السلام عليكم

انا بطرح السؤال للمرة التانيه

انا ناوى ان شاء الله اشتغل فى مجال الديكور والعمارة الخارجيه

بس مجموعى ميوصلنيش لهندسه او فنون جميله

ففكرت انى ادرس تربيه فنيه ( تثقيف بالفن ) واتخصص اعمال خشبيه وبعد الجامعه ادرس عمارة برا مصر ان شاء الله

الى عايز اعرفه كام سؤال بقى



هل مستوى الجامعه من نحيه الماده العلميه يوصلنى للى انا عايزه فى الديكور
هل امتحانات القدرات بتاعت الجامعه مستوى صعوبتها ايه ومستوى صعوبه منهج الجامعه ايه

لما اتخرج منها حبقى تربوى ولا تشكيلى


والف شكر يا رجاله

لا من ناحيه الماده العلميه مش يوصلك لازم اجتهادات شخصيه وتكون بتمارس الديكور مع مهندس ديكور ايام الدراسه . عشان تبقي محترف لما تيجي تتخرج .

مستوي الصعوبه بيختلف من دكتور لاخر .....وده اللي الطلبه بيطالبوا بيه حاليا توخيد المنهج .مش يبقوا حقل تجارب لرسايل المجستير والدكتوراه ..والمشاريع بتتاخد كنماذج والامتحان حاجه تالته خالص

لما تتخرج حتبقي فنان تشكيلي لو اجتهدت انت وحاولت تتعلم ويكون ليك اسلوب .وبتكون تربوي لو اتعينت في مدرسه وفرض عليك التدريس .ولازم توصل معلومه للطلبه وتجتهد في التجديد في شغلك في كلا الحالتين

او في ناس دفعتنا بدأ يميل لماده معينه زي النجاره مثلا واتعلم مع ناس بره الكليه في ورش وفتح ورشه في الاخر .وفيه اللي عمل كده في الخزف وفيه اللي اشتغل مع مهندس ديكور وفيه اللي اشتغل في وكاله اعلان وفيه اللي هج وساب البلد وربنا وفقه هناك .وكله حسب تخطيطك لنفسك انت عايز ايه .!
وربنا معاك ويوفقك