السلام عليكم ورحمه الله وبركاته

أشكر كل الاعضاء على هذا المنتدى الرائع ... وأتمنى لكم كل الخير .

وباختصار : أحب أن أتكلم عن مشكلة قد يكون تأثيرها أكثر ضررا لى كطالب فى الثانوية

العامة ..... و هى مشكلة مختلفة عن إضراب المعلمين .... وهى زيادة تكاليف الدروس

الخصوصية ...... مع العلم أننى أواظب على حضورى للمدرسة : ولكن إما أن يكون الفصل

بدون طلاب أو غياب بعض المدرسين (و لا أعرف السبب) .

فما هو رأيكم يا أعضاء هذا المنتدى القيم ... وما الحل ؟ .....

هل درجات أعمال السنة .... قد تجعل نشاط المدارس يرجع مره أخرى ؟

مدرستى هى : أحمد لطفى السيد العسكرية بنين بالهرم .

بص انا شايف انك ماتركزش مع المدرسين خالص
سواء فى المدرسة او الدروس
وتعتمد على نفسك وعلى الكتب وعلى القنوات التعليمية وعلى النت
اربع حاجات يغنوك تماما عن اى مدرس:blush:

يابني المدرسين يستهلو الحرق للاسف انا مدرس

ما هو الحل يا أستاذ أحمد ؟

إذا كانت الاجابة صعبة .... فأرجو أن تقول لى : ما هو السبب الرئيسى لهذه المشكلة ؟

تعتمد على نفسك وعلى الكتب وعلى القنوات التعليمية وعلى النت
اربع حاجات يغنوك تماما عن اى مدرس


أعتقد أن المدرس / المعلم هو الاساس (وجهة نظر... أستاذ المدرسة) .

و القنوات التعليمية شرحها ليست جيدة .... أنا بحس إنهم بيحفظونى منهج ....

المنطق ان المدرسين مع احترامى ليهم جميعا واكيد فى ناس محترمة اوى
بس فعلا بيستغلونا كطلبة ثانوية عامة بمعنى الكلمة ..عارفين ان ده مستقبل والربع والنص اللى بيفرقوا على كلية
فبيلعبوا ع الحتة دى كويس اوى
ويعنى بمعنى الكلمة بيقشطوا الاهالى اول كل شهر_وعذرا فى اللفظ _

الحل بسيط اوى
بدل ما احنا بناخد دروس فكل المواد _والله العظيم حاجة ملهاش اى 30 لازمة _
والله العظيم بتوقف المخ وبتخلى الواحد مش قادر يعتمد ع نفسه وكمان كفاية الكلفة اللى على بابا وماما
ناخد فالمواد اللى محتاجه مجهود بس
ونركز فالمدرسة حلو اوى
الورق اللى بيبقى ع المنتديات التعليمية
المدرسين بتوع قناة الرحمة
وبالنسبة للقنوات التعليمية _فى مدرسين رائعين بمعنى الكلمة
وقبل ده كله مجهودك الشخصى..متستناش حد يبلعك المعلومات بمعلقه
وفى النهاية كله توفيق ربنا ونصيب


وع فكرة دى حاجة انا عملتها شخصيا ...مش كلام نظرى يعنى
تقبل مرورى :078111rg3:

الحل بسيط اوى

ناخد فالمواد اللى محتاجه مجهود بس
ونركز فالمدرسة حلو اوى
الورق اللى بيبقى ع المنتديات التعليمية
المدرسين بتوع قناة الرحمة
وبالنسبة للقنوات التعليمية _فى مدرسين رائعين بمعنى الكلمة
وقبل ده كله مجهودك الشخصى..متستناش حد يبلعك المعلومات بمعلقه
وفى النهاية كله توفيق ربنا ونصيب

وع فكرة دى حاجة انا عملتها شخصيا ...مش كلام نظرى يعنى
تقبل مرورى :078111rg3:


ممكن أعرف أسماء بعض المدرسين اللى فى القنوات التعليمية ؟؟ للافادة .

شكرا جزيلا .... وبارك الله فيك .

أرجو من الاعضاء... إضافة أى معلومة تفيد فى هذا الموضوع .

التعليم المصرى فااااااااااااشل

التعليم المصرى فااااااااااااشل

طب إيه الحل ؟؟؟

إحنا منقولش المشكلة ... و نفضل مسنيين حل ليها .

رأي ورأيك لازم يتسمع ... مدام مفيش حاجه غلط فيه ... و من وجهه نظرى :

الحل إننا نعمل اللى علينا و نتوكل على الله .... و سيبك من حكاية الوزير مش عارف إيه ... و الامتحانات اللى من خارج

المنهج ....الخ

طب إيه الحل ؟؟؟

إحنا منقولش المشكلة ... و نفضل مسنيين حل ليها .

رأي ورأيك لازم يتسمع ... مدام مفيش حاجه غلط فيه ... و من وجهه نظرى :

الحل إننا نعمل اللى علينا و نتوكل على الله .... و سيبك من حكاية الوزير مش عارف إيه ... و الامتحانات اللى من خارج

المنهج ....الخ
الحل ان التعليم يمسكه رجل كفء وامين :كفء علشان يقدر يضع افضل طريقة للتعليم او يقتبسها من الدول المتقدمة فى هذا المجال وامين فى انه يطلع افضل ما عنده لمكافحة جشع المدرسين او قلة كفاءتهم واللى بايدنا كطلاب اننا نطالب بكدة وان لم يكن ده الوقت المناسب للتظاهر وغيره فاحنا ممكن نطالب باى صورة اخرى

الحل ان التعليم يمسكه رجل كفء وامين :كفء علشان يقدر يضع افضل طريقة للتعليم او يقتبسها من الدول المتقدمة فى هذا المجال وامين فى انه يطلع افضل ما عنده لمكافحة جشع المدرسين او قلة كفاءتهم واللى بايدنا كطلاب اننا نطالب بكدة وان لم يكن ده الوقت المناسب للتظاهر وغيره فاحنا ممكن نطالب باى صورة اخرى

أنا معاك :022yb4:.... ممكن أعرف رأيكوا فى الوزير الحالى ... من سلبيات و إيجابيات ؟؟

http://www.youtube.com/watch?v=_ZvXw5_9EGI&feature=related

هل إذا أصبح نظام التعليم فى مصر مثل اليابان ▲ ... هيكون ده حل من الحلول ؟... أم هو الحل النهائى والوحيد ؟

فما هى الامور التى يجب أن يفعلها الطالب ( فى خطوات ) ؟؟

~ ~ ~ ~ ~~ ~ ~ ~ ~ المدرس ( فى خطوات ) ؟؟

الخلاصة : مهام كل شخص فى المنظومة التعليمية ..... و أرجو أن يكون موضوعى أثمر بفائده . :excl:

أنا أعانى من الدروس الخصوصية ▼ :friendsxs3:

و السبب الرئيسى فى كده ... مش واضح ... يعنى لما يكون فــ 3 ثانوى حضور الطلبة قليل جداً فى المدرسة

بسبب إعتمادهم على الدروس >> فهل نقدر نقول ده السبب الرئيسى ؟؟

و لما ترتفع تكاليف الدروس الخصوصية >> فهل نقدر نقول إنه برضه سبب رئيسى ؟؟

و يا ترى : إيه السبب الرئيسى فى إرتفاع درجات التنسيق ؟؟ ( من وجهة نظركم )

جـــ : مدرستى ( من وجهه نظرها ) : إن كثرة الدروس الخصوصية , لها دور فى حصول الطلاب على نسب عالية .

لذلك يرتفع التنسيق ... و الحل ( من وجهه نظرها ) قالت : أيامى مكنش فيها دروس خصوصية , و كان الطالب بيلتزم

بحضوره , و لأن نسب / الدرجات كانت متوسطة >>> كان التنسيق متوسط .. :rolleyes:

فما هى وجهه نظركم ؟؟

يا جماعة : الموضوع محتاج حل و سريع ... عشان الفساد ما يعرفش يلاقى ثغرة يدخل منها ...

السلام عليكم ارى ان الدروس افه ضيعت التعليم وخربت المدارس وافسدت الطالب والمدرس وانهكت الاسر ماديا وضيعت القيم لان الطالب استغنى بها عن المدرسه وللاسف يعتقد الجميع ان المدرسه معلومه وبس ... ليعلم الجميع ان المدرسه نظام متكامل يعلم ويربى وفيها يكتسب الطالب الالتزام والقيم والمبادىء ويتعلم النظام والصبر والجهاد وليست معلومه فقط لان التعليم تغير سلوك واكتساب خبره وليس حفظ معلومه من اجل الامتحان فقط ومنذ ان ترك الطالب المدرسة واعتمد على الدروس واصبح هدفه الامتحان نلاحظ تدهور التعليم والقيم وعمت المصلحه والفساد واصبح الخريج بلا خبره وانما يعتمد على الحفظ كما تعود والدليل على ذلك ان المدرس والطبيب وغيرهم زمان افضل من الان علما وخلقا رغم قلة الدخل .. والحل هو عودة الطالب للمدرسه وعودة هيبة المدرسة والمعلم بتغيير المناهج واسلوب الامتحان القائم على الحفظ ..ويحدث ذلك بوضع درجه على الغياب والسلوك والالتزام ولو 15 فالمائه و10 على ابحاس او اسئله غير تقليديه تقيس الفهم والخبره تجبر الطالب ان يبحث على المعلومه من المكتبه او النت وده يواكب التطور الحديث للتعليم ويجبر الطالب على الالتزام واحترام المدرسة والمعلم ويوسع مداركه

[color=black]السلام عليكم .. والحل هو عودة الطالب للمدرسه وعودة هيبة المدرسة والمعلم بتغيير المناهج واسلوب الامتحان القائم على الحفظ ..ويحدث ذلك بوضع درجه على الغياب والسلوك والالتزام ولو 15 فالمائه و10 على ابحاس او اسئله غير تقليديه تقيس الفهم والخبره تجبر الطالب ان يبحث على المعلومه من المكتبه او النت وده يواكب التطور الحديث للتعليم ويجبر الطالب على الالتزام واحترام المدرسة والمعلم ويوسع مداركه


و عليكم السلام و رحمه الله و بركاته

أشكرك على هذه المشاركة المفيدة :022yb4: .... و لكن معظمها مطالبات ..

أريد أن يكون الحل عباره عن خطوات نفعلها لكى يفعل ما قلته ... تخيل أنك أمام الوزير الحالى للتربية و التعليم .

ما هو إقتراحك ؟؟؟

السلام عليكم اولا اسف على الغلطة الغير مقصوده لكلمه ابحاث ..ثانيا ياأخى اظن ما قلته فى الغالب مقترحات وليس مطالب واليك اقتاح يعالج مشكلة الدروس التى علمت الطالب السلبيه والاتكاليه واصبح يريد المعلومه جاهزة ولا يتعب فيها والحقيقة انه ان لم يبذل الطالب مجهود بنفسه لتخزين المعلومه فلا فائده وهذا ما صعب التعليم هو السلبيه ...لنفرض مثلا ان الوزير قرر من الآن الغاء منهج الثانويه العامه بدايه من العام القادم ثم بدأ بارسال المنهج الجديد وبه جزء عملى وبحثى على مراحل مثلا الباب الاول قبل الدراسة بشهر ثم الباب الثانى وهكذا ارى ان ذلك سوف يخفف جدا من ظاهرة الدروس الخصوصية لان المدرس لن يعرف المقرر الا فى حينه وهذا يلزمه بالخطه الزمنيه لمنهج الوزارة ...... ارجو ان تكون هذه محاولة منى للمشاركة فى اصلاح حال التعليم المحزن ولابدايضا من محاربة ظاهرة الغش خاصة فى التعليم الابتدائى وتخفيف المناهج عندهم لانها اعلى من قدرات الاولاد والاهم الاهتمام بالتربية الدينية واضافة درجتها للامتحان كى يهتم به الطالب ....وشكرا على الاهتمام بما أكتب ومعذرة انى اطلت على فكره انا مدرس أول ثانوى علم نفس ولا أعطى دروس لكرهى لاثارها السيئة

ارجوا من الله بعد الثورة المباركة
ان تتغير منظومة الثانوية العامة
انا عرضت ذالك على طلاب الثانوى على كيفية التغيير وجدت كل طالب له حل للمشكلة والعلاج عندنا كفاءات فى التعليم يجلسوا ويوضعوا استراتيجة اخرى للتعليم لاننا لا نهض بمصر الامن خلال التعليم

http://www.masrawy.com/Ketabat/Images//2010/5/23-5-2010-12-15-28738.gif



الحكاية كلها طزل ما احنا فى بلد واحدة لازم نكون منظومة ومتكاملة طب لو قولت مش هاخد دروس طب ما غيرى هياخد ويجب درجات وانا مجبش كم مدرس فى مصر يشرحون فى المدرسة كالدرس؟؟؟؟؟؟؟؟؟ الحكاية منظومة من كى جى ون لحد مرحلة العمل والانتاج لازم تتغير تغييرا كليا من وزير التربية والتعليم لحد الطالب وبعد الثورة البلد ان شاء الله هتتغير واهمها منظومة التعليم لازم القرارات تكون حاسمة بدل مالقرار صح والمصلحة للجميع مفيش اعتراض على القرارات ولا اعتصامات ولا غيره ده كفاية طالب 2 ثانوىيعنى 16 _17 سنة عندنا عقله مش قادر على رياضة (1) وغيره بره بياخد رياضة (9) مع ان اثبتت كتير من الدراسات ان الطالب المصرى له عقلية مميزة عارفين ليه لسبب بسيط عشان انا طالب وفى 2 ثانوى الاستاذة الافاضل مش بيعرفوا الطلبة احنا ليه اصلا بناخد مادة اسمها رياضة كل اللى يعرفوا انها مادة عشان 50 درجة مش هتنقصنى ولا هتزودنى حاجة غير فى المجموع

السلام عليكم ورحمة الله وبركاته الحل يتلخص في:
1-المادة العلمية والادبية وغيرها في الكتب يجب تنقيتها واعادة صياغتها بطريقة سهلة .
2-صرف لكل طالب اسطوانة شرح dvdليرجع عليها الطالب داخل المدرسة وخارجهالكل المواد.
3-عمل امتحانات قدرات قبل دخول المواد العلمية او الادبية حتي ينتقي الطالب الفاهم من الحافظ من الذي له هوايات مختلفة
4-تشديد الرقابة علي الدورس الخصوصية وعمل لجان متعددة الاطراف لتبلغ عن كل مدرس يجبر الطالب علي الدورس اما بعدم الشرح او عمل مجموعات خارجية.
5- منع كل مايسمي تحت اسم المجموعات المدرسية لانها في النهاية هي الجريمة الكبري في حق التعليم
6- عمل اختبارات شهري مفاجئة للطلاب داخل كل المدارس مم يجبر الطالب علي الذكرة ويكون ذلك عب كبار الموجهيين
مد فترة لدراسة من السابعة سباحا حتي الخامسة مساءأ وذلك مايشبه عملية المدرسة الداخلي
الاهنمام بعمل دولاب لكل طالب في الدرسة يضبع بها كراساته وكتبة وعندما يخرج من المدرسة يخرج من دونها حتي يمارس حياته الطبيعة خارج المدرسة .
كثرة عمل الاحتفالات المدرسية الشهرية وتبادل الزيارات بين جميع طلاب المدرسة وطلاب مدرسة اخري ولاشك ان هناك افكار متعددة اخري لايتحملها المعلم ولايقدر عليها لضعف مستواها العلمي دول مش نصحيين الا في القبض اخر الشهر
اما الامتحانت النهائية لايدخلها مدرس من اي مادة وليكن احد العمال المجهوليين حتي لايعرفه احد فيسهل التعرف عليه وعلي مادتة العلمية والاستعانة بالوزارات الخري والنقابات المخلفة فب الرقابة علي العلمية التعليمية والامتحانات النهائية والكثير غير ذلك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لنفرض مثلا ان الوزير قرر من الآن الغاء منهج الثانويه العامه بدايه من العام القادم ثم بدأ بارسال المنهج الجديد وبه جزء عملى وبحثى على مراحل مثلا الباب الاول قبل الدراسة بشهر ثم الباب الثانى وهكذا ارى ان ذلك سوف يخفف جدا من ظاهرة الدروس الخصوصية لان المدرس لن يعرف المقرر الا فى حينه وهذا يلزمه بالخطه الزمنيه لمنهج الوزارة ...... ارجو ان تكون هذه محاولة منى للمشاركة فى اصلاح حال التعليم المحزن ولابدايضا من محاربة ظاهرة الغش خاصة فى التعليم الابتدائى وتخفيف المناهج عندهم لانها اعلى من قدرات الاولاد والاهم الاهتمام بالتربية الدينية واضافة درجتها للامتحان كى يهتم به الطالب


الحكاية منظومة من كى جى ون لحد مرحلة العمل والانتاج لازم تتغير تغييرا كليا من وزير التربية والتعليم لحد الطالب وبعد الثورة البلد ان شاء الله هتتغير واهمها منظومة التعليم لازم القرارات تكون حاسمة بدل مالقرار صح والمصلحة للجميع مفيش اعتراض على القرارات ولا اعتصامات ولا غيره ده كفاية طالب 2 ثانوىيعنى 16 _17 سنة عندنا عقله مش قادر على رياضة (1) وغيره بره بياخد رياضة (9)

أشكر الاستاذ العضو " MAMDKA " و " zamalek1 " " tocartyota " >> هو ده الكلام و لا بلاش ..

أتمنى أن تضعوا المزيد من التفاصيل أكثر ... طريقة كتابتكم مثيرة للاهتمام .

هناك بعض الاسئلة لان الموضوع مازال مفتوح .. حتى يتم إتخاذ قرار فيه .. Wait

● إذا لم يتم العمل على تحقيق هذه المطالب و الاقتراحات ... ما هو افضل رد فعل نفعله بما أننا من المنظومة التعليمية , و لنا حقوق ؟؟