لماذا لم يوافق المعلمون على التفاوض مع رئيس الوزراء عندما ارسل فى طلب ممثلين عن المعلمين للتفاوض معه ؟؟
يعنى يا جماعة احنا كنا رايحين المظاهرة ليه ... علشان نقعد نهتف ونرفع فى يفط ولوحات والتليفزيونات تصور وخلاص ؟؟
يا جماعة ارجوكم بلاش نحط العقدة فى المنشار بلاش نصمم على ان تكون اقالة الوزير هى شرطنا للتفاوض مع الحكومة .
ارجوكم يا اخوانا كلنا نقول رأينا فى الموضوع دا
اخى المعلم سواء اتفقت معى ام اختلفت ارجوك ان توضح لنا رأيك .

اتفق معاك نمام كان لابد من التفاوض

لقد حدثت اليوم الاثنين هذه المقابلة وبغياب بعض الاطراف

اكبر غلطة قام بها المعلمين ولابد في المرة القادمه من التفاوض

لابد من اقالة الوزير ومساعديه الااشرار

دى تانى مرة يرفضوا التفاوض
حتى لو عاوزين إقالة الوزير
مكنش يصح نرفض التفاوض
كده بنحط العقدة فى المنشار والمشوار هيطول

لا تفاوض إلا بعد إظهار النوايا الحسنة أولا

يمكن الهدف كان رفع اليفط
وعلى فكره لو الوزير وافق على المطالب الماديه الناس الى مضربه والى بتتظاهر هتبطل فورا وده اكيد
اصل بيقولو اننا لينا مطالب ترجع كرامه المعلم
ودى اخر حاجه بيفكروا بيها
ماشوفتش حد بيقول تعيين مسؤل امن متفرغ ومشرف متفرغ
فصل الطالب الى بيمد ايده على المدرس
فصل الطالب الى ولى امره يعتدى على المدرس
اى حاجه ولو مطلب واحد يصروا عليه يحسسنى ان الناس دى بتفكر فى كرامتها شويه
حتى كل واحد بيطلع فى البرامج بيتكلم ببقى فى قمه الكسوف
لانهم للاسف بيعبروا عن المعلم

انا بس عاوزه حاجه تتخيلوها لو اخر الشهر روحت البنك وانت وراك مصاريف والتزامات وعاوز المرتب
تلاقى عمال البنك عاملين اضرااب لمده شهر شهرين
ايه رايك
وليهم مطالب مشروعه
هتصبر على مرتبك شهر شهرين
وتقول حقهم يضربوا ليهم مطالب مشروعه
تخيل واعرف شكلك ايه قدام الناس دلوقتى حاجه مخزيه جدا
موقف مش هينساه التاريخ للمدرسين
صبرنا كتير فيها ايه لو كنا صبرنا كمان لبعد انتخابات الرئاسه
لكن ما حدش بيسمع والى بيتكلم كده بيقول عليه فلول وخونه و و و

لابد من التفاوض لتوضيح قانون الكادر وما ينص عليه من : أولاً : زيادة أنصبة المعلم لأننا كنا نأخذ 9 حصص فقط درجة أولى ودرجة مدير عام كان نصابه 6 حصص فقط وجاء الكادر ورفع الأنصبة إلى 16 حصة ووافقنا يبقى وفرنا على الدولة كام مليون جنيه برفع أنصبة المعلمين؟؟؟. ثانياً : الكادر يصرف على الأساسي القديم وهذا يوضح أنه ليس من الحوافز . ثالثاً : قانون الكادر يقول أن أي زيادة تضاف لموظف الدولة يجب زيادة مرتب المعلم مثله. وإذا رفض الوزير الاعتراف به نطالب بإلغاء الكادر وإلغاء المكافأة أيضاً ونرجع نصاب الحصص القديم 9 حصص للدرجة الأولى و6 حصص للمدير العام ونتعامل مثل موظف الدولة أي زيادة حوافزنا 175 % لتكملة 200% على الأساسي الجديد و نطالب أيضاً حضور وإنصراف من الساعة الثامنة إلى الساعة الثانية ظهراً فقط وأيام الامتحان لا تصحيح ولا مراقبة لأننا حرمنا من المكافأة وكل واحد يأخذ حقه.

اولا ... كل الشكر لمن تفضل بالرد وابداء الرأى على هذا الطرح
ثانيا ... يمكننى تلخيص الفكرة التى اردت ان اطرحها على حضراتكم فى سؤال واحد اوجهه الى كل من رفض التفاوض
ايهما افضل
ان يتفاوض عنا الوزير ومساعديه مع رئيس الوزراء ووزير المالية
ام
ان نتفاوض نحن بأنفسنا كى نستطيع توضيح الصورة كاملة بأرقامها الحقيقية وليس بالنسب المئوية التى طالما استخدمها الوزير ومساعديه والتى تفقد معناها حين يتم تحويلها الى ارقام ومرتبات نتحصل عليها نهاية كل شهر .

تخدير المعلمين وامتصاص غضبهم