لمن أخذ إجازة اعتيادية فى شهرى يوليو وأغسطس 2011 مبروك 0
ذكر أحمد الأشقر، ممثل اللجنة التنسيقية للمعلمين، أن الوزارة أخطرته اليوم بأنها لا تشترط توقيع المعلم 18 مرة فى الشهر بدفاتر الحضور والانصراف للحصول على حافز الأداء، وإنما تشترط احتساب 18 يوم عمل له، بما فى ذلك الإجازات الاعتيادية والعارضة والمرضية تسهيلاً عليه، وأكد "الأشقر"، لـ"اليوم السابع"، أن الوزارة عرضت على الحركات الملامح المبدئية لقانون الكادر الجديد

خبرجيد ولكن المفروض بدون ايام نهائها

يا اخى الفاضل انا حصلت على اجازة اعتيادية شهر اغسطس هل من حقى صرف حافز الاداء ارجو الرد لان الادارة صرفت لى شهر 7 و خصم شهر 8 منى

[QUOTE=medomatrex;4006744] لمن أخذ إجازة اعتيادية فى شهرى يوليو وأغسطس 2011 مبروك 0
ذكر أحمد الأشقر، ممثل اللجنة التنسيقية للمعلمين، أن الوزارة أخطرته اليوم بأنها لا تشترط توقيع المعلم 18 مرة فى الشهر بدفاتر الحضور والانصراف للحصول على حافز الأداء، وإنما تشترط احتساب 18 يوم عمل له، بما فى ذلك الإجازات الاعتيادية والعارضة والمرضية تسهيلاً عليه،


المشكلة ان الإداريين فى المدارس مش بيفهموا . وكل ما نوضح ده ليهم يقولوا مفيش حاجه جت بكده . هات لى قرار بالكلام ده وانا احتسب ليك الحافز. ماذا نفعل ؟

يا جماعة والنبي عايزين الكلام ده يكون علي ورق رسمي علشان يوصل الادارات حتي يتم تنفيذه ...لان عندنا في بورسعيد مديرية التربية والتعليم ( اللهم صلي علي النبي) شيوخ منصر تبقي كل المحافظات صرفت ماعدا بورسعيد
وعلي فكرة احنا في بورسعيد اقل اساسي واقل مرتبات من المحافظات الاخري مش عارفة ليه ؟؟ ربنا ينتقم من المديرية والعاملين فيها الحرامية

دا كلام يا جماعة الوزارة بتضحك بيه علينا وبعدين مين احمد الاشقر ده انا اعرف انه كان ضد الاضراب وبيهاجم المضربين وانه من الاخوان المسلمين

تستحق مجمل الحوافز كاملة حسب القرار 45 لسنة 2010

ماحدش فاهم حاجة

الاداريون لا يعملون الا بالقرارات الواردة من الادارة وليس التصريحات الصحفية وهذا منطقى جدا

وإنما تشترط احتساب 18 يوم عمل له، بما فى ذلك الإجازات الاعتيادية والعارضة والمرضية تسهيلاً عليه،


معلهش ممكن حد يفهمنى معنى كدا ايه ؟هى الاجازات دى تعتبر يوم عمل ولا ايه

شكرا على هذا الخبر الجميل

الاداره في وادي والوزاره في وادي وكله مش فاهم اي شي وبيفتي انا الوقتي مش مسكنه علي الكادر ومنتظره نتيجته هل انا مستبعده من حافز االاثابه
ولو انا مش معترف بي في الاكاديميه لا انا معلم مساعد ولا انا معلم بس علي اساس التسكين بعد الاختبار
يبقي مليش حق في حافز الاثابه ؟ هو حافز اداء ولا اثابه ؟؟؟؟؟؟؟؟ 24 للمعلم الاول و50 للمعلم و75 للمعلم المساعد
الاداره تمتنع عن صرف الحافز لي يوليو واغسطس وسبتمبر لاني لم اسكن علي الكادر ده صحيح ولا الناس دي مش فاهمه حاجه وبتطبق بلا وعي ؟؟؟؟؟؟؟؟؟؟ ارجوكم حد يفيدني

تخدير المعلمين وامتصاص غضبهم

الصراحة محدش فاهم حاجة

يا جماعة لم يصل الادارات اى قرارات ده كلام وخلاص

اهم حاجة مش الكلام فين النشرةة


نشرة بتقول الكلام دة

انا لله وانا اليه راجعون
تم الخصم منا قبل ان يفرض لنا
والبقاء والدوام لله
ولا حول ولا قوة الا بالله العلى العظيم

انا اخدت اجازة اعتيادى شهر اغسطس كله واتخصم منى الحافز وبعدين كلام حضرتك مش مفهوم

ياجماعة الاجازات التي تحتسب ايام عمل فعلية هي الاجازات الرسمية مثل اجازة العيد واجازة 6 اكتوبر وبالمخ كده يعني لو الاجازات الاعتيادية والمرضية تعتبر ايام عمل فعلي يبقي ايه لزوم 18 توقيع