اولا وقبل كل شيء افهموا اني لا أريد اهانة اي معلم لأني ببساطة....معلم
ثانيا : حد يقدر ينكر ان الاضراب بصورته دي جعلت المعلم في مواجهة الجتمع ككل؟ ولو استمر ستزيد المواجهة
ثم حد يقدر ينكر ان الغالبية العظمى من المعلمين بدءوا بالفعل اعطاء دروس خصوصية رغم مشاركتهم في الاضراب...لا ده كمان بيطلع فصله ياخد اسماء الاولاد بتوع الدرس ولو طالب سأله :طيب ناخد جدول المدرسة يااستاذ يقوله جدول ايه يابني احنا في اضراب
حد يفهمني يا جماعة بالله عليكم - بس يفهمني بالراحة - هتعرف تقف قدام ربنا يوم القيامة تتثنى وتنفرد بكلامك عن حقوق المعلم وكرامته لو سألك : ابن الغلابة اللي في فصلك معلمتوش ليه؟....طيب اللي اخذ درس قادر يدفع ومعاه يقبضك طيب الفقير اللي ممعهوش يعمل ايه؟....هو عشان ممعهوش مايلزموش؟!!!!
انا شاركت مع مدرستي في اضراب أول يوم ثم اشتغلنا عادي بعد كده...و منا اتنين تلاتة كملوا الاضراب و هم والله مظبطين الدروس الخصوصية...تفتكروا هل ده سلوك محترم؟
انا قلت لزملائي ممكن نكمل الاضراب لاخر السنة لو عاوزين بس بشرط: نشتغل مجموعات مدرسية بعد المواعيد الرسمية مجانا...طبعا قالوا لا بلاها اضراب
طيب بالله عليكم مش كدة نبقى واقعين ف المحظور...تعالوا نشتغل مجموعات مجانية وانا معاكم في الاضراب لاخر السنة
ندرس لـ اللي ممعاهوش....مش نمشي بمبدأ اللي ممعاهوش ميلزموش...بتاع العوالم ولا مؤاخذة

جزاك الله خيرا .... المطالبة بالحقوق مشروعة ونسأل الله أن يوفقنا لنصرة ديننا ووطننا في هذا الوقت
وأن يوفق الحكومة لتلبية مطالب الشعب

ايه ده ياعم مديح؟؟؟انت ذوق جدا ومؤدب خالص...انا خايف عليك من ردود اخوانا اياهم لأنهم مايطيقوش حد يرد باحترام ولا يقول كلمة الحق...ياريت كلهم زيك

احسن كلام سمعتة من ساعة فتنة الاضراب . اكثر الله من امثالك

تصدق بالله يابو يوسف ..انا فرحان ان فيه ناس بتفهم زيك بدءوا يظهروا في المنتدى ده

أولاً: إيه العنوان ده عوالم مين اللي بتتكلم؟؟
ثانياً: المعلم المضرب عامل إضراب عشان مرتبه مش مكفيه .. عايز يبطل دروس ويكتفي بمرتبه فقط يبقي يبطل دروس إزاي الأول؟؟؟ وياكل منين يا عالم ياللي بتفهم؟؟ خلي مرتبه محترم الأول وبعدين حاسبه ... مش تحاسبه الأول وبعدين ترفع مرتبه.
أبسطهااااااااااااااااالك: الناس تتوضي الأول وبعدين تصلي، مش تصلي وبعدين تتوضي. المرتب المحترم للمعلم هو وضوءه ، وتجريم الدروس هي صلاته.

أولاً: إيه العنوان ده عوالم مين اللي بتتكلم؟؟
ثانياً: المعلم المضرب عامل إضراب عشان مرتبه مش مكفيه .. عايز يبطل دروس ويكتفي بمرتبه فقط يبقي يبطل دروس إزاي الأول؟؟؟ وياكل منين يا عالم ياللي بتفهم؟؟ خلي مرتبه محترم الأول وبعدين حاسبه ... مش تحاسبه الأول وبعدين ترفع مرتبه.
أبسطهااااااااااااااااالك: الناس تتوضي الأول وبعدين تصلي، مش تصلي وبعدين تتوضي. المرتب المحترم للمعلم هو وضوءه ، وتجريم الدروس هي صلاته.
حقك....هو انا اتكلمت في ده؟؟؟
انا مختلف في الطريقة والتوقيت...يعني لو الحكومة قالت جدول زمني لتحقيق المطالب ماشي...مش لازم كله على رأس الميت...طيب انت مش معايا انه مهما كان مينفعش الحكاية تيجي على راس العيال التلامذة؟؟
الطريقة غلط ياخوانا ...الهدف كويس والغاية نبيلة لكن لا تبرر الوسيلة

على فكره مش كل المدرسين بيعطوا دروس انا مدرسه ثانوى انجليزى ولا اعطى دروس وقريبا جالى ندب للاعدادى ورفضته والموجه حاول اقناعى بقبول الندب وبيحفزنى انى ممكن اعطى دروس للاعدادى ورفضت على فكره انا فى مدرسه فنيه ليس بها دروس ومتمسكه بها

على فكره مش كل المدرسين بيعطوا دروس انا مدرسه ثانوى انجليزى ولا اعطى دروس وقريبا جالى ندب للاعدادى ورفضته والموجه حاول اقناعى بقبول الندب وبيحفزنى انى ممكن اعطى دروس للاعدادى ورفضت على فكره انا فى مدرسه فنيه ليس بها دروس ومتمسكه بها
يا مدام جيجي...الدروس لا هي عيب ولا حرام مادام الواحد بيعمل اللي عليه في الفصل...العيب اننا نحرم الفصل من الشرح عشان نوفر تعبنا للدروس
ولا انتي مش معايا؟

حقك....هو انا اتكلمت في ده؟؟؟
انا مختلف في الطريقة والتوقيت...يعني لو الحكومة قالت جدول زمني لتحقيق المطالب ماشي...مش لازم كله على رأس الميت...طيب انت مش معايا انه مهما كان مينفعش الحكاية تيجي على راس العيال التلامذة؟؟
الطريقة غلط ياخوانا ...الهدف كويس والغاية نبيلة لكن لا تبرر الوسيلة
لأ عفواً إسمحلي ...
أولا: هذا أنسب وقت للإضراب ... لماذا ؟ أشرحلك: نحن الآن في بداية الدراسة والمعلمين مضربين والوزير ومستشاريه يكذبون ويسفهووووووون في وسائل الإعلام هؤلاء المعلمين ولم يستجيبوا إلا مرغمين. فما تخيلك لو أن هذا الإضراب تم في إجازة الصيف؟؟ من كان سيلتفت لهم؟؟؟ لاااااااااا أحد. مع العلم أن المعلمين أنذروا الوزير والرأي العام قبلها بشهر أو أكثر ولكنهم استخفوا بهم ... أليس كذلك؟؟؟ لم يكن الإضراب مفاجئاً. الكره في ملعب رئيس الوزراء والتأخير عنده ولا يتحمل المعلمون أي توابع له. إقالة الوزير الكذاب تتم بمكالمة تلفون وإمضاء بالقلم تتم في عشرة ثواني علي الأكثر ... ولكن المجلس العسكري و عصام شرف ووزيره يراهنون علي آخر ثانية ونحن لها إن شاء الله. نحن في بداية العام وتعويض الطلاب مازال سهلاً الآن. ولكن لو كان المعلمون قد أجلوا إضربهم لوقت الإمتحانات مثلاً فتخيل حجم الكارثة. تخيل كم من الإمتحانات سيعاد طبعها وتخيل إحباط الطالب المذاكر وتخيل كم سيصرف ولي الأمر لأباطرة الدروس الخصوصية في إعادة المراجعات ( علي فكره: هؤلاء الأباطرة لايحتاجوا المرتب ولا يشاركوا في الإضرابات لأن وقتهم لا يسمح ).
إذن لا الإضراب في الإجازه مؤثر والإضراب وقت الإمتحانات كارثة. وهذا هو الوقت الوحيد المناسب للإضراب وهذا توفيق من الله عز وجل.
ثانياً: التلامذة من الممكن تعويضهم لو استجاب رئيس الوزراء مبكراً أذكرك أن العام الماضي تأجلت الدراسة إسبوعين وتم تعويض التلامذة. الكره الآن في ملعب عصام شرف والذي أظن أنه لن يستمر هو أيضاً في مكانه طويلاً.

سيدى الفاضل
أولا : محدش يقدر يشغل حد غصب عنه عشان المجتمع يبقى ضدنا
ثانياً : معتقدش اننا عملنا حاجة تغض ربنا ومش عاوزين ندخل من ناحية الدين لأن ربنا مش بيحب الظلم ولا الساكت على الظلم
ثالثا: بالنسبة للتوقيت احنا وقفنا فى رمضان فى الصيام فى الحر محدش عبرنا وكأن الناس دى مش آدميين
اكتر من مرة قبل الدراسة ومحدش عبرنا
نعمل ايه اكتر من كده نسكت على حقنا وخلاص
اشمعنا دلوقتى الرأى العام وأولياء الأمور والحكومة قامت على رجل واعتبرتها ازمة واحنا سبب المشكلة
كانوا فين من أول وقفة وشافو المطالب وكانت امامهم الوقت الكافى
اخى العزيز : انت لو فكرت شوية هتلاقى زمايلك المعلمين مغلطوش ولو أنهينا الاضراب هيتقاعسوا عن وجود حل ومش هيتخذوا قرار فى أى حاجة وانت عارف الكلام بتاعهم
ثم الدراسة بقلها سنتين مش منتظمة ومحدش من الطلبة كانت بتروح
اشمعنى الداخلية بعد الثورة على طول اخذوا حقهم وكمان بيتحايلوا عليها عشان يشتغلو
بالله عليك الأمن ولا التعليم تعيش آمن الأول وبعدين تتعلم صح ولا ايه
وغيرهم كتير
احنا المعلمين كانت آخر فئة تعمل اضراب بعد لما شوفنا ان مرتباتنا اقل مرتب فى الدولة
فكر فى الكلام كويس وبلاش لغة الرأى العام اللى قبل الثورة يأثر عليك زى خطاب مبارك
وشكرا

المعلمون المضربون فى معاناة يومية وخصوصا فى الابتدائى لانهم اكثر فئة لصيقة بالمجتمع واولياء الامور
واكيد الذين يتكلمون لاما يكونوا مدرسين ثانوى والطلبة لاتذهب الى المدرسة لاما يكونوا اضراب جزئى ولم تدخل فى صراع مع المجتمع
المجتمع اصبح يلعننا ليل نهار
ويوميا ندخل فى مهاترات طويلة بسبب الاضراب مع المجتمع
ويكاد يخرجونا من الدين والملة والوطنية والانسانية بسبب اضرابنا
مينفعش نغمض عينينا عن المجتمع

بصراحة وبدون زعل هناك محترفي دروس خصوصية ولو اعطيت احدهم عشرة الاف جنية راتب ما تركوا الدروس الخصوصية

الأستاذ اللى بيقول مش كله على راس الميت يارب تموت يا أخى
ومش عايزك تزعل عشان كلنا هنموت ونقابل رب إسمه الكريم
إشمعنى اللى بيلهف مرتب مليون جنيه كل شهر محدش قله بكى وراس الميت والكلام ده
روح ياشيخ ربنا ي

يا اخواني بالله عليكم كفاية اضراب

الاضراب
والطالب
والمدرس
ومصر
والمجلس العسكري
ورئيس الوزارء
والبلد
والامن
كلها كلمات غريبة غير مرتبه
ومن الاخر
كل واحد بيدور علي مصلحتة
فبلاش حد يقول من اجل كذا عملت كذا
ولكن
نقول من اجلي عملت كذا
بالظبط
كذب الجملة الي دائما نتقال في الانتخابات
من اجلك رشحت نفسي
ولكن قل من اجل نفسي رشحت نفسي
بالضبط كدة نقول
من اجلي كمدرس عملت اضراب
وهو كلو فوائد
من يمة ممكن المرتب يذيد
ومن يمة اخري
باخذ شوية راحة علشان ادخل دروسي مرتاح
ومن يمه تالته نسبت الدورس هتذيد ما هو مافيش شغل في المدرسة
هتقول ماهو ما كنت في شغل في المدرسة قبل كدة
هول لك ياراجل في مثل بيقول
نص العما ولا العما كلة
يلا
بالشفا

والله المعلمون عندهم حق انا اعرف معلمين بيشغلو من 30سنه ومرتبهم حوالى 1100جنبه
وناس بتشتغل فى المحليات كل عملهم الامضاء فقط وبيخدواضعاف مرتب المعلم

والله دى ظلم كبير للمعلم

ياريت يستمر فى الاضراب

ان عشت أنا المعلم عاشت الدنيا كلها وان مددت يدي ماتت الدنيا كلها نريد يازيتونة الكرمة لنا حتى تعيش مصر كلها

لأ عفواً إسمحلي ...
أولا: هذا أنسب وقت للإضراب ... لماذا ؟ أشرحلك: نحن الآن في بداية الدراسة والمعلمين مضربين والوزير ومستشاريه يكذبون ويسفهووووووون في وسائل الإعلام هؤلاء المعلمين ولم يستجيبوا إلا مرغمين. فما تخيلك لو أن هذا الإضراب تم في إجازة الصيف؟؟ من كان سيلتفت لهم؟؟؟ لاااااااااا أحد. مع العلم أن المعلمين أنذروا الوزير والرأي العام قبلها بشهر أو أكثر ولكنهم استخفوا بهم ... أليس كذلك؟؟؟ لم يكن الإضراب مفاجئاً. الكره في ملعب رئيس الوزراء والتأخير عنده ولا يتحمل المعلمون أي توابع له. إقالة الوزير الكذاب تتم بمكالمة تلفون وإمضاء بالقلم تتم في عشرة ثواني علي الأكثر ... ولكن المجلس العسكري و عصام شرف ووزيره يراهنون علي آخر ثانية ونحن لها إن شاء الله. نحن في بداية العام وتعويض الطلاب مازال سهلاً الآن. ولكن لو كان المعلمون قد أجلوا إضربهم لوقت الإمتحانات مثلاً فتخيل حجم الكارثة. تخيل كم من الإمتحانات سيعاد طبعها وتخيل إحباط الطالب المذاكر وتخيل كم سيصرف ولي الأمر لأباطرة الدروس الخصوصية في إعادة المراجعات ( علي فكره: هؤلاء الأباطرة لايحتاجوا المرتب ولا يشاركوا في الإضرابات لأن وقتهم لا يسمح ).
إذن لا الإضراب في الإجازه مؤثر والإضراب وقت الإمتحانات كارثة. وهذا هو الوقت الوحيد المناسب للإضراب وهذا توفيق من الله عز وجل.
ثانياً: التلامذة من الممكن تعويضهم لو استجاب رئيس الوزراء مبكراً أذكرك أن العام الماضي تأجلت الدراسة إسبوعين وتم تعويض التلامذة. الكره الآن في ملعب عصام شرف والذي أظن أنه لن يستمر هو أيضاً في مكانه طويلاً.

أحييك على كل كلمة

وبعدين ما هي الدراسة اتاجلت السنة اليل فاتت اسبوعين واكثر في محافظات تانية

ايع المشكلة لو الطالب ماخدش في المدرسة دروس لمدة اسبوعين او اكثر

مش هيموت يعيني

الاضراب دة افضل وقت ليه

هو \فعلا كانوا عارفين من قبلها بشهر لكنهم كانوا فاكرين المعلم مسالم وجبان ولا يمكن يقدر يعمل خطوة الاضراب دي

لكن خاب ظنهم

ثانيا لو موضوع فلوس ونستنا على ما يبقا في فلوس دة مش صح لان الوزارة بالفعل فيها فلوس بدليل الموظفين اللي بيقضبوا بالاف في الوزارة والناس اللي تم التجديد ليهم ومراتبهتهم خيالية

يعني في فلوس

يبقا دي محاولات للعب على المعلم عشان يرجع يستكين كما كان

وحتى لو المعلم خرج من حالة الاضراب بلا فائدة هيكون النتائج ايه

حالة نفسية سئية ومش هيشتغل بنفس وابداع داخل الفصل وهيكون ملطشة للكل بعد كدة اولياء الامور والوزارة والطلاب كمان


اضراب اضراب حتى تتحق الحقوق مش المطالب دي حقوق المعلمين

اخوانى : معلمى مصر الشرفاء
أفيقوا يرحمكم الله
الوقفة كانت مشرفة وهزت كيان مجلس الوزراء
ورئيس الوزراء في ورطة
والمجلس العسكرى متعاطف معنا
والوقفة بحمد الله نجحت علي الرغم من كلام مرشد الاخوان الحلوانى
وهناك من يريد ان نختلف حتى يفسد علينا تجمعنا
وأيمن البيلي يحسب له انه وحد صفوفنا وجمعنا
أيمن البيلى يريد حقوقنا كاملة وليست ناقصة
أقسم بالله العظيم أقسم بالله العظيم أقسم بالله العظيم أنه ليس بينى وبين أيمن البيلى أى مصلحة ولا معرفة سابقة غير أننى أحبه في الله ولوجه الله وأحببته من وقفاته المشرفة وصموده معنا
لذلك اننى ارجوكم واتوسل اليكم ألا تفرطوا او تهاجموا احدا بدون علم وادعوكم الى العودة من جديد وارجوكم ان تقولوا أعوذ بالله من الشيطان الرجيم تبنا الى الله ورجعنا الى الله ... يارب وحد صفوفنا ولا تفرقنا ..آمين يارب

الأستاذ اللى بيقول مش كله على راس الميت يارب تموت يا أخى
ومش عايزك تزعل عشان كلنا هنموت ونقابل رب إسمه الكريم
إشمعنى اللى بيلهف مرتب مليون جنيه كل شهر محدش قله بكى وراس الميت والكلام ده
روح ياشيخ ربنا ي

نفسي تقرأ تعليقك مرة تانية ..بالله عليك اخبرني من أي ماسورة مجاري تخرج كلماتك؟؟؟
بالله عليك قوللي : مش المفروض عليك ترد علي بالمنطق زي ما بكلمك؟؟؟
بتدعي علي بالموت؟طيب مين قاعد فيها؟؟؟انت مثلا ناوي تخلد؟؟؟ولو انه ما يقعد على المذاود الا شر البقر لكن الكل رايح
ثم ان اللي بيحصل ع الملايين ده لو كان بيجيبهم من حرام لازم نبص له فيهم؟؟؟ولو من حلال يبقى حقه ياسيدي
ثم قدام ده الاف بيكملوا عشاهم نوم...ع فكرة : مش لازم نقدم للمجتمع شهادة فقر عشان ناخد حقوقنا...المعلم له حق يزيد عن وضعه الحالي حتى لو ماكانش اقل فئة
عارف ليه احنا مش واخدين مكانة اجتماعية مقبولة ( بغض النظر عن الفلوس) ؟ لأن اصحاب العقل الراجح والاسلوب الراقي فينا قليلين جدا أما اللي بيسوأ منظرنا قدام الناس - أعذرني - زي حالاتك كدة....لامؤاخذة عربجية في كلامهم

اولا وقبل كل شيء افهموا اني لا أريد اهانة اي معلم لأني ببساطة....معلم
ثانيا : حد يقدر ينكر ان الاضراب بصورته دي جعلت المعلم في مواجهة الجتمع ككل؟ ولو استمر ستزيد المواجهة
ثم حد يقدر ينكر ان الغالبية العظمى من المعلمين بدءوا بالفعل اعطاء دروس خصوصية رغم مشاركتهم في الاضراب...لا ده كمان بيطلع فصله ياخد اسماء الاولاد بتوع الدرس ولو طالب سأله :طيب ناخد جدول المدرسة يااستاذ يقوله جدول ايه يابني احنا في اضراب
حد يفهمني يا جماعة بالله عليكم - بس يفهمني بالراحة - هتعرف تقف قدام ربنا يوم القيامة تتثنى وتنفرد بكلامك عن حقوق المعلم وكرامته لو سألك : ابن الغلابة اللي في فصلك معلمتوش ليه؟....طيب اللي اخذ درس قادر يدفع ومعاه يقبضك طيب الفقير اللي ممعهوش يعمل ايه؟....هو عشان ممعهوش مايلزموش؟!!!!
انا شاركت مع مدرستي في اضراب أول يوم ثم اشتغلنا عادي بعد كده...و منا اتنين تلاتة كملوا الاضراب و هم والله مظبطين الدروس الخصوصية...تفتكروا هل ده سلوك محترم؟
انا قلت لزملائي ممكن نكمل الاضراب لاخر السنة لو عاوزين بس بشرط: نشتغل مجموعات مدرسية بعد المواعيد الرسمية مجانا...طبعا قالوا لا بلاها اضراب
طيب بالله عليكم مش كدة نبقى واقعين ف المحظور...تعالوا نشتغل مجموعات مجانية وانا معاكم في الاضراب لاخر السنة
ندرس لـ اللي ممعاهوش....مش نمشي بمبدأ اللي ممعاهوش ميلزموش...بتاع العوالم ولا مؤاخذة
ياأخى المعلم فى مواجهة المجتمع قبل الإضراب بسبب الأموال التى يدفعونها فى الدروس الخصوصية وأنا أرى أن الإضراب لفت نظر المجتمع إلى قضية التعليم وأحد المطالب التى رفعناها هو تجريم الدروس مع اجر عادل وإنسانى للمعلم وأؤكد لك أن الإضراب نجح فى اداء الغرض منه .

كل الذى تريده الحكومه يتحقق فك الاضرابات ووعود الزائفة والالتفاف على الموقف