وزير التعليم لـ"اليوم السابع":مجلس الوزراء وافق على مطالب المعلمين

الإثنين، 26 سبتمبر 2011 - 14:05
http://www.youm7.com/images/NewsPics/large/S320111214538.jpgوزير التربية والتعليم الدكتور أحمد جمال الدين موسى
كتب محمد الجالى
http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml)
وافق مجلس الوزراء فى اجتماعه أمس، الأحد، برئاسة الدكتور عصام شرف، رئيس مجلس الوزراء، على تلبية مطالب المعلمين التى أعلنوها قبيل تعليق إضرابهم.

وقال الدكتور أحمد جمال الدين موسى، وزير التربية والتعليم، فى تصريحات خاصة لـ"اليوم السابع"، عقب انتهاء اجتماع الحكومة أمس، إن مجلس الوزراء وافق على ما تم الاتفاق عليه مع ممثلى المعلمين الذين تفاوضوا مع مسئولى مجلس الوزراء، مشيراً إلى أن أكثر من 90% من مطالب المعلمين ستتحقق.

وأعلن مصدر مسئول بمجلس الوزراء، أن الحكومة قامت بتثبيت 130 ألف معلم مساعد ووفقت أوضاع 123 ألف معلم بالمكافأة والحصة خلال الأشهر الأخيرة، إلى جانب نيتها اعتماد 1.7 مليار جنيه لصرف حافز أداء للمعلمين بأثر رجعى من 1 يوليو الماضى يبدءون تقاضيه فى سبتمبر الجارى.

وكان الدكتور عصام شرف، رئيس مجلس الوزراء، أكد أن الدولة تقدر المعلم ورسالته السامية، وتعتبر النهوض بالعملية التعليمية هو المشروع القومى القادر على تحقيق أهداف الثورة وتطلعات الجماهير فى التنمية والحياة الكريمة وبناء اقتصاد وطنى سليم، قائم على سواعد أبنائه.

وأوضح السفير محمد حجازى، المتحدث الرسمى باسم مجلس الوزراء، أن "شرف" دعا المعلمين لبدء مرحلة جديدة من البناء والعمل، مؤكداً حرص الدولة على التجاوب مع مطالب كافة فئات المجتمع، آخذاً فى الاعتبار الإمكانات الاقتصادية المتاحة فى المرحلة الراهنة، مشيراً إلى أن عوائد الاقتصاد الوطنى وإنجازاته، مستقبلاً مع النهوض بالإنتاج ستعود بالخير على المواطنين بكافة فئاتهم.

المطالب هذه تم تنفذها قبل الاضراب والمطلب ليس فصل المكافاة بل الكادر المشئوم

المطالب هذه تم تنفذها قبل الاضراب والمطلب ليس فصل المكافاة بل الكادر

العالم دي ما بتفهمش عايزة الي يفهمها

فبل كل ده يا شرف بيه اقالة الوزير بتاعك ولا مش قادر تستغنى عنه الحكايه فيها انه وريحتكو فاحت

انتم صدقتم ده كلام لو فيه حاجه نفذوها كانوا فضحوا الدنيا ده كلام بمثابه مسكن الالام

بيقول الوزير ان اكتر من 90 فى المائه من المطالب ستتحقق اكيد ان 10 فى المائه هى المطالب الماديه هما عايزين المدرس شحات من الاخر

للمره المليون الحل السحرى هو تطبيق الحد الادنى والحد الاقصى بعداله ساعتها الامور تبقى تمام

مووووووووووت يا حمارررررررررررررررررررررررررررررررررررررررررررررر علي ميجيلك ...............................

اضراب ثم اضراب ثم اضراب
مدرس تربية فنية تعين 1987
ومرتبى 980 جنية
متزوج واعول 4 أولاد
ايجار - كهرباء - ومياه - نظافة - ومواصلات
وبلاش أكل أنا والعيال ولاعنهم ماتعلموا
مش هو ده اللى انتا عيزاه يحكومة الماضى والحاضر

انا معلم اول _ا عاوز اعرف انا حستفيد من الزيادة ولالا

الوزير ده مش هيبطل كذب ابدا
عنوان المقال من اجل تهييج الراى العام على المعلمين لكن اين الحقيقة اين 90 فى المية من المطالب التى تحققت
انا شايف مفيش 5 فى المية من المطالب اتحقق
اول مطلب اقالة الوزير نفسه
وبعده رضا مسعد وابو سريع وطارق الحصرى وكل من تجنى على المعلم وقال عنه انه غير وطنى وغير محترم
نطالب بوزير تعليم تربوى ويكون مسك الطباشير لمدة لا تقل عن 15 سنة

يا جماعة انا سامعة الوزير بودني امبارح بيقول ان مجلسالوزرا ناقش قانون الانتخاب فقط وما فضيش يناقش اي حاجة تاني والكلام دة لغاية الساعة 11 بالليل
وبعدين طالمل فيها اليوم السابع يبقي انسوا ....... الواحد مش عارف يصدق مين ويكدب مين .... بجد حكومة ...تيت تيت تيت تيت

إلى جانب نيتها اعتماد 1.7 مليار جنيه لصرف حافز أداء للمعلمين بأثر رجعى من 1 يوليو الماضى يبدءون تقاضيه فى سبتمبر الجارى.
هي الاعمال بالنيات في الحكومة ولا ايه
حتي حقنا مش عايز يعترف به رسمي
حسبي الله ونعم الوكيل

خليك مع الكداب لحد باب الدار

صدقونى يا معلمين العالم دى فى مخهم ان المعلمين عددهم كبير
وبحسبوا الاجمالى هيكلفهم كام
لا ينظرون الى المعلم الذى اصبح ادنى الفئات ادنى الفئات
فى الشرقية :-
العمال والادرايون ومشرفى النشاط فى المدارس اخدوا ال200%بالاضافة
لمكأفاة الامتحانات على الاساسى الجديد
المعلم لا يستحق الاهانة يا مسئولين

وانما لكل امرىء ما نوى ، وعصام شرف نيته ان المعلمين يدخلوا فصولهم وهو يتفرغ لجولته خارج مصر لانه عاوز يعمل 100 يوم حول العالم ومحدش احسن من حد لان مفيش حد هيطول الرحلات دى الا واحد بيركب طيارات الدوله ببلاش واهى فرصه نفسى فى قانون يخلى المسئول يدفع 50% من تكلفة رحلاته الخارجيه ساعتها هيفكر الف مره فى رحلاته السياحية قصدى السياسية ويجعله عامر

ربنا ييسر الحال

انا اعمل معلم وضد الاضربات فى هذا التوقيت وايضا لو الحكومة اقنعتنى ان الميزانية لم تتحمل نفقات جديده لمده سته اشهر انا ممكن اصبر سنه مش سته اشهر ولكن للاسف الحكومة لا تتبع سياسة تقشفية ولا حتى تريد اصدار قانون للحد الاقصى للمرتب الشامل انا لانى بحب مهنتى واعتبر عملى رساله اتمنى من الله ان يأجرنى علية اقول لا للاضراب ونعم للمطالب بشكل حضارى يحترمه عامة الشعب وكنت فى قمة حزنى لما ارى زملاء لى على القنوات يقولوا ان اولادهم لا ياكلوا اللحمه واننا شحاتين وكلام فاضى لا ارضه لنفسى ولا لاى معلم يجب ان نحترم انفسنا حتى يحترمنا الاخرين ويجب ان نستمر فى المطالبة بحقوقنا المشروعه لكن برقى و من خلال نقابه تمثلنا وحركات تحترم المعلم

حسبى الله ونعم الوكيل

حسبنــــــــــا الله ونعم الوكيل