z-jo0o
28-09-2011, 05:58 PM
سلام عليكم
انا لقيت مكتوب فى موقع التنسيق فى الاخر الجملة دى
ملحوظة: شعب اللغات تحسب بالمجموع الكلى للدرجات + درجة اللغة الأولى + المستوى الرفيع باللغة الأولى ان وجد = 465
فى حاجة مش فاهمها : لو انا واخد مستوى انجليزى رفيع هيضيفولى درجته على درجة مادة الانجليزى نفسها ؟؟
مش فاهمين ؟؟
طيب بصو لو انا جايب فى الانجليزى 44 وخدت مستوى رفيع جبت فيه اى درجة هل الدرجة دى هتضاف على الانجليزى بحيث ترفعنى ؟؟؟
انا عارف ان المستوى بيضاف ع المجموع الكلى وفاهم عشان محدش يفكر انى غبى :d
بس اللى خلانى اسـأل هو الجملة دى
"" + درجة اللغة الأولى + المستوى الرفيع باللغة الأولى ان وجد "" يعنى لو المستوى انجليزى هيضيفوه ولا لاء ؟؟ يارب تكون سؤالى وصل وفهمتوه :(
sara elmanzlawy
29-09-2011, 01:48 AM
الموضوع ده ملهوش اى صله بكليه الالسن خالص
شعب اللغات دى يقصد بيها كليه تجارة انجلش وحقوق انجلش ودى بتتحسب كالاتى:
المجموع+ درجه الانجلش + مستوى رفيع انجلش لو كنت واخد مستوى رفيع انجليزى= 465
465 دى بقى جات من :
المجموع الكلى اللى هو 410+ درجه الانجلش 50 +المستوى انجليزى 5 درجات =يبقى المجموع كله على بعضه 465
لكن لو كنت واخد مستوى رفيع تانى غير الانجلش يبقى تحذف ال5 درجات بتوع المستوى يبقى المجموع ساعتها 460لانه قاللك ان وجد مستوى رفيع انجلش
وطبعا المستوى رفيع انجلش ده بينضاف على المجموع الكلى مش على درجه الانجلش بس يعنى انت جايب فى الانجلش 44 مينفعش تضيف الانجلش على الماده دى بس دى على المجموع كله
حديك مثال :
يعنى انا واحده صاحبتى دخلت تجارة انجلش وهى كانت جايبه 371بينضاف عليها درجه الانجلش 46.5وكانت واخده مستوى رياضه يبقى مجموعها 417.5 من 460 لو كان واخده مستوى انجلش كانت ضفته على مجموعها وكان ساعتها المجموع الكلى كان حيكون 465
يارب تكون فهمت منى حاجه معلش انا برغى كتيييييييييييير :d
askar elnegm
29-09-2011, 05:54 AM
الالسن مش تبع الكليات شعب اللغات زى ما الاستاذة سارة وضحت
z-jo0o
29-09-2011, 05:31 PM
تمام يا سارة وتوضيح رائع واللهى
بس فى حاجة
يعنى كده لو انا خدت مستوى انجليش هيحسبولى مجموعى من 465
لكن لو خدت مستوى غير الانجليش هيحسبولى مجموعى من 460
؟؟؟
لو اللى انا قلته ده صح فمعنى كده انها واحد يعنى مفيش ميزة للى هياخد مستوى انجليش
ياريت توضيح معلش هتعبك :)
sara elmanzlawy
29-09-2011, 11:26 PM
بس انا عايزة اعرف انت فى كليه ايه بالظبط فى السن ولا تجارة انجلش؟
لو فى السن مفيش كل الحاجات اللى انا قولتها فوق دى لكن تجارة انجلش يبقى تمام
بالظبط كده 465 لو مستوى انجلش و460 لو اى مستوى تانى بس الشروط دى كلها مش فى كل الكليات زى ما قولتلك فى كليات شعب اللغات تجارة وحقوق انجلش بس
طبعا فى ميزة للى ياخد مستوى انجلش غير طبعا انها بتزودالمجموع الكلى ان اللى عايز يدخل تجارة انجلش مثلا حينضاف على المجموع الكلى +درجه الانجلش وعشان كده المجموع الكل فى الكليه دى بيكون 465
z-jo0o
29-09-2011, 11:28 PM
up up up pleaseeeeeeeeeeeeeeeee sara answer me i'm witting since yesterday :(
z-jo0o
29-09-2011, 11:33 PM
بصى انا فى تالتة ثانوى ولسه بقرر بين الكليتين ومش عارف مجموعى هيعمل ايه
واخر سؤال اهو معلش بقى :)
يعنى لو الكلية بتاخد من 400
لو انا خدت مستوى انجليش يبقى هتاخد 400 من 465
لكن لو خدت مستوى غير انجليش يبقى هتاخد 400 من 460
فاهمنى ؟
sara elmanzlawy
30-09-2011, 06:13 PM
ايوه مظبوط بس الكلام دا فى تجارة انجلش مش السن زى ماقولتلك والسنه دى تجارة انجلش اخدت من 417 من 460 لو مفيش مستوى انجلش والكلام دا لعلمى لكن ادبى اخدت من 378 من 460 يعنى فى فرصه تدخلها ان شاء اله