ازهريه وافتخر
25-09-2011, 02:17 AM
السلام عليكم ورحمة الله وبركاته
يا جماعه انا رحت اسأل فى كليه الاداب
انى احول لما سمعت ان ينفع تحويل طالب الازهر
الى الاداب ودار العلوم فقط
المهم رحت اسالهم وقالولى ان استنى لما التنسيق ينزل
يعنى مفهمتش ينفع احول ولا لا
والنهارده لقيت نازل تنسيق اللى حولوا من ازهر الى كليات العام
وكده انا اتلخبط وحسيت ان الدنيا اسودت تانى فى وشى
فلو حد منكم يقدر يفدنى فى الموضوع ده يقولى لو سمحتم
وجزاكم الله خيرااااااااااااااااااااااااااااااا
راجيه رحمة الغفور
25-09-2011, 04:37 PM
يا رب حد يفيدك يا ازهريه
انا معتش عارفه حاجه وكنت عايزه اعدل رغباتى لكن مش عارفه؟؟؟؟؟؟؟؟؟؟؟؟؟؟؟؟؟؟؟
رحمتك ياااااااااااااااااااااااارب
جهاد النفس
25-09-2011, 10:29 PM
والسلام عليكم ورحمة الله وبركاته
أهلاً بكِ أختى أزهرية
أنا عانيت نفس المشكلة بالتحديد
لكن أنا روحت وسألت لأنى علمى مليش غير دار علوم المنيا والفيوم
وآداب سوهاج ومش فاكرة المنيا متهيئ لى
المهم إنك ممكن تدخلى تشوفى الكليات المتاحة ليكى على الموقع لو أنتى أدبى
كأنك هتسجلى رغباتك عادى ومش شرط تسجلى الرغبات بس تتطلى على الكليات وتقفلى الصفحة
ربنا يوفقك لكل خير ^
ازهريه وافتخر
26-09-2011, 12:50 PM
طيب انا علمى اعمل ايه بالظبط بقى
جهاد النفس
26-09-2011, 03:19 PM
طيب انا علمى اعمل ايه بالظبط بقى
بصى يا أزهرية أنتى هتدخلى على موقع التنسيق وأضغظى :
خدمات تنسيق طلاب الثانوية الأزهرية المتقدمين للكليات والمعاهد التابعة لوزارة التعليم العالى
التسجيل مفتوح للدور الأول والثاني (http://tansik.egypt.gov.eg/application/) <<هنا
بعد كده هتعملى نفس اللى عملتيه لما سجلتى رغباتك فى تنسيق الثانوية الأزهرية "بالرقم السرى ورقم الجلوس وببرنامج إنترنت إكسبلور " هتظهر لك الكليات المتاحة ويا ريت تلحقى قبل ما يغلق .
وأى أستفسار أنا هتابع معاكى بإذن الله
ازهريه وافتخر
26-09-2011, 08:49 PM
يعنى اسجل فيه ازاى وانا محولتش معلش مش فاهمه
هتعبك معايا!!!!
mohamed_99
27-09-2011, 06:55 PM
الرد على الاسئله السابقه اولا بالنسبه للتحويل من الازهر الى العام يتم التحويل الى معاهد وهيا معلن عنها على موقع الحكومه الاليكترونيه يعنى طالب الازهر يقدر يدخل اى واحده من المعاهد دى وكمان ممكن يقدم تبع الازهر برده بس لازم يدخل واحده بس يا اما فى التعليم العام او الازهر
بالنسبه للتحويل ان شاء الله سيتم الترشيح اليوم الثلاثاء وان شاء الله سيتم التحويل ان شاء الله من يوم الاحد القادم على نفس الموقع فتابعو الخبر على موقع جامعه الازهر وان شاء الله خير بس احب اعرفكم ان النسبه عاليه خالص السنه دى جدا
سلمى ازهرية
28-09-2011, 01:47 PM
يا جماعة انا ادبى تمام اللى عملتة علشان احول
رحت مكتب التنسيق واشتريت المظروف ومليتة
وبعدين نسقت على النت
وبعدين طبعت الرغبات وحطيتهم فى المظروف مع شهادة النجاح الاصلية وشهادة الميلاد الاصليةوطلب الالتحاق و6 صورشخصية
وقدمتهم لمكتب التنسيق وبعدين كنت عايزة اعدل الرغبات اتصلت بيهم فى القاهرة وقالولى عدلى على النت واحنا هناخد باخر حاجة عملتيها على النت بس كنت عايزة اعرف النتيجة هتظهر امتى علشان خلاص الدراسة هتبدا يوم السبت وبعد ماالنتيجة تظهر انا هعمل اية
يعنى هروح الكلية اللى اترشحت فيها واقدم ولا لازم اجيب المظروف من القاهرة واروح اقدمة ولا هعمل اية ياريت لو حد يعرف يقولى