دلوقتي أخر كلام وصلنا من الموجهين ان يوم 1/10/2011

هتنزل مسابقة ولكم الاولوية وهيتم التجديد بالحصة

طبعا ده بيخالف قرار مجلس الوزراء اللي ألغي نظام الحصة

وأقر بتعديل الشكل التعاقدي للمعلمين المتعاقدين بالحصة ليصبح " عقداً مميزاَ"


لكن الآن يماطلون . ويؤجلون أملا في اسكاتنا .. وضياع حقوقنا


احنا جينا بمسابقة رسمية وليست واسطة او كوسة او تأشيرة .. يعني لينا الحق غصب عن اي حد


دلوقتي هنننتظر يبقي هنتأجل أسبوع فأسبوع وشهر فشهر ومش هناخد حاجة وهنفضل في الشارع


المطلوب ايه يعني :


يوم الثلاثاء 4/10/2011
ويوم الأربعاء 5/10/2011

اذا لم يتم التعاقد رسميا


هنقف وقفة في اليومين دول وهنفضل معتصمين لحين تحقيق مطالبنا

لأن الواضح كده ان بلدنا مش ماشية غير بلوي الدراع


وعماااااااااااار يامصر ....... عمااااااااااااااار

للتواصل 0103934511
أخوكم ... محمد عادل
ادارة منية النصر التعليمية

عودة 7500 معلم للعمل بنظام المكافأة الشاملة بالغربية

وافق اليوم "الأحد" المستشار محمد عبد القادر محافظ الغربية على عودة 7500 معلم للعمل بنظام المكافأة الشاملة، وذلك اعتبارًا من أول نوفمبر المقبل.

يذكر أن هؤلاء المعملين كان قد تم فصلهم والاستغناء عنهم ثم تقدموا بطلبات للعودة مرة أخرى لعملهم فأصدر المحافظ قراره السابق.

وأوضح المحافظ أن العقد سيكون لمدة عام ويجدد تلقائيا لحين تدبير وزارة المالية الاعتمادات اللازمة للعقود المميزة مستقبلا، على أن يتم صرف المكافأة فى حدود الموارد المالية المتاحة ويتم تدبير أي عجز في الاعتمادات المدرجة لهذا الغرض بموازنة العام المالي 2011/2012 وفي ضوء ما تسفر عنه حالة الصرف الفعلي لتلك الاعتمادات قرب نهاية العام المالي.

كما وافق المحافظ على تعديل عقود 5740 من العاملين بالمكافأة الشاملة لعقود مميزة اعتبارا من أول أكتوبر المقبل، بحيث يتقاضى المتعاقد كل ما يتقاضاه الموظف المعين على درجة دائمة.


والله راجل محترم وبيقدر فعلا احتباجات الناس مش الدقهلية




جتنا نيلة في حظنا الهباب

نتمني التواصل واللي هيشارك معانا في الوقفة دي يدخل يكتب ادارته .. ومش ضروري الاسم المهم الادارة

هيتم التجديد بالحصة

ادارة دكرنس التعليمية

استاذ محمد اخبارك ايه انشاء الله انا موجود معاك يوم الثلاثاء والأربعاء

تم التجديد بالحصة فعلا من 1-10 حتي 1-5


ادارة منية النصر التعليمية .. الدقهلية

فى دكرنس بيقولو تعالو يوم الخميس هنجدد بالحصة تانى وممكن جاي تعاقد بعد شهرين

سبحان اللة القرار 75 الى بينص على تثبيت المتعاقدين الى كملوا تلات سنين كان بيتكلم بردو عن الى مكملوش التلات سنين ...بس دلوقتى دخلت موقع الوزارة لقيت القرار مش موجود فية ولا كلمة عن الى كملوا التلات سنين دا معناة اية حتى القرار بيتغلى من بنودة حجات

ايه اخر الاخبار بعد ما جه الوزير الجديد د جمال العربى ووزير المالية د ممتاز العيد

يا جماعة الوزير الجديد راجل محترم ربنا يوفقه ....... لاتطلبوا العقد الشامل او المميز وانما التثبيت التثبيت وياريت حد من المنصورة يروح مديرية التربية والتعليم بالدقهليه او المحافظة ويسال ويقولنا ايه الاخبار وخاصة بعد ما مسك الوزير الجديد وربنا ييسر لنا امورنا

خلاص محدش يطلب عقود مميزه و لا غيره لاغني عن التثبيييييييييييييييييت كل المنقطعين اجباريا و رجعوا زنبهم ايه يدخلوا في دوامة العقود المؤقته و بعد كام سنه مميزه و بعد كاااااااااااام سنه تثبيت
اكتفينا لا
غني
عن
التثبيييييييييييييييييت علشان نعيش بكرامه اللي يعمل عمليه جراحيه مننا و لا اللي عاوز ياخد اجازه عشان ظروف بيته و اولاده ملوش حل غير انه يتفصل
منتهي الاهانه و الاستهتار بالناس

الخبر المكتوب كان فى شهر 10 2011 عاوزين حد يقولنا ايه اخر اخبار مدرسى الحصة فى الدقهلية الى اشتغلو فى يناير ومارس 2011 وتم التجديد لهم بالحصة عاوز اعرف ايه اخر الاخبار فى شهر 12 2011 خصوصا انى انا بسمع كلام كتيير قو ى من شهر 5 الى فات ......................................... من فضلكم حد يرد علىّ وذالك بخصوص مدرسى الحصة فى الدقهلية.......................................... .............وجزاكم الله خيرا

السلام عليكم ياجماعة انا من اخصائيين بالحصة بالدقهلية عايزة اعرف دلوقتى احنا مصيرنا اية فلوس ومش بناخد بعد ماكنا بنروح تلت تيام بقينا بنروح كل الايام وبرضوة مش عارفين هوة احنا بالحصة ولا بالنظام الشامل ولا اية ومحدش معترف بينا واخدو الورق بتاعنا واهوة مرمى حتى مش فى الادارة لا دة لسة فى التوجية ياريت الى يعرف حاجة او معلومة عن اخر حاجة وصللوها يقولى (ملحوظة) انا من الى اشتغلوا السنة الى فاتت شهر مارس وابريل ومايو ادارة بلقاس

حد سمع اخبار جديدة فىالدقهلية عن مدرسى الحصة بعد ما الدكتور كمال الجنزورى حدد الحد الادنى والاقصى للاجور طبعا ده هيفور فلوس كتيير................... ويارب يعملوا تثبيت على طول نسألكم الدعاء لمصر

لازم نتحرك ونطالب بحقوقنا

بصراحه الى احناااااااا فيه ده يجب ان يكون له نهايه فوريه
وبالفعل يجب ان نتحرك بسرعه

الى معلمو الحصة بالدقهلية يجب ان تحرك لنطالب بحقوقنا
نطالب بالمساوه إحدى مبادى ثورة 25 يناير وهى العدالة الاجتماعيه
فجميع من يعملون بالحصه مظلمون
و لابد للظالم من لا ....لا....لا !!!! لابد للظالم من لا ....لا....لا !!!!

كفى معلمو الحصه أبناء مصر صمتا فها قد رأيتم نهاية الصمت بأعينكم

لقد طغى الظالم وتجبر ....

وبدا عليه علامات الفرعنة التى اشتهرنا بها سابقا ....

وعندما سؤل الفرعون يافرعون مين فرعنك قال ملقيتش حد يردنى !!!!!

لقد طاف الكيل بنا .........
لقد طاف الكيل بنا .........
لقد طاف الكيل بنا .........
يجب ان نتحد لنحدد مصيرنا
ففى الاتحاد قوه
ـــــــــــــــ
محمود عيد
إدارة شربين التعليميه
محافظه الدقهلية
01066905051

ي اجماعة عايزين نعمل صفحة علي الفيس بوك عشان نلتقي مع بعضنا البعض
ياة سلمية لان موضوعنا شائك جدا وبالمناسبة نحن نتقاضي 105 جنيه ومش عارف هيعملوا فينا ايه
لازم وقفة احتجاجية ده حتي الوزير رمانا للمحافظ وقال هو اللي شغلكم يبقي هو اللي يعينكم
لكن لو وقفنا مع بعضينا وقفة رجل واحد هنرجع مجبورين بإذن الله الرجاء الرد السريع بعمل صفحة علي الفيس وتبليغ جميع الناس كلهم انا من محافظة الفيوم