتعرضش اصلا فى شهر كريم ولا فيها حاجه تفيد;)
شكرا ليكى على الموضوع
وتقبلى مرورى..:)

احنا فعلا عندنا ادب و ادباء ولا لا ؟

اه طبعا ..انا

طيب لو مش عندنا حيبقى عندنا امتى ؟

مش الايام دي خالص

وامتى بجد حنتغير

لما نشرب بريل

امتى بجد نبطل نعمل افلام ونوريها للغرب

لما تبقى إسلاميه

وهى كلها تجار حشيش وتريقه على الصعيده وبلطجه وانحراف

وياريت تيجي على كده وبس

امتى حنشوف اليوم اللى خالد يوسف وغاده عبد الرازق محترمين شويه
امتى ، امتى ، امتى .......؟
وغيرهم والله كتيييييير
بس اعتقد اما يحسوآ انهم خلاص على وشك d: يلا ربنا يريحنا منهم او يخودهم

لا عندك حق كلامك كله صح

يا جماعه زى ما فى سلبى فى ايجابى يعنى فى أنا بضيع يا وديع فيلم سلبى جدا ليه تتكلموا عليه أتكلموا مثلا على فيلم ايجابى زى فيلم (شارع الهرم ) ماله شارع الهرم حلو خالص دينا وسعد والفيلم حقق ايرادات عالميه يعنى مفيش كلام لالا لسا الدنيا بخير يا جماعه مش تقلقوا طول ما دينا وسعد معانا الدنيا بخيرررر !
وبعدين متركزوش مدام مبتحبوش الافلام دى يعنى لو الناس فعلا رافضه ده جابت للأفلام ايرادت عالميه ليه كل ما أسأل حد يقولى الفيلم تيييت بس انا دخلته حب استطلاع طيب مصر كلها دخلت الفيلم حب استطلاع ولسا لما ينزلوا على التليفيزون الدنيا هتولع كل مصر هتاخد اجازه فى البيت بيحبوا يستطلعوا بقى

هههههههههههههههههههههههههههههههههه

حتى القرار اللى قلنا بعد ما عرفناه البلد هتنصلح وهنبقى ميه ميه فى كل حاجه اللى هوا القرار بتاع " حذف كل المشاهد الغرامية الحساسة " طلع بعده وزير الاعلام قال دى اشاعه ومفيش قرار كده .. يا فرحة امك بيك .. شر البلية ما يضحك