MOHAMAD200
24-09-2011, 01:02 PM
انا دلوقتى كنت مرحلة 3 وجالى معهد النيل فى المنصورة وعملت تحويل وتقليل اغتراب لكلية حقوق جامعة الفيوم تعليم مفتوح
المهم انا روحت انهاردة جامعة الفيوم علشان اعمل تحويل بس انا دابيت المشوار على الفاضى علشان انهاردة اجازة وانا معرفش
المهم روحت قالولى انت لازم تروح المعهد الى جالك وتعمل طلب تحويل من هناك
مع العلم انى معدى الحد الادنى للكلية بدرجات وكمان انا من الجيزة
عاوز اعرف انا لازم اروح المنصورة ؟
ولا اروح الفيوم نفسها الكلية الى انا عاوزها واعمل طلب تحويل او اقدم فيها ؟
ارجو الرد بسرعة بالله عليكم
highlight
24-09-2011, 01:16 PM
هو حضرتك عايز تحول تحويل ورقى يعنى؟
MOHAMAD200
24-09-2011, 01:21 PM
ايوة علشان التحويل الالكترونى بتاعى اترفض
highlight
24-09-2011, 01:28 PM
يبقى حضرتك تروح مكتب التنسيق اللى فى الجيزة محافظتك و تعمله من هناك مش من الكلية
222ahmed222
24-09-2011, 01:42 PM
تروح لمكتب التحويلات التابع للجامعه اللي انت عاوز تنضم ليها مش للجامعه اللي انت جالك فيها التنسيق يعني تروح الجيزه. ولا انت عاوز تروح الفيوم؟؟
ملك عاشقة الرياضيات
24-09-2011, 10:50 PM
يبقى انت تروح مكتب التحويلات التابع لجامعه الفيوم بس بصراحه نسبه قبولك ضعيفه لانك مش تابع ليها لكن لو الجيزه هقولك الحمد لله انت قبلت من قبل ما تروح اصلا
MOHAMAD200
24-09-2011, 11:26 PM
نسبة قبولى ضعيفة لية بقى ؟
انا عاديت مجموعها بدرجات
بس انا مجموعى مش جايب القاهرة
اية المفروض انا اعمله ؟
ممكن المساعدة ؟
MOHAMAD200
25-09-2011, 05:56 AM
?????????????????????????????????????????????????? ??
222ahmed222
25-09-2011, 06:35 AM
يامحمد مش لازم تكون جايب مجموعها المهم تكون جايب مجموع اي كليه مناظره ليها ف أي جامعه تاني يعني لو انت لاحقها ف الفيوم تقدر تدخلها ف القاهره عادي تروح تعمل تحويل ورقي على القاهره على طول النهارده كمان اطلع وروح خد معاك اثبات سكن وصورة شهادة الدرجات بتاعتك وصورة شهادة الميلاد وعاوزين اثبات السكن يكون وصل نور او ميه او غاز طبيعي او تليفون يكون عدى عليه 6 شهور لو قدرت تجمع الحاجات دي كلها يبقى لا تؤجل عمل اليوم الى الغد واتكل على الله وروح الجامعه بتاعة القاهره النهارده
MOHAMAD200
26-09-2011, 03:42 AM
يعنى اروح انهاردة عادى وانا مش جايب مجموع القاهرة وجايب مجموع الفيوم
اروح يعنى وانشاء الله هيقبلونى؟
highlight
26-09-2011, 08:26 AM
يا ستاذ محمد
لو حضرتك عايز تحول ورقى للفيوم
لازم تثبت اقامتك فى الفيوم و تكون جايب الحد الادنى للكلية اللى حضرتك عايزها
مش مهم المجموع خالص
المهم يكون عندك اثبات اقامة فى المحافظة اللى انت بتحول ليها
وتروح المحافظة دى وتعمل الورقى من هناك
تمام؟؟
MOHAMAD200
26-09-2011, 11:08 AM
يا ستاذ محمد
لو حضرتك عايز تحول ورقى للفيوم
لازم تثبت اقامتك فى الفيوم و تكون جايب الحد الادنى للكلية اللى حضرتك عايزها
مش مهم المجموع خالص
المهم يكون عندك اثبات اقامة فى المحافظة اللى انت بتحول ليها
وتروح المحافظة دى وتعمل الورقى من هناك
تمام؟؟
يا دكتورة ازاى المجموع مالوش لازمة(يبقى انا بقى احول للقاهرة او حلوان او عين شمس عادى ) انا مش جايب مجموع القاهرة ولا حلوان ولا عين شمس انا جايب اقاليم
بس مش عندى اثبات سكن هناك
دلوقتى اية المفروض اعمله ؟
ساعدونى بالله عليكم
highlight
26-09-2011, 03:41 PM
ايوة احنا اكتشفنا ان المجموع مش مهم وينفع تحول للقاهرة او حلوان او اى حاجة طاااااااالما انت جايب الحد الادنى للكلية
لو حضرتك جايب مجموع اقل كلية تجارة فى مصر مثلا
يبقى ينفع تحولها ورقى فى اى محافظة بشرط اثبات الاقامة
بس لو حضرتك مش عندك اثبات سكن..........هو فى حل عشان نعمله بس بياخد وقت كبير اوى ومظنش ان حضرتك ممكن تلحق خالص
وعشان تعمل التحويل الورقى.......
حضرتك ترووح مكتب التنسيق و معاك 150 او 200 جنيه بتشترى من هناك زى استمارة كده بتملاها
وتاخد معاك صورة من شهادة الاب و صون البطاقة الشخصية وصورة شهادة النجاح وصورة شهادة بطاقة الترشيح ووصل نور او ماية او غاز
بس هى دى الطلبات اللى بيطلبوها فى اغلب المحافظات