مشاهدة النسخة كاملة : يا ترى مين فينا احمد ؟؟!!


الرهينه
23-02-2008, 06:51 PM
استغفر الله العظيم
إستووا.. إعتدلوا.. إستقيموا يرحمكم الله

الله أكبر

الله أكبر

أحمد ركز بأه في الصلاة وبلاش تسرح،

طيب خلاص،

إمممم.. هو الراجل اللي جنبي ده صوابع رجليه عاملة كده ليه؟^_^

صباعه الكبير ده كبير أوي،

آه بمناسبة الصوابع هي صوابع زينب دي اللي هيا إيه؟

بيتهيألي دي اللي عاملة زي الزلابية،

زلابية؟؟ زلابية إيه بس وبتاع إيه

الله أكبر

أحمد ركز ياأحمد،

طيب ماأنا مركز أهوه،

مركز إيه طيب إنت قريت سورة إيه؟:confused:

أنا قريت سورة اللهب شفت بأه أنا مركز إزاي؟

لألأ دي كانت سورة الفيل :mad:

سمع الله لمن حمده

ربنا ولك الحمد،

أنا جعت،:mad:

بس مش عارف أفطر إيه النهاردة؟:confused:

آه المطعم الجديد اللي كانوا بيتكلموا عنه إمبارح،

بيقولوا عليه أكله حلو،

بس هو في شارع إيه؟:confused:

لما أخلّص الصلاة أتصل بالتليفون أعرف العنوان

;الله أكبر

هيا الساعة كام دلوقتي؟:confused:

زمانها أربعة وخمسة،

على فكرة هيا الساعة التانية الجلد كنت حطيتها فين؟:confused:

آه.. ياإما في الدرج ياإما في الدولاب،

دولاب ايه بس ياأحمد :mad:ركز ياأحمد إنت بتصلي، أستغفر الله

الله اكبر

أهوه أنا مركز أهوه،

إنظر لمكان السجود وركز في الأيات اللي بيقولها الإمام :mellow:

الله أكبر

الشيطان ده أعوذ بالله بيخلي الواحد يسرح

مش هو الشيطان بيتسلسل في رمضان،

يعني بيتسلسل تلاتين يوم،

أيوه بس هو رمضان ده تسعة وعشرين ولا تلاتين؟

هو إبتدى إمتى؟:confused:

تعالى نحسبها كده..

هو كان يوم السبت في السعودية وفي مصر الأحد

غريبة أوي الحكاية؟:rolleyes:

طيب لو واحد على الحدود ورجل بره ورجل جوه يصوم ولامايصومش؟

أحمد.. شفت أهوه إنت رجعت تسرح تاني

الله أكبر

هو إحنا في الركعة الكام؟:confused:

يعني هانقوم ولا هانقرأ التشهد؟:(

لا دي التانية،

طيب أقولك :rolleyes:

إتأخر شوية وشوف الي جنبك هايقوم يقف ولا يقعد يقرأ التشهد

الله أكبر
أيوه دي الركعة التانية،

شفت بأه عشان سعادتك عمال تسرح،

لأ خلاص أعوذ بالله من الشيطان الرجيم

الله أكبر

السجادة دي مريحة ولونها حلو،

هيا سجادة ولا موكيت،

لاموكيت بنسيج السجاد،

آه على فكرة إبقى إفتكر تكنس السجادة اللي في البيت بالمكنسة،

بس لازم أنضف كيس المكنسة عشان بقالي مده مانضفتوش :o

الله أكبر

الراجل اللي جنبي ده،

رجليه بتزق في رجلي،:mad:

طيب أحرك رجلي شوية،

الله ده بيلزقها فيا تاني،:mad:

أستغفر الله

الله أكبر

فيه صوت موبايل،

الناس دي ليه مش بتقفل الموبايل ساعة الصلاة..

مش عارفين ان ممكن ده يخلي الواحد مايركزش في الصلاة :D

مع إن فيه يافطة محطوطة على الباب مكتوب عليها إغلق الجوال من فضلك:mad:

وعليها صورة موبايل عليه علامة إكس..

بس هو الموبايل ده كان نوعه إيه؟:confused:

بيتهيألي سيمنس..

هيا إيه الرنة دي؟

آه أنا عايز أبقى أغير الرنة،

فاكر الموضوع اللي كتبته عن رنات الموبايل

الله أكبر

الراجل اللي جنبي ده عمال يتحرك كتير،

أستغفر الله مافيش خشوع خالص،:p

أنا أهوه مش باتحرك

السلام عليكم ورحمة الله

السلام عليكم ورحمة الله

إيه هيا الصلاة خلصت ؟

السلام عليكم ورحمة الله

السلام عليكم ورحمة الله

أستغفر الله العظيم







يا رب ما يكون حد فينا احمد



اللهم تقبل منا وتب علينا وارحمنا انك انت التواب الرحيم


منقول من ع الميل

Sharp Nails
26-02-2008, 12:12 AM
شكرا رهينة على الموضوع
انا كنت كدةوانا صغيرة
بس الحمد لله دلوقتى لا
بصلى حلو وبتركيز
الحمد لله

الرهينه
26-02-2008, 11:42 PM
شكرا رهينة على الموضوع
انا كنت كدةوانا صغيرة
بس الحمد لله دلوقتى لا
بصلى حلو وبتركيز
الحمد لله

الحمد لله وربنا يزيدك يا قمر

وبعدين انتى بتتكلمى رسمى اوى ليه كده

انا جهاد يا بنوته :)

منوره يا جميل

طمعانة فى رضاك يا رحمن
27-02-2008, 12:59 PM
الموضوع حلو جدا
ياريت اللي يدخل يدور علي نفسه هنا ويحاول يصلحها

شكرا لموضوعك الجميل جيجو

الرهينه
27-02-2008, 10:43 PM
الموضوع حلو جدا
ياريت اللي يدخل يدور علي نفسه هنا ويحاول يصلحها

شكرا لموضوعك الجميل جيجو

العفو حبيبتى

لو كل واحد شاف نفسه هنا هنلاقينا كلنا هنا:o ... للاسف هو ده بقى حالنا

ميرسى يا سمسم على مرورك:)

ayman_virus
27-02-2008, 10:48 PM
شكرا على الموضوع بجد هو مهم جدا ويا رب ميكنش فينا احمد
جزاكى الله خيرا

مس رانيا حسن
27-02-2008, 10:50 PM
جزاكى الله خيرا

وجعله فى ميزان حسناتك

الرهينه
27-02-2008, 11:51 PM
شكرا على الموضوع بجد هو مهم جدا ويا رب ميكنش فينا احمد
جزاكى الله خيرا

وجزاك اياه

ونتمنى ذلك من الله:)

ميرسى على مرور حضرتك

الرهينه
27-02-2008, 11:55 PM
جزاكى الله خيرا

وجعله فى ميزان حسناتك

وجزاك اياه استاذتى الفاضله

وميرسى على مرور حضرتك:)

طمعانة فى رضاك يا رحمن
28-02-2008, 12:01 AM
العفو حبيبتى

لو كل واحد شاف نفسه هنا هنلاقينا كلنا هنا:o ... للاسف هو ده بقى حالنا


ميرسى يا سمسم على مرورك:)


وفين القوه الاراديه بين كل ده
فين احترامي للصلاه
لا لازم نكون اقوي من كده
يارب مكنونش منهم

الاسطورة
28-02-2008, 12:03 AM
فعلا موضوع مهم
واما اخبيش عليكم ساعات كتير باكون احمد
بس انا باحاول اهوه اركز باقصى قدر ممكن
وجزاكى الله كل خير يا جهاد
بس انا حاسس ان الموضوع مكرر مش عارف ليه!

أمير اليأس
28-02-2008, 12:17 AM
موضوع جمييييل اوى وجزاكى الله خيرا
ويارب ميكونش فيه بينا احمد و لا نحب نكون زيه

الرهينه
28-02-2008, 12:38 AM
وفين القوه الاراديه بين كل ده
فين احترامي للصلاه
لا لازم نكون اقوي من كده
يارب مكنونش منهم

انا مش بقول احنا هنعمل ايه انا بقولك على واقع للاسف احنا عايشينه

يعنى مثلا فى مسجد ده مسمينه مسجد رجال الاعمال

فى واحد من رجال الاعمال دول بعد ما الصلاه خلصت قال فى ركعه ناقصه ومصمم سألوه ايه اللى خلاك متأكد كانوا مستغربين ان فى حد ف الجامع ده مركز اوى كده ف الصلاه

قالهم على مدار الاربع ركعات براجع حسابات الاربع محلات اللى عندى وانا راجعت تلاته فاضل واحد:mad:

شوفتى حالنا وصل لفين ؟؟؟:(

واتمنى من الله الا يبقى الوضع على ماهو عليه

وجزاك الله كل خير يا سمسم:)

الرهينه
28-02-2008, 12:41 AM
فعلا موضوع مهم
واما اخبيش عليكم ساعات كتير باكون احمد
بس انا باحاول اهوه اركز باقصى قدر ممكن
وجزاكى الله كل خير يا جهاد
بس انا حاسس ان الموضوع مكرر مش عارف ليه!

ده مجرد احساس يا اسطوره ما تخليش عواطفك تغلب على ذاكرتك:p

ميرسى على مرورك يا جميل وربنا يثبتك

ويجازيك كل خير

الرهينه
28-02-2008, 12:43 AM
موضوع جمييييل اوى وجزاكى الله خيرا
ويارب ميكونش فيه بينا احمد و لا نحب نكون زيه

وجزاك اياه اخى فى الله

ونتمنى ان ما يكونش فينا احمد

ميرسى لمرورك:)

المجاهد فى سبيل الله
28-02-2008, 04:30 PM
السلام عليكم ورحمة الله وبركاته
اختاه بصدق من فتره كبيره جدا لم استمتع من قرايت موضوع اد ما استمتعت وانا بقرا الموضوع ده
بصدق جزاكى ربى الجنه على هذا الموضوع
فعلا اخواتى الكرام ان السرحان فى الصلاه نقمه كبيره ومن اجلها قال عنها سيدنا ابن مسعود رضى الله وعنه فيما معناه
ان من رحمة الله علينا بتغير حرف فقط حرفواحد انقذنا من اللعن والنار
فى قوله تعالى (الذين هم عن صلاتهم ساهون ) تخيلوا كده يا اخوان لو قال فى صلاتهم
انها من رحمة الله علينا
جزاكىالله خيرا اختاه

همسه
29-02-2008, 01:48 PM
فعلا حاليا في كتير احمد
والله اذكر موقف واحده صاحبتي كنا بنصلي الظهر في جامع الكليه
وبعد ما خرجنا قالتلي اما اروح هعيدها تاني
والموقف ده اتكرر كتير فمره بقولها في ايه يا بنتي
لقيتها اتفتحت في العياط
وقالت انها مش بتعرف تركز في الصلاه خالص
مش عارفه بجد هل ده بسبب البعد الكبير اوي عن ربنا فعلا
ما بقاش في خشوع في الصلاه للاسف

فعلا حاليا ما عدتش المشكله ان الانسان مش بيصلي
لا المشكاله بيصلي دلوقتي تأدية واجب
بجد ده افظع بكتير اوي
ربنا يهدي المسلمين يا رب ويثبتنا على دينا

جزاك الله كل خير

الرهينه
29-02-2008, 04:33 PM
السلام عليكم ورحمة الله وبركاته
اختاه بصدق من فتره كبيره جدا لم استمتع من قرايت موضوع اد ما استمتعت وانا بقرا الموضوع ده
بصدق جزاكى ربى الجنه على هذا الموضوع
فعلا اخواتى الكرام ان السرحان فى الصلاه نقمه كبيره ومن اجلها قال عنها سيدنا ابن مسعود رضى الله وعنه فيما معناه
ان من رحمة الله علينا بتغير حرف فقط حرفواحد انقذنا من اللعن والنار
فى قوله تعالى (الذين هم عن صلاتهم ساهون ) تخيلوا كده يا اخوان لو قال فى صلاتهم
انها من رحمة الله علينا
جزاكىالله خيرا اختاه

وجزاك اياه اخى الفاضل

حقيقى سعدت كتير بمرور حضرتك

وفعلا رحمته سبقت عذابه

الرهينه
29-02-2008, 04:35 PM
فعلا حاليا في كتير احمد
والله اذكر موقف واحده صاحبتي كنا بنصلي الظهر في جامع الكليه
وبعد ما خرجنا قالتلي اما اروح هعيدها تاني
والموقف ده اتكرر كتير فمره بقولها في ايه يا بنتي
لقيتها اتفتحت في العياط
وقالت انها مش بتعرف تركز في الصلاه خالص
مش عارفه بجد هل ده بسبب البعد الكبير اوي عن ربنا فعلا
ما بقاش في خشوع في الصلاه للاسف

فعلا حاليا ما عدتش المشكله ان الانسان مش بيصلي
لا المشكاله بيصلي دلوقتي تأدية واجب
بجد ده افظع بكتير اوي
ربنا يهدي المسلمين يا رب ويثبتنا على دينا

جزاك الله كل خير


اللهم اميـــــــن

وجزاك اياه حبيبتى

وللاسف ده حال المسلمين دلوقتى طبعا الا من رحم ربى

اللهم اجعل صلاتنا عباده ولا تجعلها عاده

جزاك الله كل خير على مرورك حبيبتى

Sharp
10-12-2008, 11:13 PM
ميرسي علي الموضوع