عك الادارة التعليميه فى محافظة القاهرة [الأرشيف]

مشاهدة النسخة كاملة : عك الادارة التعليميه فى محافظة القاهرة

misdodo

25-09-2011, 05:53 PM

اااالحقونى ياجماعه انا مش عارفه ايه اللى بيحصل ده فى محافظه القاهرة الهانم مسؤله شئون العاملين اللى المفروض تخلص ورق تعينا بتاع كادر 1/4 بتقول :
1- ده تثبيت ومش تعين يعنى عقد 5 سنين بدون درجه
2- طلبه نجيب كعب عمل ونجيب الخدمه العامه وده نجيبها منين معرفش ومفيش حد فى اى ادارة او محافظة اطلبت منه اشمعنى احنا
3 - مخبيه الورق عندها عشان متنفذش القرار حتى الان وجايه تقول انه هينفذ من 17/9 والمفروض ينفذ من 1/7 بقرار وزارى وفى ادارة اخرى ( المعادى ) اعرف ناس فيها كانوا هيعملوا كدا بس نفذوا القرار من 1/7 رغم انه جى فى شهر9 عشان كمان منخدش حافز المعلم ويحسبوا الحافز على اساس حافز المعلم المساعد بدل من المعلم

حد يقولى اعمل ايه عشان هجنن من الست الغريبه ده والادارة الاغرب اللى كلها فساد فى فساد
حسبى الله ونعم الوكيل

misdodo

25-09-2011, 07:48 PM

ايه ده 55 مشاهده ومفيش رد يوحد ربنا تقولولى اعمل ايه

احمد كابونى

25-09-2011, 08:34 PM

misdodo

25-09-2011, 10:20 PM

ياميس دودو حضرتك مفيش حاجة اسمها عقد خمس سنين لان احنا ممضناش على عقد ده قرار تعيين على درجة معلم وانا سالت مديرية شئون العاملين قالتلى يابنى ده تعيين وبالنسبة للدرجات الماليه جهاز المحاسبات وتنظيم الاداره بيوفرها بعد خمس شهور او ستة من تعينك لحين ترقيات المعلمين ويفضوا درجات ليكوا لكن اللى حضرتك بتقوليه ده مش صحيح عقد ايه بس انتى اسمك معينه على درجة معلم , بعدين مش اى حاجة تسمعيها تصدقيها انتى معينه بقرار وزارى 244 ويليه قرار محافظ 7100 ويليه قرار مديرية 157 .

شكرا لردك ربنا يكرمك يارب
انا قولتلها كده بس سورى الست ده غبيه مش بتسمع لحد
ممكن تقولى يا استاذ احمد ايه موضوع الخدمه العامه اللى طلبه منا واعمله ازاى وفعلا لازم انتظر 6شهور لوحبيت اخد اجازة وينفع انها تعمل القرار من 17/9 مش من 1/7 بقرار الوزير

احمد كابونى

25-09-2011, 10:31 PM

هو فعلا القرار سارى عندنا من اول 9 ولازم تنتظرى ست شهور عشان تاخدى الاجازة كفترة اختبار وبالنسبة للخدمة العامة هسالك زمايلى البنات جبوها منين وهرد عليكي .

طارق محمود حنيش

25-09-2011, 10:31 PM

ياميس دودو حضرتك مفيش حاجة اسمها عقد خمس سنين لان احنا ممضناش على عقد ده قرار تعيين على درجة معلم وانا سالت مديرية شئون العاملين قالتلى يابنى ده تعيين وبالنسبة للدرجات الماليه جهاز المحاسبات وتنظيم الاداره بيوفرها بعد خمس شهور او ستة من تعينك لحين ترقيات المعلمين ويفضوا درجات ليكوا لكن اللى حضرتك بتقوليه ده مش صحيح عقد ايه بس انتى اسمك معينه على درجة معلم , بعدين مش اى حاجة تسمعيها تصدقيها انتى معينه بقرار وزارى 244 ويليه قرار محافظ 7100 ويليه قرار مديرية 157 .

السلام عليكم
ده كلام صحيح 100% ان شاء الله ،وهذا ماحدث في الغربية

misdodo

25-09-2011, 10:39 PM

هو فعلا القرار سارى عندنا من اول 9 ولازم تنتظرى ست شهور عشان تاخدى الاجازة كفترة اختبار وبالنسبة للخدمة العامة هسالك زمايلى البنات جبوها منين وهرد عليكي .

ربنا يخليك يا استاذ احمد هتعبك معلشى

misdodo

25-09-2011, 10:42 PM

السلام عليكم
ده كلام صحيح 100% ان شاء الله ،وهذا ماحدث في الغربية

شكرا لرد حضرتك بس مين اللى يسمع ومين اللى يفهم

safrootmail

25-09-2011, 11:22 PM

لا احنا سالين كويس و عرفنا انه تعييييييييييييييين ... وبعدين احنا معتا صوره من القرار ........ روحي للمحافظ انتي و زمايلك سيبك من الموظفين دول مبيعرفوش حاجه

احمد كابونى

26-09-2011, 06:29 PM

ميس دودو بالنسبة لشهادة الخدمة العامة للاناث ديه بتروحى اقرب مؤسسة تبع وزراة التضامن الاجتماعى وبتاخدى منهم اعفاء موقت من الخدمة العامة وديه مدتها عام وبعد العام بتاخدى صورة المؤهل وصورة البطافة وبتروحى مجمع التحرير فى قسم التضامن الاجتماعى وبتاخدى اعفاء نهائى من الخدمة العامة انا زمايلى البنات عملوا المؤقته وحطوها فى الملف بتاعهم .

misdodo

26-09-2011, 08:27 PM