يا جماعة والله انا زهقت انا طالب ازهرى وقدم كلية علوم وكل الناس بيقولولى لا علوم كلية المجانين حتى والدى والدتى عايزنى اسيبها وادخل تربية وانا حابب الكلية
بس رحت سالت طلبة فى الكلية كل اما اسال واحد يقولى بالحرف والله كدة انا ندمان انى دخلتها ودة مخوفنى قوى لان الشى اما بيكون علية اجماع يبقى دة حقيقى فية ولا دول ناس فاشلة ولا اية قولولى الصراحة عن الكلية انتم ادرى اقبل اما ادخلها
حاجة تانية انا كان حلمى ادخل صيدلة وربنا موفقنيش سمعت عن حكاية تقديم كلية صيدلة خاصة لخريجى كلية العلوم دة كلام حقيقى ولا اشاعات وخلاص
بالله عليكم حد يفيدنى فى الحاجتين دول

يا جماعة والله انا زهقت انا طالب ازهرى وقدم كلية علوم وكل الناس بيقولولى لا علوم كلية المجانين حتى والدى والدتى عايزنى اسيبها وادخل تربية وانا حابب الكلية
بس رحت سالت طلبة فى الكلية كل اما اسال واحد يقولى بالحرف والله كدة انا ندمان انى دخلتها ودة مخوفنى قوى لان الشى اما بيكون علية اجماع يبقى دة حقيقى فية ولا دول ناس فاشلة ولا اية قولولى الصراحة عن الكلية انتم ادرى اقبل اما ادخلها
حاجة تانية انا كان حلمى ادخل صيدلة وربنا موفقنيش سمعت عن حكاية تقديم كلية صيدلة خاصة لخريجى كلية العلوم دة كلام حقيقى ولا اشاعات وخلاص
بالله عليكم حد يفيدنى فى الحاجتين دول
باختصار شديد علوم كويسة وافضل مليون مرة من تربية اما عن سؤالك التاني فده مش متاح حاليا

علوم طبعا أفضل بكتير من تربية .
وأهم حاجة ان انت بتحبها ودى أول خطوة للنجاح فى أى حاجة .
أنا هدخل علوم ان شاء الله بالرغم من انا كل ما اقول لحد انى هدخل علوم يقولى دى صعبة أوى ليه كدا ؟؟؟؟
بس أنا الحمد لله بحبها وميهمنيش رأى أى حد فيها بسمع من هنا وبخرج من الناحية التانية .
وبعدين دى كلية العلماء (الدكتور على مشرفة - الدكتور أحمد زويل - الدكتورة سميرة موسى ) واحنا فى المستقبل ان شاء الله .
المهم ان الانسان يحدد هدفه ويثق فى نفسه وفى قدراته ويجتهد ويعمل الى عليه و يتوكل على الله .

يا جماعة متخافوش و الله الكلية جميلة جدا و انا فخورة جدا ان انا فيها بس هى محتاجة مذاكرة اول باول يعنى مش عايزة تكويم و نقول هنذاكر فى الاخر لان ده مش هينفع خاااااااااااالص بس لو الواحد ذاكر من اولها و حط هدف قدامه ان شاء الله مش هتبقى صعبة عليه و الله يا جماعة الكلام ده عن تجربة توكلوا على الله بس و متخافوش

شكرا يا جماعة على الكلام الجميل دة وانشاء الله نفيد البلد بحاجة

اجتهد فيها وتوكل على الله,,
لاتهتم بكلام الناس,,المهم مستقبلك وطموحاتك ,,
هي كلية صعبة ومتعبة شوية بس لو اجتهدت فيها باذن الله ربنا يكرمك
وهي كلية جميلة ومميزة جدا,,بس مهضوم حقها بمصر ودا الموضوع ببساطة ..
وبالنسبة للشغل الارزاق على الله
بس باذن الله ربنا يكرمنا فيها ونعرف نقدم حاجة للبلد

هو ليه اللى يدخل علوم يحط فى دماغه انو لازم يا هيكون مدرس كيمياء او فيزياء او احياء ده فيها اقسام ملىء السمع والبصر ابحث عن العلماء والمناصب العليا يا علوم يا طب يا هندسة