مشاهدة النسخة كاملة : رجال اتحدوا من اجل مصر ( ابو اسماعيل-برادعى )


Sofia El-behairy
01-10-2011, 06:30 PM
http://www3.0zz0.com/2011/10/01/16/964112360.jpg (http://www.0zz0.com)

" انا هنتخب د البرادعى رئيسا لمصر"
اخرس يا ماسونى يا علمانى عاوز تنتخب ليبرالى علمانى بتنجانى يقلع امهاتنا و بناتنا ويحول مصر لكبريه وراقصه وكاس وعربده
" انا هنتخب الشيخ حازم ابو اسماعيل "
شت ايها الرجعى المتخلف المتشدد عاوز تنتخب اسلامى سلفى اصولى يلبس امهاتنا ويستر بناتنا ويحول مصر لاماره اسلاميه تطبق الشريعه وتنفذ الحدود
ابو اسماعيل والبرادعى هم اصدق واقوى مرشحين للرئاسه وانا سانتخب احدهما ان كان هناك انتخابات اصلا ، كفانا جهلا عدونا هو من سرق ودمر وخرب ببلادنا لاكثر من نصف قرن

مش مهم مين فيهم النائب و مين الرئيس بس المهم انهم حيعملوا لصالح مصر

احترم بشده الدكتور حازم ابو اسماعيل

احترم بشده الدكتور البرادعى

كفى اشاعات و تنديد بهؤلاء الشرفاء

يا ايها الذين امنوا ان جاءكم فاسق بنبا فتبينوا ان تصيبوا قوما بجهاله )

ونبي ونبي بلاش الموضوع يتقلب خناقه ..نقاش سلمى و براحه

Sofia El-behairy :)

aymaan noor
01-10-2011, 07:51 PM
موضوع رائع و جميل ياصوفيا
أنا سوف أنتخب البرادعى أن شاء الله ، و فى نفس الوقت أحترم الأستاذ حازم صلاح أبو اسماعيل و أحترم غيره أيضا من المرشحين الآخرين ، فمصر مليئة بالكفاءات والذين يصلحوا لقيادة مصر ،

nioten
01-10-2011, 10:21 PM
وهناك حمدين صباحى ايضا ولا ننسى محمد سليم العوا افضل مرشح لرئاسه الجمهوريه اسلامى معتدل وسطى مفكر اسلامى يصلح لقياده مصر لبر الامان وفق الله الجميع للخير

أبو إسراء A
02-10-2011, 09:49 PM
شتان بين الثرى والثريا ، وبين من قال أبى الإسلام لا أب لى سواه ، ومن قال الوطن نيو يورك ، وبين من أراد الحكم يشرع الرحمن ومن أراد الحكم بشرع بنى علمان ، والمقارنة تطول وهى أشبه بمقارنة السيف بالعصا .
وصدق الشاعر حين قال:

ألم تر أن السيف ينقص قدره ###إذا قيل إن السيف أمضى من العصا

Observer
02-10-2011, 10:21 PM
شتان الفرق بين من يدعم مرشحاً ويحترم الآخر وبين من يتعصب لمرشح وينكر الآخرين!

ارشميدس13
02-10-2011, 11:27 PM
فعلا لابد من احترام جميع الاراء

ارشميدس13
02-10-2011, 11:30 PM
شتان الفرق بين من يدعم مرشحاً ويحترم الآخر وبين من يتعصب لمرشح وينكر الآخرين!

ردك مقنع جدا اشكرك وبشده بالرغم من انى لا اعرفك

Observer
03-10-2011, 02:19 PM
ردك مقنع جدا اشكرك وبشده بالرغم من انى لا اعرفك

شكرى وتقديرى واحترامى لحضرتك

Sofia El-behairy
03-10-2011, 05:24 PM
شتان الفرق بين من يدعم مرشحاً ويحترم الآخر وبين من يتعصب لمرشح وينكر الآخرين!

عجزت كلامى على رد ...لكن ردك وصل كل شئ كنت عايزه اقوله

بجد شكرا و نورت الموضوع

للاسف مش عندنا ثقافه تقبل و احترام الاخر

و اى حد ابقى ضده فى الراى يبقى لازم اقلل من شانه

لا اله الا الله

Observer
03-10-2011, 07:19 PM
عجزت كلامى على رد ...لكن ردك وصل كل شئ كنت عايزه اقوله

بجد شكرا و نورت الموضوع

للاسف مش عندنا ثقافه تقبل و احترام الاخر

و اى حد ابقى ضده فى الراى يبقى لازم اقلل من شانه

لا اله الا الله

شكرا صوفيا على كلماتك الرقيقة
وللاسف يفتقر كثير منا لثقافة الراى والراى الاخر وهى ابسط متطلبات التعاطى فى السياسة لمن اراد خوضها
اشكرك كثيرا

أبو إسراء A
03-10-2011, 09:40 PM
طبعا يا صوفيا تعرفى تترجمى كلام البرادعى هذا

That I feel like home in New York that’s basically. New York is home for me

أبو إسراء A
03-10-2011, 09:41 PM
وهذا


But I’m not picking battles. Because my job is to add a ‘secular pope’, if you like, as described the Secretary General, and I think it applies to me.

أبو إسراء A
03-10-2011, 09:47 PM
وهذا

I never really felt that religion is a major factor I have to take into account.

أبو إسراء A
03-10-2011, 09:48 PM
more !!!
http://www.nytimes.com/2007/09/17/wo...ewanted=1&_r=3 (http://www.nytimes.com/2007/09/17/world/middleeast/elbaradei-sep.html?pagewanted=1&_r=3)

Sofia El-behairy
03-10-2011, 11:03 PM
more !!!
http://www.nytimes.com/2007/09/17/wo...ewanted=1&_r=3 (http://www.nytimes.com/2007/09/17/world/middleeast/elbaradei-sep.html?pagewanted=1&_r=3)

استاذى الفاضل

هذا الموضوع ليس للدفاع عن البرادعى او التنديد بيه

فهناك الكثير من مواضيع لى و لغيرى للدفاع عن اشاعات التى اطاحت للبرادعى و هناك ايضا مواضيع ضد برادعى مع احترامى لجميع اراء

اطلب من حضرتك دخول الحمله الرسميه للبرادعى و هذا يزيدنى شرف ..ليس دعايه لانتخابه فالبرادعى لا يحتاج لدعايه و لكن فقط لمعرفه حقيقه البرادعى ليس الا ...

يا استاذى انا احترم النقاش مع حضرتك كثيرا و اتمنى من حضرتك ان يكون لك نقد بناء على البرادعى

يعنى انا كنت ضد حازم ابو اسماعيل و لكن حاليا بعد ما قريت عنه اكثر و اكثر احترمته بشده رغم بعض انتقادات ..يعنى كل انسان طبيعى يكون له ايجابيات و سلبيات ...

دعنا ننظر لجميع الجوانب يا استاذى و ننقاش سويا و نتبادل اراء و الفكار و هذا سيزيدى شرف كبير انى اتحدث مع انسان ذو خبره مثلك فانا رغم اختلاف الراى اكن لك كل احترام ...هذا النقاش لا يفرض على رايك او العكس بل لمجرد تبادل الافكار و هذا يكفى ..انا متاكده ان الحمد الله نقدر على تقبل الاراء بعضنا البعض

شكرا لك و لمشاركتك فى الموضوع و اتمنى لك مزيد من المشاركات

https://www.facebook.com/ana.elbaradei انا البرادعى

https://www.facebook.com/Baradei.Presidency
Elbaradei 2011 البرادعي

https://www.facebook.com/ElBaradei.Defense
- حملة الدفاع عن الدكتور البرادعي

https://www.facebook.com/elbaradei100
لازم. الحملة الشعبية لدعم البرادعي ومطالب التغيير بالاسكندرية

https://www.facebook.com/elbaradei.egypt
د/ محمد البرادعى

https://www.facebook.com/RAN.NEWS
رصد البرادعي R.A.N ElBaradei

https://www.facebook.com/pages/2%D8%B1%D8%B5%D8%AF-%D8%A7%D9%84%D8%A8%D8%B1%D8%A7%D8%AF%D8%B9%D9%8A-RAN-ElBaradei/214390415270894

2رصد البرادعي R.A.N ElBaradei

https://www.facebook.com/vote.ElBaradei
صوتي للبرادعي. vote for ElBaradei

أ/رضا عطيه
03-10-2011, 11:27 PM
شكرا صوفيا على فتح نافذة للنقاش

مع اختلافى التام مع أحد طرفى التقارب

كما تعلمين جيدا وبدون زعل

فالإختلاف شىء والإحترام أمر حتمى لكل المرشحين

لأن الصندو ق هو المعيار والحكم

ولاوصا ية على أحد بعد اليوم

ولكن الحقيقة جئت هنا فقط مستغربا ومتعجبا

فوجدتنى مستمتعا بهذا الحوار

ماشاء الله

بالتوفيق ياصوفيا وشكرا على هذا الموضوع الرائع

ضياء الصباح

جهاد2000
03-10-2011, 11:30 PM
لماذا نرفض د/ البــــــــرادعـــــــــــــــــى

"بسم الله الرحمن الرحيم"

* اذ ا افترضنا ان د/ البرادعــى طول عمره موجود داخل مصر و فاهم مشاكلها

* اذا افترضنا انه لا علاقة له بضرب العــراق

*لو افترضنا ان د/ البرادعى كان من اشد المعارضين الحقيقيين للنظام السابق وانه قد عانى اشد المعاناه

*لو افترضنا انه لا يوجد فى مصر افضل من د/ البرادعى


فبالتأكيد نرفض البرادعى لسبب هام

جدا و هو انه يطالب بدوله مدنيه لا تطبق

الشريعه الاسلاميه كاملة و يكتفى بمبادئ

عامه..

وهذا السبب كاف لرفض الغالبيه العظمى

من الشعب المصرى له,وصندوق الانتخابات

هيثبت

قرأت هذا الموضوع فأعجبنى

http://www.thanwya.com/vb/showthread.php?t=357273&highlight=%E1%E3%C7%D0%C7+%C3%D1%DD%D6+%C7%E1%C8%D 1%C7%CF%DA%EC

جهاد2000
03-10-2011, 11:33 PM
الشعب المصرى يريد دولة إسلامية وظهر هذا واضحاً فى مليونية الإرادة الشعبية

والبرادعى يريد دولة مدنية ذو مرجعية علمانية

لذا نرفض البرادعى

العالم كله دستورة نابع من ديانتة وليس ديانتة فقط بل من الملة

فلماذا يستنكرون علينا رغبتنا فى أن تكون مصر دولة إسلامية

ودستورها نابع من الشريعة الإسلامية .

الهوية ضرورة لكل مجتمع وليست عار، وليست نقيضة ان ينص على ان
الشريعة الاسلامية هي المصدر الرئيسى للتشريع
وهذا النص في حد ذاته لا يلغى او ينكر حقوق الاخر كما سنرى الان ، بل ولا يقارن مطلقا بما تنص عليه دساتير الدول المدنية الاوربية .... بل نجد نصوصه ارقي مستوى من دول تدعي بانها مدنية ديمقراطية حضارية فلنتعرف على نصوص دستور عينة من تلك الدول

ـ الدستور اليوناني :
ينص في المادة الأولــــــــــــــــــــي أن المذهب الرسمي للأمة اليونانية هو مذهب الكنيسة الأرثوذكسية الشرقية وفي المادة47 من الدستور اليوناني كل من يعتلي عرش اليونان يجب أن يكون مـــــــــــــــــن اتباع الكنيسة الأرثوذكسية الشرقية.

فلنــــــــــــــرى ما هو الوضع في اليونان
فرغم وجود الملايين من المسيحيين في اليونان يتبعون الملة الكاثوليكية والبروتستانتية و الديانة الإسلامية ، فلم يعترض أحد علي تلك المادة من الدستور اليوناني ، فهل نصت المادة الثانية على تلك الدرجة من التحديد.

الدستور الدانماركي :
ينص في المادة الأولـــــــــــــي للبند رقم5 علي أن يكون الملك مــــــــــــــن أتباع الكنيسة الإنجيلية اللوثرية, وفي البند رقم3 من المادة الأولي الدستور الدانماركي للكنيسة الإنجيلية اللوثرية هي الكنيسة الأم المعترف بها في الدانمارك.

فلنــــــــــرى ونفتح العيون جيدا
بالرغم من وجود الكثير من أتباع الملة الأرثوذكسية والملة الكاثوليكية بالاضافة الى الديانة الإسلامية ، فلم يعترض أحد علي المادة الأولي من الدستور الدانماركي.

الدستور الإسباني:
تنص المادة السابعة من الدستور الإسباني علي أنه يجب أن يكون رئيس الدولة مــــــــــــــــــــن رعايا الكنيسة الكاثوليكية وفي المادة التاسعة من الدستور الإسباني علي : أن علي الدولة رسميا حماية اعتناق وممارسة شعائر المذهب الكاثوليكي باعتباره المذهب الرسمي لها.

بل رأينـــــــــــــــــا مدى التحديد والحماية
تأكيد الحماية المطلق للكاثوليكية ، فهل طالب أحد من أصحاب المذهب الأرثوذكسي أو البروتستانتي أو الديانة الإسلامية بإلغاء المادة التاسعة من الدستور الإسباني طالما أن المفهوم أن الغالبية من رعايا إسبانيا من أصحاب الملة الكاثوليكية؟

الدستور السويدي :
في المادة الرابعة من الدستور السويدي تنص: يجب أن يكون الملك مـــــن أتباع المــــــــــذهب الإنجيلي الخالص, كمـــــــــــــــــا ينص علي ذلك بالنسبة لأعضاء المجلـــــــــــــــس الوطني وهو البرلمان.

أرأيتـــــــــــــــــــــــــــــــــم هل وصل بدستورنا الامر لهذا المستوى
رغم وجود الكثير من أتباع الملة الأرثوذكسية والكاثوليكية و الديانة الإسلامية في السويد ـ هل طالب أحد بإلغاء المادة الرابعة من الدستور السويدي و علي الرغم من أن يكون أعضاء البرلمان مــــــــــــــــــــــــــن الإنجيليين فقط, فيه مخالفا لمواثيق الأمم المتحدة والإعلان العالمي لحقوق الإنسان الصادر عام.1948
فهل وصل دستورنا لهذا المستوى

Sofia El-behairy
03-10-2011, 11:42 PM
شكرا صوفيا على فتح نافذة للنقاش

مع اختلافى التام مع أحد طرفى التقارب

كما تعلمين جيدا وبدون زعل

فالإختلاف شىء والإحترام أمر حتمى لكل المرشحين

لأن الصندو ق هو المعيار والحكم

ولاوصا ية على أحد بعد اليوم

ولكن الحقيقة جئت هنا فقط مستغربا ومتعجبا

فوجدتنى مستمتعا بهذا الحوار

ماشاء الله

بالتوفيق ياصوفيا وشكرا على هذا الموضوع الرائع

ضياء الصباح



ده شرف ليا تواجدك فى موضوعى المتواضع و اختلاف الراى عندى لا يهمنى و لا يشغل اى مساحه عندى ..

انا لا اهتم باختلاف الراى و لا بالجنسيه و لا ديانه و لا اللون ..فانا اتعامل مع شخص ليس بمنهجه و فكره الخاص او عقيته و جنسيته انما اتعامل مع شخص بشخصيته و اخلاقه

انا اتقبل جميع اراء و احترمها حتى ان اختلفت معها و استمع بالنقاش مع راى الاخر ..بغرض تبادر الاراء و توسيع العقل ....


شئ يسعدنى ان حضرتك استمتعت بالموضوع


طالبتك صوفيا :)

MRAHLAWY
04-10-2011, 10:29 AM
مـــــــــــــــصــــــــــــــرأولا وبعدين نشوف هنختار مين للرئاسة عايزين نعمل تصويت في المنتدي هيرشحو مين لانتخابات الرياسة 1؟؟؟؟؟؟؟؟؟؟؟؟؟؟؟؟

MRAHLAWY
04-10-2011, 10:30 AM
يــــــــــــــــــــــــــــــــــــا رب أحـــــــــــــــــمــــــــــــــــــــي مـــــــــــــــــصــــــــــــــــــــــــر

MRAHLAWY
04-10-2011, 10:32 AM
وشــــــــــــــــــــــــــــكــــــــــــــرا علي موضوعك الرائع صـــوفيا وبالتوفيق

عبد الله الرفاعي
04-10-2011, 06:51 PM
مؤمن بالبرادعي ؟ أديله صوتك
مش عاجبك .. متديلوش ..

شايف حازم صلاح ابو اسماعيل شيخ ؟ احضرلو دروس ..
شايفه رئيس جمهورية انتخبه ..
... ...
بتحب الإخوان ؟ انضم ليهم
مبتحبهمش .. سيبهم في حالهم متشتمهمش ..

شايف الأهلي بيكسب بالتحكيم ؟ شجع الزمالك
شايف الزمالك بيخسر كل الماتشات و فريق تعبان .. شجع الاهلي

مش مقتنع بالاعتصامات؟ ماتنزلش
مقتنع .. انزل من غير متشتم و لا تخون الي مبينزلش

كُل اللي يعجبك ، و البس اللي يعجبك
و مالكش دعوه باللي يعجب الناس !!

حمامة فلسطين
04-10-2011, 08:55 PM
موضوع جميل وانا رأيى تماما مع جهاد
وجمعة الارادة الشعبيه تثبت
والله المسلمين والمسيحين عامة بيرضوا بحكم الاسلام حتى لو مش عارفين ان ده حكمه ولا لأ
وعندى مواقف كتير مرت بيا
خاصة فى مواضيع توزيع الميراث
وحاجات غيرها كتير بيتحاكموا لشريعتنا لانه وببساطه دستور حياة
انا نفسى باى شخص يحكم بشرع الله كاملا

nioten
04-10-2011, 11:10 PM
مؤمن بالبرادعي ؟ أديله صوتك
مش عاجبك .. متديلوش ..

شايف حازم صلاح ابو اسماعيل شيخ ؟ احضرلو دروس ..
شايفه رئيس جمهورية انتخبه ..
... ...
بتحب الإخوان ؟ انضم ليهم
مبتحبهمش .. سيبهم في حالهم متشتمهمش ..

شايف الأهلي بيكسب بالتحكيم ؟ شجع الزمالك
شايف الزمالك بيخسر كل الماتشات و فريق تعبان .. شجع الاهلي

مش مقتنع بالاعتصامات؟ ماتنزلش
مقتنع .. انزل من غير متشتم و لا تخون الي مبينزلش

كُل اللي يعجبك ، و البس اللي يعجبك
و مالكش دعوه باللي يعجب الناس !!

لا طبعا شعارنا حيكون عايز حازم ابواسماعيل انتخبه وبالمره كمااااااااااان نسب اى حد قوى زى البرادعى اقوى مرشح للرئاسه