السلام عليكم اخوانى الاعضاء المحرومين والمطحنين . محرومين من حقوقهم ومطحنين
اليوم وانا فى المدرسه خرج علينا البيه الادارى المسئول عن المرتبات ببشرى سارة ولا اعرف مدى صدقها
الـ ايه خير الله اما اجعله خيرا
ان مرتبى سوف يزيد الشهر دة حوالى 380 جنيه . فستغربت وقولت له ليه ياعم ايه ال جرى فى الدنيا
قالى براحه شويه ياعم هحسبلك مرتبك بالكامل مع الزيادات الجديدة

الاســـاســـى :338.70 الدرجه الثانيه

معلــــم اول

الحوافز : 25% - يساوى 84 جنيه

الكادر : 223.28 جنيه

الـ 50% بدل اعتماد يساوى 148.85

وقالى ان هناك زيادة سوف تبدا من شهر اكتوبر القادم بمبلغ 420 جنيه يخصم منها 10% الباقى 380 جنيه

انا عايز اعرف حاجه يعنى ايه كلمه بدل اعتماد دى ؟؟

وهل الزيدة الجديدة فى شهر اكتوبر دى حقيقه

انا مش فاهم حاجه حد يكلمنى ويدلنى على الصح

وهم كبير مش المدارس أنتظمت خلاص كل سنة وانتم بخير

كلام كذب
بدل الاعتماد يعنى المرحلة الثانيةمن الكادر

ادارى بيهلوس هلاويس

ده اكيد كان بيحلم اوعى تصدقه مفيش زيادة غير 25% بس ده اذا مشوروش عقلهم وشالوها

كلام تييييييييييييييييييييييييييييييييييييييييت
متصدقش

اوعى يكون مستر فتحى اياه -- رئيس قسم الحسابات

أخى

ما قاله السيد الإدارى ( من وجهة نظرى ) هو ما سمعه من تصريحات وزيرنا الهمام

عن زيادة قدرها 125 % = حسب أساسى حضرتك 420 قبل خصم الأجر المتغير 10%

و قد شرحنا سؤ أسلوب السيد الوزير فى عرض الحقائق

حضرتك لن يكون هناك زيادة عما تم صرفه للمعلم الأول فى حال استبعاد المكافأة إلا 25% فقط

حضرتك تصرف الآن 25 % حافز إثابة أصلى + 50 % + 75 % بدل + 25% حوافز أداء

فيكون المجموع = 175% تحتاج إلى 25 % لتكملة مجموع حافز الإثابة إلى 200% حسب ما أعلن وزيرنا الهمام

طبعا ليس 125%

آسف للإزعاج

ماحدش يفتى اما تقبض فلوس اتكلم

لا حول ولا قوه الا بالله

لاء خدوا دى بقى..........انا من السويس وسمعت طراطيش كلام ان المجلس العسكرى...قال وزير الماليه تدى كل معلم كبير صغير..كلوا زى بعضة..400 جنية فوق مرتبه...اقال ايه على وزير التعليم ما يظبط قانون الكادر على اول العام الجديد.....بس معرفش 400 جنية دى على الاساسى ولا فى بند لوحدها......علشان تسدوا بقكم يعنى

كمان الادارى قالى انهم فى الادارة قالولوا وقف كشوف 25 % ميكملش.........والله واعلم

ارجو ان تكون المليونية الاحد لا السبت لان السبت اجازة فى معظم المحافظات والسبت يوم مربح لمعلمى الدروس فلن يحضرون اما الاحد فهو يوم دراسة فالكل سيحضر لو خرج المدرس من البيت مش مهم رايح فين المدرسة او الاضراب والمحافظات البعيدة يعتصمون امام الادارة او المديرية لتكون المليونية فى جميع المحافظات وتصل التقارير فى وقت واحد ومن جميع المحافظات ساعتها ستنكشف الحقيقة
ويظهر كل شئ واللة ولى التوفيق

سلملى على المسكنات

انا مدرس أول أ وصرفت الزيادات التى تقدر بأكثر من 200جنية شاملة زيادة الأجور المتغيرة لهذا العام و25 فى المائة

للأسف المعلمين لايتحملوا المسئولية وللأسف بينضحك عليهم وطالما انتظمت الدراسة فكل سنة وانتم نايمين وسلموا لى على الترماى وفعلا كان هذا اعتقادى فى المعلمين انهم لايمثلون عند الحكومة بمثقال ذرة ولايلتفت اليهم احد وانهم يحاربون بعضهم البعض فالرجاء من الجمع العمل فى صمت ولاتفتح فمك فى اى يوم من الأيام