السلام عليكم

انا كان نفسي اقول ع الموضوع ده من زمان

بس المشكله اني بنسي بسرعه


المهم

دلوقتي معظم مواضيع المنتدي منقوله سواء في الركن العام او الادبي او الاسلامي وغيره

طيب مفيش اي مشكله خالص

بس يعني انا فكرت لو ممكن الاستاذ اشرف يعمل منتدي عن المواضيع الغير منقوله
اللي هيكتبها الاعضاء بنفسهم مش هينقلوها
وتسموه اي حاجه (خلي الدماغ صاحي) او (اوعي تفكر تنسي) اي حاجه بس ياريت القسم ده يتعمل

يعني ده اقتراح صغير ومنتظر اي حد يقول رأيه



الاقتراح التاني

دلوقتي لما عضو مشاركاته تزيد بيكتب تحته ماجستير في الثانويه العامه او محترف او دكتور في الثانويه

طيب الكلمه ديه معناها مش لذيذ خالص
يعني لما تحب تضحك علي واحد قعدت في الثانويه العامه اكتر من سنتين
يعني طالب سقط وكده وبيسقط كتير
بنقول عليه الكلمه ديه

لو في اي حاجه تانيه ممكن نكتبها بدل الكلام ده

ده اقتراح ويمكنكم الاخذ به او لأ
مش فارقه معايا عمتا
بس انا حبيت اوضح

بص يا احمد
الاقتراح الاول مش ها ينفع
لانك ها تلاقى ناس برضو تجيب مواضيع منقولة وتحطها فى القسم ده
ولو قولتله الموضوع منقول ها يقولك ابقى اثبت انه منقول
دوامة مالهاش اخر
والحل هنا الامانة من الاعضاء واللى ينقل موضوع يقول انه منقول ويكتب تحتها المصدر كمان

اماا الاقتراح التانى
هو اقتراح جيد على فكرة لان كثير من الناس فى الفترة الاخيرة اشتكوا من الموضوع ده
انا ها اعرضه ان شاء الله فى حجرة الناظر عشان نشوف رأى المشرفين

بص يا احمد
الاقتراح الاول مش ها ينفع
لانك ها تلاقى ناس برضو تجيب مواضيع منقولة وتحطها فى القسم ده
ولو قولتله الموضوع منقول ها يقولك ابقى اثبت انه منقول
دوامة مالهاش اخر
والحل هنا الامانة من الاعضاء واللى ينقل موضوع يقول انه منقول ويكتب تحتها المصدر كمان




لا سهل انك تثبت ان الموضوع منقول
بس محتاج مشرفين صاحيين
مش اي مشرف يعني هيعرف يرد ويكتب اللينك بتاع الموضوع الاصلي

طيب معلش احنا بنتعلم منك يعنى
ازاى لو كتب عضو موضوع اقدر انا اجيب اللينك بتاع صاحبه فى منتدى تاني؟

ممكن يعني يا محمود يعمل بحث في جوجل وبشطارته هيلاقي الموضوع او لأ

الإقتراح الأول
أنا رافضه لأن كل قسم فى المنتدى له مواضيعه وكل قسم فى المنتدى بيبقى بردو فيه المنقول والإجتهاد الذاتى
وقسم زى اللى إنت بتقول عليه ده هيبقى معجنه


أم الإقتراح التانى
إنت تقترح إيه بدل اللى موجود

انا مع السادات في الرأي الأول انه هيبقى سلطة وطبعا ماينفعش نعمل قسم فرعي لكل قسم اسمه خلي الدماغ صاحي مش هيبقى منتدى

انا باقول بأه في الاقتراح التاني انها تتساب وكل واحد يكتب اللي عايزه زي ما كانت في الأول

والله يا جماعه مش هتبقي سلطه ولا حاجه

يعني لو ينفع تتعمل علي قد الركن العام
يعني المواضيع العامه
لاكن انا ملاحظ ان معظم المواضيع دلوقتي منقوله
فأنا قولتلكم علي فكره مفيش حد تقريبا عملها قبل كده

عجباكم اهلا وسهلا مش عجباكم مش فارقه معايا

وبالنسبه للاقتراح التاني
ممكن تكتب عضو ممبتدأ عضو قديم مش محتاجه يعني بس بلاش ماجيستير والكلام الفاضي ده

وبرده عاجبكم اهلا وسهلا مش عاجبكم مش مهم مش لازم

الإقتراح الأول

أنا رافضه لأن كل قسم فى المنتدى له مواضيعه وكل قسم فى المنتدى بيبقى بردو فيه المنقول والإجتهاد الذاتى
وقسم زى اللى إنت بتقول عليه ده هيبقى معجنه


أم الإقتراح التانى
إنت تقترح إيه بدل اللى موجود



السلام عليكم
نفس الفكرة

شكلك يا عبقرينو ماقريتش لا رده ..

ولا ردي ..

انا باقول بأه في الاقتراح التاني انها تتساب وكل واحد يكتب اللي عايزه زي ما كانت في الأول

بالنسبة بأه للمواضيع المنقولة واللي الشخص نفسه كتبها

دي بتتعرف يابو حميد من أسلوب الكتابة .. وانا عن نفسي باقرا الموضوع واعرف ده منقول ولا الشخص هو اللي كتبه بنفسه وكلنا عارفين بعضنا وأسلوبنا في الكتابة

والمنقول غالبا بيتكتب منقول

اوعدك بمناقشة الاقتراح الثانى فى مجلس الادارة وإن وافق سوف ينفذ باذن الله