اولا اتفاااااق : ياريت نقرأ الموضوع للاخر بالتفصيل لانه هيفرق معانا بجد :bosyht9:


صباااح الخير يا جمااااااعه ( لو بتقرأ الموضوع الصبح ) .. مسااااء الخير ( لو بتقرأ الموضوع بالليل )
ايه رأيكم فى العنوان بقى انا قولت اختار عنوان يجذب شوية كده يعنى :d بس هو فعلا زى ما انا كاتب بالظبط ..
الصراحه يا جمااعه انا ياما بلاقى ناس دخلت كليات سواء بتحبها او مبتحبهاش بس عندها مواااهب تانيه كتير و محترفه فيها .. و دى بتكون نعمه من عند الواحد ربنا خلاها فيه هو بس .. عشان يتميز عن غيره
على سبيل المثال قريبى طبيب بس عاشق للسياسه و كان نفسه فى كلية حقوق .. اختى طبيبة بس كان نفسها تطلع مذيعه و تدخل اعلااااااااااام ..بس طبعا عارفين اجابة السؤال ده ..
هما ليه مدخلوش اللى بيحبووه ؟؟؟ :d

......................................
معلش خليك معايا للاخر ... :028ja7::022yb4:

خدوا الحكاية دى ...
...............................

مبروك يا ام احمد .. احمد عمل ايه فى الثانوية العامة .. ياختى جاب 99 % طب و دى حاجة حلوه ولا وحشه ! اقولك يا ام احمد دخلية معهد سنتين زى اخوووه و اهو محدش بيلاقى شغل فى الاخر هو يفتحله محل موبايلات و يكسب دهب و اجوزه بنتى .. :d و هنا يدخل الحاج ابو احمد : يا حاجة ده الواد من الاوائل و هدخله الطب .. ما شاء الله لازم يكشفلنا ببلاش ولا ايه يا حماااده .. حماده الغلبان : طبعا يا حاجة بس ربنا ميجبش مرض
احمد الغلبان واخوه الصغير : عارف ياض يا مجمد انا بموت فى الرسم جداا و نفسى ادخل كلية الفنون و اطلع فنان او مصمم زى ما انا بحب بس اعمل ايه ف ابوووك .. هيدخلنى الطب غصب عنى و انا معرفش عنه حاجة ده ولا بحبه .. و ياخى الدكااااااتره مليين البلد انما الفنانين معدودييين و بعدين ده طموحى اصلا انت عيل لمض يا محمد ليه النهارده .. محمد : يا جدع هو انا نطقت اصلا :d

...................................

احمد قدم فى الطب و بدأ يذاكر و ينجح فى اولى و تانيه شال ماده طلع بيها تالته شال مادتين على الماده.. هوبا هتعيد السنه يا معلم طبعا مصدوم و اهله فى قمة الصدمه بس هو فرحان لانه عاوز و مصر انه يحول لكليتة اللى بيحبها و اللى نفسه فيها من زمان و اقنع اهله انه لو كمل فى الطب هيضيع اكتر و مش هيعدى من رابعه حتى و هى لسه لحد سنه 6 ( 7 دى امتياز و تدريب مش دراسه :d ) احمد حووووول كلية الفنون وكل سنه اول الدفعه و دلوقتى معييييد فيها .. احسبها صح تعيشها صح :d:d

و للعلم القصه دى حقيقية .. احمد ده جاارى و ما شاء الله عليه دلوقتى حاجة تانيه خالص ;)

انا طوووووولت عليكم

مجمل الكلام .. مش معنى كلامى ان كل واحد دخل كلية مش بيحبها هيفشل فيها لا خالص ..
بس اقصد ان كل واحد ليه موهبه خاصه بعيدا عن كليته .. ياريت تعرفنا بيهاااااا ؟؟؟
و انا هبدأ انا اولى تجارة خارجية انجلش BIS
و بحب الرسم جدااا و ياما رسمت بس الحمد لله بركنهم جمب اخواتهم :d و بشتغل معظم لغات البرمجه Java .. c# .. c++ .. basic
و تصميم على maya .. cinema 4d .. photoshop cs5

انا كل هدفى من الموضوع ده نجمع اكتر عدد مننا و ليه مواهب و نحاول ننفع بعض او نستفيد من بعض فى كل حاجة
و نعمل اتحااااد لينا على مستوى الجمهورية و اكيد هيبقى لينا صوت و طموح كشباب مصر اللى الجاى و اللى هيمسك البلد دى من كل جوانبها ..
و بغض النظر عن الاهدااااف المحدوده دلوقتى .. لما نكتر و نفكر كلنا مع بعض افكارنا هتكبر و ابداعنا هيزيد ..
ياريت تشاااااركوووووونى .. مستنييييكم .. ;):rolleyes::rolleyes:

والله موضوع جمييل جدااا وفكرة روعة
خصوصا ان المنتدى كله ناس موهوبة فعلا
وعجبتنى اوى القصة اللى فوق:)
بس للاسف انا مش لاقيالى موهبة لحد دلوقتى:(
مش عارفة يمكن يكون كان هيبقى عندى مواهب لو حد نماهاعندى وانا صغيرة
بس دلوقتى خلاص بقى راحت عليااا;)
ودى تعتبر مشكلة بالنسبالى لانى مش عارفة احدد هدفى لحد دلوقتى بردو
انا جايبة98.3 ف 2ث وانا اساسا احياء ف 2ث
وفى نفس الوقت مش حاسة انى عندى ميول لاى كلية;)
يعنى اللى هيجيلى هدخله مش فاارقة :d
ماعليناااااااااااااا من الكلام ده انا رغاية اصلا :d:p
انا متابعة الموضوع ومستنية اشوف المواهب
بس انا الحمدلله حافظة القران دى تعتبر موهبة صح؟

والله موضوع جمييل جدااا وفكرة روعة
خصوصا ان المنتدى كله ناس موهوبة فعلا
وعجبتنى اوى القصة اللى فوق:)
بس للاسف انا مش لاقيالى موهبة لحد دلوقتى:(
مش عارفة يمكن يكون كان هيبقى عندى مواهب لو حد نماهاعندى وانا صغيرة
بس دلوقتى خلاص بقى راحت عليااا;)
ودى تعتبر مشكلة بالنسبالى لانى مش عارفة احدد هدفى لحد دلوقتى بردو
انا جايبة98.3 ف 2ث وانا اساسا احياء ف 2ث
وفى نفس الوقت مش حاسة انى عندى ميول لاى كلية;)
يعنى اللى هيجيلى هدخله مش فاارقة :d
ماعليناااااااااااااا من الكلام ده انا رغاية اصلا :d:p
انا متابعة الموضوع ومستنية اشوف المواهب
بس انا الحمدلله حافظة القران دى تعتبر موهبة صح؟

ربنا يكرم حضرتك والله ردك هو اللى اجمل و منور الموضوع .. بس دورى و شوفى و انتى زهقانه بتحبى تعملى ايه .. تغنى .. تخرجى .. تكلمى واحده صاحبتك .. تساعدى حد .. تعزفى .. تنامى :d
اكيدد هتلاقى حاجة و غير ده كله .. حفظك للقران ده احلى و اجمل نعمه من عند ربنا .. و سنك الصغير هو الاجمل لان قدرتك على الحفظ بتكون اكبر بكتير من الكبيييير .. ده غير الثواب العظيم ..

وجاء في فضل حافظ القرآن : ما رواه البخاري (4937) عن عائشة عن النبي صلى الله عليه وسلم قال "مثل الذي يقرأ القرآن وهو حافظ له مع السفرة الكرام البررة ومثل الذي يقرأ وهو يتعاهده وهو عليه شديد فله أجران ".

إن من حفظ القرآن وعمل بما فيه ، أثابه الله على ذلك ثوابا عظيما ، وأكرمه إكراما بالغا ، حتى إنه ليرتقي في درجات الجنة على قدر ما يقرأ ويرتل من كتاب الله .

و ان شاء الله مستنى مشاركة تانيه منك .. و لعلمك القدرة على المذاكرة و النجاح ده موهبه ممكن تستغليها فى اكتر من حاجة مش شرط المذاكره .. ثانيا : الف مليون مبروك على مجموعك الجميل ده ما شاء الله
ان شاء الله دكتورتنا المستقبلية .. بس لازم تحددى هدف .. لان اخذك للنية و تحديد هدف و الاصرار عليه .. ده بيقربه اكتر :):) بالتوفيق يارب ..

ربنا يكرم حضرتك والله ردك هو اللى اجمل و منور الموضوع .. بس دورى و شوفى و انتى زهقانه بتحبى تعملى ايه .. تغنى .. تخرجى .. تكلمى واحده صاحبتك .. تساعدى حد .. تعزفى .. تنامى :d
اكيدد هتلاقى حاجة و غير ده كله .. حفظك للقران ده احلى و اجمل نعمه من عند ربنا .. و سنك الصغير هو الاجمل لان قدرتك على الحفظ بتكون اكبر بكتير من الكبيييير .. ده غير الثواب العظيم ..

وجاء في فضل حافظ القرآن : ما رواه البخاري (4937) عن عائشة عن النبي صلى الله عليه وسلم قال "مثل الذي يقرأ القرآن وهو حافظ له مع السفرة الكرام البررة ومثل الذي يقرأ وهو يتعاهده وهو عليه شديد فله أجران ".

إن من حفظ القرآن وعمل بما فيه ، أثابه الله على ذلك ثوابا عظيما ، وأكرمه إكراما بالغا ، حتى إنه ليرتقي في درجات الجنة على قدر ما يقرأ ويرتل من كتاب الله .

و ان شاء الله مستنى مشاركة تانيه منك .. و لعلمك القدرة على المذاكرة و النجاح ده موهبه ممكن تستغليها فى اكتر من حاجة مش شرط المذاكره .. ثانيا : الف مليون مبروك على مجموعك الجميل ده ما شاء الله
ان شاء الله دكتورتنا المستقبلية .. بس لازم تحددى هدف .. لان اخذك للنية و تحديد هدف و الاصرار عليه .. ده بيقربه اكتر :):) بالتوفيق يارب ..



انا بشكر حضرتك على الرد الرائع
حضرتك رفعت معنوياتى جداا والله:d:d
والله كلام جميل جداا مش عارفة اعلق على ايه ولا ايه
اكيد بحاول احط هدف لنفسى وفى الاخر طبعا الخير فيما اختاره الله:)
بس الحمدلله يعنى انا كده طلعت موهوبة :d:d
بكرر شكرى لحضرتك مليوون مرة
واتمنى لموضوع تجميع المواهب كل النجاح والتوفيق

وكنت اذا سألني أحدهم

أجبت ببراءة طفل قائلاً

أكون طبيباً يا أبي بارعاً

و أنهض بالعلم نهض الأمم

فنصحني نصيحة من فيه قائلاً

عليك بثلاث لا رابع لهم

الا الله فاستمع النصح وأعر

الدين والأمة وحب الناس

بهم الحياة وتجديد الهمم

فالحمد لله شكراً طيباً هداك الله يا خير أبٍ

عدتني بما أريد واني لأجد اليوم غير ما ذُكر

فذهبت اليه حتماً معانداً

أين الوعد يا خير أبُ

طبقت ثلاتاً دعوت بهم

ولم أجد ما أردت غاية

فغلبني بقول فاق بلاغتي واذ به قائلاً

الخير في ما اختاره الله لك

اليه المشتكى ولا تحزن على زوال وزلل

فالدنيا متاع حتماً زائل والله خير وخير من وعد !

__________________________________________________ _
احم يا مسهل معاك نضااااااارة ؟
طب اقرا:p
طبعاً دي كلمات ممكن تصف حالي أنا شخصياً مع بابا الله يكرمه
لما نصحني 3 نصايح وطبقتهم الحمد لله وما زلت أجتهد فيهم
ووعدني بدخول الطب و فُجئت قريباً أني في كلية الهندسة :d

والله يا ميدو أنا مش عارف أقول ايه لمواضيعك دي الجبارة بجد

وشيتك أنا في مواضيعك بحكاية الطب دي بس يلا خير أوي ,,,

أنا بحب التصميم جداً جداً جداً والرسم بعشق الرسم الهندسي بالذات
والشعر والتأليف دي متعتي أصلاً هههههه
والحمد لله بألف شعر من زماااااااان بس سيبك من الهبل اللي أنا كتبته ده دا وصف بسيط مجرد كلمات غير موزونه بس دي اللي كانت في قلبي وخرجت
كمان الكورة أنا بلعب كورة من زمان برده والحمد لله (أقطعك حريف يعني ههههه )
الموهبة بئه اللي كل الناس بتتهبل مني منها الإقناااااااااااااااااع
مقدرش أقول غير كده
والله لو مين معاند أنا بقنعه:d
الله يبارك فيك يارب يرزقك الجنة باذن الله صحبة طيبة
تئبل مروري أمني (أبني يعني:p)

**********************

انا كنت بحب الرسم والتأليف جداااااااااااا و رسمي بجد كان حلو اووووووي و تأليفي للشعر كان حلو برضو بس للاسف اول ما دخلت ثانوي بقيت بكره كل حااااااجة و بقيت معرفش ارسم بس بعرف اكتب شعر بس برضو مش زي الاول ..عارف حضرتك انا بحب الجراحة و التشريح و كدا و برضو بحب الرياضة والهندسة جداااا و بحب حاجة اسمها اصمم شقق و عمارات ع ورق كدا و بتطلع حلوة والله..ان شاء الله احصل هندسة ...التوبيك راااااااائع بجد ..ربنا يبارك ف حضرتك..بس عارف محدش عمره شجعني ع المواهب اللي ربنا ادهاني..جزاك الله خيرا

السلام عليكم

على فكرة الموضوع جميل جدا
انا لسة فى 2 ثانوى و حلمى اخش طب بس مش عارف عايز اخشها ليه؟
يمكن عشان ابويا دكتور؟بصراحة معرفش
المهم انا عندى هواية تصميم ازياء حريمى و كمان تاليف الشعر و النثر
ونفسى اخش فنون جميلة او فنون تطبيقية
بس خوفى من الفشل فيهم و مطلعش موهوب اصلا
عشان كدة بحاول اتجه للحاجات المضمونة من وجهة نظرى
طولت عليكم صح؟؟؟؟؟؟؟؟؟؟
خلاص بقى تقبلوا مرورى

أنا معنديش موهبة
بس عندى ميزة
انى قوى الذاكرة