لو سمحتم
هل فعلاً المدرسين المضربين من الاسبوع اللى فات
ما زالوا مضربين هذا الاسبوع أيضاً
( انا عن نفسى ما زلت مضرب )
ولا خلاص علقتم الاضراب وأشتغلتوا من النهاردة الاحد 25/9
واذا كان ده حصل فعلاً فعلى اى أساس
ده احنا ماشين من قدام مجلس الوزراء امبارح مقهورين اكتر من الأول
بسبب التكبر من السيد عصام شرف فى عدم نزوله لمقابلتنا والاهتمام بمطالبنا
ولا حتى جابوا سيرتنا فى اجتماع مجلس الوزرا النهاردة
الكلام بقى كتير ومتضارب
وابتدينا فى تخوين بعض مش عارف فى مصلحة مين ؟؟؟؟؟؟؟؟؟؟؟؟؟؟؟
ومين المستفيد من كدة غير المسئولين
ولا الوقفة بتاعة امبارح جابت نتيجة عكسية
!!!!!!!!!!!!!!!!!!!!!
ياريت حد يرد عليا
لان الضغوط فى الشغل كبيرة
وانا مصمم الى الان على موقفى
انا وبعض الزملاء
وخاصة بعد ما عرفت من اللى حصل لبعض الزملاء على يد أولياء الامور فى بعض المحافظات
بتحريض من بعض مديرى الادارات ومن الوزير وعصام شرف نفسه
الموضوع مش للقراءة فقط رجاء الرد

أنا صراحة لم أحضر المظاهرات بالقاهرة

لكن كنت معجب بها جدا و لمن أكن أتوقعها بهذا الشكل

إلا أنى فوجئت بتدهورها بالنهاية

خاصة و أنى كنت سمعت انقلابها إلى اعتصام

و بعدها بقليل سمعت عن التعليق فظننت تعليق الاعتصام و استمرار الإضراب

لكن وجدت بعض المواقع تشير لتعليق الإضراب لمدة أسبوع

و مواقع أخرى تقول تعليق الاعتصام و استمرار الإضراب بانتظار قرارات مجلس الوزراء

فلك أخى مطلق الحرية فى السير حسب معتقدك

ولو أنى حزين لما يفعله بنا بعض زملائنا

ولا أدرى سببا واحدا للتعنت الحكومى معنا ( فقط )

هل هو نقص عقل أم نقص ....

اللهم ولِ علينا الصالح