مشاهدة النسخة كاملة : حل مشاكل واستفسارات الطلاب الجدد لكليه زراعه جامعه القاهره
amrsaso 22-09-2011, 10:54 PM مبروك لكل الى قبلو بكليه زراعه جامعه القاهره
الكليه دى ماشيه بنظام الساعات المعتممده المهم النظام ده بيخليك تختار المواد في كل ترم والمواعيد وحتى يوم الامتحان
وحكايه المهم انت لما بتقدم بتشترى كتاب الدليل وتانى يوم دراسه بتسجل المواد الى اختارتها وكده
المهم هنا بقى الموضوع ده خاص باي سؤال او استفسار خاص بالكليه وسنه دراسيه سعيده عليكم ان شاء االله
قلبي لربي 23-09-2011, 08:13 PM شكرااا لحضرتكـ
هو ايه المواد الـ المفروض اني اسجلها في الترم الاولـ
اختارها يعني علي اي اساس ؟
amrsaso 23-09-2011, 09:56 PM تحويلك قبل القاهره مبروووووووووووووووووووووووك
------------
بصي ياسيتى انت عندك 21 ماده اجباريه
قسميهم على اربع ترمات
وتختارى الى انت عيزاه زى منتى عايزه
بس الفكره انك اول ترم فبتبقى محتاجه مواد الى حد ما سهله عشان تكونى اتعودى على نظام الكليه
يعنى مثلا انت ممكن تاخدى نبات وحيوان وعضوى ورياضه واجتماع واقتصاد وانجلش
دول مواد مناسبين جدا لاول ترم
ولو عايزه اعملك الجدول بالمواعيد وكده عشان تسجليهم انا تحت امرك
وده الاكونت بتاعى على الفيس بك
لو عايزه تفاصيل اكتر
http://www.facebook.com/amr.saso
قلبي لربي 24-09-2011, 12:46 AM ااه الحمدلله , الله يبااااارك في حضرتك :022yb4:
اااهااا
اااه ياااريت لو مش فيها ازعااج لحضرتكـ
ما انا بعت رساله لحضرتكـ من زماااان بس شكلها مش وصلت :(
amrsaso 24-09-2011, 10:37 PM لا عادى مفيش ازعاج ولا حاجه
ومفيش حاجه وصلتلى
عموما انا هعملك الجدول ان شاء االله والمواعيد وكده وهبقى اققولك تعملى ايه في التسجيل وكده هسهر عليه تالنهارده ان شاء االله
قلبي لربي 25-09-2011, 10:26 PM تمام ان شااء الله الف شكر لحضرتك
انا حاولت ابعت رساله لحضرتك تاني بس في مشكله في الفيس :mad:
مش بيرضي يبعت لأي اكونت مش مضاف في الفريندز
amrsaso 26-09-2011, 12:21 AM انا مش عارف اققولك ايه عموما انا عمللتلك الجدول وبحضر شرح هتعملى ايه في يوم الارشاد والتسجيل هبقى احطه هنا
amrsaso 26-09-2011, 10:24 AM بصى انا عملتلك الجدول وشرحتلك هتعملى اي من طق طق لسلامه عليكو اول يوم وكمان التسجيل
واي حد كمان داخل زراعه يعمل زى ما مكتوب
ويارب اكون ساعد واى حاجه او سؤال اسئلى وهارد عليكى ان شاء االله
انت هتروح اول يوم دراسه يوم السبت
اول ماتدخل الكليه تروح على الشئون هتلاقى في طلاب متجمعين وزحمه اوى تروح داخل وسطهم هتلاقى في ورق متعلق مكتوب فيه اسامى الطلاب وارقامهم الموحده واسم المرشد الاكاديمى لكل طالب
المهم انت طبعا مستوى اول هدور على الكشف بتاع مستوى اول ودور على اسمك
هتلاقى مكتوب اسمك وجمبيه رقمك الموحد واسم المرشد الاكاديمى بتاعك والقسم بتاع المرشد الاكاديمى بتاعك
طبعا لازم تكتبهم في ورقه او تحفظهم عشان هتحتاجهم
الاول ايه هو الرقم الموحد ده ؟
ده رقم قيدك في الكليه وبتستخدمه في كل حاجه طول الاربع سنين يعنى في الغياب بتكتبه لما تيجى تقدم او تعمل اي حاجه بتكتبه مهم جدا وبتستخدمه في كل حاجه طول الاربع سنين
وهو بيبقى بالشكل ده
11230036
11 ---- الى في الشمال دى بتمثل السنه الى انت دخلت فيها الكليه سنه دفعتك وطبعا هي 2011 واختصارها 11 ده الرقم الخاص بيك انت ونصيبك زى مايجي ---- 36 ى
والرقم الى في النص ده 2300 رقم ثابت ملهوش لازمه وبعد كده هيبقى رقمك الموحد
يتكتب بالشكل ده
36 / 2011
وبس
نكمل بقى
المهم انت تعرف رقمك الموحد واسم الدكتور والقسم بتاعه فعلى طول جرى تروح تسال عن القسم الى مكتوب بتاع الدكتور وتروح القسم وتسال على الدكتور هناك وتقابله وتقوله انا فلان معاك في الارشاد الاكاديمى هيقولك اه فعلا اهلا ولو عايز تساله عن حاجه اسئله اي حاجه
واهم حاجه بقى في الحوار ده تقوله ادينى الاستماره
وشكل الاستماره اهوه
شوف الصوره وانت هتفهم كل حاجه في الاستماره
http://img535.imageshack.us/img535/5600/astmara.jpg
]المهم انت هتكتب فيها المواد بتاعتك والكود بتاع كل ماده ومعاد السكشن بتاع كل ماده وهتروح القسم بتاع كل ماده تسجل هناك
وبعد ماتسجل كل المواد
تروح رايح على المرشد بتاعك تانى عشان يمضيلك على الاستماره وبعدين تروح تصورها نسختين نسخه ليك ونسخه تديها للمرشد والاصل تسلمه للشئون وكده براءه وانا عملت جدول لاى حد محتار يختار المواد والمواعيد وكمان كتبلك المواعيد والكود بتاع كل ماده عشان تحطهم في الاستماره على طول بغير مادور وتتعب نفسك
وده الجدول بتاعك دول مواد بسيطه وباذن الله مش صعبين خالص
وكمان متفادى مشكله الفروق بين الامتحانات مفيش غير الانجلش ماده هابله مش عايزه وقت كبيير للمذاكره
وكمان متفادى انك تمتحن امتحانين ميد ترم او عملى في نفس اليوم
وكمان بتخلص السكاشن بدرى عشان لو بنات
وكمان مفيش فروق بين المحاضرات والسكاشن كبيره عشان طبعا الواحد بيبقى اول ترم متعرفش على ناس كتيير وميقعدش لواحده كتيير
باذن الله هيكون جدول مناسب جدا
وده الجدول
http://img263.imageshack.us/img263/3899/tablesl.jpg
وده الترتيب والكود والمعاد الى هتكتبهم في استماره التسجيل مش عايزك تتعب خالص ولا تقلق
http://img847.imageshack.us/img847/1203/codev.jpg
واي سؤال او استفسار انا موجود على الفيس على طول
عمرو حامد
مستوى تانى
[/b]
قلبي لربي 26-09-2011, 10:34 PM تمااام اوي انا نقلت الجداول والحمدلله الحكاية وضحت شوية
بس انا روحت اقدم قالولي علي نهاية الاسبوع ولما كلمت الشؤن انهاردة قالولي اول يوم ف الدراسة ابقي اقدم
فا هل ده عادي كده :(
وهل ده مش هيعطلني عن تسجيل المواد وكده :(
amrsaso 27-09-2011, 12:10 AM اه فعلا التقديم اول يوم بس انت كده مطلوب منك انك متمشيش يوم السبت غير وانت معاكى الرقم الموحد وتعرفى من المرشد الاكاديمى بتاعك :d
عشان التسجيل يوم الاحد
الا بقى لو مدو التسجيل شويه
قلبي لربي 28-09-2011, 10:43 AM يعني التسجيل هيبدء من يوم الاحد ولا من اول يوم السبت؟ :(
amrsaso 28-09-2011, 12:34 PM بصى في طلبه مرحله تالته قالو انت الكشفات وصلت وانت ممكن تقدمى خلاص ياريت تتصلى بالشئون وتتاكدى وتروحى تقدمى قبل يوم السبت
والتسجيل بيبقى يوم الاحد
قلبي لربي 28-09-2011, 04:12 PM ااه الحمدلله اتصلت بالشؤن الصبح وعرفت ان ينفع اروح اقدم :022yb4:
وقدمت الحمدلله وعرفت الرقم الموحد والمرشد
أ/ حمدي يوسف علي عثمان (امراض نبات )
كويس ولا ايه ؟:(
قلبي لربي 28-09-2011, 04:15 PM بس قالولي ان الدليل هاخده الاحد والتسجيل هيبدء الاتنين ;)
amrsaso 29-09-2011, 03:13 AM طيب كويس الكليه نورت بيكى
ويارب يبقى احسن 4 سنين في حياتك
:]
قلبي لربي 30-09-2011, 12:09 AM منوره بحضرااتكم اكيد
اان شااء الله
جزااكم الله خيرا
قلبي لربي 30-09-2011, 04:32 PM هيا الدراسة بكره السبت ولا اتأجلت :(
amrsaso 02-10-2011, 08:52 AM اول اسبوع في الكليه مفهوش دراسه الدراسه بتبدا من الاسبوع التانى
وبكره التسجيل ولازم يكون معاكى الاستماره الى هتخديها من المرشد
قلبي لربي 02-10-2011, 03:10 PM انا معرفتش اخد الاستمارة انهاردة لان المرشد بتاعي مكنش موجود وفضلت مستنياه من الساعة 9 الصبح للساعة 1 ومجاش
ومش عارفه اعمل ايه كده هتأخر عقبال ما اسجل بكره عقبال مااخد منه الاستمارة واملاها ويمكن كمان اروح بكره بدري وميجيش :(
انا كرهت الكلية من قبل ما ابدء دراسه :(
amrsaso 02-10-2011, 07:06 PM ان شاء الله تلاقيه بكره والتسجيل بيستمر لحد يوم الخميس بس الفكره عشان تلحقى المواعيد قبل ماتقفل
ومعلش كده كده المرشد ده تاخدى منه الاستماره وتسجلى المواد وتديله نسخه ومش هتعرفيه تانى :d
ألكليه جميله اوى هي بس الصعوبه في اول اسبوع وبس
قلبي لربي 02-10-2011, 08:07 PM اه عارفه بس انا خايفة لا ملحقش اسجل وبالذات ف ال كيميا عضوية علشان في ناس قالولي انها بتخلص بسرعة :(
طيب يعني اروح بكره الساعة كام ,يعني اروح علي 8 ونص ولو ملقتش المرشد اعمل ايه :(
الانجليزي بيتسجل فين ؟
ضوءالقمر 02-10-2011, 08:58 PM انا بشكرك جدا يا عمرو على الموضوع التحفه ده بس برضه مش هنتنازل عن قسم محدد للكليه هنا فى المنتدى
انا كنت عايزه اخد رأيك فى كذا حاجه اول حاجه انا اخترت مواد (رياضه وحيوان زراعى ونبات زراعى وكيمياء عضوى وفزياء ومقدمه فى الاجتماع الريفى )
تانى حاجه بخصوص الورقه اللى جبتها من المرشد الخاص بيا السؤال هى الخانه بتاعت الوقت دى اسيبها فاضيه فى المحاضرات واكتبها فى وقت السكشن بس ؟
تالت حاجه " افتكر ان الانجليزى فى مبنى شؤون الطلبه "
amrsaso 05-10-2011, 09:45 PM انا اسف جدا على التاخير بس بجد الايام الى فاتت كنت مشغول جدا والنت كان فاصل معرفتش ارد
واعتقد احنا كاتحاد طلبه في الكليه اعتقد ان كان اي حد مش فاهم حاجه كان بيفهما
اما بخصوص الاسئله دى فاظن انها اتحلت وهرد عليها برضه
اه عارفه بس انا خايفة لا ملحقش اسجل وبالذات ف ال كيميا عضوية علشان في ناس قالولي انها بتخلص بسرعة
طيب يعني اروح بكره الساعة كام ,يعني اروح علي 8 ونص ولو ملقتش المرشد اعمل ايه
الانجليزي بيتسجل فين ؟
مش عارف اقولك ايه بس بجد انا اسف جدا انى مرديتش عليكى واكيد انت قابلتى حد من بتوع الاتحاد الى كانه لابسين كارنيهات
واسف اوى على انى مرديتش عليكى وياريت تتطمنينى عملتى ايه واختى ايه ومنوره الكليه
والانجليزى مش بيتسجل
----------------------
انا بشكرك جدا يا عمرو على الموضوع التحفه ده بس برضه مش هنتنازل عن قسم محدد للكليه هنا فى المنتدى
انا كنت عايزه اخد رأيك فى كذا حاجه اول حاجه انا اخترت مواد (رياضه وحيوان زراعى ونبات زراعى وكيمياء عضوى وفزياء ومقدمه فى الاجتماع الريفى )
تانى حاجه بخصوص الورقه اللى جبتها من المرشد الخاص بيا السؤال هى الخانه بتاعت الوقت دى اسيبها فاضيه فى المحاضرات واكتبها فى وقت السكشن بس ؟
تالت حاجه " افتكر ان الانجليزى فى مبنى شؤون الطلبه "
المواد كويسه ومناسبه اوى
والانجليزى مش بيتسجل والمحاضرات بتاحته بتبقى في المدرج الى قدام سيد جلال
اما الورقه بتاعت الارشاد الاكاديمى اكيد سلمتيها خلاص ياريت تردو عليا تطمنونى عملته ايه
ضوءالقمر 06-10-2011, 12:05 AM انا سلمت الورقه النهارده الحمدلله للدكتور احمد احمد عثمان
amrsaso 06-10-2011, 11:36 AM الحمد لله واى مشكله او اي حاجه عايزاه كلمنى هنا او على الفيس
وهحاول احلهالك وعندك لحد يوم الثلاثاء ممكن تغيرى المواعيد او تشيلى ماده وتحطى ماده
قلبي لربي 08-10-2011, 03:39 PM لا عادي ولا يهم حضرتك :022yb4:
انا خدت
فزيا وارصاد جوية
نبات زراعي
رياضة
اساسيات انتاج حيواني وداجني
كميا عضوية
انجليزي
بـ 16 وحدة
اذود عليهم مادة كمان زي تفكير علمي واعداد تقارير ولا كفاية كده علشان الترم ده صغير اوي ولا ايه ؟؟
amrsaso 08-10-2011, 11:10 PM لا كفايه اوى كده وعلى فكره انا معاكى في سكشن الرياضه
لو حضرتى النهارده انا كنت قاعد ورا مع المجموعه الى الدكتور ههههه قعد يقول محدش ليه دعوه بيهم بس انا اول مره رياضه والله اتظلمت :d
sara gh 26-08-2013, 03:13 PM السلام عليكم
انا جالي زراعه القاهره في التنسيق يعني ومجموعي اعلي من تنسيقها ومش عارفه اعمل ايه
ممكن حضرتك تقولي احسن اﻻقسام واماكن الشغل والدراسه ايه نظامها
|