اليوم السبت 24/9 كان إصرار كبير من المعلمين الشرفاء على عرض مطالبهم والتأكيد على أن ينظر فيها بنفسه رئيس الوزراء وانتظروه أمام البوابة أملا في طلعته البهية على من علموه وعلموا أولاده وأحفاده ، وإذا به (ودن من طين وأخرى من عجين)، بل وفوجئوا بهروبه من الباب الخلفي كما فعل وزيره من قبل حتى لايوجع دماغه ولذلك يجب الإصرار على مطالبنا والسعي الجاد لتحقيقه فهؤلاء المسئولين أتينا بهم لخدمة جميع طوائف الشعب ، ومن يقصر فليرحل غير مأسوف عليه
توقيع معلم معاق ليس له أية امتيازات في هذه الوزارة اللا إنسانية تجاه موظفيها .....

بل وفوجئوا بهروبه من الباب الخلفي كما فعل وزيره من قبل حتى لايوجع دماغه معقول طيب وهيهرب لحد امتى ؟

أيوه هو ده اللى حصل فعلاً انا كنت هناك
وكنت واقف قدام الباب الرئيسى لمجلس الوزرا وبنتكلم مع اللى واقفين حرس على الباب
ومستنيين سعادته ينزل يعبرنا
وكان الهتاف اللى بيتقال
( أنزل يا عصام أستاذك واقف تحت )
وفجأة عرفنا انه خرج من الباب التانى
وعرفنا من زملائنا اللى كانوا واقفين قدام الباب التانى لمجلس الوزرا
ان العربية بتاعته خبطت واحد مدرس وحصله حاجة فى دراعه

كده يبقى مش عوزين يعملوا حاجه دول عوزين المعلمين يولوعوها ونصبح كبش فداء لسرقتهم ونهبهم

على فكره المدرس كسر زراعه وانتقل بالاسعاف