|
مشاهدة النسخة كاملة : احول من هندسة معقولة؟؟؟؟؟؟؟؟؟ zoro66 22-09-2011, 04:46 PM ايه رايكم يا جماعة انا دخلت اعدادى هندسة السنة اللى فاتت و سقطت تقريبا شلت السنة كلها بصراحة مش قادر امشى فيها وخايف لان فرصة النجاح ضعيفة انا شايل 7 مواد فقررت احول تجارة انجلش highlight 22-09-2011, 05:09 PM ممممممممممم.............. لو حضرتك مش قادر تمشى فيها.... الافضل فعلا ان حضرتك تحول لحاجة تانية ومش عيب على فكرة.........بس لما تحول تبقى حاجة بتحبها فعلا وعايز تدخلها ....لو حابب تجارة انجليش توكل على الله congratulations 22-09-2011, 05:30 PM بصراحه مش عارف اقولك ايه بس لو انت كنت بتذاكر بجد وسقطت بالشكل ده يبقى الافضل تحول لكن لو مكنتش بتذاكر يبقى الحل فى ايديك الا بقى لو انت مبتحبش الرياضه rehab rehab 22-09-2011, 06:37 PM دا معتمد على سبب سقوطك لو كنت بتزاكر او مكنتش بتزاكر علشان مش حابب المواد او الكلية يبقى حول احسن واعرف كتير حولوا بعد اعدادى و دلوقتى بيجيبوا جيد جدا فى حاسبات و علوم و تجارة لو مكنتش بتزاكر و جو الكلية خلاك متركزش فى الدراسة و فعلا حابب هندسة يبقى كمل فيها و اعمل اللى عليك و ان شاء الله هتعدى بسهولة Engineer .. 22-09-2011, 07:29 PM اضمن لي انك مش هتندم على قرار التحويل مقدرش أقول غير كده zoro66 22-09-2011, 07:47 PM شكرا ليكم يا جماعة كلامكم منطقى جدا وساعدنى اخد قرار rehab rehab (http://www.thanwya.com/vb/member.php?u=562363) انتى تعرفى ناس كتير حولوا من اعدادى؟ اصل انا كل ما اقول لحد كده بيحسسنى انى غريب rehab rehab 22-09-2011, 09:19 PM شكرا ليكم يا جماعة كلامكم منطقى جدا وساعدنى اخد قرار rehab rehab (http://www.thanwya.com/vb/member.php?u=562363) انتى تعرفى ناس كتير حولوا من اعدادى؟ اصل انا كل ما اقول لحد كده بيحسسنى انى غريب انا هندسة عين شمس فاعرف ناس كتير جداااااااااااا بيحولوا بعد اعدادى و بعد اولى كمان الدكاترة نفسهم بيقولولنا فى اولى انتو السنة دى اسمكوا اتكتب فى الكلية بالجاف لان عدد كبير بيحول سواء من الدبلر او اللى بيتفصلوا اللى اعرفهم شخصيا حولوا لتجارة و علوم و حاسبات و ما شاء الله بيجيبوا تقديرات عالية و ماشيين كويس المهم متكونش بتسيب هندسة علشان صعبة Eng.Ahmed Hagag 23-09-2011, 04:52 AM لو حاسس إنها صعبة عليك حول إنما لو كان استهتار منك يبقى ذاكر تاني وأنا ابن خالي كان هندسة عين شمس و حول تجارة انجليش وما شاء الله عليه طلع الاول عالدفعة وشغال دلوقتي بمرتب لا يحلم به خريج هندسة . Analyzer.Mn3m55 23-09-2011, 06:03 AM طب ما تيجى مكانى و تناولنى هندسه :d جبت 90 % و لحقت بيهم تجارة بس انا حاسس انى حبيت الكلية دى و على فكره مش عيب انك تحول االعيب انك تستمر فى الحاجة الغلط .. انا جارى دخل هندسه المطرية عن طريق الصناااايع الخمس سنين و سقط السنه كلها اهو و مش عارف هيحول ولا هيكمل و يعيد سنه اولى و للعلم اللى يسقط مرتين فى سنه اولى يحرم من الكلية و لازم يحول لحاجة غير هندسه و انا شايف تجارة انجلش سهله مش صعبه زى الهندسه و مستقبلها كويس بس تشد حيلك فيها و تجيب تقديرات Analyzer.Mn3m55 23-09-2011, 06:05 AM بس فكر كوووووووويس عشان متندمش على قرار اخدته فى لحظة تسرع .. !! و بالتوفيق ان شاء الله Mr...K 23-09-2011, 07:41 AM ايه رايكم يا جماعة انا دخلت اعدادى هندسة السنة اللى فاتت و سقطت تقريبا شلت السنة كلها بصراحة مش قادر امشى فيها وخايف لان فرصة النجاح ضعيفة انا شايل 7 مواد فقررت احول تجارة انجلش فى دكتور مرة حكالنا قصة كدة ان واحد قعد فى هندسة السسنتين وبعدين حول منها على علوم المهم ان هو حبها جدا وربنا كرمه وتفوق فيها ودلوقتى بقى دكتور فى علوم الحمدلله بص انت تصلى استخارة كدة وربنا يكرمك ان شاء الله للى فيه الخير adel hasan 23-09-2011, 10:17 AM مش عيب إنك تفشل فى أول سنة وكمان إعدادى لكن العيب بجد إن الفشل يستمر .... لو فعلا ذاكرت وبجد وعملت اللى عليك .... يبقى من رأيى تحول ...... لكن لو كنت أهملت ومذاكرتش يبقى السبب كان منك وفى الحالة دى حاول تانى ... وعموما ربنا يوفقك. zoro66 23-09-2011, 11:17 AM انتم ناس زى العسل ما كنتش اتوقع ان ناس كتير ترد ع الموضوع |