فأنت ستكون العدو الأول ليس لى وحدى ولكن لجموع معلمى جمهورية مصر العربية فلن يكون الوزير عدوى فهو يواجهنى فى وجهى أما أنت فالذى طعنتنى فى ظهرى لأنك أول المستفيدين من الإضراب بل تتمنى أن يستمر الإضراب طوال العام
فالذى أفسد علينا الإضراب حتى الآن هو أنت بعدم تضامنك مع زملائك لكى يحصل كل معلم على حقوقه بما متوسطه سبعة أو ثمانية آلاف جنيه سنويا هو فى أمس الحاجة هو وأولاده وليس له أى مصدر رزق آخر .
ولو تحقق للمعلمين أنهم خسروا الجولة سيكون رد فعلهم عنيف جدا تجاهك لأنهم سيكونون قد خسروا كل شيء حيث سيعودون فقراء أذلة لا قيمة لهم معنويا ولا ماديا ولا أى شيء خصوصا بعد أن عشموا أنفسهم بالخير ولن يرجعوا حتى لما كانوا عليه قبل الإضراب بل أقل وأذل لأنهم دخلوا فى حرب مع الوزير وطالبوا بإقالته ولن ينسى لهم ذلك وسيصب عليهم جام غضبه .
وردود الفعل ستكون مختلفة بين معلم وآخر تجاهك فبعضهم قد يدعو عليك ويقول حسبي الله ونعم الوكيل و قد تصل ببعضهم إلى أن يستأجر من يرمون وجهك بمية نار حتى يخاف منك التلاميذ لأن وجهك سيكون مشوه ولا يوجد من سيحميك وستكون انت او انت او انت الضحية .

اناقلت من زمان ان الذى خرب التعليم سببين الحكومة والدروس
المدرس صاحب الدرس انانى ومكار ولا يحبالا نفسة طز فى فلوسك فلا قيمة لك

من قلت ديلك يا ازعر انتم لقيتم دروس ومعطتوش انتم مالكم ومال البيعطو دروس ده رزق بعتو ربنا انتم مالكم وبعدين بتطلبو قانون بتجريم الدروس ليه وعلشان كده فشلتم ومش حنقف معكم وشكرا

اناقلت من زمان ان الذى خرب التعليم سببين الحكومة والدروس
المدرس صاحب الدرس انانى ومكار ولا يحبالا نفسة طز فى فلوسك فلا قيمة لك
معاك حق هو فعلا اناني ومشركش معانا في اضرابنا

هوه احنا هنسيب القضية الاساسية بتاعتنا ونقعد نفرش لبعض الملاية ونقول ده بيعطي دروس وده لا - هوه ده فعلا اللي الحكومة عاوزاه بالضبط ان احنا نقع في بعض وننسي القضية الاساسية بتاعتنا - فوقوا بقه من اللي انتو فيه وركزوا هتعملو ايه في الفترة الجاية وبلاش نقعد نجرح في بعض بالطريقة السخيفة دي - مين فينا عاوز يقرف نفسه بشغل الدروس بالله عليكم لو انت بتاخد اللي يكفيك من شغلك هتفكر تعطي درس لاي طالب ؟ سؤال عاوزكم تجاوبوني عليه وبكل صراحة وبلاش نناقض نفسنا

الى الساد ة
المدرسين اتقول الله فى انفسكم وفى اولادكم فحوالى 90% من المدرسين معدومى الضمير المدرس يبدأ الدروس الخصوصية فى سهر 7 او شهر 8 وياتى بكتب خارجية ويكتب منها مذكرات ويقول انها اعداد الاستاذ وتصميم سعادة البية والحقيقة انها من كتب خارجية ثم يكتبها على الكمبيوتر ويبع المذكرة 30 جنية ثم سعادة المدرس ياتى بتدريبات من الكتب الخارجية ويكتب منها مرجعة على الكمبيوتر ويسمى المذكرة باسمة والمراجعة باسمة ويبيع مذكرة المراجعة مرة اخرى شوفوا كم بيستفيد المدرس من كل ذلك وسعادة يبدأ الدروس فى شهر 7 او 8 ويخلص الترم الاول فى شهر 9 وبعد شهر 9 يعمل اية يوزع على الطلاب المراجعة التى كتبها على الكمبيوتر من الكتب الخارجية ويقول انها من اعدادة ويبعها 15 جنية للطالب 000000 هذا الكلام حقيقى وشوفوا اى مذكرة لاى مدرس تلاقيها من الكتب الخارجية والمراجعة من الكتب الخارجية 000 انا بتكلم هذا الكلام لان عندى كمبيوتر وبكتب مذكرات للمدرسن
ثم الطالب الذى لا ياتى عندة الدرس يتركة فى الفصل ولا يحركة ويشتغل مع الطالب الذى يروح عندة الدرس
بالذمة دة كلام يرضى ربنا اتقوا الله فى اولادكم وانفسكم وكلوا من خلال علشانربنا يزيح عنكم المرض انتم واولادكم

ايه الففرقة دى و ميه نار ايه أحنا كلنا واحد اللى بيدى و اللى ما بيديش

ما هو اللى بيدى مضطر و اللى مابيديش نفيه بدى و الحومة عايزانا نولع فى بعض

انتم اساتذة أفاضل

و ربنا إنشاء الله حيدينا من وسع

و بلاش نرمى فشل حاجة على حد تانى

فأحنا أولأ و أخيرا فى مركب واحدة

و قالك ايه اللى رمانى على المر اللى أمر منه و شكراً لسعة صدركم

على فكرة أنا بأدى دروس و شاركت و حأشارك

و فى الفصل يعلم ربنا بحرق نفسى شغلى ازاى فبرضة أنا عايز ربنا يبارك لى فى الفلوس اللى بقبضها

درس و لا فصل احنا بنعامل ربنا

ههههههههههههههههههههههههههههههههههههههههههههه

انا عرضت الموضوع على احد المعلمين معى فى المدرسة قال لى حا احسب انا خسرت كام بالضبط و ذكر واحد عندنا من اباطرة الدروس وقال لى حا احرق دمه على عربيته يا اما حا اخطف عيل من عياله واطلب عليه الى انا خسرته بسببه

ايه الففرقة دى و ميه نار ايه أحنا كلنا واحد اللى بيدى و اللى ما بيديش

ما هو اللى بيدى مضطر و اللى مابيديش نفيه بدى و الحومة عايزانا نولع فى بعض

انتم اساتذة أفاضل

و ربنا إنشاء الله حيدينا من وسع

و بلاش نرمى فشل حاجة على حد تانى

فأحنا أولأ و أخيرا فى مركب واحدة

و قالك ايه اللى رمانى على المر اللى أمر منه و شكراً لسعة صدركم

مركب ايه يا عم هو فى طيارة وانت على حمارة وهو مش حاسس بيك اصلا انا وانت فى مركب واحد وهو شيفنا بنغرق وقاعد يضحك علينا اصحى بقى من النوم الجرس ضرب و حتتأخر على المدرسة قال مركب واحد قال والله لو اضرب معانا يومين فقط كنت انت وانا اخذنا حقنا الى كل معلمى مصر المطحونين اتحدوا على معلمى الدروس الخصوصيه

أحسن حاجة تحرق دم بتوع الدروس نعمل مجلس أباء ونقول لأولياء الأمور هندى ولادكم بأسعار رمزية أو حتى ببلاش مش كده وبس نموت نفسنا مع العيال فى الشرح
وأنت عارف المثل اللى بيقول أبو بلاش كتر منه
وبكده بتاع الدروس اللى فاتح سنتر بيجيله ألف عيل هيعد ينش الدبان ويقول أنا اللى جبت ده كله لنفسى

طب والمجهود البدنى والشد العصبى
دا احنا هانشوف عينات حلوة نتعامل معاها من الطلبه
مين ده اللى هايجرى على ابو بلاش غير الفئة المعدومة
وكفاية علينا عينات الطلبة اللى فى الفصول

طب والمجهود البدنى والشد العصبى
دا احنا هانشوف عينات حلوة نتعامل معاها من الطلبه
مين ده اللى هايجرى على ابو بلاش غير الفئة المعدومة
وكفاية علينا عينات الطلبة اللى فى الفصول
اللى بيفتح مشروع جديد يا أختى المحترمة بيوزع عينات مجانية ولما يثبت كفائته بيحط السعر اللى هو عايزه بعد كده ومش ده كمان هو المهم المهم إننا نهز بتوع الدروس الخصوصية عشان لما يكون لنا وقفة يحترمونا ويقفوا معانا إن مكنش بمزاجهم يبقى غصب عنهم لأنهم بيبصوا للمعلمين زملائهم أنهم أقل منهم يعنى بيبصولنا نظرة أقل من نظرة الوزير لينا
وعشان كمان تخدى ثواب لما تدى العيال الغلابة بأسعار مهاودة
وعشان كمان تحسنى دخلك
وكمان هنفوت على كل من يطعن فى إضرابنا أو وقفتنا الفرصة وبكده هنحيد أولياء الأمور ضدنا لأنهم بيكرهونا عشان الفلوس اللى بيدفعوها لدروس أولادهم وبيفتكروا أن الفلوس دى بتروح للمعلمين كلهم مش لفئة محدودة منهم
وكمان هنفرض على المدرسين بتوع السنتر ات يخفضوا سعر الدروس للنص وزيادة لأن دى قاعدة السوق العرض والطلب يعنى ولى الأمر لما يروح يدفع الفلوس هيقوله يا أستاذ حرام عليك إزاى عايز 100 جنيه فى الشهر وزميلك بيجى بعشرين جنيه هو مش أنت مدرس وهو مدرس وإنتم الأثنين متخرجين من نفس الكلية ودرسلكم نفس الدكاترة :excl:

انا مش ضد فكرتك يا احمد
انا باقول ان معظم الطلبه اصلا بيعانو من تاخر دراسي
ما انا باشوف بلاوى فى الفصل
مش بيعرف يكتب اسمه
وكمان بينجح عشان الغش
دى الفئة اللى هانضر نشتغل عليها بناء على كلامك
يعنى مع احترامى
فئه مفقود الامل فيها
وبرضو بتاع السنتر هايشتغل زى ما هوه
كل واحد عنده بضاعته اللى بيشتغل عليها