نظام إمتحانات القدرات 2023 (فنون جميلة/تطبيقية/تربية فنية/نوعية) كل ماتريد معرفته هنا حصرى ومتجدد [الأرشيف]

مشاهدة النسخة كاملة : نظام إمتحانات القدرات 2023 (فنون جميلة/تطبيقية/تربية فنية/نوعية) كل ماتريد معرفته هنا حصرى ومتجدد

bahaaeldeen

30-09-2011, 10:57 AM

1/ إيه هو إمتحان القدرات؟

دة إمتحان بيقيس قدراتك فى كلية فنون جميلة او تطبيقية او تربية فنية ونوعية لمعرفة قدرات التخيل والإبداع يعنى من الأخر بيعرف إيدك تمشى فى الكلية ولا لا, ودة مش صعب نهائى بس عايز تدريب وتركيز كويس ومش شرط تكون رسام بيكاسو يعنى ولا يشترط موهبة فذة,
بس الاهم يكون عندك نسبة وتناسب وازاى تقدر تحول الشكل اللى قدامك او اللى متخيله لرسم فى الورقة ودة هنشرحه فى الموضوع دة.
وشرط أساسي علشان تدخل كلية فنون جميلة او تطبيقية او تربية فنية ونوعية انك تكون ناجح فى القدرات وجايب مجموع الكلية, وخلى بالك مش هينفع تكتبها في التنسيق او تحويل الا لما تكون ناجح الاول في القدرات
وطبعا مستقبل الكليات دى ممتاز جدا ومجالاتها تضمنلك الشغل في كل مكان وتقدر تسافر برة مصر بسهولة, ولازم تكون ممتحن وانت مخلص ثانوية عامة مينفعش تستنى النتيجة لان الامتحانات تكون خلصت,والامتحان مرة واحدة بس بعد انتهاء امتحانات ثانوى بتقدمله اونلاين

2/ إيه أنواعه؟

يعتبر إمتحان القدرات لفنون جميلة حاجتين عمارة وفنون ملهمش علاقة ببعض نهائى
انما فنون تطبيقية ليها امتحان واحد فقط وتربية فنية ليها امتحان واحد ونوعية ليها امتحان وعلى حسب كل كلية,
واما الكليات الخاصة ليها امتحان واحد على حسب الكلية زى تطبيقية 6 اكتوبر والتجمع الخامس واكاديمية الفنون والجامعة الالمانية.

3/إية نظام الامتحانين ل(فنون جميلة) وهل لازم أمتحن الأتنين؟

إمتحان عمارة فنون جميلة (لطلبة علمى رياضة بس) وبيأهل لقسم عمارة فقط
إمتحان فنون جميلة فنون (لطلبة علمى رياضة وعلوم وادبى) بيأهل لقسم جرافيك ونحت وتصوير وديكور ولكن قسم الديكور لعلمى فى كل الكليات عدا اسكندرية من ادبى.
امتحان فنون تطبيقية بياهل لفنون تطبيقية بكل اقسامها وتربية فنية بتاهل لتربية فنيه.

وممكن تختار أى حاجة بس المهم لو عايز تضمن ادخل عدد براحتك من الامتحانات لأنك بتمبحن قبل ما تعرف نتيجة امتحان ثانوية عامة والمجموع وكمان قبل نتيجة القدرات والظروف ف امتحن وسيبها ع ربنا لان الفرصة مرة واحدة بس وقبل التنسيق
بالنسبة (لفنون تطبيقية) بيأهلك لكل الاقسام لانك بتدخل اعدادى وبعد كدة بتتاهل على حسب تقديرك ل14 قسم وتنسيق القسم الداخلى بعد اعدادى وعلى فكرة تطبيقية مش فيها قسم عمارة ولكن فيها ديكور بيسموه هناك (تصميم داخلى واثاث) ودة بياخد اعلى تنسيق ومفيهوش تخصصات (عكس فنون جميلة ديكور من اعدادى وفيه شعبتين)

بالنسبة (لتربية فنية) و(نوعية) امتحانهم سهل جدا وبيأهلك للكلية نفسها
طبعا خلى باااااااااااااالك ان امتحان القدرات لازم تكون مخلص 3 ثانوى ومينفعش بعد كدة تمتحن قدرات (بيكون مرة واحدة بس وعدد براحتك من الامتحان عايز تمتحن فنون جميلة وتطبيقية براحتك بس هتمتحن كل امتحان مرة واحدة فقط وفرصة واحدة فقط) والامتحان بيكون قبل متكتب التنسيق

4/ إزاى أقدم فى إمتحان القدرات؟

بص انت هتابع القسم معانا والجرائد وهيعلنوا عن مواعيد سحب استمارات امتحانات القدرات (اونلاين) وبتكون بعد انتهاء امتحانات الثانوية العامة بايام واحيانا اسبوع او اكثر وبيستمر التقديم 14 يوم ع موقع التنسيق
ف لما يتم الاعلان هتحجز امتحان القدرات من خلال موقع التنسيق بتاعك وبياناتك وتسجل الاستمارة وتختار ميعاد امتحانك اونلاين ودة احسن واوفر بكتير من النظام القديم ولازم تاخد كورس لان الامتحان بعديها ومفيش وقت وتابع الجرايد وقت بوقت لحد ما يعلن الوزير مواعيد الامتحان قبليها بفترة واياك تروح قبل ما يعلنوا مواعيد امتحانات القدرات
ملحوظة مهمة جدااا: طبعا فى مشكلة هتسمعها دايما انك هتقرا فى الاخبار والجرايد يقولك اعلان مواعيد امتحان القدرات ودى جميلة غلط, لانها بتبقى مواعيد سحب استمارة امتحان القدرات ع النت اونلاين, والامتحان الطالب هو اللى بيحدده لما بيقدم فى الكلية وليس مواعيد امتحان
ونصيحة منى قدم واسحب استمارتك فى مواعيدك ع النت واخلص ومتستناش مجموعك ولا تستنى التنسيق, لان الامتحانات لما بتخلص مش بتتعاد تانى, ولو الميعاد فاتك خلاص راح عليك للابد ومش هينفع تعمل تحويل للكلية
واحنا فى المنتدى هننزل كل حاجة قبليها فى المواعيد المناسبة.

فيه كورسات جامدة جدا ودى احسن كورسات عن تجارب كتير, تبع دكتور في الكلية احمد رشاد ممتاز جدا وبس شغالين من زمان, وهيبدئوا السنة دى بعد الامتحانات مباشرة ركزوا معاهم جدا, لانهم بيعلنوا كل المواعيد قبل الامتحانات وبيظبطوا كل الامور انا نفسي بتابع معاهم المواعيد وبيساعدوا الناس فى امتحان القدرات وناس كتير بتنجح حتى لو مش بتعرف ترسم
وبسعر كويس ورخيص جدا واحسن من اى اماكن تانية لان الباقى بيعملوا حصة وحصتين ومكثف ودة رسم محتاج تدريب وحصص واطول الحصة معاهم 6 ساعات وبيتحاسبوا بالحصة وبيكملوا كمان ع النت 24 ساعة للكورس, انا نفسي كنت معاهم ونجحت ودى صفحتهم احسن كورسات بيقدموها بتضمنلكوا امتحان القدرات اضغط هنا لمتابعتهم واخبار القدرات اول باول (https://goo.gl/xse52M) ودى استمارة حجز عاملينها ببلاش لانهم هيبدئوا اول ما تاخدوا اجازة الثانوية العامة من هنا (https://docs.google.com/forms/d/e/1FAIpQLSfisAjTs73x9ff6ONQhkbwCMhxkIfavwiR8Ft-O3k-WNZyD6g/viewform?usp=sf_link
)

5/ ايه طيب نظام الامتحان بالنسبة لعمارة فنون جميلة؟؟
فى (فنون جميلة حلوان) بس
امتحان عمارة ملوش علاقة بانك تكون رسام او لا لانه عبارة عن رسومات هندسية ومناظير نقطتين او نقطة او كروكى بظلال ونور ((وفى اخر سنتين)) فى الزمالك جاب شبكة مرسومة بمنظور وطلب رسم مجسمات هندسية زى مكعب او هرم وبالتكرار ورا بعض وبالتظليل
يعني باختصار بيجبلك سؤالين بس
اول سؤال رسم بمنظور هندسى بيطلب منك ترسم بوابة مدرسة -تجمع مبانى سكنية-استاد- وهكذا.. ودة رسم بالمسطرة واقلام رصاص 3b/ 6b واول ما الاجازة تيجى هنشرح على المنتدى ازاى ترسمه
تاني سؤال بيديلك اشكال هندسية مجسمة (شكلين او تلاتة) وبيقولك ارسم تكوين بالاشكال الهندسية دي بالتكرار ورا بعض وبارتفاعات ومقاسات مختلفة وبتعمل حذف واضافة للكتل (منظوريا)

طبعا النظري بيبقي اسئلة عامة عن قوانين الرياضة والفيزياء ووحدات القياس زي مثلا الكيلو كام متر، والبوصة كام سم، وايه وحدة قياس الطاقة مثلا + معلومات معمارية
وطبعا اوعى تنسى ان عشان تنجح لازم تحل النظري والعملي وتنجح في كل جزء منهم بنسبة 50% يعني اوعى تسيب النظري

طب ايه نظام امتحان قدرات فنون لفنون جميلة فنون وتطبيقية وفنية ونوعية؟؟[/SIZE]

امتحان فنون جميلة فنون وفنون تطبيقية وتربية فنية وتربية نوعية شعبة فنية نفس الاسئلة بس كل كلية ليها امتحانها وعايز تركيز ومحتاج تمرين

خلى بالك شرط النجاح انك تكون معدى ال50% في كل الاسئلة حتى النظري يعني متحلش حاجة وتسكت لان الموضوع دة عمل مشاكل كتير
عبارة عن 4 اسئلة

اول سؤال (تعبير فني) هيقولك ارسم في مقاس ربع فرخ 50 في 35 سم عن موضوع معين زى حرب اكتوبر او البيئة او اثار الحروب او فرح وطبعا لازم ترسم مجسمات وتظليل وتبين شغل محترم ودة مش هتتمرن عليه ف يوم ولا يومين دة عايز ع الاقل كورس 4 ايام وترسم اشخاص

تانى سؤال (تصميم ابتكاري) ودة مهم وبييجي فى كل امتحانات فنون جميلة وتطبيقية وتربية فنية ونوعية عدا عمارة طبعا هيقولك صمم كارت 14سم فى 20سم (مثلا) عن ترشيد المياة بالالوان

هتجيب الوان خشب معاك ودة زى رسم اولى حضانة سهل مش محتاج منك اى مجهود غير القدرة على تخيل بسيييييييييط برموز معبرة عن التصميم زى الدعايا والاعلان وخلى بالك السؤال دة بييجى فى كل الامتحانات حتى تربية فنية ونوعية لانه سؤال مهم جداااااااااااا

الامتحان وقته طويل جداااااااااا 4 ساعات واكتر كمان ولو رسمت بالرسم المريح دة هيتبقى معاك ساعة او نص ساعة اهم حاجة متكونش مستعجل ابدااااا وسيبك من الغش وانك تساعد حواليك لانك هتضيع وقت جامد :)

وباذن الله متخافش من الامتحان لانه كويس وجميل بس عايز تركيز شوية ومش محتاج موهبة اوى يعنى بس محتاج تدريب كويس وصح وطبعا بنحذركم من الكورسات اللى اى كلام ويقولك حصة وحصتين ومكثف لان دة امتحان رسم وعملى مش نظرى وبتكتشف انك ضيعت فلوس ع الفاضي واضمن كورسات اللى قولتلكو عليها قبل كدة

7/ طب ايه مستقبل الكلية؟

كلية فنون جميلة: بالنسبة لعمارة ممكن تاخدها تمرين لو عايز تدخل هندسة ولو مجموعك فرق على درجتين تلاتة اقل من هندسة قدم عمارة وبتاخد نفس الشهادة وبتبقى تبع نقابة المهندسين ومستقبلها احسن من هندسة عمارة لانك بتدرس جانب هندسى وتذوقى وفنى يعنى قدرات ذات طاقة دفع ثلاثية
بالنسبة لديكور لو مجموعك اقل من هندسة ب 15 درجة مثلا بتقدم ديكور وبتدرس نفس مواد عمارة بس عمارة داخليه وبتكون مهندس فنان ومش شرط دخولها موهبة بس ديكور اقل من عمارة فى انها متتبعش نقابة المهندسين للاسف مع انها كانت تتبع بس قريب باذن الله هتتبع النقابة ومستقبلها ممتاز جدااااااا برة مصر وجواها وحاليا تتبع نقابة هندسة الديكور وتقدر تكتب لقب مهندس فى البطاقة بدون اى مشاكل لديكور

عدد مهندسين العمارة اكتر من مهندسين ديكور احسبها انت مع نفسك
باقى اقسام فنون محتاجة موهبة اكتر من عمارة وديكور علشان فرص العمل تكون زيهم او اكتر انما عمارة وديكور مش محتاجين موهبة اوى
وديكور بيدرس مواد هندسية ومواد فنية زى عمارة فى حاجات
يعتبر قسم الديكور اسمه البديل عمارة داخلية وتصميم داخلى وبيخرج لقب مصمم معمارى وهندسى وديكورى وداخلى :)
وقسم جرافيك مش مجرد رسومات بالكومبيوتر وخلاص انما هو عبارة عن رسم بالسيراميك مثلا وبالتطبيقات والادوات والخامات وبيدخل فى تصميم الدعايا والاعلانات وكل الحاجات الثرى دى والفوتوشوب ومحتاج موهبة
اما بقى لكلية فنون تطبيقية اقسام ممتازة لانها عملية جدا متقلش عن فنون جميلة طبعا ولا تزيد بس تطبيقية بتهتم بالجانب التطبيقي اكتر من فنون جميلة بتهتم بالجانب المجالى والفنى اكتر
وبالنسبة لتربية فنية ونوعية مفهومين غلط لانه مش بيجبرك على انك تكون مدرس ولكن ممكن تطلع فنان تشكيلى وبتختار فى الكلية عايز قسم تربوى للتدريس ولا تثقيفى للفن
ودى مواد فنون جميلة لكل قسم شوفها بنفسك خلال الرابط دة (http://www.thanwya.com/vb/showthread.php?t=444596)
http://www.thanwya.com/vb/showthread.php?t=444596 (http://www.thanwya.com/vb/showthread.php?t=444596)

8/ايه ترتيب اقسام فنون جميلة من حيث الافضلية للطالب المتوسط؟؟

أ/ عمارة- مجموعها اقل من هندسة بفروق بسيطةجدا -افضل من هندسة معمارى نظرا لدراسة الجانب الفنى.

ب/ديكور-مجموعها اقل من عمارة بقليل ولو عايز ديكور بتدخل امتحان قدرات فنون فنون ومش عمارة -دراستها مستمدة من عمارة ويمكن بالكورسات توفر فرص عمل عمارة لديكور يعنى تشتغل مهندس معمارى - علمى فقط ماعدا جامعة اسكندرية وفيها تخصصين على حسب رغبة الطالب اول تخصص هو عمارة داخلية ودة بيدرس كل انواع التصاميم لو الطالب حابب جانب هندسى اكتر- وشعبة فنون تعبيرية لو الطالب حابب الجانب الفنى اكتر ودة تصميم ازياء وديكور مسرح وتليفزيون وسينما :) وبيخرج مهندسين ديكور ومصممين عمارة داخلية وكمان شغل ديكور قوى جدا ومضمون لان الطلبة بتاخد خبرة قوية جدا فى الجانب الفنى والهندسى يعنى م الاخر ديكور بيدرس كل اللى الاقسام بتدرسه :) وعلشان تدخل قسم ديكور لازم تمتحن قدرات فنون مش عمارة وتكون علمى والكلية بتخليك فى قسم ديكور من اعدادى :) يعنى تقدر تقول ان ديكور شامل كل الاقسام :)

ج/جرافيك- محتاجة موهبة وحب مجال - ادبى وعلمى

د/تصوير - محتاجة موهبة وحب مجال - ادبى وعلمى

ه/نحت - محتاجة موهبة 100% وحب مجال اكتر - ادبى وعلمى

والترتيب دة بالنسبة للطالب المتوسط الموهبة اغلب الناس انما لو واحد موهوب فى الجرافيك مثلا يبقى الترتيب بالنسباله مركز اول جرافيك وهكذا

9/ ازاى بعرف الاقسام فى الكلية؟

لعلمى:
عمارة وديكور قسمين مختلفين من اول سنة بيتم دراستهم اعدادى(اعدادى ديكور وفيه اعدادى عمارة) يعنى كلهم 5 سنين زى هندسة بالظبط وتنمح شهادة بكالريوس فنون جميلة قسم كذا وتقدر تشتغل فى اى مكتب او موقع هندسى بسهولة
ولاحظ انك لو امتحنت فنون جميلة فنون وانت علمى بتدخل اعدادى ديكور مش اعدادى عمارة
ولو انت ادبى هتدخل اعدادى فنون وتانى سنة تتاهل لتلات اقسام (جرافيك او تصوير او نحت)

ادبى:
بتدرس الاول اعدادى فنون يعنى بتدرس جرافيك ونحت وتصوير ووبعد اول سنة بيتم اختيار القسم سواء بتقدير او التقدم بطلب

جامعة الاسكندرية اصبحت تمنح قسم الديكور لادبى من اول سنة شرط ليها تنسيق داخلى اعلى من مجموع الكلية الادبى بس خلى بالك لو قدمت ديكور فى اسكندرية مينفعش تعمل تحويل لحلوان لاى سبب مهما يكن

جامعة حلوان بياخدوا علمى بس فنون فى ديكور وعمارة ليها تنسيق لوحده

اما فنون تطبيقية بتدرس اعدادى وتانى سنة تتاهل ل 14 قسم على حسب تقديرك والتنسيق الداخلى بعد نتيجتك ف اعدادى

طبعا كل سنة يعملوا كلية جديدة ودلوقتى بقى فيه فنون جميلة حلوان/اسكندرية/المنصورة/المنيا/اسيوط/الاقصر

اى استفسااااااااااااااااااااار اسالوه هنا وشكرااا اتمنى انى اكون قدرت افيدكم

emy iglasias

01-10-2011, 09:17 PM

انا كنت فكراه حاجه اصعب من كده طلع سهل اوي

دحيح ولكن

05-10-2011, 04:24 AM

ممكن بعد ازنك تشرح حكاية قسم الديكور من ادبى دى تانى بتوسع..
وشكرا لحضرتك

lolyyyy

13-10-2011, 04:21 PM

'طب سؤال انا اخدت عمارة وجبت لائق بس ماجبتش مجموع قسم عمارة
ينفع ادخل ديكور من غير قدرات فنون؟؟؟؟؟؟؟؟؟؟؟؟؟؟؟؟؟ ارجو الرد

mai fathalla

14-10-2011, 06:51 AM

طب انا عاوزه اعرف انفع فى قسم ايه انا ادبى بس برسم كويس و لو قدامى صوره بنقلها هى هى و عاوزه اعرف هو انا اللى بختار مكان الكليه انا تانيه ثانوي لسه و ميرسي اوى اوى على الموضوع و فادنى كتييييييييييييييييير لانى كنت مرعوبه من امتحان القدرات دا

bahaaeldeen

16-10-2011, 07:48 PM

lolyyyy

20-10-2011, 02:21 PM

3/إية نظام الامتحانين وهل لازم أمتحن الأتنين؟
[/size]
إمتحان عمارة بيأهل لقسم عمارة وديكور لعلمى فقط
إمتحان فنون بيأهل لقسم جرافيك ونحت وتصوير وديكور لعلمى وادبى

على فكرة حضرتك قولت معلومة غلط انا سألت على قسم ديكور
مش بيقبل غير اللى اجتازو امتحان الفنون فقط وملوش علاقة بأمتحان العمارة[SIZE=4]

Hazem41

22-10-2011, 12:36 AM

أنا اتخرجت من تربية نوعية انجليزى بس نفسى ادرس فنون جميلة وأقدم لامتحان القدرات ينفع والمفروض أعمل ايه

bahaaeldeen

25-10-2011, 11:38 PM

3/إية نظام الامتحانين وهل لازم أمتحن الأتنين؟
[/size] [size=4]
إمتحان عمارة بيأهل لقسم عمارة وديكور لعلمى فقط
إمتحان فنون بيأهل لقسم جرافيك ونحت وتصوير وديكور لعلمى وادبى

على فكرة حضرتك قولت معلومة غلط انا سألت على قسم ديكور
مش بيقبل غير اللى اجتازو امتحان الفنون فقط وملوش علاقة بأمتحان العمارة

مع احترامى لكلامك صح بس اللى عايز يتأهل وميلاقيش صعوبة ويكون متدرب فى المناظير لانه هيتدرس فى اسقاط هندسى ومنظور حر طوال السنين
كلامك صح قانونيا لكنه ممكنش ميكونش مظبوط فعليا
دى اول حاجة وتانى حاجة ان التنسيق ميكونش لسة طلع يعنى الطلة ميعرفوش هيدخلوا الكلية ولا لا
وديكور كدة ف حلوان بتاخد علمى بس
يعنى يقدموا فى الاتنين لعلمى رياضة عمارة وفنون

posyyy

26-10-2011, 12:30 PM

ميرسي اوي علي مجهودك انا كنت بسال عن الحاجات دي انا في تالته ثانوي ادبي و جبت في تانيه ثانوي 87% لو انشاء الله قدرت ازود المجموع ده السنه دي اقدر ادخلها؟؟و انا محتاجه يكون مجموعي في السنتين كام عشان اقدر ادخل قسم جرافيك في جامعه حلوان؟؟

posyyy

01-11-2011, 08:41 PM

يا جماعه ياريت لو حد عنده فكره يرد عليا

eng.nana

02-11-2011, 05:57 PM

يا جماعه ياريت لو حد عنده فكره يرد عليا

السنة اللى فاتت فنون جميلة فنون حلوان اخدت من 87%تقريبا فان شاء الله تلحقيها اما عن دخول قسم الجرافيك فدة مبيتحددش الا بعد دخولك الكلية ولازم تجيبى تقدير كويس فى اول سنة عشان تقدرى تخشى القسم يعنى قسم جرافيك بيتحدد بتقدير السنة الاعدادية فى الكلية بس خلى بالك احتمال السنة اللى جاية المجاميع تبقى مرتفعة قوى فحاولى على قدر الامكان تزودى مجموعك

story.ending

07-11-2011, 10:45 AM

لو سمحت انا فى تالته ثانوى علمى رياضه ونفسى ادخل فنون جميله قسم ديكور ابقى مهندسه ديكور فكنت عاوزه اعرف بتاخد من كام واول ما اخلص امتحانات على طول اروح اقدم فى امتحانات القدرات قبل النتيجه ولا بعدها

posyyy

10-11-2011, 05:37 AM

السنة اللى فاتت فنون جميلة فنون حلوان اخدت من 87%تقريبا فان شاء الله تلحقيها اما عن دخول قسم الجرافيك فدة مبيتحددش الا بعد دخولك الكلية ولازم تجيبى تقدير كويس فى اول سنة عشان تقدرى تخشى القسم يعنى قسم جرافيك بيتحدد بتقدير السنة الاعدادية فى الكلية بس خلى بالك احتمال السنة اللى جاية المجاميع تبقى مرتفعة قوى فحاولى على قدر الامكان تزودى مجموعك
ميرسي اوي و انشاء الله اقدر اجيب مجموع اكبر و ربنا يوفق كل الناس و يدخلو اللي عايزينو

vray3d

13-11-2011, 10:37 PM

والنبى عندى سؤال مخوفنى لحد دلوقتى ..
الحمدلله نص كلامك طمنى ,, بس انا عايز اقول حاجة بس ..
انا فى تالتة ثانوى حاليا , والحمدلله ربنا مدينى موهبة انى اقدر اصمم ثرى دى ( شغاال فى المجال دا اكتر من 8 سنين ) وكنـت علمى ومع الاسف مجموعى طلع قليل ( 84% ) وحولت ادبى لأن فرصتى فيها اعلى ان شاء الله ..
تمام والحمدلله ماشى كويس فى الدرااسة وربنا يسهلها يارب واقدر اوصل لـ فنون جميلة جامعة اسكندرية ..
السؤال بقى ,, انا سمعت ان فيه تنسيق داخلى تانى جوة الجامعة عشان تدخل هندسة ديكور ,, او بمعنى تانى ..
بياخدوا بالأولوية للى درجاتهم اعلى ..
انا مش فااهم .. يعنى انا لو مثلا جبت 90% فى مجموع السنتين .. وربنا كرمنى ودخلت جامعة اسكندرية .. هل دا معناه ان هندسة ديكور متوفرة لى ؟؟

وربنا يكرمك يارب :)
هشـام ..

zamalek1

14-11-2011, 09:29 PM

http://www.palestineremembered.com/GeoPoints/Nablus_5195/Nablus-18135.jpg

فنون عمارة بتاخد من كام تقريبااااااااا ومن رايك حضرتك اخد دلوقتى القدرات والامتحان بيكون
مع امتحانات الثانوية العامة ولا
بعد امتحانات الثانوية ولا
بعد النتيجة
بعد التنسيق
ولا بعد ما مجموعى يجيب فنون عمارة
وفى معهد اللى انا باخد فى فيزياء عملين فى حجز لفنون عمارة ادخلها واروح امتحن ولا لازم احضر فى الكلية ؟؟؟؟؟؟؟

eng.nana

15-11-2011, 09:08 PM

فنون عمارة بتاخد من كام تقريبااااااااا ومن رايك حضرتك اخد دلوقتى القدرات والامتحان بيكون
مع امتحانات الثانوية العامة ولا
بعد امتحانات الثانوية ولا
بعد النتيجة
بعد التنسيق
ولا بعد ما مجموعى يجيب فنون عمارة
وفى معهد اللى انا باخد فى فيزياء عملين فى حجز لفنون عمارة ادخلها واروح امتحن ولا لازم احضر فى الكلية ؟؟؟؟؟؟؟[/quote]

فنون عمارة السنه اللى فاتت خدت حد ادنى من 93.5%وهى عامة تقريبا نفس مجموع هندسه وفى سنين كانت اعلى منها وفى سنين كانت اقل منها وممكن تبدا دلوقتى القدرات على مدار السنه والامتحان بيبقى بعد امتحان الثانويه العامه وبعد ما نتيجتك تظهر بس قبل ما نتيجه التنسيق تظهر يعنى انت وانت رايح تمتحن هتبقى عرفت نتيجتك لكن مش هتبقى عارف لو كنت جايب مجموعها والا لا والامتحان بيبقى فى الكليه مش فى اى مكان تانى

zamalek1

17-11-2011, 11:03 PM

شكراااااااااااااااااا اوى يا بشمهندسة نانا

posyyy

18-11-2011, 03:05 PM

الاحسن اني ابتدي الكورسات بعد الامتحانات علي طول و لا اعمل ايه؟ و هي الكورسات دي بتكون فين و مدتها اد ايه؟؟

eng.nana

18-11-2011, 06:33 PM

الاحسن اني ابتدي الكورسات بعد الامتحانات علي طول و لا اعمل ايه؟ و هي الكورسات دي بتكون فين و مدتها اد ايه؟؟

لو عندك وقت تبدايها دلوقتى مفيش اى مشاكل ولو معندكيش وقت ممكن تبدايها بعد الامتحانات عادى بس لازم الاول تشوفى عندك اى سنتر او مركز يبقى فيه مدرس بيدى قدرات وبرده شوفى فى مدرستك لان ممكن مدرسين الرسم عندك يكونوا بيدوا قدرات فى المدرسه وبرده بيبقى فيه فى الكليه نفسها كورسات قبل متمتحنى وعدد الحصص مبيبقاش محدد على حسب النظام اللى هتمشى بيه والمدرس اللى هتاخدى معاه

posyyy

19-11-2011, 08:04 AM

:):022yb4:merciiii 2wy leky

story.ending

19-11-2011, 07:11 PM

لو سمحت انا كنت عاوزه اعرف اول ما اخلص امتحان على طول اروح امتحن القدرات والمكان موجود فين بالظبط فى القاهره

story.ending

19-11-2011, 07:12 PM

ده على امتحان قسم ديكور

vray3d

26-11-2011, 01:28 AM

eng.nana

26-11-2011, 11:27 AM

vray3d

02-12-2011, 11:48 PM

ربنا يكرمك ياارب ,, هو انا حاطط فى دمااغى ان شاء الله انى اجيب اعلى من مجموع الكلية .. انا سمعت انها السنة اللى فاتت واخدة من 90 ,, فـ ع الاقل لازم اجيب 91% عشاان يبقى ليا الاولوية لدخولها .. صح ولا انا غلطان ؟
واسف جدا على ازعاجكم

jasytaha

24-12-2011, 02:39 PM

يا جماعة فى ناس بتقول ان الديكور من ادبى فى **** بس وناس بتقول انها فى جميع الجامعات ماعدا حلوان نفسى اعرف عشان استقر انا فى تانية ثانوى وعايزة احدد هدف ارجوا الرد

jasytaha

24-12-2011, 04:16 PM

ياجماعة انا عندى سؤال محيرنى جامعة فنون جميلة القاهرة ممكن ادخل قسم الديكور من ادبى ولا لا انا فى تانية ثانوى ادبى وعايزة احدد هدفى الرجاء الرد سريعا

eng.nana

25-12-2011, 12:06 AM

ياجماعة انا عندى سؤال محيرنى جامعة فنون جميلة القاهرة ممكن ادخل قسم الديكور من ادبى ولا لا انا فى تانية ثانوى ادبى وعايزة احدد هدفى الرجاء الرد سريعا

للاسف فنون جميله حلوان مش بتاخد ادبى فى ديكور يعنى لازم تبقى واخده فيزياء وكيمياء لكن ينفع فى اسكندريه انما الباقى معرفش

BeboDiab

08-01-2012, 05:35 PM

ميرسى على الشرح

زوزو33

18-01-2012, 01:33 PM

اناعندي سؤال انا مغتربه بدرس في السعوديه ونفسي ادخل فنون جميله بس مش عرفه اي تفصيل عن الكليه وبتقبل من كام في النسبه انا تالت ثانوي واختبار الابتقول عليه ده انزل امتحن امته

bahaaeldeen

20-01-2012, 07:19 PM

اناعندي سؤال انا مغتربه بدرس في السعوديه ونفسي ادخل فنون جميله بس مش عرفه اي تفصيل عن الكليه وبتقبل من كام في النسبه انا تالت ثانوي واختبار الابتقول عليه ده انزل امتحن امته

بصى موضوع الكورسات متقلقيش منه نهائى ودة رقمى ممكن انسق معاكى فى الموضوع دة 01114084670 واقولك على الامتحانات وكله وانا هعمل باذن الله كورسات هنا ع المنتدى هشرح فيها كل حاجة

مدرس وخلاص

25-02-2012, 08:08 PM

انا تربية نوعية تربية فنية عاوز ادرس فنون جميلة ممكن ؟؟؟؟؟؟؟؟؟؟؟

mana77

27-02-2012, 12:03 AM

ya gam3a plz ya3ny sa3doony ana ba7eb el graphics w kda ya3ny 3al computer bs ana msh ba3rf arsem 7elw fa besra7a me7tara ad5ol el clg wala msh hamshy feeha :bosyht9:

اسلام رمضان محمد

02-03-2012, 08:05 PM

جزأك الله خير

story.ending

04-03-2012, 07:21 PM

بعد اذن حضرتك استاذ بهاء انا تالته ثانوى علمى رياضه لو سمحت كنت عاوزه اعرف امتحانات اللقدرات ديكور هتبدأ امتى بالظبط وينفع ادخل القدرات من غير كورسات علشان انا من الشرقيه ومش هيبقى عنندى وقت للكورسات

esraa unbreakable

07-03-2012, 11:18 PM

بليييييييييييز يا استاذ بهاء انا من المنصورة ومفيش حد بيدرس هنا كورسات فى منهج القدرات وصعب جدا فى الثانوية العامة انى اسافر اخد الكورسات
فياريت بجد لو تنزل الكورسات فى المنتدى بالتفصيل وتعرفنا معاد الامتحانات

تيتو السطوحى

13-03-2012, 08:49 PM

لو انا امتحنت قدرات عمارة ونجحت فيها هل يزيد مجموع الثانوية العامة

bahaaeldeen

20-03-2012, 06:05 AM

لو انا امتحنت قدرات عمارة ونجحت فيها هل يزيد مجموع الثانوية العامة

لا ابداااااااا ملوش علاقة بالثانوية العامة

Alaa ziad

24-04-2012, 09:21 AM

السلام عليكم
أنا عندي سؤال هو فنون جميلة الزمالك بتاخد من علمي علوم كام في المية ؟
و هو فنون تطبيقية ينفع حد من علمي علوم يدخلها ؟؟

بسمة العرب

24-04-2012, 08:56 PM

السلام عليكم
أنا عندي سؤال هو فنون جميلة الزمالك بتاخد من علمي علوم كام في المية ؟
و هو فنون تطبيقية ينفع حد من علمي علوم يدخلها ؟؟

فى حدود 92% وفنون تطبيقية ينفع يدخلها علمى علوم ورياضة

Alaa ziad

24-04-2012, 10:38 PM

فى حدود 92% وفنون تطبيقية ينفع يدخلها علمى علوم ورياضة

شكرا جدا لحضرتك

bahaaeldeen

28-04-2012, 12:59 PM

السلام عليكم
أنا عندي سؤال هو فنون جميلة الزمالك بتاخد من علمي علوم كام في المية ؟
و هو فنون تطبيقية ينفع حد من علمي علوم يدخلها ؟؟

فنون جميلة الزمالك خدت السنة اللى فاتت 92 ونص
379 ونص

وربنا يوفقك :)
فنون تطبيقية لا
فنون جميلة بتدخلها لكن بتدخل قسم ديكور مفتوحلك المجال ليك كل اقسام فنون وديكور

ام الكيمياء

29-04-2012, 02:52 PM

شكرااااااااااااااااااااااااااا على المعلومات الهامة للطالب و لولى الامر

Alaa ziad

01-05-2012, 08:16 PM

فنون جميلة الزمالك خدت السنة اللى فاتت 92 ونص
379 ونص

وربنا يوفقك :)
فنون تطبيقية لا
فنون جميلة بتدخلها لكن بتدخل قسم ديكور مفتوحلك المجال ليك كل اقسام فنون وديكور

مممم طب هوة دة بجد و لا لأ أصلي باخد الكورس دلوقتي و المستر قالي فنون تطبيقية علمي علوم عادي و هناخد حصة prospective علشان الامتحان مع العلم ان الراجل دة بيدرس في الكلية يعني فاهم :d
ممكن جواب نهائي بأة :bosyht9:

bahaaeldeen

01-05-2012, 09:02 PM

مممم طب هوة دة بجد و لا لأ أصلي باخد الكورس دلوقتي و المستر قالي فنون تطبيقية علمي علوم عادي و هناخد حصة prospective علشان الامتحان مع العلم ان الراجل دة بيدرس في الكلية يعني فاهم :d
ممكن جواب نهائي بأة :bosyht9:

تمام انا بصراحة معلوماتى عن فنون تطبيقية زى معلوماتى عن منتخب موزمبيق ههههههههههههههههههههه
كمل وربنا يوفقك
بس فنون جميلة احسن من تطبيقية على فكرة

Alaa ziad

02-05-2012, 03:59 PM

شكرا و هي كملي مش كمل ‎:d‎‏
‏ آلاء زياد

بسمة العرب

02-05-2012, 07:57 PM

مممم طب هوة دة بجد و لا لأ أصلي باخد الكورس دلوقتي و المستر قالي فنون تطبيقية علمي علوم عادي و هناخد حصة prospective علشان الامتحان مع العلم ان الراجل دة بيدرس في الكلية يعني فاهم :d
ممكن جواب نهائي بأة :bosyht9:

متقلقيش انا ليا اصحابى كانوا علمى علوم وفى فنون تطبيقية ودى معلومة اكيدة

bahaaeldeen

04-05-2012, 04:59 PM

شكرا و هي كملي مش كمل ‎:d‎‏
‏ آلاء زياد

ههههههههههههه
حاضر يا الاء اسف لانى مخدتش بالى
كملى فى طريقك ههههههههههههه
اهلا بيكى :)

maha ali ali

06-05-2012, 04:38 PM

انا جيبه 78.5 في تانيه ودلوقت انا ف تالته وانا لو جبت نفس مجموع ده في السنتين هجبها وانا حلم حياتي اني ادخل فنون جميله ومش عرفه مجموعي هيجبها ولا لا ارجو الرد.ولو هيجبها هو في امتحانات بتتعمل ف مدرسه الاول

nashwa el-razzaz

07-05-2012, 04:49 PM

. . عرفت ان فنون جميله عمارة بتاخدت من حوالى 93.5%
ده معناه ان قسم ديكور بياخد من نفس المجموع ده تقريبا ولا على حسب مجموع الكليه العادى ؟؟؟

bahaaeldeen

08-05-2012, 11:15 PM

[QUOTE=maha ali ali;4471724]انا جيبه 78.5 في تانيه ودلوقت انا ف تالته وانا لو جبت نفس مجموع ده في السنتين هجبها وانا حلم حياتي اني ادخل فنون جميله ومش عرفه مجموعي هيجبها ولا لا ارجو الرد.ولو هيجبها هو في امتحانات بتتعمل ف مدرسه الاول[/QUOTE

الامتحان فى الكلية واخر ميعاد يوم 17 مايو
والامتحان هيبدا بعد الثانوى ب 48 ساعة
ياريت تلحقى وتقدمى برضو فى تربية فنية وربنا يوفقك
هتكتبى فى التنسيق
رغباات فى الاول فنون جميلة بعدها تربية فنية والتحويل متقلقيش منه
:)

bahaaeldeen

08-05-2012, 11:18 PM

. . عرفت ان فنون جميله عمارة بتاخدت من حوالى 93.5%
ده معناه ان قسم ديكور بياخد من نفس المجموع ده تقريبا ولا على حسب مجموع الكليه العادى ؟؟؟

قسم ديكور فى تنسيق الثانوية العامة هو قسم فنون
يعنى واخد 92 ونص فى المية
هتبصى فى تنسيق بتوع علمى وفنون جميلة فنون
انما عمارة دة لوحده

وديكور لوحده برضو فى الدراسة لكن محطوط فى الثانوى فنون مش عارف ليه
ولو عمارة تحولى لديكور عادى جدا :)

بسمة العرب

09-05-2012, 03:47 PM

. . عرفت ان فنون جميله عمارة بتاخدت من حوالى 93.5%
ده معناه ان قسم ديكور بياخد من نفس المجموع ده تقريبا ولا على حسب مجموع الكليه العادى ؟؟؟

بصى عمارة اعلى حاجة فى كلية فنون جميله بالتالى ديكور اقل منه بس مش بكتير بمعنى ان انتى لو كنتى علمى رياضة اعتقد ممكن تدخليها ب92 تقريبا او اقل حاجة بسيطة قوى لان اقل فنون جميله فنون اللى هى الاقصر كانت واخده السنة اللى فاتت بتاع 91.3% تقريبا انما لو ادبى اعتقد هيبقى اعلى من مجموع الكلية يعنى فى النهاية اعتقد انه بياخد على حسب مجموع الكلية العادى بس لعلمى بس اما ادبى بيبقى اعلى

bahaaeldeen

11-05-2012, 03:41 AM

بصى عمارة اعلى حاجة فى كلية فنون جميله بالتالى ديكور اقل منه بس مش بكتير بمعنى ان انتى لو كنتى علمى رياضة اعتقد ممكن تدخليها ب92 تقريبا او اقل حاجة بسيطة قوى لان اقل فنون جميله فنون اللى هى الاقصر كانت واخده السنة اللى فاتت بتاع 91.3% تقريبا انما لو ادبى اعتقد هيبقى اعلى من مجموع الكلية يعنى فى النهاية اعتقد انه بياخد على حسب مجموع الكلية العادى بس لعلمى بس اما ادبى بيبقى اعلى

توضيح بسيط مع احترامى
عمارة اعلى حاجة فى الدرجات فقط لا غير
لكن فى الشغل ديكور لانه ماسك العصاية من النص
بندرس عمارة وبندرس فنون
بصراحة افضل قسم هو الديكور
وكمان بقى فيه 900 الف مهندس معمارى لكن فيه قلة قليلة من ديكور

واسكندرية للاسف هى اللى بتاخد ديكور ادبى 90% تنسيق داخلى

بسمة العرب

11-05-2012, 03:35 PM

توضيح بسيط مع احترامى
عمارة اعلى حاجة فى الدرجات فقط لا غير
لكن فى الشغل ديكور لانه ماسك العصاية من النص
بندرس عمارة وبندرس فنون
بصراحة افضل قسم هو الديكور
وكمان بقى فيه 900 الف مهندس معمارى لكن فيه قلة قليلة من ديكور

واسكندرية للاسف هى اللى بتاخد ديكور ادبى 90% تنسيق داخلى

بجد الروح اللى عند حضرتك دى كويسة جدا وياريت كل الناس تحب اللى هى فيه زى حضرتك وطبعا كل واحد من حقه انه يبقى متمسك باللى هو فيه وده راى حضرتك ان ديكور احسن زى ما انا رايى ان عمارة احسن واختلاف الراى لا يفسد للود قضية

تغريد العصفور

12-05-2012, 09:21 AM

بليييييز سؤال كلية الفنون بتاخد من الازهر ؟؟؟؟؟ ومجموعها كام بالنسبة للعلمى؟؟؟؟ مشكـــــــــــــــــــــــــــــــور

bahaaeldeen

12-05-2012, 05:29 PM

بجد الروح اللى عند حضرتك دى كويسة جدا وياريت كل الناس تحب اللى هى فيه زى حضرتك وطبعا كل واحد من حقه انه يبقى متمسك باللى هو فيه وده راى حضرتك ان ديكور احسن زى ما انا رايى ان عمارة احسن واختلاف الراى لا يفسد للود قضية

:)
اكيد كلامك كله صح الصح

bahaaeldeen

12-05-2012, 05:29 PM

بليييييز سؤال كلية الفنون بتاخد من الازهر ؟؟؟؟؟ ومجموعها كام بالنسبة للعلمى؟؟؟؟ مشكـــــــــــــــــــــــــــــــور

الازهر ليها تنسيق لوحده لكن معتقدش تقريبا محدش من الازهر بيدخل فنون جميلة لكن مش متاكد

نهى مكارم

16-05-2012, 07:52 PM

bahaaeldeen

17-05-2012, 12:38 PM

السلام عليكم
هو انا ممكن اقدم فى كليه التربيه الفنيه امتحان القدرات وممكن ادخل بيه فنون جميله
ولا لازم امتحن فنون جميله وتربيه فنيه ؟
لان تربيه فنيه قريبه منى لكن فنون جميله بمحافظه تانيه
وانا عاوزه اخد الفرصتين
وهل تربيه فنيه لها مجموع وكام؟

اول حاجة كل كلية ليها امتحانها وليها قدراتها
يعنى مينفعش تمتحنى تربية فنية وتدخلى بيه فنون جميلة
لازم تمتحنى الاتنين
مجموع تربية فنية اقل من فنون جميلة بكتير

princess monna

01-06-2012, 01:33 AM

بسمة العرب

01-06-2012, 03:05 PM

انا طالبه فى 3 ثانوى علمى رياضه و جبت فى تانيه 93.9% انا خايفه من التنسيق و خايفه مش الحق هندسه حتى ان شاء الله لو شديت بسبب مجموع السنه اللى فاتت بتاع دفعتى فانا ينفع ادخل فنون عماره لو فى اسوء الظروف حافظت على مجموعى ده ؟؟ و بالنسبه للكورسات هل لو اخدتها بعد الامتحانات الوقت هيكون كفايه ؟؟ و الامتحان لازم اروح اقدم فالجامعه انى عايزه امتحنه و لو لازم بيكون امتى وقت التقديم ولا عادى وقت الامتحان اروح و امتحن انا مش عارفه فنون جميله فى كل الجامعات ولا لا ؟؟ بس انا عايزها تكون فالقاهره؟؟ و عايزه اعرف هل فنون تطبيقيه فيها عماره بردو و هل هى كمان بتتبع للنقابه ؟؟

بصى مجموعك كويس جدا بس شدى حيلك شوية كمان وان شاء الله تدخلى هندسة او فنون عمارة بس حاولى ارفعى المجموع ده شوية عشان السنه دى المجاميع عالية قوى وكمان اقل هندسة السنة اللى فاتت خدت من 94 وفنون عمارة اقل حاجة اخدت من 93.5 فاعتقد السنة اللى جاية المجاميع هتبقى اعلى من كدة فشدى حيلك وربنا يوفقك اما بالنسبة للكورس فهيكون الوقت كفاية جدا ان شاء الله متقلقيش انا خدت الكورسات كلها بعد الامتحانات ووقت التقديم بيتحدد بس بعد متخلصى امتحانات خالص ولازم تقدمى فى الجامعة وبيبقى فيه وقت . بالنسبة بقى لفنون عمارة عندك 3 جامعات بس اللى فيهم فنون عمارة على مستوى الجمهورية اللى هم حلوان واسكندرية والمنيا فقط ومفيش تبع جامعة القاهرة بالنسبة لفنون تطبيقية مفيهاش عمارة كقسم منفصل وبتتبع نقابة التطبيقيين ومبتتبعش لنقابة المهندسين لكن فيها قسم واحد يتبع لنقابة المهندسين اللى هو النسيج وطباعة المنسوجات وربنا يوفقك .

princess monna

01-06-2012, 03:26 PM

bahaaeldeen

01-06-2012, 04:34 PM

شكرا جدا لرد حضرتك ده بجد طمنتنى شويه بس هى فنون جميله اللى فى الزمالك تتبع جامعه ايه؟؟ و ياترا فيها عماره ولا لا ؟و هل ممكن حضرتك تقولى الجامعات بتاعات فنون ال 3 دول مكانهم فين ؟ و من كلام حضرتك ان التقديم بيكون للكورسات بيكون بعد اللامتحانات عادى ؟

تتبع جامعة حلوان
فيها عمارة طبعاااا
ونصيحة منى تدخليها لانها احسن من هندسة عمارة مليون مرة
بتدرسى عمارة 5 سنين ومعاها جانب فنى ومش هندسى بس وتتبعى نقابة المهندسين
التلات اماكن هما اسكندرية والمنيا والاقصر
التقديم فى الكورس بعد الامتحانات وانا عامل نظام كورسات اوفر من بتاع الكلية

bahaaeldeen

01-06-2012, 04:40 PM

انا طالبه فى 3 ثانوى علمى رياضه و جبت فى تانيه 93.9% انا خايفه من التنسيق و خايفه مش الحق هندسه حتى ان شاء الله لو شديت بسبب مجموع السنه اللى فاتت بتاع دفعتى فانا ينفع ادخل فنون عماره لو فى اسوء الظروف حافظت على مجموعى ده ؟؟ و بالنسبه للكورسات هل لو اخدتها بعد الامتحانات الوقت هيكون كفايه ؟؟ و الامتحان لازم اروح اقدم فالجامعه انى عايزه امتحنه و لو لازم بيكون امتى وقت التقديم ولا عادى وقت الامتحان اروح و امتحن انا مش عارفه فنون جميله فى كل الجامعات ولا لا ؟؟ بس انا عايزها تكون فالقاهره؟؟ و عايزه اعرف هل فنون تطبيقيه فيها عماره بردو و هل هى كمان بتتبع للنقابه ؟؟

مجموعك كويس ونصيحة منى امتحنى فنون وعمارة عشان تدخلى قسم هندسة الديكور عمارة داخلية لو لا قدر الله مجموعك قل عن كدة
وبعدين فنون جميلة قسم عمارة اجمل واحسن من هندسة بمراحل خسارة تدخلى هندسة ولو ناوية قسم عمارة والاخر تلاقى بتاع فنون جميلة عمارة مستواه اكبر وياخد فرصة شغلك
الكورسات لو خدتيها بعد الامتحان كفاية جداااا
الامتحان الاول هتقدمى فى جامعة القاهرة لما باب التنسيق يفتحخ وتسحبى استمارة وتجيبيه لفنون جميلة
فنون جميلة الزمالك اللى هو حلوان هى الوحيدة اللى فى القاهرة
ولو دخلتى هندسة هتبقى وحشة بجد لان عددها بالالاف وفيه مليون مهندس لكن مفيش مهندس معمارى ومعاه ابداع فنى وكمان عددكم بالكلية 200 طالب بالكتير فى الدفعة يعنى احسن تعليم واحسن نظام تعليمى هتشوفيه فى حياتك مش زى نظام الكليات الزحمة
مفيش حاجة اسمها هندسة عمارة لان فنون جميلة عمارة وديكور مش سايبنلهم اى فرصة
ياريت تعيدى النظر وربنا يوفقك
فنون تطبيقية مفيهاش عمارة وفيها تصميم داخلى واثاث يعنى مفيهاش هندسة الديكور
ونصيحة لو مجموعك مجابش عمارة يبقى ادخلى ديكور وهتدرسى نفس المواد واكتر فى الانتريور ديساين يعنى هندسة وفن وابداع وهتدرسى كل مواد عمارة حتنى كيميا وفيزيا ومنظور وانشاء معمارى وكتييير

وائل محرز النقيب

29-06-2012, 08:12 PM

شكرااااااااااااااااااااااااااااااااااااااااااااااا

yoyo3001

04-07-2012, 08:02 AM

يا جماااااعه بليز حد يرد عليا انا في سنة تالته ادبي وخلصت الامتحانات بس لسه النتيجه وعندي سؤال هو لو انا عايزة ادخل القدرات لازم اروح كل الجامعات ولا جامعه واحده كفاية يعني لازم اروح فنون جميلة الاسكندرية وفنون الاقصر والمنيا وحلوان ولا واحده بس كفاية علشان اقدر ادخل اي واحده منهم

amera mera

04-07-2012, 10:24 AM

السلام عليكم ورحمه الله وبركاته

انا تالته ثانوى
...طبعا لسه يادوب مخلصه امتحانات امبارح

عايزه اسال على امتحان قدرات المنيا

انا عايزه ادخل فنون ديكور

بس مش عارفه اى حاجه عن اختبار القدرات

:(

mohamed-salah

04-07-2012, 03:47 PM

انا عايز افهم هوه انا بروح جامعه القاهره عشان اسجل فى يوم وامتحن فى يوم تانى حد يفهمنى ايه الخطوه الاوله

ebthal kotb

04-07-2012, 06:35 PM

ما هى الثقافه العامه للفنون الجميله؟

bahaaeldeen

05-07-2012, 12:31 AM

ayoya2022

06-07-2012, 11:04 PM

for exmenation i pay 125 for two exm or 250 pleace help

ayoya2022

06-07-2012, 11:06 PM

for exemination i pay 125 for two emem or 250 please helpe me

bahaaeldeen

08-07-2012, 01:59 AM

for exemination i pay 125 for two emem or 250 please helpe me

125 للامتحان الواحد

عبدالله55

08-07-2012, 04:39 PM

أرجو التوضيح أنا سحبت بطاقة قدرات عمارة من اسكندرية وأخدت رقم جلوس ومحدد لى يوم الأربعاء 11/7 هل يلزمنى الحصول على استمارة قدرات من مكتب التنسيق أيضا
حد يفهمن من فضلكم

مناجاةُ النجاةَََِ

09-07-2012, 08:53 PM

طب هو اخر ميعاد للتقديم و للامتحان ف جامعة الاقصر و المنيا امتي عشان دول اقرب جامعتين مني؟

loleta_lolla

09-07-2012, 11:26 PM

انا سمعت ان في تماثيل بنرسمها ده صح ولا ايه؟؟؟

Seif Albaz

09-07-2012, 11:49 PM

انا سمعت ان في تماثيل بنرسمها ده صح ولا ايه؟؟؟

لا ابدا خاااااااااااااااااااااااااااالص هما 3 اسئله منظور حر هندسي و ابتكاري

m121294

11-07-2012, 10:30 PM

هو امتحان قدرات عمارة بيبقى عبارة عن ايه وفية اسئلة نظري ولا لأ واية الادوات الي اجبها معايا الامتحان انا امتحاني يوم 16-7

محمدانجينير

12-07-2012, 07:30 PM

الادوات اسكتش ربع فرخ مسطرة 50 او 60 سم قلمين رصاص واحد hp والتاني 4h واستيكة

محمدانجينير

12-07-2012, 07:31 PM

اه وفي حاجة اسمها الثقافة المعمارية هتلاقي ملازم هنا في المنتدي في قسم المواد المشتركة قدرات فنون وعمارة

m121294

12-07-2012, 09:20 PM

شكراااا جداااااااا يا محمد

bahaaeldeen

13-07-2012, 11:24 PM

التماثيل فى امتحان فنون وتصميم ابتكارى ونظرى
وامتحان عمارة بيكون منظور وسؤال نظرى

mohamed ahmed00

15-07-2012, 02:44 AM

انا فى سنة تالتة و لسة النتيجة ما ظهرتش و جبت 91.5% فى تانية وادبى....... هل ممكن ادخل فنون جميلة
قسم ديكور وللا لازم اكون علمى؟ please ارجو الرد:bosyht9:

bahaaeldeen

16-07-2012, 10:00 PM

انا فى سنة تالتة و لسة النتيجة ما ظهرتش و جبت 91.5% فى تانية وادبى....... هل ممكن ادخل فنون جميلة
قسم ديكور وللا لازم اكون علمى؟ please ارجو الرد:bosyht9:

اة طبعا مجموعك يجيب ونص
ديكور لازم تكونى علمى او تكونى ادبى فى اسنكدرية

RAN123

11-08-2012, 10:25 PM

ب/ديكور-مجموعها اقل من عمارة بقليل -دراستها مستمدة من عمارة ويمكن بالكورسات توفر فرص عمل عمارة لديكور يعنى تشتغل مهندس معمارى - علمى فقط ماعدا جامعة اسكندرية

بنسبة انا لو خلصت ديكور واخذت كورسات هابقى مهندسة معمارية ولى مجرد انى هشتغل مهندسة معمارية

bahaaeldeen

12-08-2012, 03:50 AM

Jaleluo

19-08-2012, 05:45 PM

كنت عايز اسال هو ممكن الواحد يدخل امتحان القدرات بتاع التربية الفنية ولو مجموعة كويس ممكن يدخل فنون جميلة لو جبت لائق \وهل كل كلية لها امتحان خاص بيها انا كنت عايز اطلع مدرس تربية فنية اللى بيأهل طلبة الثانوية العامة لاجتياز امتحان القدرات ومش عارف ادخل اية بالظبط ممكن حد يرد عليا

bahaaeldeen

25-08-2012, 01:16 PM

jazzsonic

27-08-2012, 12:10 AM

انا جديد هنا فى المنتدى و كان عندى شويه استفسارت كده

اولا انا كنت فى ثانيه ثانوى و جايب 91.95% يعنى 92% قسم علمى

و رايح على ثالثه علمى رياضه ان شاء الله وانا كان نفسى من زمان وانا

صغير اخش فنون جميله قسم ديكور و مش عايز اخش غيرها فياترى

هى الكليه عامه بتاخد مجموع كام و قسم ديكور بياخد من كام

و امتحان القدرات ده بمتحنه فين ؟ فى المدرسه مع امتحانات الثانويه

ولا ايه بالضبط و ايه نظام الامتحان ده لانى سمعت ان فى امتحان فنون

و عماره . و ناس قالتلى انى امتحن الاثنين فايه نظامهم يعنى ايه المفروض

اعمله و ارسم ايه و كده و بردوا شوفت هنا انى لازم اخد كورسات

عشان اتدرب على الامتحان هل ده صحيح ولو صح بيبقى فين ؟

وانا اسف على كتر الاسئله بس عشان تبقى الصوره واضحه قدامى

Jaleluo

30-08-2012, 12:20 PM

شكرا جدا لحضرتك معلش هتعب حضرتك معايا هو النجاح فى كلية التربية الفنية صعب اصلى سمعت انهم مش بيخدوا عدد كبير وهل تنسيق الكلية بيكون عالى زى فنون جميلة وانا عادى ممكن اخد الكورس دلوقتى وامتحن فى اى وقت يعنى اقبل امتحان الثانوية العامة ولا لازم بعد امتحان الثانوية العامة

bahaaeldeen

30-08-2012, 03:11 PM

انا جديد هنا فى المنتدى و كان عندى شويه استفسارت كده

اولا انا كنت فى ثانيه ثانوى و جايب 91.95% يعنى 92% قسم علمى
و رايح على ثالثه علمى رياضه ان شاء الله وانا كان نفسى من زمان وانا
صغير اخش فنون جميله قس ديكور و مش عايز اخش غيرها فياترى
هى الكليه عامه بتاخد مجموع كام و قسم ديكور بياخد من كام
و امتحان القدرات ده بمتحنه فين ؟ فى المدرسه مع امتحانات الثانويه
ولا ايه بالضبط و ايه نظام الامتحان ده لانى سمعت ان فى امتحان فنون
و عماره . و ناس قالتلى انى امتحن الاثنين فايه نظامهم يعنى ايه المفروض
اعمله و ارسم ايه و كده و بردوا شوفت هنا انى لازم اخد كورسات
متحان هل ده صحيح ولو صح بيبقى فين ؟
وانا اسف على كتر الاسئله بس عشان تبقى الصوره واضحه قدامى

الكلية فى حدود 92 93
الكلية هتمتحن القدرات
انت هتمتحن فنون بيكون رسم تماثيل وتصميم ابتكارى وسؤال معلومات عامة
لو عايز عمارة امتحن عمارة
الكورس بيكون فى الكلية تبع الجامعة

bahaaeldeen

30-08-2012, 03:12 PM

kurumi

24-09-2012, 02:59 PM

انا امتحنت كليه فنون جميله فنون تبع جامعه حلوان وانا علمي ينفع ادخل قسم ديكور؟ ولو ينفع امتحن او احول قسم عماره؟ لانو مجموعي يجيب عماره بس ملحقتش الامتحان بتاع عماره

hagmoh

04-11-2012, 06:07 PM

انا طال فى دبلوم خمس سنين قسم كهرباء وكنت عايز اخش فنو عمارة بالاسكندرية انا عايز اعرف ايه اللى المفروض اعمله وامتحان القدرات عبارة عن ايه ولو فى كورسات لامتحان القدرات ياربت تفدونى

Dr Elgohary

08-11-2012, 10:49 PM

شكرااااااااا على الافادة

عبد الله مصلحى

10-11-2012, 08:46 PM

يا معينننننننننننن

age dreem

26-12-2012, 07:32 PM

شكرا اااااااااااااا

asala khatab

30-12-2012, 03:37 PM

bahaaeldeen

03-01-2013, 08:38 PM

لو سمحت عايزه اعرف انا كونت علمى رياضه و جبت 80% و ودخلت حقوق بسبب التنسيق و انا مش بحبها و كنت عايزه ادخل فنون جميله ودلوقتى احنا في اخر الترم الاول وعايزه اعرف اعمل ايه عشان احول من حقوق ل فنون جميله وينفع احول في الترم التانى ؟ وشكرا

صعب الحقيقة جدا
بس قدامك تربية فنية بتقبل عادى ومستواها زى فنون بالظبط يعنى مادام حابة الرسم والاعمال الفنية ومستوى تربية فنية هايل :)

faca2099

04-01-2013, 11:18 AM

طيب ممكن اعرف مجموعها من ادبى ؟؟

LinuxForEver

18-01-2013, 11:34 PM

جزاك الله خيرا على المجهود

bahaaeldeen

19-01-2013, 08:04 PM

طيب ممكن اعرف مجموعها من ادبى ؟؟

لو فنون اخر التمانينات ولو ديكور فى اسكندرية يبقى فى التسعينات ودة قرار قرب يتلغى

age dreem

31-01-2013, 12:47 AM

ممكن حد يفيدني برقم تليفون للاستعلامات في كلية فنون جميلة بالاسكندرية ؟

bahaaeldeen

12-02-2013, 03:06 AM

بالتوفغيق يارب

22shimaa

21-02-2013, 11:41 AM

طيب لو سمحتو انا معهد مساحه هو كليه فنون تطبيقيه متاحه لى من معهد وهو لازم اعمل قدرات

bahaaeldeen

21-02-2013, 10:12 PM

طيب لو سمحتو انا معهد مساحه هو كليه فنون تطبيقيه متاحه لى من معهد وهو لازم اعمل قدرات

بص انا متاكد بنسبة 80% ان التحويل فى كل الكليات عدا حلوان ولازم تقعد هناك سنة وتكون ممتحن قدرات اصلا

SHOSHO_9420

26-03-2013, 07:11 AM

طب انا عندى سؤال هو كورس فنون ينفع يتاخد بعد امتحانات الثانوية العامة فى الجامعة ؟؟؟؟

ياسر المزين

26-03-2013, 11:57 AM

طب انا عندى سؤال هو كورس فنون ينفع يتاخد بعد امتحانات الثانوية العامة فى الجامعة ؟؟؟؟

كورس الفنون من الممكن ان يأخذ فى الكلية ولكن الوقت قد يكون غير كافى الافضل التمرين على الاسئلة الثلاثة

bahaaeldeen

28-03-2013, 12:15 PM

طب انا عندى سؤال هو كورس فنون ينفع يتاخد بعد امتحانات الثانوية العامة فى الجامعة ؟؟؟؟

ممكن على حسب المستوى وممكن كورس مكثف

salma wael ghanem

02-04-2013, 12:15 AM

انا اكنت علمى بس جبت فى تانىة ثانوى 85 و اضطريت انى احول ادبى و كان نفسى ادخل ديكور بس عرفت انها مش يتقبل من ادبى فممكن حضرتك تقولى اذا كان مجموعى دة يسمح انى ادخلها بس اى قسم تانى غير ديكور زى جرافيك مثلا و لا ديه كمان غلمى

ياسر المزين

02-04-2013, 10:32 AM

محمد محمود بدر

02-04-2013, 10:34 AM

جزاكم الله خيرا على هذا المجهود

Hamzk

02-04-2013, 04:45 PM

انا حاليا في السعودية يعني شهادتي سعودية
نسبتي علمي 98.1 وقدراتي 82
وحابة اخل هندسة ديكور في الاسكندرية
بس المشكلة مابعرف ارسم انا
شو ممكن اعمل ؟ وشو طبيعة الامتحان هالسنة ؟
لازم كون رسامة وشاطرة ؟ ولابيمشي الحال لو تدربت

إبراهيم أبوزيد

02-04-2013, 04:47 PM

شكرا علي توضيحاتكم

bahaaeldeen

02-04-2013, 09:23 PM

"Roqaia"

02-04-2013, 09:42 PM

ياسر المزين

03-04-2013, 09:39 AM

معلش حضرتك انا بس عايزه اسأل علي حاجه مهمه !!
لازم اكون بعرف ارسم فعلا !!! ولا عادي يعني ممكن اتدرب وكمان هي فنون تطبيقيه كليه فنيه ولا هندسيه ؟؟ يعني شغلها الاكتر ايه ؟؟ ولو الاكتر هندسي لييه لازم اكون بعرف ارسم ...

يارقية كلية فنون تطبيقية معنها الفن للتطبيق اما فنون جميلة هى الفن للجمال اما هى كلية فنية ولا هندسية فهى الاثنين وهى كلية جميلة جداً اما التدريب على الامتحان سهل جداً بس تعرفى المقرر الاول فى الامتحان
موصفات خريج فنون تطبيقية (مصمم تطبيقى ) وبعد التخرج ينتسب الى نقابتين نقابة المهندسين التطبيقيين ونقابة الفنانيين التشكليين

"Roqaia"

03-04-2013, 07:11 PM

تمام حضرتك.... المشكله مش مشكله الامتحان المشكله اني مش بعرف ارسم اصلاااا !! ف بكده مالوش لازمه اني ادخلها !!!! بس انا اعرف ان هي كليه تحفه وفيها اقسام مالهاش علاقه بالرسم .....

salma wael ghanem

03-04-2013, 09:25 PM

قسم الديكور من ادبى والتخصص بعد سنة الاعدادى اما المجموع فلابد ان يزيد الى 92 على الاقل

يعنى الديكور مش من علمى؟
و بعدين انا سمعت ان من ادبى المجموع بيبفى اقل من كدة و هو الجرافيك برده نفس الكلام

معلش انا اسفة انى بزعجك منى بس انت عارف القلق بقى :bosyht9:

bahaaeldeen

03-04-2013, 10:20 PM

يعنى الديكور مش من علمى؟
و بعدين انا سمعت ان من ادبى المجموع بيبفى اقل من كدة و هو الجرافيك برده نفس الكلام

معلش انا اسفة انى بزعجك منى بس انت عارف القلق بقى :bosyht9:

ديكور من ع لمى وانا طالب فى تانى سنة ديكور وبقولك لانى فاهم اللى عندى مش بقول اى كلام وخلاص
والمشكلة ان اسكندرية بتاخد ادبى فديكور مجموع ما فوق التسعين بجانب علمى

bahaaeldeen

03-04-2013, 10:24 PM

قسم الديكور من ادبى والتخصص بعد سنة الاعدادى اما المجموع فلابد ان يزيد الى 92 على الاقل

استاذ ياسر من قال ان ديكور من ادبى فقط؟؟؟؟؟؟؟؟؟؟؟؟؟؟
انا طالب فى تانى سنة ديكور وتلك غلطة فادحة وانا عارف لانها كليتى وعايش فيها
ديكور يقبل من علمى فقط كل الكليات بتنسيق فنون لعلمى
ويقبل ادبى فى اسكندرية فقط مجموع مافوق التسعين

وشكراااا[/size]

bahaaeldeen

03-04-2013, 10:28 PM

تمام حضرتك.... المشكله مش مشكله الامتحان المشكله اني مش بعرف ارسم اصلاااا !! ف بكده مالوش لازمه اني ادخلها !!!! بس انا اعرف ان هي كليه تحفه وفيها اقسام مالهاش علاقه بالرسم .....

يا رقية الموهوب ربنا خالقه بقدرات بحيث هو عارف النسب والتناسب
الرسم مش اى حاجة وخلاص لانه بنسب مظبوطة جدا صح اوى

ولو واحد مش موهوب عرف النسب واتطور فيها لان عنده استعداد ممكن يبقى احسن من الموهوب اللى مش بيطور نفسه
ياريت متاخدوش الرسم كأنه منحة من عند ربنا وبس
اة فيه ناس ملهاش ف الرسم ولا تعرف تمسك قلم دى بقى حاجة تانية
لكن مادام حابة الرسم ونفسك تتعلميه يبقى انسى فكرة انك مش تعرفى ترسمى لانك هتتعلمى :)
اللى ف الكلية اكيد مش بيكاسو يعنى وانا اولهم
ومرة اخرى متاخدوش نصايح من حد غير من خريج الكلية لتاعت فنون لان المجتمع المصرى المذهل مش عارف عن كليتنا حاجة انها اعظم كلية يمكن فى الكليات :)
وشكرااا

bahaaeldeen

03-04-2013, 10:31 PM

يارقية كلية فنون تطبيقية معنها الفن للتطبيق اما فنون جميلة هى الفن للجمال اما هى كلية فنية ولا هندسية فهى الاثنين وهى كلية جميلة جداً اما التدريب على الامتحان سهل جداً بس تعرفى المقرر الاول فى الامتحان
موصفات خريج فنون تطبيقية (مصمم تطبيقى ) وبعد التخرج ينتسب الى نقابتين نقابة المهندسين التطبيقيين ونقابة الفنانيين التشكليين
[size="7"]

كلية فنون جميلة قسم عمارة وديكور بيدرسوا مواد هندسية بجانب الفنية وهم تقريبا متقاربين وسبق توضيحها
وانا من مناصرى هندسية قسم الديكور والحمد لله ماشيين فى الموضوع
شكرا للمحاولة :)

"Roqaia"

03-04-2013, 11:53 PM

بجد شكرااا جداا لحضرتك فعلاا .... بس انا بقي من الناس اللي مش بتعرف تمسك القلم اصلااا !!! يبقي خلاص مالهاش لازمه بقي !!!!

"Roqaia"

04-04-2013, 12:12 AM

بس حضرتك يا استاذ بهاء انا بتكلم علي فنون تطبيقيه مش جميله .....

bahaaeldeen

04-04-2013, 03:40 AM

بس حضرتك يا استاذ بهاء انا بتكلم علي فنون تطبيقيه مش جميله .....

تطبيقية شاطرة فى مجال تصميم الحاجات بالخامات بتاعتها مع شوية فن زى خامات الاثاث المنزلى والحديد
لكن فنون شاطرة فى مجال فنى مع هندسى مع تصميمى متكامل

دة غير ان اعلى قسم فى تطبيقية هو تصميم داخلى واثاث اللى هو عندنا اسمه ديكور والطالب بيدرسه 4 سنين بس هناك فى تطبيقية بعد ما يدخل تنسيق داخلى بعد ما يدرس 14 مادة فى اول سنة :)
لكن فنون جميلة التخصص من اول سنة اعدادى ديكور وخمس سنين وبيتاهل لشعبتين فى تالتة ع حسب الرغبة هما عمارة داخلية وفنون تعبيرية
تطبيقية اثاث مفيهاش شعبة ومليانة 14 او 12 قسم تقريبا مع احترامى انا شايفه تشتيت انتباه

bahaaeldeen

04-04-2013, 03:44 AM

بجد شكرااا جداا لحضرتك فعلاا .... بس انا بقي من الناس اللي مش بتعرف تمسك القلم اصلااا !!! يبقي خلاص مالهاش لازمه بقي !!!!

مفيش حاجة اسمها مش بتعرف تمسك القلم وبطلى اليأس دة
فيه حاجة لو عايزة حاجة بتوصليلها
مش لازم تيبقى فان جوغ يعنى :)
اهم حاجة تتعلمى صح وحد عنده ضمير ويكون فى عمق التخصص مش اى حد وخلاص
لان الرسم عمره ما كان كفتة كدة
لان الرسم ليه قواعد واسس خطوات لازم تتعرف عشان تترسم :)
الموهوب هو ربنا خالقه بالاسس دى ولو مطورش نفسه اى حد محترف هيبقى احسن منه ميت مرة
لكن مفيش الكلام اللى كنا بنسمعه عن واحد موهوب وخلاص يبقى دة اللى ماشى
انا بقولك كلام اتقالنا ف الكلية مش ماشى بنظام فهلوه ولا جى من كلية تانية بقولك
اسالى اهل الفنون الجميلة عن تخصصهم لان كل واحد عارف كليته وبس

soooooo2010

13-04-2013, 12:03 PM

bahaaeldeen

14-04-2013, 10:50 PM

طيب لو سمحت حبه اعرف يعني لو انا روحت ديكور اسكندرية لاني ادبي مش علمي هقدر احول بسهولة لحلوان ولا ايه
ولو استقريت علي حلوان بس جرافيك بقي واحاول واسعي في اعدادي اني اجيب تقدير علشان ادخل جرافيك مثلا
اخبار الموهبه الي انت بتتكلم عنها ديه ايه يعني لاني معنديش موهبه بس باخد كورس في الرسم وكدا وتقريبا بيقولوا عندي احساس في تظليلي والكلام دا اما الرسم انا مش ببص صح في وضع الحاجة في مكانها وانا برسم فبحاول ادرب في الموضوع دا وبعدين هطلع اشتغل من جرافيك واصلا هدرس ايه جوه الكليه طالب مني موهبه وكدا ؟ وشكرا

لا التحويل صعب جداااااااا ويمكن مستحيل
لكن الزمالك مش وحشة وجميلة جدااااااااااااا
لا مش مطلوب موهبة اوى
لو موهوبة يبقى لازم تتعلمى وتأكدى على النسب والقواعد علشان تعرفى تبدعى وتطورى مستواكى
ولو مش موهوبة بتتعلمى من اول وجديد الاسس والقواعد وممكمن تبقى احسن من الموهوب
:)

gogo2013gogo

15-04-2013, 01:18 PM

وجامعة المنيا بتقبل ديكور من ادبي ولا لا وبتقبل من كام فنون جميله

lolo nice

15-04-2013, 04:58 PM

معلش انا عايزة اسأل هو مين أقل فى المجمووع فنون جميلة و لا فنون تطبيقية ؟؟؟؟؟؟

bahaaeldeen

15-04-2013, 07:36 PM

وجامعة المنيا بتقبل ديكور من ادبي ولا لا وبتقبل من كام فنون جميله

ديكور فى كله بيقبل علمى عدا اسكندرية من ادبى

bahaaeldeen

15-04-2013, 07:37 PM

معلش انا عايزة اسأل هو مين أقل فى المجمووع فنون جميلة و لا فنون تطبيقية ؟؟؟؟؟؟

فنون جميلة اعلى :)
اعلى قسم فى فنون تطبيقية اسمه تصميم داخلى واثاث اللى هو ديكور وبياخدوه تانى سنة يعد اعدادى وبياخد اعلى تقدير ف اعدادى ومفيهوش شعبات بعد دراسة 15 مادة زحمة
كمان تطبيقية حرفية اكتر من جمالية

لكن فنون جميلة ديكور 5 سنين من اعدادى ديكور :)وفيه شعبتين عمارة داخلية وفنون تعبيرية على حسب الرغبة فقط وليس التقدير
كمان تطبيقية ملهاش قسم عمارة والقسم اللى يتبع النقابة المهندسين اسمه غزل ونسيج

soooooo2010

04-05-2013, 01:28 PM

اوك ...شكرا بس انا خايفة اني ممشيش في الكلية لاني لما باخد كورس بيأهلني للامتحان علشان اعدي ولكن مش للي هشوفه في الكلية واعتقد ان مفيش دكتور بيعلم حد وانا هدفي انا من اول سنة للاخر سنة احاول اجيب تقديرات ان شاء الله وبسعي لاهداف معينه كدا فمعنديش انا اني ادبلر في كليه وكدا .....

bahaaeldeen

05-05-2013, 03:15 PM

soooooo2010

06-05-2013, 01:53 AM

اوك بس انا مش عرفه ارد عليك ....

راجية_الجنة

02-07-2013, 06:09 AM

السلام عليكم
انا خااايفة جداااااااا ومرعوبة من امتحان القدرات
انا كنت تعبانة ولسه واخدة بالى من موضوع الامتحان ومش عارفة اى حاجة
وانا خايفة لانى شفت نماذج لامتحانات القدرات اللى قبل كدا
وفيها حاجات غريبة زى النسب الانسانية و الظل والنور
انا نفسى ادخل ديكور جدااااااا بس اول ما شفت الامتحانات خفت لانى حاسة انى هرسم زى الزفت
ومرعوبة اجيب غير لائق لان دى الكلية اللى نفسى ادخلها
بالله عليك قولى اعمل اية؟

omran zamalek

02-07-2013, 06:40 AM

انا مشكلتى خايف من الامتحان عشان انا مش رسيم اوووى و مش عارف اذا كنت هعرف اعدى ولا لا يعنى هو الواحد لازم يبقى رسيم اووووووووووووووووى ولا لو رسيم نص نص ماشى الكلام

و انا معيش رقم الجلوس و هما طلبينوا مش عارف اعمل ايه معايا الرقم كرقم اما معيش الورقه

Nurhan Diab

04-07-2013, 11:45 AM

ياريت حد يساعدني امتحانات القدرات امته ؟؟
ورمضان داخل واصلا في مظاهرات اليومين دول ..
ومرسمتش من زمان وقلقانه اوي ومبعرفش ارسم اوي :(
وحاسه اني تايهة ياريت تساعدونا

22shimaa

09-07-2013, 01:58 AM

طيب يعنى انا لو حبيت ادخل فنون جميله او تطبيقيه مفروض اقعد سنه اقدم قدرات رغم انى متخرجه من معهد مساحه وجيبه 94%

22shimaa

09-07-2013, 02:00 AM

يعنى كليات ده متاحه لى بعد معهد مساحه

sara.m.m

09-07-2013, 02:08 PM

طب ممكن تجيبلنا التماثيل اللى فى الكليه اللى ممكن تيجى فى الامتحان

توتة نونة

19-07-2013, 10:18 AM

لو سمحتوا انا كان عندى استفسار انا ينفع اكتب كلية فنون جميلة عمارة فى التنسيق وانا ما امتحنتش امتحان القدرات بسبب ظروف حصلت ومش لحقت عمل اية؟؟؟؟؟

bahaaeldeen

21-07-2013, 12:16 AM

لو سمحتوا انا كان عندى استفسار انا ينفع اكتب كلية فنون جميلة عمارة فى التنسيق وانا ما امتحنتش امتحان القدرات بسبب ظروف حصلت ومش لحقت عمل اية؟؟؟؟؟

مينفعش ابدا للاسف

Yara El.Tantawy

23-07-2013, 11:56 PM

لو سمحت انا عايزة اسأل لو حد متخرج من كلية هندسة قسم عمارة وحابب يدخل كلية فنون جميلة قسم ديكور ينفع يقدم فى امتحان القدرات ويدخل ولا لأ؟؟؟

يعنى مش هايدخل الكلية بعد الثانوى هايدخل بعد ما يتخرج من كلية تانية.

bahaaeldeen

21-10-2013, 01:37 AM

bahaaeldeen

30-11-2013, 07:40 PM

ممكن فى اسكندرية او المنيا

التوبيك دة هيفيدكم جدا :)

محمد محمود بدر

20-04-2014, 01:27 PM

جزيل الشكر والتقدير لحضرتك
مجهود طيب
جزاك الله خيرا وبارك الله فيك

aking

21-06-2014, 10:00 AM

الفنون التطبيقية بتاخذ من كام

moo_saa

21-06-2014, 02:48 PM

انا مش فاهمة يعنى هو انا لو علمى وقدمت فنون وامتحنت امتحان فنون مش عمارة وعايزة ادخل ديكور فى اسكندرية مش هينفع ؟؟ لازم ابقى ادبى ولا ايه ؟؟

bahaaeldeen

29-06-2014, 01:13 PM

انا مش فاهمة يعنى هو انا لو علمى وقدمت فنون وامتحنت امتحان فنون مش عمارة وعايزة ادخل ديكور فى اسكندرية مش هينفع ؟؟ لازم ابقى ادبى ولا ايه ؟؟
مادام انتى علمى هتدخلى ديكور ف اى حتة :)
ادبى بيدخل ديكور من اسكندرية بس

اسراء حسام

06-07-2014, 06:34 AM

ماحدش يعرف عموما بتقبل من كام ادبي عارفه انه حسب تنسيق كل سنه بس عموما يعنى

xomarx2

08-07-2014, 11:11 AM

انا سحبت ملفي من فنون تطبيقيه دمياط ومش عارف اعمل ايه والاختبارات لسالها اسبوع ارجو الرد

bahaaeldeen

08-07-2014, 08:27 PM

ماحدش يعرف عموما بتقبل من كام ادبي عارفه انه حسب تنسيق كل سنه بس عموما يعنى

84 83 بس هتقل السنة دى

الجمال الساحر

25-07-2014, 09:00 AM

طيب انا بدى اعرف فنون جميله قسم ديكور من ادبى جامعه الاسكندريه مجموعها من كام

bahaaeldeen

26-07-2014, 05:41 AM

طيب انا بدى اعرف فنون جميله قسم ديكور من ادبى جامعه الاسكندريه مجموعها من كام

منقدرش نتوقع بس هتقل جدا السنة دى

هدى سعد الهادي

27-07-2014, 05:48 AM

انا علمي علوم وجايبة 94٪ وعايزة ادخل ديكور بس انا محضرتش الامتحان اعمل ايه وهل ممكن لو مفيش امل ادخل كلية تانية والسنة الجاية احول فنون ؟ ارجوووو الرد

Mohamed001

28-07-2014, 10:37 AM

شكرا :d:d:d

حسام جلال شعبان رمضان

03-08-2014, 10:18 PM

انا جايب فى الثانوية العامة 91فى المية وعاوز ادخل فنون جميلة قسم عمارة عايز اعرف هلحق اعمل اختبارات ولا خلاص ارجو الرد بسرعة خلصت

إسراء بلال

06-12-2014, 04:33 AM

السلام عليكم ورحمة اله وبركاته

لو سمحتم كنت عايزة أستفسر عن حاجة
أنا دفعة 2014 بس قاسمة السنة
يعني إن شاء الله السنة ديه لسة هكمل وأمتحن باقي المواد
فإذا جبت مجموع فنون جميلة عمارة (حلوان) أقدر أدخلها؟
لإنى سمعت إن حلوان مابتقبلش حد من السنين اللى قبل كدة
فهيعتبروني خريجة دفعة 2014 ولا 2015؟

وشكرًا بجد على مجهوداتكم وتعبكم

bahaaeldeen

26-12-2014, 12:03 PM

انا جايب فى الثانوية العامة 91فى المية وعاوز ادخل فنون جميلة قسم عمارة عايز اعرف هلحق اعمل اختبارات ولا خلاص ارجو الرد بسرعة خلصت

للاسف خلصت من بدرى

bahaaeldeen

10-05-2015, 05:09 PM

الموضوع دة هيفيدكم جدا برجاء تشييره علما انه متغير كل سنة

99islam hussein

28-05-2015, 03:26 PM

السلام عليكم ورحمه الله وبركاته.

معلش انا عندي استفسار بسيط ..
انا خلصت الثانويه في 2012. وللاسف مكنتش اعرف عن فنون جميله حاجه الا وانا بكتب التنسيق..ولما عرضت الامر علي اهلي رفضو بحجه ان ممكن يكون في شبه في موضوع الرسم:mad: . مع اني والحمد لله مستوايا كويس فس الرسم وعندي الموهبه نوعا ما. ولكني استسلم ساعتها كلامهم لاني كنت بمر بمرحله احباط شويه.. المهم لما طلعت نتيجه التنسيق جاتلي اداب. وبعد كده حولت من اداب لتجاره ..وعرفت ساعتها ان متاح ليا فنون جميله اقاليم (الاقصر ) ولكني للاسف مدخلتش امتحان القدرات.. المهم انا دلوقتي في تجاره ومش لاقي نفسي فيها خالص وكل سنه بقل في التقدير ببساطه لاني مش عندي هدف. اول سنه جبت جيد جدا وتاني سنه جبت جيد.. وسنه 3 الله اعلم احتمال اشيل مواد.. انا دلوقتي بفكر اني احول ل فنون جميله . ده هينفع ولا لأ .. انا مش عندي مشكله خالص اني اضيع 3 سنين من عمري بس ما اضيعش عمري كله . واعرف انا ماشي ازاي .وهدفي ايه.. . عاوز اعرف اجراءات التقديم او التحويل هتم ازاي؟ . هقدم بالتنسيق الجديد ولا القديم.. وعن طريق النت ولا لازم اروح الاقصر... ولو قبلت هل ينفع اعمل تقليل اغتراب؟؟

bahaaeldeen

20-06-2015, 08:10 PM

موضوع مفد يارب يعجبكوا

flower dew

04-07-2015, 05:05 PM

لو سمحت ممكن امتحن اختبارات القدرات بعد ظهور النتيجة عشان انا نفسي ادخل كلية
الالسن لو مجبتش مجموعها اقدم فنون جميلة
وللعلم اني في الدقهلية يعني مش من السهل اني اروح امتحن قدرات وانا مش ضامنة اني
ادخل الكلية
وشكرا
:078111rg3::078111rg3:

NaDa!

04-07-2015, 11:52 PM

ΛβÐ Λɭ-ЯНϺɅИ

10-07-2015, 06:12 PM

بعد اذنك عايز اعرف ازاى اقدم لـامتحان قدرات فنون ( عمارة ) اسكندرية و اذا كان فيه كورسات هناك ولا لأ

nourhan nour

19-07-2015, 02:36 AM

لو سمحت هو فعلا التقديم في فنون تطبيقيه السنة الجاية هيكون من علمي رياضة بس ؟؟؟!

bahaaeldeen

26-07-2015, 02:07 AM

لو سمحت هو فعلا التقديم في فنون تطبيقيه السنة الجاية هيكون من علمي رياضة بس ؟؟؟!

لا مفيش اى اخبار بتأكد الكلام دة طول عمرها علمى علمى ورياضة

bahaaeldeen

26-07-2015, 02:07 AM

بعد اذنك عايز اعرف ازاى اقدم لـامتحان قدرات فنون ( عمارة ) اسكندرية و اذا كان فيه كورسات هناك ولا لأ

وافدين او دبولمات او شهادات معادلة لازم تروح الفترة دى وتقدم
لكن لو ثانوية عامة مصرية انتهت المواعيد بس لازم تراجع الكلية تانى ومكتب التنسيق احتمال تفتح تانى

bahaaeldeen

26-07-2015, 02:10 AM

ممكن حد يفيدني انا لو دخلت فنون جرافيك او ديكووووور مصاريف الكليه وطلبتها كتير وكده عالشان كل الناس مخوفاني يعني ايه المصاريف. بتعتها للادوات واسبوعيا تحتاج كام وسمعت اني لازم يكون معايا لاب وكاميرا وكده ومشروع التخرج ممكن يوصل 8000 الكلام ده ايه نظامه بقي ?

مفيش الكلام دة
كل دى شائعات من ناس مبتفهمش حاجة
المصاريف الغالية بتبقى ف الحاجات اللى بتستخدميها على مدار الخمس سنين
يعنى مش كل شوية هتجيبى شاسيه خشب ب100 جنيه لكن هتجيبيه مرةواحدة
اسعار الفرخ مثلا 7 او 10 جنيه والالوان اللون البوستر ب6 جنيه والفرش حوالى 20 30 اكيد مش هتجيبي فرش كل يوم :)
مفيش اى كلام ع الحاجات دى فى اول سنة بس بتبقى مصاريف كتير شوية بتعدى الف ونص فى السنة كلها بس بعد كدة بتشترى حاجات لكل سنة مش بتوصل ولا بتخطى العدد دة وكل واحد على حسب مصاريفه
فى ادوزات غالية اوى فى لون ب 35 جنيه وفي لون ب6 جنيه وع فكرة انا نفسي شغال بابو 6 وبعمل بيه شغل ممتاز الحمد لله :)
ومش لازم لاب توب انا رايح اخر سنة اهو ومش معايا لاب :d
الموضوع مرن جدا وتقدرى تتعاملى معاه حتى لو الظروف المادية مش ولا بد :)

^eleen^

26-07-2015, 07:45 AM

لو سمحت هو لسة في تقديم اختبار قدرات النهاردة ولا ايه انا محتارة مجموعي مكنتش متوقعاه خالص و اتأخرت ع الكورسات و الكلام دا كله و نفسي اخش يا فنون جميلة يا تربية نوعية بس مش فاهمه حاجة خالص و محتارة مش عارفة اعمل ايه خايفة اوي ملحقش كلية

^eleen^

26-07-2015, 07:48 AM

بالله عليكوا اي حد يرد عليا بسرعة عشان لو فيها امل الحق اروح انا مرعوبة بجد حاسة اني مش هوصل لأي كلية مجموعي 78.5 و التنسيق بيقولوا هييجي عالي و كمان ف صدمة من المجموع
انا واخدة اعفاء من اللغة التانية لأني مدرستش هنا معرفش دا هيأثر ف حاجة ولا ايه

bahaaeldeen

30-07-2015, 11:44 PM

bahaaeldeen

30-07-2015, 11:46 PM

اسماء وحيد

20-08-2015, 04:41 PM

bahaaeldeen

25-08-2015, 04:19 PM

حضرتك يا بشمندس انا في معهد فني صناعي سنتين وقدامي سنه واخلص وحابه اكمل في فنوان تطبيقية ؟
اعمل ايه وايه المجموع االلي اجيبة عشان ادخل الكليه وانا ليا امتحان قدرات ولا لأ ؟
والامتحان دي هيتم امتى بعد ولا قبل التنسيق ؟؟
وشكرا جدا لحضرتك واسفة للأطاله
جزاك الله خير

ليكى فنون تطبيقية وفنون جميلة عمارة
هتستنى لما تخلصى الامتحانات بتاعتكم بتكون فى شهر 8 بعد ما الثانوية العامة تخلص وكله يخلص من دبلومات ووافدين انتوا بتكونوا فى الاخر
تابعى بس الجرايد وقتها
المجموع مقدرش افيدك لانه متغير كل سنة 100% ليكى طبعا امتحان قدرات لازم تنجحى فيه :)
الامتحان ملوش دعوة بس غالبا بيكون قبل التنسيق عشان تعرفى تكتبى الكلية ولا لا :)

supernour

13-09-2015, 01:46 PM

السلام عليكم
لو سمحت انا عايزه اعرف هل يوجد كلية تعلم
Tv motion graphics
انا ابنى فى ثانوى وبيحب يشتغل على برامج الافتر افيكت والسينما فور دى ونفسه يدخل كليه تنميه وتساعده فهل فى قسم فى كليه معينه للموضوع
مع جزيل الشكر

bahaaeldeen

23-09-2015, 10:21 AM

السلام عليكم
لو سمحت انا عايزه اعرف هل يوجد كلية تعلم
tv motion graphics
انا ابنى فى ثانوى وبيحب يشتغل على برامج الافتر افيكت والسينما فور دى ونفسه يدخل كليه تنميه وتساعده فهل فى قسم فى كليه معينه للموضوع
مع جزيل الشكر

اهلا بحضرتك
هو الحقيقة كليات الفنون الجميلة والتطبيقية مش بتوفر دة بشكل مباشر ولكن بتدى اساسيات يدوية يعنى خلفية فنية وتصميمية كويسة اوى والباقى فى الحجات دى بتبقى كورسات ف يمكن تعليمها وقتها بشكل سهل لكن الكلية مش هتقدر تديها بشكل مباشر ولكنها بتدى اساسيات :)

عمرو خالد علي

25-09-2015, 09:20 PM

انا طالب علمي رياضة دخلت حاسبات كان مجموعي يدخلني فنون عمارة بس ممتحنتش القدرات هل اقدر احول بعد سنة اولى و امتحن القدرات و لا لأ و شكرا مقدما

bahaaeldeen

03-10-2015, 03:42 AM

انا طالب علمي رياضة دخلت حاسبات كان مجموعي يدخلني فنون عمارة بس ممتحنتش القدرات هل اقدر احول بعد سنة اولى و امتحن القدرات و لا لأ و شكرا مقدما

للاسف فنون جميلة ليها نظام مختلف مينفعش تمتحن فى السنة بتاعتك لما كنت فى ثانوى و لازم تكون فى سنتك علشان تدخل سواء قدرات او تنسيق :)

supernour

12-10-2015, 12:07 AM

اهلا بحضرتك
هو الحقيقة كليات الفنون الجميلة والتطبيقية مش بتوفر دة بشكل مباشر ولكن بتدى اساسيات يدوية يعنى خلفية فنية وتصميمية كويسة اوى والباقى فى الحجات دى بتبقى كورسات ف يمكن تعليمها وقتها بشكل سهل لكن الكلية مش هتقدر تديها بشكل مباشر ولكنها بتدى اساسيات :)

اشكرك جدا على اهتمامك وردك على السؤال يجعله فى ميزان حسناتك ان شاء الله

bahaaeldeen

11-11-2015, 11:37 PM

اشكرك جدا على اهتمامك وردك على السؤال يجعله فى ميزان حسناتك ان شاء الله

العفو لا شكر على واجب وتحت امر حضرتك فى اى استفسار :)

bahaaeldeen

28-11-2015, 09:56 PM

ارجو نشر الموضوع لتعم الفائدة وجزاكم الله كل خير

bahaaeldeen

16-02-2016, 12:54 PM

بالتوفيق للجميع

إبراهيم العجمي

29-02-2016, 05:20 PM

امتحانات القدرات ل 2016 امتى ؟
فنون جميله

bahaaeldeen

29-02-2016, 07:03 PM

امتحانات القدرات ل 2016 امتى ؟
فنون جميله

اهلا بحضرتك
الامتحانات لسه لم تحدد وهتكون باذن الله بمواعيد سحب الاستمارات من مكتب التنسيق بعد انتهاء امتحانات الثانوية العامة المصرية باسبوع او اكثر
لكن الوافدين والطلبة المغتربين من لخارج امتحانهم للقدرات فى شهر 8 والدبلومات امتحان القدرات بعديهم ف نص 8

hasnaa_ahmed

04-03-2016, 05:26 PM

مشكوووووووووووووور جزاك الله خيراً

bahaaeldeen

23-03-2016, 07:58 PM

مشكوووووووووووووور جزاك الله خيراً

العفو يا افندم تحت امر حضرتك فى اى وقت :)

همس محمد احمد

02-04-2016, 12:43 AM

هى ممكن تاخد ثانوية ازهرية والمجموع كام فى العلمى والادبى ؟؟

bahaaeldeen

06-04-2016, 09:23 PM

هى ممكن تاخد ثانوية ازهرية والمجموع كام فى العلمى والادبى ؟؟

للاسف مش متاحة لثانوي ازهرى

ياسمينا السيد

25-05-2016, 02:00 PM

bahaaeldeen

01-06-2016, 01:23 AM

طب لو سمحت لو انا كلية علوم وعايزة احول فنون همتحن مع الوافدين والشهادات المعدلة ولا ليا امتحان لوحدي؟ وايه الحاجات المطلوبة الورق يعني؟ وانا عايزة ديكور وكنت علمي رياضة وبالتنسيق السنة اللي فاتت ادخلا هتحاسب بيه ولا بتنسيق السنة الجديدة؟

المفروض امتحان لوحدك بس فنون جميلة حلوان قافلة التحويلات عدا من كليات فنون جميلة
ف ممكن حضرتك تشوفى فنون المنصورة او اقاليم افضل وبتكون بتنسيق مع ادارة الكلية نفسها هما المسئولين عن كله
تنسيق السنة القديمة مش الجديدة

اشرف المصرى

01-06-2016, 01:23 PM

لو سمحت مش فى قرار من المجلس الاعلى للجامعات بالغاء التوزيع الجغرافى وكمان امتحان القدرات ويكتفى بمقابلة شخصية ؟؟

سامح زغلول

13-06-2016, 10:34 AM

ممكن اعرف اقسام فنون جميلة المنصوره ضروري

bahaaeldeen

18-06-2016, 03:05 PM

لو سمحت مش فى قرار من المجلس الاعلى للجامعات بالغاء التوزيع الجغرافى وكمان امتحان القدرات ويكتفى بمقابلة شخصية ؟؟

دة لكلية سياحة وفنادق وتمريض فقط

bahaaeldeen

18-06-2016, 03:30 PM

ممكن اعرف اقسام فنون جميلة المنصوره ضروري

ديكور وجرافيك وتصوير ونحت

Yarak

25-06-2016, 08:12 PM

لوسمحت انا ف تانية عمارة هندسة عين شمس وكنت عايزة اعرف شروط التحويل ايه لفنون جميلة وفنون تطبيقبة

سعد سعيد عبد المجيد

03-07-2016, 12:28 AM

bahaaeldeen

05-07-2016, 02:35 AM

لو سمحت هو نظام امتحان القدرات والتقديم ايه دلوقت ؟
بعد تأجيل الامتحانات وكدة انا صراحة مبقتش عارفة اعمل ايه اصلا ومش عارفة اروح اقدم ولا اخد كورس فين ..
لو سمحت تفيدني بجد عشان دايخة ومش لقيا حد اسئله انا ان شاء الله ناوية علي فنون جميلة قسم ديكور بس مش عارفة اقدم ازاي ولا نظام الامتحان ايه ولا اعمل ايه ... واسفة علي الاطالة

التقديم من اول يوم 11 لحد 20 على حسب الحروف الابجدية ومن اقرب مكتب تنسيق

الاثنين 11/7/2016 ((أ - ب - ت - ث))
الثلاثاء12/7/2016
الأربعاء13/7/2016 ((ج - ح - خ - د))
الخميس14/7/2016 ((ذ - ر - ز - س))
الجمعه15/7/2016 ((ش - ص - ض - ط))
السبت 16/7/2016 ((ظ- ع - غ - ف))
الأحد17/7/2016 ((ق - ك - ل - م))
الاثنين18/7/2016
الثلاثاء19/7/2016 ((ن - هـ - و - ى))
الأربعاء20/7/2016
(لجميع الطلاب الذين تخلفوا التي عن اليوم المخصص لهم)

فى كورسات بتقدمها الكلية شغالة حاليا

nada ehab ahmed

09-07-2016, 01:55 PM

انا ثانوية عامة دفعة 2015 و فتجارة انجليزى ينفع احول فنون جميلة و ادخل امتحان القدرات؟

اشرف المصرى

17-07-2016, 12:34 AM

هل يمكن سحب ملف القدرات من فرع مكتب التنسيق فى محافظتى ام لابد من محافظة الكليه نفسها ؟؟ ضرورى لو سمحتوا

سامر حرب

17-07-2016, 12:26 PM

طيب دلوقت انا اختى ادبى وعاوز ادخلها فنون جميله قسم ديكور جامعه الاسكندريه

لو سمحت هل فيه امتحانات قدرات؟
ولو فيه امتى مواعيده؟ وعباره عن ايه ؟
وياترى بيبقبل من كام مجموع من الادبى ؟
ولو لا قدر الله والمجموع مش وصلها ايه افضل كليه تدخلها فيها شغل ديكور او ازياء او اى شي تبع التصميمات لانها بجد موهوبه بالشغل دا كله ؟
اتمنى الرد على كلامى وشكرا لكم مقدما

bahaaeldeen

19-07-2016, 10:37 PM

انا ثانوية عامة دفعة 2015 و فتجارة انجليزى ينفع احول فنون جميلة و ادخل امتحان القدرات؟

للاسف لا ممكن تطبيقية او تربية فنية ونوعية

Mr. Bayoumy Ghreeb

20-07-2016, 12:12 AM

جزيل الشكر و الامتنان لحضرتك علي هذا الجهد

منال ع

30-07-2016, 01:42 PM

انا نجحت فى امتحانات القدرات لتربيه نوعيه

bahaaeldeen

02-08-2016, 06:35 PM

جزيل الشكر و الامتنان لحضرتك علي هذا الجهد

العفو يا افندم دة انا اللى بشكر حضرتك على التعليق الجميل ودة وسام شرف كبير اوى ليا :) :)

elkhayyat

06-08-2016, 10:44 AM

bahaaeldeen

14-08-2016, 05:20 PM

جزاك الله خير على هذا الموضوع..بنتى ثانوية عامة السنة دى محتارة بين علوم ورياضة ومتفوقه الحمد لله وعندها حس فنى عالى هل من رأى حضرتك تدخل رياضه ويبقى قدامها الهندسة والفنون ولا علوم ولو لا قدر الله ماجبتش مجموع تدخل فنون ولو سمحت لو حضرتك عندك معلومات عن فنون اسيوط لاننا من سوهاج شكرا لحضرتك جدا

فنون جميلة اسيوط لسه مستحدثة ومعنديش اى معلومات عنها للاسف
لكن المنيا قديمة وفيها كوادر كويسة جدا ومكان الكلية ممتاز جنب السكن بالظبط
انصح حضرتك انها تقدم علمى رياضة لانها بيكون متاح ليها كل الكليات والاقسام من اول عمارة لحد ديكور وجرافيك وتصوير وتربية فنية كمان وباذن الله تجيب مجموع عالى ياااااااااارب لان ديكور من 91 92 اما عمارة من 93

bahaaeldeen

02-11-2016, 12:57 AM

بالتوفيق لكم جميعا يارب

bahaaeldeen

14-11-2016, 02:05 AM

بالتوفيق للجميع يارب

yassena

18-11-2016, 10:27 PM

بالتوفيق للجميع يارب

bahaaeldeen

05-12-2016, 11:00 PM

بالتوفيق للجميع يارب

يااااااااااااااارب

khal2468

05-01-2017, 03:57 PM

لا إله إلا أنت سبحانك إني كنت من الظالمين

bahaaeldeen

10-02-2017, 01:16 PM

برجاء نشر البوست حتى تعم الفائدة وشكرا جزيلا للجميع

نادية نصار

17-04-2017, 05:28 PM

يا ريت لو فى نموذج لامتحان السنة السابقة لجامعة المنصورة والاسكندرية

اشرف عمار

02-07-2017, 02:37 AM

هي فنون تطبقيه بتقبل من ادبي

فضفضه

02-07-2017, 01:22 PM

بعد أنكم عايزة نماذج اسئلة لامتحان قدرات فنون تطبيقية

Eid Saleh

08-07-2017, 09:44 PM

ماذا لو تخلفت عن الموعد المحدد للاختبار؟؟
أرجو الرد

bahaaeldeen

12-07-2017, 11:28 PM

ماذا لو تخلفت عن الموعد المحدد للاختبار؟؟
أرجو الرد

اخر يوم 18 يوليو بالكتير

محمد سيد عويس

20-07-2017, 01:11 AM

نعرف النيجه ازى
رقم الجلوس(713606)

qkash

26-08-2017, 08:16 PM

تحياتي لك عزيزي بهاء

qkash

26-08-2017, 08:18 PM

Dr.Omar5

29-08-2017, 04:46 AM

حاسس ان النظام ده مش هيبقى حلو

bahaaeldeen

08-09-2017, 05:17 PM

جزيل الشكر والتقدير لك استاذ بهاء علي مجهودك الخرافي

وموضوعك مرجع مهم جداً لكل محبي كليات الفنون الجميلة بأقسامها المختلفة

وعندي سؤالين

انا بكالوريوس تجارة قديم قوي "ولم اعمل بهذا المجال السيء مطلقاً"

انا ايام الثانوي كان ترشيحي فنون جميلة قسم عمارة "جامعة المنيا" وكنت لائق عمارة وبسبب الغاء التوزيع الجغرافي في هذه السنة لم استطع التحويل لفنون جميلة اسكندرية "بلدي"

والتيار جرفني للتجارة اسوء كلية في التاريخ واسوء اختيار وقرار اخدته في حياتي

ولكن قدر الله وما شاء فعل

الان وبعد مرور السنين قررت ادرس الفنون الجميلة من البداية وقدمت في اختبار القدرات لخريجي المؤهلات العليا المتاح حالياً "بديل التعليم المفتوح"

سؤالي:
سمعت ان المصاريف الدراسية في فنون جميلة اسكندرية الخاصة بالمؤهلات العليا وصلت ل 8000 جنية وعرفت ان متاح لخريجي المعاهد المتوسطة وفوق المتوسطة ودبلوم الصناعي نظام 5 سنوات التقديم ايضاً

هل عند حضرتك فكرة عن تفاصيل الموضوع ؟

وسؤالي الثاني :هل مصاريف الكلية نفسها كثير من ادوات ولوحات واسكتشات وكورسات تقوية وغيره وغيره؟

وسمعت ان الحضور اساسي ولفترات طويلة وسكاشن ومحاضرات بصفة يوميةً ولعدد ساعات طويل

ومشكلتي انني متزوج وعندي ابناء ولهم احتياجات وتفاصيل يومية من مدارس وحضانات ودكاترة وغيره ووقتي مضغوط جداً ومعنديش وقت كتير فاضي

هل اقدر اتابع لو تم قبولي في الكلية ..ام ان الموضوع محتاج تفرغ كامل ؟؟؟؟؟؟

وسؤال خاص لحضرتك ...انت من اسكندرية؟

ولك جزيل الشكر والتقدير

اهلا بحضرتك وشكرا جدا على كلام حضرتك الجميل والرسالة المتميزة :):022yb4::022yb4:
هى فعلا أدوات الكلية مكلفة والادوات غليت بس فى حجات ارخص وفى حجات اغلى يعنى على حسب مصاريف حضرتك وفى ادوات بتحتاجها مرة واحدة بس وبتخلص بسرعة وفي ادوات بتعيش بال5 وال10 سنين كمان ف موضوع مصاريف الادوات على حسب احتياج حضرتك وغالبا كلنا بنجيب الارخص وبنستخدمه بطريقة معينة مفيش حاجة احسن من حاجة والموضوع بسيط محتاج بس تأقلم
الحقيقة نظام الكلية عملى والنظرى فيها قليل جدا ف مفيش شروط للداوم فى الحضور ولكن فى تسليم مشاريع وفي تقييم للوحات كل فترة وفترة الامتحانات بس اللى بتكون طويلة او فى مواد عملية تنفيذ
لكن للتعليم المفتوح بيراعوا ان في شغل لا داعى للقلق وبالتوفيق باذن الله مادام حضرتك حابب حاجة هتنجح فيها
اما بالنسبة بالكورسات دى بتيجى فى الاجازة وممكن تعلمها من خلال اليوتيوب المهم الدافع يكون موجود وكل حاجة هتبقى سهلة باذن الله
وتحت امر حضرتك فى اى وقت
انا للاسف من القاهرة واهلا بحضرتك فى اى وقت
وبعتذر للرد متأخر

bahaaeldeen

27-11-2017, 10:35 PM

اتمنى تشيروا البوست علشان الناس تعرف هتعمل ايه السنة دى

bahaaeldeen

13-03-2018, 12:25 AM

شير يا شباب

mahmoud salem hussein

15-03-2018, 11:57 PM

جزاك الله خيرا

bahaaeldeen

20-04-2018, 02:15 AM

برجاء اخبار زملائكم

bahaaeldeen

24-05-2018, 02:48 PM

بالتوفيق جميعا

ابو شيماء

25-06-2018, 12:04 AM

السلام عليكم ..متى يبدأ التقديم على الموقع الالكترونى ..التسجيل امتى و عايز رابط لوسمحتم

نادية نصار

02-07-2018, 07:38 PM

ممكن تنزل النظرى لقسم قنون

tarek_is

12-07-2018, 04:57 PM

بنتي امتحنت قدرات فنون جميله في المنصورة لو مجموعها مجابش المنصورة ممكن تقدم في أي مكان ثاني

السيد القهوجى

12-07-2018, 06:13 PM

شكرااااااااااااا وبارك الله فيك

moslama2001

18-10-2018, 02:22 PM

ممكن ملزمه لامتحانات القدرات والماتريل العملي والنظرى للعمارة والفنون لو سمحت

bahaaeldeen

24-10-2018, 11:02 PM

ممكن ملزمه لامتحانات القدرات والماتريل العملي والنظرى للعمارة والفنون لو سمحت

حاضر قريبا هتنزل هنا باذن الله

whept

27-06-2022, 01:00 PM

معليش اوختي استفسر عن مووضوع الكتب هل راح نشتري مراجع غير الاناتant ولا ع ملازم ومدكرات وفين راح نلقاها مكتبه في الجامعه ولا خارج الجامعه . وهل كل واحد يوم يختار الرغبه الاولى ان شاء الله يتخصص
رمضان كريم ويسلمو ع التعاون ... تحياتي